ᑯᕉᓂᑲ ᐂᑉᐸᖏᑦ 5:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑐᓂᕐᕈᓯᕐᑎᑦᓯᔩᓪᓗ ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓ ᐊᒡᔭᕐᐹᑦ ᑕᕝᕗᖓ ᐃᓂᒃᓴᖓᓄᑦ, ᐃᑦᔪᕐᓁᑦᑐᕕᐅᑉ ᐃᓗᐊᓄᑦ ᑐᒃᓯᐊᕐᕕᒡᔪᐊᕐᒧᑦ ᐃᑦᔪᕐᓁᓐᓂᕐᐹᒧᑦ, ᓯᕋᐱᐅᑉ ᐃᓴᕈᖏᑕ ᐊᑖᓅᐊᕐᓗᒍ.

ᑯᕉᓂᑲ ᐂᑉᐸᖏᑦ 5:7 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 22:19

ᐆᒻᒪᑎᓯ ᑕᕐᓂᓯᓗ ᐱᕕᒃᓴᖃᕐᑎᓯᒋᒃ ᕿᓂᕈᓐᓇᖁᓪᓗᓯ ᐊᑕᓂᕐᒥᒃ ᒎᑎᑦᓯᓐᓂᒃ. ᒪᑭᓪᓗᓯ ᓴᓇᓕᕆᑦᓯ ᐊᑕᓂᐅᑉ ᒎᑎᐅᑉ ᐃᑦᔪᕐᓁᑦᑐᕕᖁᑎᖓᓂᒃ, ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓ ᐃᑦᔪᕐᓁᑦᑐᖁᑎᖏᓪᓗ ᐃᑎᕐᑎᑕᐅᔪᓐᓇᕐᓯᖁᓪᓗᒋᑦ ᒎᑎᐅᑉ ᐃᒡᓗᖓᓄᑦ ᓴᓇᔭᐅᓯᒪᔪᒧᑦ ᐊᑕᓂᐅᑉ ᐊᑎᖓᓄᑦ.”

ᑯᕉᓂᑲ ᐂᑉᐸᖏᑦ 35:3

ᓕᕔᑏᓪᓗ ᐅᖃᐅᑎᕔᑦ ᐃᓴᕆᐊᓕᒥᐅᓕᒫᓂᒃ ᐃᓕᓮᕙᒃᑐᑦ ᑖᒃᑯᐊ ᐃᑦᔪᕐᓁᑦᑐᒥᒃ ᐱᓇᓱᐊᕐᑐᑦ ᐊᑕᓂᕐᒧᑦ, “ᐊᖏᕈᑕᐅᓯᒪᔪᑦ ᐃᒃᓯᕐᕕᖁᑎᖓ ᐃᑦᔪᕐᓁᑦᑐᖅ ᐃᒡᓗᒧᐊᕐᓯᐅᒃ ᓲᓗᒨᓂᐅᑉ ᑍᕕᑎᐅᑉ ᐃᕐᓂᖓᑕ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑕ, ᓴᓇᓚᐅᕐᑕᖓ; ᐊᒡᔭᖃᑦᑕᕐᓂᐊᕈᓐᓃᕐᐸᓯ ᐃᕐᓱᒡᓗᒍ. ᒫᓐᓇᓕ ᐊᑕᓂᖅ ᒎᑎᓯ ᐱᔨᑦᓯᓕᕐᓯᐅᒃ ᐃᓴᕆᐊᓕᒥᐅᓪᓗ.

ᑯᕉᓂᑲ ᐂᑉᐸᖏᑦ 4:20

ᓇᓂᕈᐊᑦ ᐃᓂᖏᓪᓗ ᒎᓗᓪᓚᕆᐅᕗᑦ ᐃᑯᒪᔪᒃᓮᑦ ᐃᓂᓕᐅᕐᑕᐅᓯᒪᕗᑦ ᐃᑦᔪᕐᓁᑦᑐᕕᐅᑉ ᐃᓗᐊᓂ, ᑖᒃᑯᐊ ᓇᓗᓁᕐᑕᐅᓯᒪᕗᑦ.

ᑯᕉᓂᑲ ᐂᑉᐸᖏᑦ 5:4

ᐃᓴᕆᐊᓕᒥᐅᑉ ᐊᖓᔪᖅᑳᓕᒫᖏᑦ ᑕᕝᕗᓐᖓᕐᐳᑦ, ᓕᕔᑎᓪᓗ ᐊᖏᖃᑎᒌᖕᓂᐅᑉ ᐃᒃᓯᕐᕕᖓ ᑎᒍᕚᑦ.

ᑯᕉᓂᑲ ᐂᑉᐸᖏᑦ 5:6

ᐊᖓᔪᖅᑳᕐᔪᐊᕐᓗ ᓲᓗᒨᓂ ᐃᓴᕆᐊᓕᒥᐅᓕᒫᓪᓗ ᑲᑎᒪᔪᑦ, ᐊᖏᖃᑎᒌᖕᓂᐅᑉ ᐃᒃᓯᕐᕕᖓᑕ ᓵᖓᓂ, ᑐᓂᕐᕈᓯᕐᐳᑦ ᓰᐱᓂᒃ ᐊᖑᓴᓪᓗᕐᓂᒡᓗ ᐅᓄᕐᑐᕐᔪᐊᓂᒃ ᖃᑦᓯᐅᓂᖏᑦ ᓈᓴᕐᑕᐅᓚᐅᓐᖏᓚᑦ.

ᑯᕉᓂᑲ ᐂᑉᐸᖏᑦ 5:8

ᓯᕋᐱᐅᑉ ᐃᓴᕈᖏᒃᑕ ᐅᓕᒃᓯᒪᕚ ᐊᖏᖃᑎᒌᖕᓂᐅᑉ ᐃᒃᓯᕐᕕᖓ, ᓯᕋᐱᐅᓪᓗ ᑕᓕᑎᓯᒪᕚ ᐊᖏᖃᑎᒌᖕᓂᐅᑉ ᐃᒃᓯᕐᕕᖓ ᐊᑭᕋᐅᑎᖏᓪᓗ.

ᑯᕉᓂᑲ ᐂᑉᐸᖏᑦ 6:11

ᐃᒃᓯᕐᕕᒡᓗ ᐊᖏᕈᑕᐅᓯᒪᔪᕐᑕᓕᒃ ᐃᓕᓚᐅᕐᐸᕋ ᐃᓗᐊᓄᑦ, ᐊᑕᓂᐅᑉ ᐊᖏᖃᑎᒌᒍᑎᖏᓐᓂᒃ ᐃᓗᓕᓕᒃ ᐃᓴᕆᐊᓕᒥᐅᑦ ᐃᓄᖏᓐᓄᑦ.”

ᐃᓐᖏᕈᑎᑦ 132:8

ᐊᑕᓃᖅ ᒪᑭᓪᓗᑎᑦ, ᑕᕾᕐᓯᕐᕕᖕᓄᐊᓕᕆᑦ, ᐃᕝᕕᑦ ᐱᔪᓐᓇᕐᓂᕕᓪᓗ ᓇᓗᓁᒃᑯᑕᖓᑕ ᐃᒃᓯᕐᕕᖁᑎᖓ.

ᐃᓯᑭᐊᓕᐅᑉ ᐊᒡᓚᖏᑦ 41:4

ᐃᒡᓗᕈᓯᕐᓗ ᐆᒃᑐᕋᕐᒪᒍ ᐊᖏᓂᖓ, ᐊᑦᔨᒌᒥᒃ ᐊᖏᓂᖃᕐᐳᖅ 34ᓂᒃ ᐃᑎᒐᖕᓂᒃ ᑐᑭᒧᑦ ᓴᓂᒧᓪᓗ, ᑕᒪᑐᒪᓕ ᐅᖓᑖᓂ. ᑖᑦᓱᒪ ᐅᖃᐅᑎᕚᖓ, “ᑖᓐᓇ ᑕᕝᕙ ᐃᑦᔪᕐᓁᓐᓂᕐᐹᖅ.”