ᑯᕉᓂᑲ ᐂᑉᐸᖏᑦ 6:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑐᓴᖁᓪᓗᑎᓪᓗ ᐱᔨᕕᑦ ᐃᓴᕆᐊᓕᒥᐅᓪᓗ ᐃᓄᖏᑕ ᕿᓄᓂᖏᓐᓂᒃ, ᑐᒃᓯᐊᕐᑎᓪᓗᒋᑦ ᑕᕝᕙᓂ ᐃᓂᒋᓕᕐᑕᖓᓂ; ᑐᓴᕆᑦ ᐃᓂᒋᔭᕐᓂᑦ ᕿᓚᖕᒥᑦ; ᑐᓴᕈᕕᓪᓗ ᐃᓱᒪᒋᔪᓐᓁᕐᕕᒋᒃᑭᑦ.

ᑯᕉᓂᑲ ᐂᑉᐸᖏᑦ 6:21 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 30:27

ᑕᕝᕙ ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ ᒪᑭᓪᓗᑎᒃ ᐃᓄᐃᑦ ᓮᒻᒪᕐᑎᑉᐰᑦ, ᓂᐱᖏᓪᓗ ᑐᓴᕐᑕᐅᕗᑦ, ᑐᒃᓯᐊᕐᓂᖏᓪᓗ ᑎᑭᐅᑎᕗᑦ ᐃᑦᔪᕐᓁᑦᑑᑉ ᐃᓂᖓᓄᑦ ᕿᓚᖕᒧᑦ.

ᑯᕉᓂᑲ ᐂᑉᐸᖏᑦ 6:22

“ᓇᓪᓕᐊᑦ ᐊᔪᕐᑐᓕᒃᐸᑦ ᐃᓅᖃᑎᒥᓄᑦ ᐅᖃᕕᒡᓗᓂᓗ ᐊᖏᒻᒪᕆᒃᑎᑕᐅᒃᐸᑦ, ᐂᓗᓂᓗ ᑐᓂᕐᕈᓯᕐᕕᒃᐱᑦ ᓵᖓᓂ ᐅᖃᕕᒡᓗᓂ ᐊᖏᒻᒪᕆᒃᐸᑦ ᐅᕙᓂ ᐃᒡᓗᒥ,

ᑯᕉᓂᑲ ᐂᑉᐸᖏᑦ 6:39

ᑕᕝᕙ ᑐᓴᓚᐅᒃᑭᑦ ᕿᓚᖕᒥᑦ ᐃᓂᒋᔭᕐᓂᑦ ᑐᒃᓯᐊᕐᓂᖏᑦ ᕿᓄᓂᖏᓪᓗ, ᐃᑲᔪᓚᐅᒃᑭᑦ ᑭᓐᖒᒪᒋᔭᖏᓐᓂᑦ ᐃᓱᒪᒋᔪᓐᓁᕐᓗᒋᓪᓗ ᐃᓄᖁᑎᑎᑦ ᐃᓕᖕᓄᑦ ᐊᔪᕐᑐᓕᓯᒪᓂᖏᓐᓂᑦ.

ᐃᓐᖏᕈᑎᑦ 123:1

ᐃᓕᖕᓄᑦ ᐋᕐᓗᕐᐳᖓ, ᕿᓚᖕᓂ ᐊᖓᔪᖅᑲᐅᕕᖃᕐᑐᑎᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:2

ᖃᓃᑦ ᑐᐊᕕᕐᑎᓐᓂᐊᕐᓇᒍ, ᐆᒻᒪᑏᓪᓗ ᑐᐊᕕᕐᓗᓂ ᓂᓪᓕᐊᑎᓐᓂᐊᕐᓇᒍ ᒎᑎᐅᑉ ᓵᖓᓂ. ᒎᑎ ᕿᓚᖕᒦᒻᒪᑦ, ᐃᕝᕕᓗ ᓄᓇᒦᓐᓇᕕᑦ; ᑍᒤᒻᒪᑦ ᐅᖃᐅᓯᕐᑎᑦ ᐅᓄᕐᓯᑎᓐᓂᐊᕐᓇᒋᑦ.

ᐂᓮᐊᓯᐅᑉ ᐊᒡᓚᖏᑦ 18:4

ᐊᑕᓂᐅᑉ ᐃᒫᒃ ᐅᖃᕐᕕᒋᖕᒪᖓ: “ᓂᐱᖃᖏᓪᓗᖓ ᑕᑯᓐᓇᕈᒪᕙᑦᓯ ᐃᓂᒋᔭᓐᓂᑦ ᓯᓚᑦᓯᐊᖑᑎᓪᓗᒍ ᓯᕿᓂᕐᒧᑦ ᐆᓇᕐᑎᑕᐅᔪᑎᑐᑦ, ᓄᕗᔭᑎᑐᓪᓗ ᖃᐅᓯᕐᑎᑦᓯᔪᑎᑐᑦ ᐱᕈᕐᑐᓂᒃ ᑲᑎᕐᓱᐃᕕᖕᒥ ᐅᖅᑰᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 43:25

ᐅᕙᖓ, ᓇᖕᒥᓂᖅ ᐅᕙᖓᐅᕗᖅ ᐊᔪᕐᑐᓕᓂᓯ ᐲᔭᓚᐅᕐᐸᒃᑲ ᐅᕙᖓ ᓇᖕᒥᓂᖅ ᐱᑦᔪᑎᒋᓪᓗᖓ, ᐃᖅᑲᐅᒪᓂᐊᕈᓐᓃᕐᐸᒃᑲᓗ ᐊᔪᕐᓂᓯ.

ᐂᓮᐊᓯᐅᑉ ᐊᒡᓚᖏᑦ 44:22

ᐱᐅᖏᑦᑐᓕᓂᓯ ᐊᖑᐊᓚᐅᕐᐸᒃᑲ ᓄᕗᔭᕐᓗᒃᑎᑐᑦ, ᐊᔪᕐᑐᓕᓂᓯᓗ ᓄᕗᔭᑎᑐᑦ ᐊᖑᐊᕐᓗᒋᑦ, ᐅᕙᓐᓄᑦ ᐅᑎᕆᑦᓯ, ᓴᑐᕐᑕᐅᕕᒃᓴᓕᐅᕐᓯᒪᓕᕋᑦᓯ.”

ᐂᓮᐊᓯᐅᑉ ᐊᒡᓚᖏᑦ 57:15

ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 9:19

ᐊᑕᓃᖅ ᑐᓵᓚᐅᕆᑦ! ᐊᑕᓃᖅ ᐃᓱᒪᒋᔪᓐᓁᕐᕕᒋᓚᐅᒃᑭᑦ! ᐊᑕᓃᖅ, ᑐᓵᔭᑎᑦ ᒪᓕᒡᓗᒋᑦ ᐱᓇᓱᐊᓕᕆᑦ ᐅᑕᕿᖏᓪᓗᑎᑦ! ᐃᓕᖕᓂᒃ ᐱᑦᔪᑎᒋᓪᓗᑎᑦ, ᒎᑎᒐ ᐅᑕᕿᓐᖏᓚᐅᕆᑦ, ᐃᒡᓗᒐᓴᖁᑎᑎᑦ ᐃᓄᖁᑎᑎᓪᓗ ᐃᕝᕕᑦ ᐊᑎᕐᓂᒃ ᑍᒍᓯᖃᕐᒪᑕ.”

ᒤᑲᐅᑉ ᐊᒡᓚᖏᑦ 7:18

ᑭᓇ ᐃᓕᒃᑐᑦ ᒎᑎᐅᕙ, ᐃᓱᒪᒋᔪᓐᓁᕐᓯᔪᓐᓇᕐᑐᖅ ᐱᐅᖏᑦᑐᓕᓂᕐᓂᒃ ᐊᔪᕐᑐᓕᓂᕐᓂᒡᓗ ᐊᒥᐊᒃᑰᔪᓄᑦ ᐃᓄᖁᑎᒥᓄᑦ ᑭᖑᕚᕆᔭᐅᔪᓄᑦ, ᓂᓐᖓᐅᒤᓐᓇᕈᓐᓇᖏᑦᑐᖅ ᖁᕕᐊᒋᔭᖃᕋᒥ ᓇᒡᓕᖕᓂᕐᒥᒃ ᓱᖁᓯᔪᐃᑦᑐᒥᒃ.

ᒫᑎᐅᓯᐅᑉ ᐊᒡᓚᖏᑦ 6:12

ᐱᐅᖏᑦᑐᓕᓂᕗᑦ ᐃᓱᒪᒋᔪᓐᓁᒃᑭᑦ, ᑍᒫᒃᑕᐅᖅ ᐃᓅᖃᑎᑦᑕ ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓁᕋᑦᑎᒍ.

ᒫᑎᐅᓯᐅᑉ ᐊᒡᓚᖏᑦ 6:9

ᑍᒤᒻᒪᑦ ᐃᒫᒃ ᑕᕝᕙ ᑐᒃᓯᐊᕐᑐᒃᓴᐅᕗᓯ: ‘ᐊᑖᑕᕗᑦ ᕿᓚᖕᒦᑦᑐᑎᑦ: ᐊᑏᑦ ᐃᑦᔪᕐᓁᑦᑐᖅ ᐃᓱᒪᒋᔭᐅᑦᓯᐊᕐᓕ;