ᑯᕉᓂᑲ ᐂᑉᐸᖏᑦ 5:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑕᕝᕙ ᓲᓗᒨᓂᐅᑉ ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᐃᓚᒌᓂᓗ ᐊᕕᒃᑐᕐᓯᒪᔪᓂ ᐊᖓᔪᖅᑳᑦ, ᐃᓴᕆᐊᓕᒥᐅᓪᓗ ᐃᓄᖏᑕ ᐊᖓᔪᖅᑳᖏᑦ ᑲᑎᖁᕔᑦ ᔨᕉᓴᓕᒧᑦ, ᑐᒃᓯᐊᕐᕕᒡᔪᐊᕐᒧᐊᕈᑦᔨᓯᖁᓪᓗᒋᑦ ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓᓂᒃ, ᑍᕕᑎᐅᑉ ᐃᒡᓗᒐᓴᖏᓐᓂᑦ ᓮᐅᓂᒦᑦᑐᒥᑦ.

ᑯᕉᓂᑲ ᐂᑉᐸᖏᑦ 5:2 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 5:7

ᑍᕕᑎᐅᓪᓕ ᓵᓚᒋᓚᐅᕐᐹ ᑎᒍᓪᓗᒍᓗ ᓮᐅᓂᐅᑉ ᓲᖑᔫᑦᔪᑎᖓ, ᑍᔭᐅᓕᕐᓗᓂᓗ, “ᑍᕕᑎᐅᑉ ᐃᒡᓗᒐᓴᖏᓐᓂᒃ.”

ᓴᒧᐃᓕ ᐂᑉᐸᖏᑦ 6:12

ᐊᖓᔪᖅᑳᕐᔪᐊᕐᓗ ᑍᕕᑎ ᐅᖃᐅᑦᔭᐅᕗᖅ, “ᐊᑕᓂᐅᑉ ᐅᐱᑦ-ᐄᑕᒻ ᐃᒡᓗᒥᐅᖃᑎᖏᓪᓗ ᓮᒻᒪᕐᑎᑉᐰᑦ ᐱᖁᑎᓕᒫᖏᓪᓗ, ᒎᑎᐅᑉ ᐃᒃᓯᕐᕕᖁᑎᖓ ᐱᓪᓗᒍ.” ᑍᒤᒻᒪᑦ ᑍᕕᑎᐅᑉ ᐃᒃᓯᕐᕕᒃ ᐂᓚᐅᕐᐹ ᐅᐱᑦ-ᐄᑕᒻ ᐃᒡᓗᖓᓂᑦ ᔨᕉᓴᓕᒧᐊᕈᑎᓪᓗᒍᓗ ᖁᕕᐊᓱᒃᑐᐊᓘᓪᓗᑎᒃ.

ᑯᕉᓂᑲ ᓯᕗᓪᓖᑦ 15:1

ᑍᕕᑎ ᐃᒡᓗᓕᐅᓚᐅᕐᐳᖅ ᐃᒡᓗᒃᓴᒥᓂᒃ ᑍᕕᑎᐅᑉ ᐃᒡᓗᒐᓴᖏᓐᓂ; ᐃᓂᒃᓴᓕᐅᕐᐳᕐᓗ ᒎᑎᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᓄᑦ, ᑐᐱᕐᒥᒡᓗ ᓇᑉᐰᕗᖅ ᑖᑦᓱᒪ ᐃᓂᒃᓴᖓᓂᒃ.

ᑯᕉᓂᑲ ᓯᕗᓪᓖᑦ 15:12

ᐅᖃᐅᑎᓪᓗᒋᓪᓗ, “ᐃᓕᑦᓯ ᐊᖓᔪᖅᑳᖑᒐᑦᓯ ᐊᑖᑕᑦᓯ ᐃᓚᒋᔭᖏᓐᓂ ᓕᕔᑎᓂ; ᐃᑦᔪᕐᓁᓕᑎᕆᑦᓯ, ᐃᓚᒋᔭᓯᓗ, ᐂᒃᓯᕈᓐᓇᖁᓪᓗᓯ ᐊᑕᓂᐅᑉ ᐃᓴᕆᐊᓕᒥᐅᑦ ᒎᑎᖓᑕ ᐃᒃᓯᕐᕕᖁᑎᖓᓂᒃ, ᐃᓕᔭᐅᖁᓪᓗᒍ ᐃᓂᒃᓴᖓᓄᑦ ᐊᑐᐃᓐᓇᕈᓚᐅᕐᑕᓐᓄᑦ.

ᑯᕉᓂᑲ ᓯᕗᓪᓖᑦ 15:25

ᑍᒤᒻᒪᑦ ᑍᕕᑎ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ, ᐅᓇᑕᕐᑎᓄᓪᓗ ᐊᖓᔪᖅᑳᑦ ᑕᐅᓴᓐᑎᓄᑦ, ᐂᒃᓯᓕᕐᐳᑦ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᓂᒃ ᐅᐱᑦ-ᐄᑕᒥᐅᑉ ᐃᒡᓗᖓᓂᑦ ᖁᕕᐊᓱᒡᓗᑎᒃ.

ᑯᕉᓂᑲ ᓯᕗᓪᓖᑦ 15:3

ᑍᕕᑎᐅᓪᓗ ᐃᓴᕆᐊᓕᒥᐅᓕᒫᑦ ᑲᑎᑎᑦᐰᑦ ᔨᕉᓴᓕᒧᑦ, ᐊᑕᓂᐅᑉ ᐃᒃᓯᕐᕕᖁᑎᖓ ᑎᑭᐅᑦᔭᐅᖁᓪᓗᒍ ᐃᓕᔭᐅᖁᓪᓗᒍᓗ ᐃᓂᖓᓄᑦ, ᐃᓂᒃᓴᓕᐊᕆᓚᐅᕐᑕᒥᓄᑦ.

ᑯᕉᓂᑲ ᓯᕗᓪᓖᑦ 16:1

ᒎᑎᐅᓪᓗ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖁᑎᖓ ᐃᑎᕐᑎᓐᓇᒥᑦᔪᒃ, ᑐᐱᕐᒧᐊᕈᑎᕚᑦ ᑍᕕᑎᐅᑉ ᓇᑉᐸᓚᐅᕐᑕᖓᓄᑦ, ᑐᓂᕐᕈᓯᕐᓗᑎᒡᓗ ᑐᓂᕐᕈᑎᓂᒃ ᐆᑕᒃᓴᓂᒃ ᑐᓂᕐᕈᑎᓂᒡᓗ ᖁᔭᓕᑦᔪᑎᒃᓴᓂᒃ ᒎᑎᐅᑉ ᓵᖓᓂ.

ᑯᕉᓂᑲ ᓯᕗᓪᓖᑦ 24:31

ᑖᒃᑯᐊᓗ ᓇᓚᐅᑦᑖᕈᑎᒧᑦ ᐱᓇᓱᐊᕐᑕᐅᒋᕗᑦ ᐂᕉᓂᐅᑉ ᐃᕐᓂᖏᑎᑐᑦ, ᐊᖓᔪᖅᑳᕐᔪᐊᕐᒧᑦ ᑍᕕᑎᒧᑦ, ᔭᑑᒃᒧᑦ, ᐊᕼᐃᒥᓕᒃᒧᓪᓗ, ᐊᖓᔪᖅᑳᖑᓂᐊᕐᑐᑦ ᐊᑖᑕᖏᑕ ᐃᓚᖏᓐᓂ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ.

ᑯᕉᓂᑲ ᓯᕗᓪᓖᑦ 24:6

ᐊᒡᓚᒃᑎᐅᕗᕐᓗ ᓯᒤᐊ ᓇᑖᓂᐅᑉ ᐃᕐᓂᖓ, ᓕᕔᑏᑦ ᐃᓚᖓᑦ, ᑎᑎᕋᕐᑎᐅᕗᖅ ᐊᖓᔪᖅᑳᕐᔪᐊᕐᒧᑦ, ᐊᖓᔪᖅᑳᓄᓪᓗ, ᔭᑑᒡᓗ ᑐᓂᕐᕈᓯᕐᑎᑦᓯᔨᐅᕗᖅ, ᐊᕼᐃᒥᓕᒃᓗ ᐊᐰᐊᑕᐅᑉ ᐃᕐᓂᖓ, ᐊᖓᔪᖅᑳᖑᔪᓪᓗ ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ ᓯᕗᓕᖏᑕ ᐃᓚᖏᓐᓂ, ᐊᑖᑕᐅᔪᑦ ᐃᓚᖏᓐᓂᑦ ᐊᖓᔪᖅᑳᖑᓂᐊᕐᑐᓂᒃ ᓂᕈᐊᕐᓯᕗᑦ ᐊᑐᓂᑦ ᐃᓕᓯᕆᒃᑯᓐᓄᑦ ᐃᑕᒫᕆᒃᑯᓐᓄᓪᓗ.

ᑯᕉᓂᑲ ᓯᕗᓪᓖᑦ 26:26

ᑖᓐᓇ ᓯᓗᒥᑎ ᖃᑕᓐᖑᑎᖏᓪᓗ ᑲᒪᔨᐅᕗᑦ ᑮᓇᐅᔭᓕᒫᓄᑦ ᑐᓂᕐᕈᑕᐅᓯᒪᔪᓄᑦ ᐃᑦᔪᕐᓁᑦᑐᓄᑦ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐊᖓᔪᖅᑲᐅᔪᓪᓗ ᐊᑖᑕᒋᔭᐅᔪᑦ ᐃᓚᖏᓐᓂ, ᐊᖓᔪᖅᑳᓪᓗ ᑕᐅᓴᓐᑎᓄᑦ 100ᓄᓪᓗ, ᐊᖓᔪᖅᑳᓪᓗ ᐅᓇᑕᕐᑐᒃᓴᓄᑦ, ᑐᓂᕐᕈᑎᖏᓐᓄᑦ.

ᑯᕉᓂᑲ ᓯᕗᓪᓖᑦ 28:1

ᑍᕕᑎᐅᓪᓗ ᐃᓴᕆᐊᓕᒥᐅᓄᑦ ᓯᕗᓕᕐᑎᓕᒫᑦ ᑲᑎᖁᕔᑦ ᔨᕉᓴᓕᒧᑦ, ᐅᑯᐊ ᐊᖓᔪᖅᑳᑦ ᑭᖑᕚᕇᓄᑦ, ᐊᖓᔪᖅᑳᑦ ᐊᕕᒃᑐᕐᓯᒪᔪᓄᑦ ᐊᖓᔪᖅᑳᕐᔪᐊᒧᑦ ᐱᔨᑦᓯᕐᑎᓄᑦ, ᐊᖓᔪᖅᑳᑦ ᑕᐅᓴᓐᑎᓄᑦ, ᐊᖓᔪᖅᑳᓪᓗ 100ᓄᑦ, ᐱᖁᑎᖏᓐᓄᑦ ᐆᒪᔪᖁᑎᖏᓐᓄᓪᓗ ᑲᒪᔨᐅᔪᑦ ᐊᖓᔪᖅᑳᕐᔪᐊᓪᓗ ᐃᕐᓂᖏᓐᓄᑦ, ᐊᖓᔪᖅᑳᕐᔪᐊᓪᓗ ᐃᒡᓗᕐᔪᐊᖓᓄᑦ ᐊᖓᔪᖅᑳᖑᔪᑦ, ᐊᔪᖏᑦᑐᕐᔪᐊᓪᓗ ᑲᑉᐱᐊᓱᖏᑦᑐᑦ, ᖃᖓᓕᒫᒃᑯᓪᓗ ᐅᓇᑕᕐᑎᒻᒪᕆᐅᔪᑦ.

ᑯᕉᓂᑲ ᐂᑉᐸᖏᑦ 1:4

(ᑍᕕᑎᐅᑉ ᑕᒪᐅᓐᖓᓚᐅᕐᒪᒍ ᒎᑎᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓ ᑭᕆᐊᑦ-ᔨᕆᒻᒥᑦ ᐃᓂᒃᓴᓕᐅᕐᓗᒍ ᑐᐱᓕᐅᓚᐅᕐᒪᑦ ᑖᑦᓱᒪ ᐃᓂᒃᓴᖓᓂᒃ ᔨᕉᓴᓕᒥ.)

ᑯᕉᓂᑲ ᐂᑉᐸᖏᑦ 5:1

ᑖᒃᑯᐊ ᓲᓗᒨᓂᐅᑉ ᓴᓇᓚᐅᕐᑕᓕᒫᖏᑦ ᐊᑕᓂᐅᑉ ᐃᒡᓗᖓᓄᑦ ᐱᔭᕇᓚᐅᕐᐳᑦ. ᓲᓗᒨᓂᓗ ᑕᕝᕗᓐᖓᐅᑦᔨᕗᖅ ᐊᑖᑕᖓᑕ ᑐᒃᓯᐊᕐᕕᒡᔪᐊᒧᑦ ᑐᕌᖓᑎᓚᐅᕐᑕᓕᒫᖏᓐᓂᒃ, ᓯᐅᓪᕕᕇᑦ, ᒎᓗᐃᑦ ᐱᖁᑎᓕᒫᓪᓗ ᐃᓕᕔᑦ ᐱᖁᑎᒃᑯᕕᖕᒧᑦ ᒎᑎᐅᑉ ᐃᒡᓗᖓᓄᑦ.

ᑯᕉᓂᑲ ᐂᑉᐸᖏᑦ 5:12

ᓕᕔᑏᓪᓗ ᐃᓐᖏᕐᑎᓕᒫᑦ, ᐊᓴᐸ, ᕼᐃᒪᓐ, ᔨᑐᑕᓐᓗ, ᐃᕐᓂᑎᒃ ᐃᓚᒋᓪᓗᒋᑦ ᖃᑕᓐᖑᑎᑎᒡᓗ, ᐊᓐᓄᕌᕐᓯᒪᓚᐅᕐᐳᑦ ᖃᓪᓗᓈᕐᑕᓂᒃ ᓵᑦᑐᓂᒃ, ᓂᑦᔭᐅᓯᔭᕐᓗᑎᒃ ᓯᕙᓂᕋᐅᑎᓄᑦ, ᕼᐊᕐᐱᓄᑦ, ᑯᑭᑦᑕᐸᐅᑎᐅᔭᓄᓪᓗ, ᓇᖏᕐᓗᑎᒃ ᑐᓂᕐᕈᓯᕐᕕᐅᑉ ᓴᓂᐊᓂ ᓯᕿᓂᐅᑉ ᓄᐃᕕᐊᑕ ᓇᓛᓂ 120ᐅᓪᓗᑎᒃ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᓯᔭᓚᐅᕐᐳᑦ;

ᐃᓐᖏᕈᑎᑦ 2:6

“ᐊᖓᔪᖅᑳᕐᔪᐊᖁᑎᒐ ᐃᓕᕙᕋ ᓮᐅᓂᒧᑦ, ᖃᖅᑲᒥ ᐃᑦᔪᕐᓁᑦᑐᖁᑎᓐᓂ.”

ᐃᓐᖏᕈᑎᑦ 87:2

ᓮᐅᓂᐅᑉ ᐃᑎᕐᑕᕐᕕᖏᑦ ᐊᑕᓂᐅᑉ ᓇᒡᓕᒋᓂᕐᓴᕆᕔᑦ ᑕᒤᓐᓂᑦ ᔧᑰᑉ ᓄᓇᒋᔭᓕᒫᖏᓐᓂᑦ.

ᒨᓯᓯ ᐱᖓᔪᖏᑦ 9:5

ᑖᒃᑯᓂᖓᓗ ᐊᑐᐃᓐᓇᕈᐃᕗᑦ ᒨᓯᓯᐅᑉ ᐱᖁᔭᖏᓐᓂᒃ ᑐᐱᐅᑉ ᑲᑎᒪᕕᐅᑉ ᓵᖓᓂ, ᐃᓄᒋᐊᒃᑐᕐᔪᐊᓪᓗ ᖃᒡᓕᒋᐊᕐᐳᑦ ᐊᑕᓂᐅᑉ ᓵᖓᓂ.

ᒨᓯᓯ ᓯᑕᒪᖏᑦ 10:33

ᑕᕝᕙ ᐊᑕᓂᐅᑉ ᖃᖅᑲᖁᑎᖓᓂᑦ ᐊᐅᓪᓚᕐᐳᑦ ᐃᖏᕐᕋᓪᓗᑎᒃ ᐅᓪᓗᓂᒃ ᐱᖓᓱᓂᒃ; ᐊᑕᓂᐅᓪᓗ ᐊᖏᖃᑎᒌᒍᑎᖓᑕ ᐃᒃᓯᕐᕕᖁᑎᖓ ᓯᕗᓪᓕᐅᑎᑕᐅᓚᐅᕐᐳᖅ ᐃᖏᕐᕋᓪᓗᑎᒃ ᐅᓪᓗᓂᒃ ᐱᖓᓱᓂᒃ, ᑕᖕᒫᕐᕕᒋᓂᐊᕐᑕᒥᖕᓂᒃ ᕿᓂᕐᓗᑎᒃ.

ᒨᓯᓯ ᓯᑕᒪᖏᑦ 10:36

ᐃᒃᓯᕐᕕᒃ ᓄᖅᑲᕌᖓᑦ ᐅᖃᕐᐸᓚᐅᕐᐳᖅ: “ᐊᑕᓃᖅ, ᐅᑎᓕᕆᑦ, ᐃᓴᕆᐊᓕᐅᑉ ᓈᓴᒐᒃᓴᐅᖏᑦᑐᕐᔪᐊᖁᑎᖏᓐᓄᑦ ᑕᐅᓴᑎᕐᔪᐊᓄᑦ.”