2 ᐃᒡᓗᓕᐅᓚᐅᕐᐸᒋᑦ ᐱᐅᔪᒻᒪᕆᐊᓗᖕᒥᒃ, ᐃᓂᒋᓂᐊᕐᑕᕐᓂᒃ ᐃᓱᖃᖏᑦᑐᒧᑦ.”
ᑖᓐᓇ ᓴᓇᔪᒫᕐᐳᖅ ᐃᒡᓗᒃᓴᓐᓂᒃ, ᑖᑦᓱᒪᓗ ᐊᖓᔪᖅᑲᐅᕕᖓ ᑲᔪᓯᑎᑦᓱᒫᕐᐸᕋ ᐃᓱᖃᖏᑦᑐᒧᑦ.
ᐱᐅᔪᒻᒪᕆᐊᓗᖕᒥᒃ ᐊᖏᒡᓕᑎᕐᑕᐅᕕᒃᓴᕐᓂᒃ ᓴᓇᓯᒪᕗᖓ ᐃᒡᓗᒃᓴᕐᓂᒃ, ᐃᓂᒋᓂᐊᕐᑕᕐᓂᒃ ᐃᓱᖃᖏᑦᑐᒧᑦ.”
ᑖᓐᓇ ᐅᕙᓐᓄᑦ ᐃᒡᓗᓕᐅᕈᒫᕐᐳᖅ, ᑖᑦᓱᒪᓗ ᐃᒃᓯᕙᐅᑕᕐᔪᐊᖓ ᑲᔪᓯᑎᑦᓱᒫᕐᐸᕋ ᐃᓱᖃᖏᑦᑐᒧᑦ.
ᑕᕝᕙ ᑍᕕᑎᐅᑉ ᐃᕐᓂᓂ ᓲᓗᒨᓂ ᐅᖃᐅᑎᕚ, “ᓲᖑᓕᕆᑦ ᑲᑦᓱᖎᑦᓯᐊᕐᓗᑎᓪᓗ, ᐱᓇᓱᐊᕈᒫᕐᐳᑎᑦ. ᓯᕘᕋᖏᓪᓗᑎᑦ, ᓴᐱᕐᑍᓕᓗᑎᑦ; ᐊᑕᓂᐅᑉ ᒎᑎᐅᑉ, ᐊᒡᓛᑦ ᒎᑎᒪ ᐃᓚᒋᖕᒪᑎᑦ. ᑖᑦᓱᒪ ᕿᒪᖕᓂᐊᓐᖏᓛᑎᑦ ᐊᓚᕐᓂᐊᓐᖏᓛᑎᓪᓗ, ᐱᔭᕇᓚᐅᖅᑳᕐᑎᓐᓇᑎᑦ ᐱᓇᓱᐊᕆᐊᓕᖕᓂᒃ ᐱᔨᑦᓯᕐᓂᓕᒫᕐᓂ ᐊᑕᓂᐅᑉ ᐃᒡᓗᖓᓂᒃ.
ᐅᖃᐅᑎᓚᐅᕐᒪᖓ, ‘ᐃᕐᓂᕕᑦ ᓲᓗᒨᓂᐅᑉ ᐃᒡᓗᓕᐅᕈᒫᕐᐹᖓ ᐊᕙᓗᖃᕐᓗᒍ, ᑖᓐᓇ ᓂᕈᐊᓚᐅᕋᒃᑯ ᐃᕐᓂᕆᔪᒪᓪᓗᒍ, ᑖᑦᓱᒪᓗ ᐊᑖᑕᒋᓂᐊᕐᐹᖓ.
(ᑍᕕᑎᐅᑉ ᑕᒪᐅᓐᖓᓚᐅᕐᒪᒍ ᒎᑎᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓ ᑭᕆᐊᑦ-ᔨᕆᒻᒥᑦ ᐃᓂᒃᓴᓕᐅᕐᓗᒍ ᑐᐱᓕᐅᓚᐅᕐᒪᑦ ᑖᑦᓱᒪ ᐃᓂᒃᓴᖓᓂᒃ ᔨᕉᓴᓕᒥ.)
ᑕᕝᕙ ᓲᓗᒨᓂ ᐅᖃᕐᐳᖅ: “ᐊᑕᓂᖅ ᐅᖃᓚᐅᕐᐳᖅ ᐃᓂᖃᕐᓂᐊᕐᓂᕋᕐᓗᓂ ᓄᕗᑦᑕᕆᒃᑐᒥ,
ᑕᕝᕙ ᐊᖓᔪᖅᑳᕐᔪᐊᑉ ᐃᓴᕆᐊᓕᒥᐅᓕᒫᑦ ᑲᑎᒪᔪᑦ ᓵᓪᓗᒋᑦ, ᓮᒻᒪᕐᑎᑉᐰᑦ ᐃᓴᕆᐊᓕᒥᐅᑦ, ᑲᑎᒪᔪᓕᒫᑦ ᓇᖏᕐᑎᓪᓗᒋᑦ.
ᐊᒻᒪᓗ ᒎᓗᐃᑦ ᓯᐅᓪᕕᕇᓪᓗ ᓇᒃᓴᕐᑕᒃᓴᕆᕙᑎᑦ ᑐᓂᔭᕗᑦ ᑲᑎᒪᔨᖁᑎᒃᑲᓗ ᐃᓴᕆᐊᓕᐅᑉ ᒎᑎᖓᓄᑦ, ᑐᒃᓯᐊᕐᕕᖁᑎᖃᕐᑐᒧᑦ ᔨᕉᓴᓕᒥ.
ᐊᒻᒪᓗ ᓇᒃᓴᕐᑕᒃᓴᕆᕙᓯ ᓯᐅᓪᕕᕇᑦ ᒎᓗᐃᓪᓗ ᐱᓚᐅᕐᑕᓯ ᐹᐱᓘᓂᐅᑉ ᓄᓇᖁᑎᖓᓂᑦ ᑐᓂᕐᕈᑎᒋᔭᐅᔪᓪᓗ ᐃᓴᕆᐊᓕᐅᑉ ᐃᓄᖁᑎᖏᓐᓂᑦ ᑐᓂᕐᕈᓯᕐᑎᑦᓯᔨᖁᑎᖏᑦᑕᓗ ᐃᓱᒪᕐᓱᕐᓗᑎᒃ ᑐᓂᓚᐅᕐᑕᖏᑦ, ᑖᒃᑯᐊ ᐃᓱᒪᕐᓱᕐᓗᑎᒃ ᑐᓂᔭᐅᔪᒃᓴᐅᕗᑦ ᑐᒃᓯᐊᕐᕕᒡᔪᐊᒧᑦ ᒎᑎᒥᖕᓄᑦ ᔨᕉᓴᓕᒦᑦᑐᒧ.
ᐊᑕᓂᐅᑉ ᐃᓂᒃᓴᖓᓂᒃ ᓇᓂᓯᓚᐅᖅᑳᕐᓇᖓ, ᐊᖏᕐᕋᒃᓴᐅᓂᐊᕐᑐᒥᒃ ᐊᔪᒐᖃᖏᑦᑐᕐᔪᐊᒧᑦ ᔧᑰᑉ ᒎᑎᖓᓄᑦ.”
ᐊᑕᓂᖅ ᓂᕐᑐᕐᑕᐅᓕ ᓮᐅᓂᒥᑦ, ᑖᓐᓇ ᔨᕉᓴᓕᒥ ᐃᓂᖃᕐᑐᖅ! ᐊᑕᓂᖅ ᓂᕐᑐᕐᓯᐅᒃ!
ᐃᓄᐃᑦ ᐃᑎᓕᕐᐸᑕ ᐊᖓᔪᖅᑳᖅ ᐃᑎᖃᑕᐅᔪᒃᓴᐅᕗᖅ ᐊᑕᐅᑦᓯᒃᑯᑦ ᐃᑎᖃᑎᒋᓗᒋᑦ; ᐊᓂᓕᕐᐸᑕᓗ ᐊᓂᖃᑕᐅᖕᒥᓗᓂ.
ᓂᐱᕐᔪᐊᒥᒡᓗ ᑐᓴᕐᐳᖓ ᐃᒃᓯᕙᐅᑕᕐᔪᐊᕐᒥᑦ ᐅᖃᕐᑐᒥᒃ, “ᑕᑯᒋᑦ, ᒎᑎ ᓄᓇᖃᖃᑦᑕᐅᓂᐊᓕᕐᐳᖅ ᐃᓄᖕᓄᑦ. ᑖᑦᓱᒪ ᐃᒡᓗᒥᐅᖃᑎᒋᓂᐊᕐᐰᑦ, ᑖᑦᓱᒪᓗ ᐃᓄᖁᑎᒋᓂᐊᕐᐰᑦ, ᒎᑎᐅᓪᓗ ᓇᖕᒥᓂᖅ ᓇᔪᕐᓂᐊᕐᐰᑦ ᒎᑎᒋᔭᐅᓗᓂ.
