ᑯᕉᓂᑲ ᐂᑉᐸᖏᑦ 34:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑖᒃᑯᐊ ᑎᑭᓐᓇᒥᒃ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓄᑦ ᕼᐃᐅᓪᑬᐊᒧ ᑮᓇᐅᔭᓂᒃ ᑐᓂᓯᕗᑦ ᒎᑎᐅᑉ ᐃᒡᓗᖓᓄᐊᕐᑐᓂᒃ, ᓕᕔᑎᑦ ᐅᒃᑯᐊᓂᒃ ᑲᒪᔩᑦ ᓄᐊᓚᐅᕐᑕᖏᓐᓂᒃ ᒫᓇᓯᒃᑯᓐᓂᑦ ᐃᕗᕅᑎᒥᐅᓂᓪᓗ, ᐃᓴᕆᐊᓕᒥᐅᓕᒫᓪᓗ ᐃᓄᖏᓐᓂᑦ ᐊᒥᐊᑰᔪᓂᑦ, ᔫᑕᒥᑦ ᐱᓐᔭᒥᓂᒃᑯᓐᓂᓪᓗ, ᔨᕉᓴᓕᒥᐅᓂᓪᓗ.

ᑯᕉᓂᑲ ᐂᑉᐸᖏᑦ 34:9 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 35:8

ᐊᖓᔪᖅᑳᖁᑎᖏᓪᓗ ᑐᓂᓯᕗᑦ ᑲᑦᓱᖎᑦᓯᐊᕐᓗᑎᒃ ᐃᓄᖕᓄᑦ, ᑐᓂᕐᕈᓯᕐᑎᑦᓯᔨᓄᑦ, ᓕᕔᑎᓄᓪᓗ. ᕼᐃᓪᑬᐊ, ᓴᑲᕅᐊ, ᔨᕼᐃᐅᓗ, ᐊᖓᔪᖅᑳᖑᔪᑦ ᒎᑎᐅᑉ ᐃᒡᓗᖓᓂ, ᑖᒃᑯᐊ ᑐᓂᓯᕗᑦ ᑐᓂᕐᕈᓯᕐᑎᑦᓯᔨᓄᑦ ᖄᖏᕐᑕᐅᕕᒃᓯᐅᕐᓂᕐᒧᑦ ᑐᓂᕐᕈᑎᒃᓴᓂᒃ ᓄᕐᕋᐅᔭᕐᓂᒃ ᒎᑦᓰᓪᓗ ᓄᕐᕋᖏᓐᓂᒃ 2,600ᓂᒃ ᐃᒻᒧᒃᓯᐅᒊᓪᓗ ᐊᖑᓴᓪᓗᖏᓐᓂᒃ 300ᓂᒃ;

ᑯᕉᓂᑲ ᐂᑉᐸᖏᑦ 30:18

ᐃᓄᒋᐊᒃᑐᕐᔪᐊᑦ, ᐃᕗᕅᑎᒥᐅᑦ, ᒫᓇᓯᒥᐅᑦ, ᐃᓴᑳᕆᒥᐅᑦ, ᓯᐳᓗᓂᒥᐅᑦ, ᐃᒻᒥᖕᓂᒃ ᓴᓗᒻᒪᕐᓴᓚᐅᖏᒻᒪᑕ, ᓂᕆᖃᑕᐅᓚᐅᕐᐳᓪᓕ ᖄᖏᕐᑕᐅᕕᒃᓯᐅᕈᑎᒥᒃ ᒪᓕᖕᓇᑎᒃ ᑎᑎᕋᕐᓯᒪᔪᓂᒃ. ᕼᐃᓯᑬᐊᐅᓪᓕ ᑐᒃᓯᐅᑎᕔᑦ, ᐅᖃᕐᓗᓂ, “ᐊᑕᓂᐅᑉ ᐱᐅᔫᑉ ᑕᒤᑕ ᐃᓱᒪᒋᔪᓐᓁᕐᕕᒋᓕᒋᑦ

ᑯᕉᓂᑲ ᐂᑉᐸᖏᑦ 30:10

ᑕᕝᕙ ᐅᖃᕆᐊᕐᑐᕐᑏᑦ ᐊᐅᓪᓚᓚᐅᕐᐳᑦ ᐃᒡᓗᒐᓴᖕᓂᑦ ᐃᒡᓗᒐᓴᖕᓄᑦ ᓄᓇᓕᖕᓄᓪᓗ ᐃᕗᕅᑎᒥᐅᓄᑦ ᒫᓇᓯᒃᑯᓐᓄᓪᓗ, ᐊᒡᓛᑦ ᓯᐳᓗᓂ ᑎᑭᓪᓗᒍ; ᑖᒃᑯᐊᓕ ᐃᔪᕆᔭᐅᓚᐅᕐᐳᑦ ᓱᐊᒃᑕᐅᓪᓗᑎᒃ, ᒥᑕᐅᑎᒋᔭᐅᓪᓗᑎᒡᓗ.

ᐱᓕᐱᒥᐅᓄᑦ 4:8

ᑭᖑᓪᓕᕐᐹᒥᓪᓕ ᐅᒃᐱᕐᑑᖃᑎᒃᑲ, ᓱᓇᑐᐃᓐᓇᖅ ᓱᓕᔫᒃᐸᑦ, ᐅᐱᓐᓇᕐᐸᑦ, ᓈᒻᒪᓈᑦᓯᐊᕐᓂᐅᒃᐸᑦ, ᐃᑦᔪᕐᓁᑉᐸᑦ, ᓇᒡᓕᖕᓇᕐᐸᑦ, ᐱᑦᓯᐊᕐᓂᐅᒃᐸᑦ, ᓈᒻᒪᓈᕐᓯᒪᑦᓯᐊᕐᓂᖃᕐᐸᓪᓗ, ᓂᕐᑐᕐᓇᕐᑐᖃᕐᐸᓪᓗ, ᑕᒪᒃᑯᐊ ᐃᓱᒪᒃᓴᕐᓯᐅᕈᑎᒋᓯᒋᒃ.

ᑯᕉᓂᑲ ᐂᑉᐸᖏᑦ 34:22

ᕼᐃᓪᑬᐊᓗ ᐊᖓᔪᖅᑳᕐᔪᐊᓪᓗ ᑎᓕᓚᐅᕐᑕᖏᑦ ᐂᕗᑦ ᕼᐅᓪᑕᒧᑦ ᐊᕐᓇᒧᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ, ᓴᓗᒻ ᓄᓕᐊᖓᓄᑦ ᑐᑲᑕᐅᑉ ᐃᕐᓂᖓᑕ, ᕼᐊᔅᕋᓪᓗ ᐃᕐᓂᖓ ᐊᓐᓄᕌᓂᒃ ᑐᒃᓯᐊᕐᕕᖕᒥ ᑲᒪᔨ (ᑖᓐᓇ ᐊᕐᓇᖅ ᐊᖏᕐᕋᖃᓚᐅᕐᒪᑦ ᔨᕉᓴᓕᐅᑉ ᐊᕝᕙᖓᑕ ᐂᑉᐸᖓᓂ.) ᑖᓐᓇᓗ ᐊᕐᓇᖅ ᐅᖃᕐᕕᒋᕚᑦ ᐱᓂᐊᕐᓂᐅᔪᓂᒃ.

ᑯᕉᓂᑲ ᐂᑉᐸᖏᑦ 34:20

ᐊᖓᔪᖅᑳᕐᔪᐊᕐᓗ ᑎᓕᓯᕗᖅ ᕼᐃᓪᑬᐊᒥᒃ, ᐊᕼᐂᑲᒻ ᓴᕙᓂᐅᑉ ᐃᕐᓂᖓᓂᒃ, ᐊᑉᑖᓐᒥᒃ ᒤᑲᐅᑉ ᐃᕐᓂᖓᓂᒃ, ᓮᕙᓐᓗ ᑎᑎᕋᕐᑎ, ᐊᓮᐊᓗ ᐊᖓᔪᖅᑳᕐᔪᐊᑉ ᐱᔨᖓ, ᐅᖃᕐᓗᓂ,

ᑯᕉᓂᑲ ᐂᑉᐸᖏᑦ 34:18

ᓴᕙᓂᐅᓪᓗ ᑎᑎᕋᕐᑎᐅᑉ ᐊᖓᔪᖅᑳᕐᔪᐊᖅ ᐅᖃᐅᑎᕚ, “ᑐᓂᕐᕈᓯᕐᑎᑦᓯᔨᐅᑉ ᕼᐃᓪᑬᐊᐅᑉ ᐊᒡᓚᖕᓂᒃ ᑐᓂᓚᐅᕐᐹᖓ.” ᓴᕙᓂᓗ ᑖᒃᑯᓂᖓ ᐅᖃᓕᒫᓕᕐᐳᖅ ᐊᖓᔪᖅᑳᕐᔪᐊᕐᒧᑦ.

ᑯᕉᓂᑲ ᐂᑉᐸᖏᑦ 31:1

ᑕᒪᒃᑯᐊᓕᒫᑦ ᐱᔭᕇᕐᒪᑕ, ᐃᓴᕆᐊᓕᒥᐅᓕᒫᑦ ᑍᑲᓃᓚᐅᕐᑐᑦ ᐂᕗᑦ ᔫᑕᐅᑉ ᐃᒡᓗᒐᓴᖏᓐᓄᑦ ᓇᐸᔪᐃᓪᓗ ᒎᑎᓐᖑᐊᑦ ᓯᖁᑦᑎᕐᐰᑦ ᕿᔪᐃᓪᓗ ᓴᓇᓐᖑᐊᕐᓯᒪᔪᑦ ᒎᑎᓐᖑᐊᑦ ᐊᓯᕅᑦ ᓇᑲᑎᕐᐰᑦ ᐃᒋᓪᓗᒋᓪᓗ ᑐᓂᕐᕈᓯᕐᕕᖁᑎᖏᑦ ᔫᑕᒦᑦᑐᑦ ᐱᓐᔭᒥᓂᒦᑦᑐᓪᓗ, ᐃᕗᕅᑎᒦᑦᑐᓪᓗ ᒫᓇᓯᒦᑦᑐᓪᓗ, ᐊᑕᖏᕐᓗᒋᑦ ᓯᖁᑦᑎᕐᐰᑦ. ᐃᓴᕆᐊᓕᒥᐅᓪᓗ ᐃᒡᓗᒐᓴᖕᒥᓄᑦ ᐅᑎᕐᐳᑦ, ᐊᑐᓂᑦ ᓄᓇᒥᖕᓄᐊᕐᓗᑎᒃ.

ᐊᑕᓃᑦ ᐂᑉᐸᖏᑦ 23:4

ᑕᕝᕙ ᐊᖓᔪᖅᑳᕐᔪᐊᖅ ᑎᓕᓯᕗᖅ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓂᒃ ᕼᐃᓪᑬᐊᒥᒃ ᐃᑲᔪᕐᑎᖏᓐᓂᒡᓗ, ᑐᒃᓯᐊᕐᕕᒡᔪᐊᓪᓗ ᐃᑎᕐᑕᕐᕕᖓᓂ ᖃᐅᔨᓴᕐᑎᐅᔪᓕᒫᑦ ᒎᑎᓐᖑᐊᒧᑦ ᐰᓕᒧᑦ ᑐᒃᓯᐊᕐᓗᑎᒃ ᐊᑐᕐᑕᐅᖃᑦᑕᕐᑐᓕᒫᑦ, ᒎᑎᓐᖑᐊᒧᓪᓗ ᐊᓯᕋᒧᑦ, ᐅᓪᓗᕆᐊᓄᓪᓗ, ᑕᒪᒃᑯᐊᓕᒫᑦ ᐊᖓᔪᖅᑳᕐᔪᐊᑉ ᐃᑯᐊᓪᓚᒃᑕᐅᑎᑉᐰᑦ ᐃᒡᓗᒐᓮᑦ ᔨᕉᓴᓕᐅᑉ ᓯᓚᑖᓂ ᓇᕐᓴᒥ ᑭᑐᕌᓂᒥᒃ ᑍᔭᐅᔪᒥ ᐊᕐᔭᓕᓂᖏᓪᓗ ᐱᑎᓕᒧᑦ ᐋᑕᐅᑎᓪᓗᓂᒋᑦ.

ᑯᕉᓂᑲ ᐂᑉᐸᖏᑦ 34:10

ᑖᒃᑯᐊ ᑐᓂᕔᑦ ᐱᓇᓱᐊᕐᑎᓄᑦ ᐊᖓᔪᖅᑲᐅᑎᑕᐅᔪᓄᓪᓗ ᐊᑕᓂᐅᑉ ᐃᒡᓗᖓᓂ; ᐱᓇᓱᐊᕐᑎᐅᔪᓄᓪᓗ ᑐᓂᒋᕔᑦ ᐊᑕᓂᐅᑉ ᐃᒡᓗᖓᓂ, ᐋᖅᑭᒋᐊᕐᑕᐅᖁᓪᓗᒍ ᓴᓇᒋᐊᕐᑕᐅᖁᓪᓗᒍᓗ.