ᑯᕉᓂᑲ ᐂᑉᐸᖏᑦ 34:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐱᐅᔪᒥᒡᓗ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᐱᓂᐊᕐᓂᖃᓚᐅᕐᐳᕐᓗ ᓯᕗᓕᖓᑕ ᑍᕕᑎᐅᑉ ᐱᓂᐊᕐᓂᕆᓚᐅᕐᑕᖏᑎᑐᑦ; ᓴᖑᓚᐅᓐᖏᓚᕐᓗ ᑕᓕᕐᐱᖕᒧᑦ ᓴᐅᒥᒧᓪᓘᓐᓃᑦ.

ᑯᕉᓂᑲ ᐂᑉᐸᖏᑦ 34:2 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 14:8

ᑍᕕᑎᐅᑉ ᐊᑕᓂᐅᕕᖓ ᑭᖑᕚᖏᓐᓂᑦ ᐊᕕᒃᑎᓚᐅᕐᐸᕋ ᑐᓂᓪᓗᒍᓗ ᐃᓕᖕᓄᑦ; ᑭᓯᐊᓂᓕ ᑍᕕᑎᑑᓚᐅᓐᖏᓚᑎᑦ, ᑖᓐᓇ ᐱᖁᔭᓐᓂᒃ ᐅᕙᓐᓂᒡᓗ ᒪᓕᑦᓯᐊᓚᐅᕐᒪᑦ ᐱᔪᓐᓇᕐᓂᓕᒫᒥᓄᑦ, ᐱᓇᓱᐊᖃᑦᑕᕐᓗᓂᓗ ᐱᓇᓱᐊᕐᑕᐅᖁᔭᓐᓂᒃ ᑭᓯᐊᓂ.

ᐊᑕᓃᑦ ᓯᕗᓪᓖᑦ 15:5

ᑍᕕᑎ ᐊᑕᓂᐅᑉ ᓈᒻᒪᒋᔭᖓᓂᒃ ᐃᓅᓚᐅᕐᓂᖓᓄᑦ, ᕿᒤᓚᐅᕋᓂᓗ ᐊᑕᓂᐅᑉ ᐱᖁᔭᖏᓐᓂᒃ ᑕᒤᓐᓂᒃ ᐃᓅᓯᓕᒫᒥᓂ, ᑭᓯᐊᓂ ᐃᓱᐊᖏᑦᔪᑎᑐᐊᖃᓚᐅᕐᐳᖅ ᔪᕅᐊᒥᒃ ᕼᐃᑍᑎᒥᐅᑕᕐᒥᒃ.

ᐊᑕᓃᑦ ᐂᑉᐸᖏᑦ 22:2

ᔫᓮᐊ ᐊᑕᓂᐅᑉ ᓵᖓᓂ ᐱᐅᔪᒥᒃ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᐱᓂᐊᕐᓂᖃᓚᐅᕐᐳᕐᓗ ᓯᕗᓕᖓᑕ ᑍᕕᑎᐅᑉ ᐊᖓᔪᖅᑳᕐᔪᐊᑉ ᐱᓂᐊᕐᓂᕆᓚᐅᕐᑕᖏᑎᑐᑦ, ᓴᖑᓚᐅᖏᓚᕐᓗ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ.

ᑯᕉᓂᑲ ᐂᑉᐸᖏᑦ 14:2

ᐂᓴᓗ ᐱᓇᓱᐊᑦᓯᐊᓚᐅᕐᐳᖅ ᓇᓛᒎᕐᑐᒥᒡᓗ ᐱᓂᐊᕐᓂᖃᕐᓗᓂ ᐊᑕᓂᐅᑉ ᒎᑎᖓᑕ ᑕᑯᓐᓇᕐᑕᖓᓂ.

ᑯᕉᓂᑲ ᐂᑉᐸᖏᑦ 17:3

ᐊᑕᓂᐅᑉ ᔨᕼᐆᓴᐸᑦ ᐃᓚᒋᕚ, ᐊᑖᑕᖓᑕ ᐱᒋᐊᓕᓵᕐᓂᖓᑐᑦ ᐃᓅᓚᐅᕐᒪᑦ, ᐰᓕᓂᒃ ᒎᑎᓐᖑᐊᓂᒃ ᑕᑎᖃᓚᐅᖏᒻᒪᑦ.

ᑯᕉᓂᑲ ᐂᑉᐸᖏᑦ 17:4

ᐊᑖᑕᖓᑕᓕ ᒎᑎᖓᓂᒃ ᑕᑎᖃᓚᐅᕐᐳᖅ ᐱᖁᔭᖏᓐᓂᒡᓗ ᒪᓕᒡᓗᓂ, ᐃᓴᕆᐊᓕᒥᐅᑉ ᐱᓂᐊᕐᓂᖏᑦ ᒪᓕᖕᓇᒋᑦ.

ᑯᕉᓂᑲ ᐂᑉᐸᖏᑦ 29:2

ᐱᓂᐊᕐᓂᖃᑦᓯᐊᓚᐅᕐᐳᕐᓗ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓯᕗᓕᖓᑕ ᑍᕕᑎᐅᑉ ᐱᓂᐊᕐᓂᕆᓚᐅᕐᑕᓕᒫᖏᑦ ᒪᓕᒡᓗᒋᑦ.

ᑯᕉᓂᑲ ᐂᑉᐸᖏᑦ 34:3

ᐊᖓᔪᖅᑳᖑᓂᖓᑕ ᐊᕐᕌᒎᑉ ᓯᑕᒪᐅᔪᕐᑐᖓᓂ, ᐃᓅᓱᒃᑑᓪᓗᓂ ᓱᓕ, ᓯᕗᓕᖓᑕ ᑍᕕᑎᐅᑉ ᒎᑎᖓ ᖃᐅᔨᓇᓱᐊᓕᓚᐅᕐᐹ; ᐊᕐᕌᒎᑉ 12ᖓᓂ ᔫᑕᐅᑉ ᔨᕉᓴᓕᐅᓪᓗ ᑐᒃᓯᐊᕐᕕᖏᑦ ᓴᓗᒻᒪᕐᓴᓕᕐᐰᑦ, ᓴᓇᓐᖑᐊᕐᓯᒪᔪᖅ ᐊᓯᕋᒥᒃ ᐊᑎᓕᒃ, ᓴᓇᐅᒊᓪᓗ ᐊᐅᒃᑎᓯᒪᔪᓪᓗ ᒎᑎᓐᖑᐊᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:27

ᓇᓪᓕᐊᓐᓄᑐᐃᓐᓇᖅ ᓴᐅᒥᒧᑦ ᑕᓕᕐᐱᒧᓪᓗ ᓴᖑᑦᑍᓕᓗᑎᑦ; ᐱᐅᖏᑦᑐᑦ ᐊᖅᑯᑎᖕᓃᑦᑐᑦ ᓴᓂᖅᑯᑉᐸᒡᓗᒋᑦ.

ᒨᓯᓯ ᑕᓪᓕᒪᖏᑦ 17:11

ᐊᑐᕐᑕᐅᖁᔭᐅᔪᒥᒃ ᖃᓄᐃᓕᐅᖁᔭᐅᑦᔪᑎᓕᒫᓪᓗ ᑍᒪᓐᓇᓪᓗᐊᖅ ᒪᓕᒡᓗᒋᑦ ᐱᓇᓱᐊᕐᑐᒃᓴᐅᕗᓯ; ᓴᖑᑎᖏᑦᓯᐊᕐᓗᒋᑦ ᑕᓕᕐᐱᒧᑦ ᓴᐅᒥᖕᒧᓪᓘᓐᓃᑦ.

ᒨᓯᓯ ᑕᓪᓕᒪᖏᑦ 17:20

ᑕᒪᓐᓇ ᓴᐳᑦᔭᐅᑦᔪᑎᒋᓯᒪᒐᔭᕐᒪᒍ ᐃᓅᖃᑎᒥᓂᑦ ᐱᐅᓂᕐᓴᐅᓇᓱᒋᓕᖁᓇᒍ, ᐊᑕᓂᐅᓪᓗ ᐱᖁᔭᖏᓐᓂᑦ ᓴᖑᖁᓇᒍ, ᑕᓕᕐᐱᖕᒧᓪᓘᓐᓃᑦ ᓴᐅᒥᖕᒧᓪᓘᓐᓃᑦ; ᐊᑯᓂᐅᔪᒥᒃ ᐊᖓᔪᖅᑳᕐᔪᐊᖑᖁᓪᓗᒍ ᐊᖓᔪᖅᑲᐅᕕᖕᒥᓂ, ᑖᓐᓇᓗ ᑭᖑᕚᖏᓪᓗ, ᐃᓴᕆᐊᓕᒥᐅᓂ.”

ᒨᓯᓯ ᑕᓪᓕᒪᖏᑦ 28:14

ᑍᒪᓐᖓᑦ ᓈᓚᑦᓯᐊᕆᐊᖃᕐᐸᓯ ᓈᓚᖏᑦᑑᑦᑍᓕᓗᒋᑦ ᓇᓪᓕᐊᓐᓄᓪᓘᓐᓃᑦ ᓴᐅᒥᒧᑦ ᑕᓕᕐᐱᒧᓪᓘᓐᓃᑦ ᓴᖑᑦᑍᓕᓗᓯ, ᒎᑎᐅᓪᓗ ᐊᓯᖏᓐᓂᒃ ᒎᑎᒋᔭᐅᔪᓂᒃ ᑐᒃᓯᐊᕐᕕᖃᕋᓱᒃᑐᒃᓴᐅᓐᖏᓚᓯ.”

ᒨᓯᓯ ᑕᓪᓕᒪᖏᑦ 5:32

“ᐃᓴᕆᐊᓕᒥᐅᖑᔪᓯ, ᐃᒃᐱᒍᓱᑦᓯᐊᕆᐊᖃᕐᐳᓯ ᐱᓇᓱᐊᖁᓪᓗᓯ ᐊᑕᓂᐅᑉ ᒎᑎᑦᓯ ᐱᖁᔨᓂᖏᓐᓂᒃ. ᓇᓪᓕᐊᓐᓂᒡᓘᓐᓃᑦ ᐱᖁᔭᖏᓐᓂᒃ ᓈᓚᖏᑦᑑᔪᒃᓴᐅᓐᖏᓚᓯ.

ᔮᓱᐊᑉ ᐊᒡᓚᖏᑦ 1:7

ᓲᖑᓂᖃᓕᕆᑦ ᓯᕘᕋᖏᑦᓯᐊᕐᓗᑎᓪᓗ, ᓈᓚᑦᓯᐊᓪᓗᑎᑦ ᐱᖁᔭᓐᓂᒃ ᒨᓯᓯᐅᑉ ᐱᔨᒪ ᑐᓂᓚᐅᕐᑕᖏᓐᓂᒃ ᐃᓕᖕᓄᑦ, ᑕᓕᕐᐱᒧᓪᓘᓐᓃᑦ, ᓴᐅᒥᒧᓪᓘᓐᓃᑦ ᓴᖑᑦᑍᓕᒋᑦ ᐱᔪᓐᓇᑦᓯᐊᖁᓪᓗᑎᑦ ᓇᒧᓐᖓᕐᓂᐊᕋᓗᐊᕈᕕᑦ.

ᔮᓱᐊᑉ ᐊᒡᓚᖏᑦ 23:6

ᑍᒤᒻᒪᑦ ᑲᒪᑦᓯᐊᕐᑐᒃᓴᐅᕗᓯ ᓈᓚᑦᓯᐊᕐᓗᒋᓪᓗ ᐱᓇᓱᐊᕐᓗᒋᑦ ᑎᑎᕋᕐᑕᐅᓯᒪᔪᓕᒫᑦ ᐊᒡᓚᖕᓂ ᒨᓯᓯᐅᑉ ᐱᖁᔭᖏᓐᓂ, ᓇᓪᓕᐊᓐᓄᓪᓘᓐᓃᑦ ᓴᖑᑦᑍᓕᒋᑦᓯ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ,