ᑯᕉᓂᑲ ᐂᑉᐸᖏᑦ 35:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᓕᕔᑏᓪᓗ ᐅᖃᐅᑎᕔᑦ ᐃᓴᕆᐊᓕᒥᐅᓕᒫᓂᒃ ᐃᓕᓮᕙᒃᑐᑦ ᑖᒃᑯᐊ ᐃᑦᔪᕐᓁᑦᑐᒥᒃ ᐱᓇᓱᐊᕐᑐᑦ ᐊᑕᓂᕐᒧᑦ, “ᐊᖏᕈᑕᐅᓯᒪᔪᑦ ᐃᒃᓯᕐᕕᖁᑎᖓ ᐃᑦᔪᕐᓁᑦᑐᖅ ᐃᒡᓗᒧᐊᕐᓯᐅᒃ ᓲᓗᒨᓂᐅᑉ ᑍᕕᑎᐅᑉ ᐃᕐᓂᖓᑕ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑕ, ᓴᓇᓚᐅᕐᑕᖓ; ᐊᒡᔭᖃᑦᑕᕐᓂᐊᕈᓐᓃᕐᐸᓯ ᐃᕐᓱᒡᓗᒍ. ᒫᓐᓇᓕ ᐊᑕᓂᖅ ᒎᑎᓯ ᐱᔨᑦᓯᓕᕐᓯᐅᒃ ᐃᓴᕆᐊᓕᒥᐅᓪᓗ.

ᑯᕉᓂᑲ ᐂᑉᐸᖏᑦ 35:3 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 23:26

ᓕᕔᑎᓪᓗ ᑐᐱᕐᒥᒃ ᐊᒡᔭᕐᓯᖃᑦᑕᕆᐊᖃᕈᓐᓃᕐᐳᑦ ᐅᕝᕙᓗ ᐱᖁᑎᖏᓐᓂᒃ ᐱᓇᓱᐊᕈᑎᒃᓴᓂᒃ.”

ᒪᓚᑬᑉ ᐊᒡᓚᖏᑦ 2:7

ᑐᓂᕐᕈᓯᕐᑎᑦᓯᔨᐅᑉ ᖃᓂᖓ ᓴᐳᒻᒥᔪᒃᓴᐅᖕᒪᑦ ᖃᐅᔨᒪᓂᕐᒥᒃ, ᐃᓄᐃᓪᓗ ᕿᓂᕐᑐᒃᓴᐅᕗᑦ ᐊᔪᕆᕐᑐᕐᑕᐅᓂᕐᒥᒃ ᑖᑦᓱᒪ ᖃᓂᖓᓂᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐅᖃᕐᑎᒋᒪᒍ.

ᑯᕉᓂᑲ ᐂᑉᐸᖏᑦ 30:22

ᕼᐃᓯᑬᐊᐅᓪᓗ ᐅᖃᐅᑎᓪᓗᒋᑦ ᑲᔪᖏᕐᓴᕐᐰᑦ ᓕᕔᑎᓕᒫᑦ ᐱᔪᓐᓇᑦᓯᐊᕐᓗᑎᒃ ᐱᓕᕆᔪᑦ ᐱᓇᓱᐊᕆᐊᓕᖕᒥᖕᓂᒃ ᐊᑕᓂᕐᒧᑦ. ᑕᕝᕙ ᐃᓄᐃᑦ ᓂᕆᓚᐅᕐᐳᑦ ᓇᓪᓕᐅᓐᓂᕐᓯᐅᕐᓗᑎᒃ ᐅᓪᓗᓂᒃ 7ᓂᒃ, ᑐᓂᕐᕈᓯᕐᓗᑎᒃ ᓮᒻᒪᕐᑎᑕᐅᑦᔪᑎᒃᓴᒧᑦ ᑐᓂᕐᕈᓯᕐᐳᓪᓗ ᖁᔭᓕᓪᓗᑎᒃ ᐊᑕᓂᕐᒧᑦ ᓯᕗᓕᖏᑕ ᒎᑎᖓᓄᑦ.

ᒨᓯᓯ ᑕᓪᓕᒪᖏᑦ 33:10

ᑖᒃᑯᐊ ᐃᓕᓮᓂᐊᕐᐳᑦ ᒪᓕᒐᒃᓴᓂᒃ ᔧᑰᑉ ᑭᖑᕚᖏᓐᓄᑦ, ᐱᖁᔭᕐᓂᒡᓗ ᐃᓴᕆᐊᓕᒥᐅᓄᑦ; ᐃᓯᕐᓗᐊᕐᓂᑎᑦᓯᓗᑎᒡᓗ ᓵᖕᓂ, ᑐᓂᕐᕈᓯᕐᕕᖁᑎᖕᓂᓗ ᐃᑯᐊᓚᑦᓯᓗᑎᒃ ᑐᓂᕐᕈᓯᕐᓂᐊᕐᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:5

ᓇᖕᒥᓂᖅ ᐅᕙᑦᑎᓐᓂᒃ ᐊᔪᕆᕐᑐᐃᑦᔪᑎᒋᖏᓐᓇᑦᑕ, ᔩᓱᓯᐅᓪᓕ ᙭ᔅᑑᓯᐅᑉ ᐊᑕᓂᐅᓂᖓ ᐊᔪᕆᕐᑐᐃᑦᔪᑎᒋᕙᕗᑦ, ᐅᕙᑦᑎᓐᓂᒡᓗ ᐱᔨᐅᑎᓪᓗᑕ ᐃᓕᑦᓯᓐᓄᑦ ᔩᓱᓯ ᐱᑦᔪᑎᒋᓪᓗᒍ.

ᑯᕉᓂᑲ ᐂᑉᐸᖏᑦ 5:7

ᑐᓂᕐᕈᓯᕐᑎᑦᓯᔩᓪᓗ ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓ ᐊᒡᔭᕐᐹᑦ ᑕᕝᕗᖓ ᐃᓂᒃᓴᖓᓄᑦ, ᐃᑦᔪᕐᓁᑦᑐᕕᐅᑉ ᐃᓗᐊᓄᑦ ᑐᒃᓯᐊᕐᕕᒡᔪᐊᕐᒧᑦ ᐃᑦᔪᕐᓁᓐᓂᕐᐹᒧᑦ, ᓯᕋᐱᐅᑉ ᐃᓴᕈᖏᑕ ᐊᑖᓅᐊᕐᓗᒍ.

ᑯᕉᓂᑲ ᐂᑉᐸᖏᑦ 34:14

ᑖᒃᑯᐊᓗ ᑮᓇᐅᔧᑦ ᐊᑕᓂᐅᑉ ᐃᒡᓗᖓᓄᑦ ᑐᓂᔭᐅᓯᒪᔪᑦ ᐊᓐᓂᑦᔭᐅᓕᕐᑎᓪᓗᒋᑦ, ᕼᐃᐅᓪᑬᐊ ᑐᓂᕐᕈᓯᕐᑎᑦᓯᔨ ᓇᓂᓯᕗᖅ ᐊᒡᓚᖕᓂᒃ ᐱᖁᔭᓂᒃ ᐊᑕᓂᐅᑉ ᑐᓂᓚᐅᕐᑕᖏᓐᓂᒃ ᒨᓯᓯᒃᑯᑦ.

ᑯᕉᓂᑲ ᐂᑉᐸᖏᑦ 8:11

ᓲᓗᒨᓂᐅᑉ ᐰᕉᑉ ᐸᓂᖓ ᐊᐅᓪᓚᐅᑎᕚ ᑍᕕᑎᐅᑉ ᐃᒡᓗᒐᓴᖏᓐᓂᑦ ᐃᒡᓗᓕᐊᕆᓚᐅᕐᑕᒥᓄᑦ ᑖᑦᓱᒧᖓ, ᐅᖃᕐᓗᓂ, “ᓄᓕᐊᕋ ᐃᒡᓗᖃᕐᑐᒃᓴᐅᓐᖏᓚᖅ ᑍᕕᑎᐅᑉ ᐊᖓᔪᖅᑳᕐᔪᐊᑉ ᐃᒡᓗᒐᓴᖏᓐᓂ ᐃᓴᕆᐊᓕᒥ, ᑖᓐᓇ ᐊᑕᓂᐅᑉ ᐃᒃᓯᕐᕕᖓᑕ ᐃᓂᖓ ᐃᑦᔪᕐᓁᑦᑑᖕᒪᑦ.”

ᒨᓯᓯ ᓯᑕᒪᖏᑦ 8:19

ᐅᕙᖓᓗ ᓕᕔᑎᑦ ᐂᕉᓂᒧᑦ ᐃᕐᓂᖏᓐᓄᓪᓗ ᑐᓂᓚᐅᕐᐸᒃᑲ ᐃᓴᕆᐊᓕᐅᑉ ᕿᑐᕐᖓᖏᓐᓂᑦ ᐱᓪᓗᒋᑦ, ᐱᓇᓱᐊᖁᓪᓗᒋᑦ ᐃᓴᕆᐊᓕᐅᑉ ᕿᑐᕐᖓᖏᑕ ᐱᔭᒃᓴᖏᓐᓂᒃ ᑐᐱᕐᔪᐊᒥ ᑲᑎᒪᕕᖕᒥ, ᐃᓴᕆᐊᓕᐅᓪᓗ ᕿᑐᕐᖓᖏᑕ ᐃᓱᒪᒋᔪᓐᓁᕐᕕᐅᑦᔪᑎᒃᓴᖏᓐᓄᑦ, ᐃᓴᕆᐊᓕᐅᑉ ᕿᑐᕐᖓᖏᑦ ᖃᓄᐃᓐᓇᕐᑐᓄᑦ ᑎᑭᑕᐅᖁᓇᒋᑦ ᐃᑦᔪᕐᓁᑦᑐᕕᖕᒧᑦ ᖃᒡᓕᔭᕆᐊᖃᕐᐸᑕ.”

ᑯᕉᓂᑲ ᐂᑉᐸᖏᑦ 17:7

ᐊᕐᕌᒍᐃᑦ ᐱᖓᔪᐊᓐᓂ ᐊᖓᔪᖅᑳᕐᔪᐊᖑᓕᕐᓗᓂ ᐊᖓᔪᖅᑳᖁᑎᓂ ᑎᓕᕔᑦ, ᐱᓐ-ᕼᐂᓪ, ᐅᐸᑍᐊ, ᓴᑲᕅᐊ, ᓇᑖᓂᐅᓪ, ᒥᑬᐊᓗ, ᐃᓕᓐᓂᐊᕐᑎᑦᓯᖁᓪᓗᒋᑦ ᔫᑕᐅᑉ ᐃᒡᓗᒐᓴᖏᓐᓂ;

ᒨᓯᓯ ᐂᑉᐸᖏᑦ 32:29

ᒨᓯᓯᓗ ᐅᖃᕐᐳᖅ ᓕᕔᑎᓄᑦ, “ᐅᓪᓗᒥ ᐃᓕᑦᓯᓐᓂᒃ ᐃᑦᔪᕐᓁᓕᕐᑎᑉᐳᓯ ᐱᑎᑕᐅᓪᓗᓯᓗ ᑐᓂᕐᕈᓯᕐᑎᑦᓯᔨᐅᓂᕐᒥᒃ ᐊᑕᓂᕐᒧᑦ ᑕᒪᓐᓇ ᐱᔨᑦᓯᕈᑕᐅᖁᓪᓗᒍ ᐃᓕᑦᓯᓐᓄᑦ ᑐᖁᑦᓯᓚᐅᕐᓂᑦᓯᓐᓄᑦ ᐃᕐᓂᑦᓯᓐᓂᒃ ᖃᑕᓐᖑᑎᑦᓯᓐᓂᒡᓗ, ᑍᒤᒻᒪᑦ ᐊᑕᓂᐅᑉ ᑐᓂᓯᕕᒋᕚᓯ ᓇᖕᒥᓂᖅ ᓮᒻᒪᕐᑎᑦᓯᓂᕐᒥᓂᒃ.”