ᑯᕉᓂᑲ ᐂᑉᐸᖏᑦ 5:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓕᕔᑏᓪᓗ ᐃᓐᖏᕐᑎᓕᒫᑦ, ᐊᓴᐸ, ᕼᐃᒪᓐ, ᔨᑐᑕᓐᓗ, ᐃᕐᓂᑎᒃ ᐃᓚᒋᓪᓗᒋᑦ ᖃᑕᓐᖑᑎᑎᒡᓗ, ᐊᓐᓄᕌᕐᓯᒪᓚᐅᕐᐳᑦ ᖃᓪᓗᓈᕐᑕᓂᒃ ᓵᑦᑐᓂᒃ, ᓂᑦᔭᐅᓯᔭᕐᓗᑎᒃ ᓯᕙᓂᕋᐅᑎᓄᑦ, ᕼᐊᕐᐱᓄᑦ, ᑯᑭᑦᑕᐸᐅᑎᐅᔭᓄᓪᓗ, ᓇᖏᕐᓗᑎᒃ ᑐᓂᕐᕈᓯᕐᕕᐅᑉ ᓴᓂᐊᓂ ᓯᕿᓂᐅᑉ ᓄᐃᕕᐊᑕ ᓇᓛᓂ 120ᐅᓪᓗᑎᒃ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᓯᔭᓚᐅᕐᐳᑦ;

ᑯᕉᓂᑲ ᐂᑉᐸᖏᑦ 5:12 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 15:24

ᓯᐸᓁᐊ, ᔫᓴᐸᑦ, ᓇᑖᓂᐅᓪ, ᐊᒪᓮ, ᓴᑲᕅᐊ, ᐱᓁᐊ, ᐃᓔᓯᕆᓗ, ᑐᓂᕐᕈᓯᕐᑎᑦᓯᔩᑦ, ᑎᑦᑐᓚᐅᑎᓂᒃ ᓂᓪᓕᕐᑎᑦᓯᔪᒃᓴᐅᓪᓗᑎᒃ ᒎᑎᐅᑉ ᐃᒃᓯᕐᕕᖁᑎᖓᑕ ᓯᕗᓂᖓᓂ; ᐅᐱᑦ-ᐄᑕᒻ ᔨᕼᐂᐊᓗ ᐊᖏᕈᑕᐅᓯᒪᔪᑦ ᐃᒃᓯᕐᕕᖁᑎᖓᓂᒃ ᖃᐅᔨᓴᕐᑎᐅᔪᒃᓴᐅᓪᓗᑎᒃ.

ᐃᓐᖏᕈᑎᑦ 68:25

ᐃᓐᖏᕐᑏᑦ ᓯᕗᓪᓕᐅᕗᑦ, ᓂᑦᔭᐅᓯᔭᕐᑏᑦ ᑭᖑᓪᓕᐅᓪᓗᑎᒃ; ᐊᕐᓁᓪᓗ ᑖᒃᑯᐊ ᐊᑯᓐᓂᖓᓐᓂ ᓯᕙᓂᕋᐅᑎᓂᒃ ᓂᓪᓕᐊᑎᑦᓯᕗᑦ.

ᑯᕉᓂᑲ ᐂᑉᐸᖏᑦ 29:25

ᓕᕔᑏᓪᓗ ᐃᓂᖃᕐᑎᑉᐰᑉ ᐊᑕᓂᐅᑉ ᐃᒡᓗᖓᓂ ᓯᕙᓂᕋᐅᓯᔭᕐᑏᑦ, ᕼᐊᕐᐱᓖᑦ, ᓄᖃᕐᑎᓕᖕᓄᑦ ᓂᑦᔭᐅᑎᓖᑦ, ᑍᕕᑎᐅᑉ ᐱᖁᔭᖏᑦ ᒪᓕᒡᓗᒋᑦ ᒑᑦᓗ ᐊᖓᔪᖅᑳᕐᔪᐊᑉ ᐊᖓᔪᖅᑲᐅᔪᖁᑎᖓᑕ, ᓁᑕᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ; ᐊᑕᓂᐅᑉ ᐱᖁᔭᖏᑦ ᒪᓕᒡᓗᒋᑦ ᐅᖃᕐᑎᒥᒍᑦ ᐅᖃᕐᓯᒪᔭᖏᑦ.

ᑯᕉᓂᑲ ᐂᑉᐸᖏᑦ 7:6

ᑕᕝᕙ ᑐᓂᕐᕈᓯᕐᑎᑦᓯᔩᑦ ᐃᓂᒥᓄᐊᕐᐳᑦ ᐱᓇᓱᐊᒐᒃᓴᒥᖕᓄᑦ; ᓕᕔᑏᓪᓗᑦᑕᐅᖅ, ᐊᑕᓂᕐᒧᑦ ᓂᑦᔭᐅᓯᔭᕈᑎᒥᖕᓂᒃ ᓇᒃᓴᕐᓗᑎᒃ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐋᖅᑭᓚᐅᕐᑕᖏᑦ ᓂᕐᑐᐃᑦᔪᑎᒃᓴᐅᖁᓪᓗᒋᑦ ᐊᑕᓂᕐᒧᑦ, ᓇᒡᓕᖕᓂᖓ ᓱᖁᓯᔪᐃᑦᑑᖕᒪᑦ ᕿᓄᐃᑦᑑᓪᓗᓂ ᐃᓱᖃᖏᑦᑐᒧᑦ; ᑍᕕᑎ ᑐᓂᕐᕈᓯᓕᑐᐊᕋᒥ ᓂᕐᑐᐃᕙᓚᐅᕐᒪᑦ ᐱᓇᓱᐊᖃᑎᒌᓕᕌᖓᒥᒃ; ᐊᑭᐊᓃᑎᓪᓗᒋᑦ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᓄᑦ ᓂᓪᓕᐊᑎᑦᓯᔪᑦ; ᐃᓴᕆᐊᓕᒥᐅᓕᒫᑦ ᓇᖏᕐᑎᓪᓗᒋᑦ.

ᑯᕉᓂᑲ ᓯᕗᓪᓖᑦ 23:5

4,000 ᑲᒪᔨᐅᔪᒃᓴᐅᕗᑦ ᐃᑎᕐᑕᕐᕕᖕᒥᒃ, 4,000ᓪᓗ ᓂᕐᑐᐃᔨᐅᔪᒃᓴᐅᕗᑦ ᐊᑕᓂᕐᒥᒃ ᓂᑦᔭᐅᑎᓄᑦ, ᓂᕐᑐᐃᑦᔪᑎᒃᓴᓕᐊᕆᓚᐅᕐᑕᓐᓄᑦ.

ᑯᕉᓂᑲ ᓯᕗᓪᓖᑦ 6:39

ᖃᑕᓐᖑᑎᖓᓗ ᐊᓴᐸ, ᓇᖏᓚᐅᕐᑐᖅ ᑕᓕᕐᐱᐊᓂ, ᐊᓴᐸ ᐃᕐᓂᕆᔭᐅᕗᖅ ᐱᕆᑬᐊᒧᑦ, ᑖᓐᓇ ᓯᒥᐊᑉ ᐃᕐᓂᖓ,

ᑯᕉᓂᑲ ᓯᕗᓪᓖᑦ 6:33

ᐅᑯᐊᖑᕗᑦ ᐃᕐᓂᑎᒃ ᐃᓚᒋᓪᓗᒋᑦ: ᑯᕼᐋᑍᑎᒃᑯᑦ ᐃᕐᓂᕇᑦ ᐅᑯᐊ ᕼᐃᒪᓐ ᐃᓐᖏᕐᑎ ᔪᐃᓕᐅᑉ ᐃᕐᓂᖓ, ᓴᒧᐃᓕᐅᑉ ᐃᕐᓂᖓᑕ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:8

ᐊᓐᓄᕌᕈᓐᓇᕐᑎᑕᐅᕗᖅ ᓵᑦᑐᒥᒃ, ᑕᑯᒥᓇᕐᑐᒥᒃ ᓴᓗᒻᒪᑦᓯᐊᕐᑐᒥᒃ.” ᐊᓐᓄᕌᖅ ᑖᓐᓇ ᓵᑦᑐᖅ ᐊᓐᓄᕌᒃᓴᐅᕗᖅ ᐃᑦᔪᕐᓁᑦᑐᓄᑦ ᐃᓗᐊᕐᑐᒥᒃ ᐃᓅᓯᖃᕐᓗᑎᒃ ᐱᓇᓱᐊᓚᐅᕐᑐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:6

ᐂᖏᓖᓪᓗ 7 ᑲᑉᐱᐊᓇᕐᑐᓂᒃ 7ᓂᒃ ᐱᖃᕐᑐᑦ ᑐᒃᓯᐊᕐᕕᒡᔪᐊᕐᒥᑦ ᐊᓂᕗᑦ; ᐊᓐᓄᕌᕐᓯᒪᔪᓂᒃ ᐃᑦᔪᕐᓁᑦᑐᓂᒃ ᓵᑦᑐᓂᒃ ᖃᐅᒪᔪᓂᒃ, ᓴᒡᕕᖕᒥᒃᑎᒍᓪᓗ ᐅᕕᖓᔪᒥᒃ ᑕᑦᓯᕈᑕᐅᔭᕐᓯᒪᓪᓗᑎᒃ ᒎᓗᒥᒃ.

ᐃᓐᖏᕈᑎᑦ 149:3

ᐊᑎᖓ ᓂᕐᑐᕋᒃᓴᕆᕚᑦ ᑖᓂᓯᕐᓗᑎᒃ, ᓂᓪᓕᐊᔫᕐᕕᒋᓗᒍ ᕿᓚᐅᑎᐅᔭᓄᑦ ᑯᑭᑦᑕᐸᐅᑎᐅᔭᓄᓪᓗ.

ᐃᓐᖏᕈᑎᑦ 92:3

ᓂᓪᓕᐊᔪᓐᓇᕐᑐᓂᒃ ᐊᑐᕐᓗᓂ ᑯᑭᑦᑕᐸᐅᑎᓂᒃ ᓄᖃᕐᑎᓕᖕᓂᒃ, ᑯᑭᑦᑕᐸᐅᑎᐅᔭᓂᒡᓗ ᕼᐋᕐᐱᓂᒃ, ᓂᐱᑦᓯᐊᕆᒃᑐᓂᒡᓗ ᑯᑭᑦᑕᐹᓂᒃ ᓔᕆᓂᒃ.

ᐃᓐᖏᕈᑎᑦ 88:1

ᐊᑕᓃᖅ ᒎᑎᒐ ᐱᐅᓕᔨᒐ, ᐅᓪᓗᒃᑯᑦ ᐃᑲᔪᕐᑕᐅᔪᒪᓪᓗᖓ ᓂᓪᓕᐊᕕᒋᕙᒋᑦ; ᐅᓐᓄᐊᒃᑯᓪᓕ ᐃᓗᖏᕐᑐᕐᓗᖓ ᓂᓪᓕᐊᕗᖓ ᐃᓕᖕᓄᑦ.

ᐃᓐᖏᕈᑎᑦ 62:1

ᑕᕐᓂᕋ ᓂᐱᖃᕋᓂ ᐅᑕᖅᑭᕗᖅ ᒎᑎᑐᐊᒥᒃ; ᐱᐅᓕᔭᐅᓂᕋ ᑖᑦᓱᒪᓐᖓᑦ ᐱᖕᒪᑦ.

ᐃᓐᖏᕈᑎᑦ 50:1

ᐊᔪᒐᖃᖏᑦᑐᖅ, ᒎᑎ ᐊᑕᓂᖅ, ᐅᖃᓚᐅᕐᐳᖅ, ᓄᓇᓗ ᕾᖁᓪᓗᒍ, ᓯᕿᓂᐅᑉ ᓄᐃᕕᐊᓂᑦ ᓂᐱᕕᖓᓄᑦ.

ᑯᕉᓂᑲ ᓯᕗᓪᓖᑦ 23:30

ᓇᖏᖃᑦᑕᖁᓪᓗᒋᓪᓗ ᐅᓪᓛᑕᒫᑦ, ᖁᔭᓕᓗᑎᒃ ᓂᕐᑐᐃᓗᑎᒡᓗ ᐊᑕᓂᕐᒥᒃ, ᐅᓐᓄᒃᑯᓪᓗ ᑍᒫᑦᓮᓐᓇᖅ,

ᑯᕉᓂᑲ ᓯᕗᓪᓖᑦ 15:27

ᑍᕕᑎ ᐊᓐᓄᕌᕐᓯᒪᓚᐅᕐᐳᖅ ᐅᓕᖕᒥᒃ ᖃᓪᓗᓈᕐᑕᒥᒃ ᓵᑦᑐᒥᒃ, ᓕᕔᑎᓕᒫᓪᓗ ᐊᑭᕋᕐᑐᑦ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᓂᒃ ᑍᒤᑦᑐᓂᒃ ᐊᑐᓚᐅᕆᕗᑦ, ᐃᓐᖏᕐᑏᓪᓗ, ᓂᑦᔭᐅᓯᔭᕐᓂᕐᒧᓪᓗ ᐊᖓᔪᖅᑳᖓᑦ ᓯᓇᓁᐊ; ᑍᕕᑎᓗ ᓴᒡᕕᖕᒥᐅᑕᒥᒃ ᖃᓪᓗᓈᕐᑕᒥᒃ ᓵᑦᑐᒥᒃ ᐊᑐᓚᐅᕆᕗᖅ.

ᑯᕉᓂᑲ ᓯᕗᓪᓖᑦ 13:8

ᑍᕕᑎᒃᑯᑦ ᐃᓴᕆᐊᓕᒥᐅᓕᒫᓪᓗ ᖁᕕᐊᓱᒃᑐᐊᓘᓪᓗᑎᒃ ᑖᓂᓯᓚᐅᕐᐳᑦ ᒎᑎᐅᑉ ᓵᖓᓂ ᐱᔪᓐᓇᕐᓂᓕᒫᑎᒃ ᐊᑐᕐᓗᒋᑦ, ᐃᓐᖏᕐᓗᑎᒃ ᕼᐊᕐᐱᓄᑦ ᑯᑭᑦᑕᐸᐅᑎᓄᓪᓗ ᕿᓚᐅᑎᓄᑦ ᓯᕙᓂᐅᑎᓄᓪᓗ ᑎᑦᑐᓚᐅᑎᓄᓪᓗ.

ᑯᕉᓂᑲ ᐂᑉᐸᖏᑦ 29:26

ᓕᕔᑏᑦ ᓇᖏᕐᐳᑦ ᓂᑦᔭᐅᓯᔭᕐᓗᑎᒃ ᑍᕕᑎᐅᑉ ᐱᖏᓐᓂᒃ, ᑐᓂᕐᕈᓯᕐᑎᑦᓯᔩᓪᓗ ᑎᑦᑐᓚᐅᓯᔭᕐᓗᑎᒃ.