ᑯᕉᓂᑲ ᐂᑉᐸᖏᑦ 32:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐱᔪᓐᓇᐅᑎᖃᕐᒪᑦ ᑎᒥᒃᑯᑦ ᐅᓇᑕᕐᑎᓂᒃ; ᐅᕙᒍᓪᓕ ᐱᔪᓐᓇᐅᑎᖃᕐᐳᒍᑦ ᐊᑕᓂᕐᒥᒃ ᒎᑎᑦᑎᓐᓂᒃ, ᐃᑲᔪᕐᓂᐊᕐᑐᖅ ᐅᓇᑕᐅᑦᔨᓗᓂᓗ ᐅᕙᑦᑎᓐᓂᒃ.” ᐃᓄᐃᓪᓗ ᓴᐱᕈᓐᓃᕐᑎᑕᐅᕗᑦ ᕼᐃᓯᑬᐊᐅᑉ ᔫᑕᒥ ᐊᖓᔪᖅᑳᕐᔪᐊᑉ ᐅᖃᐅᓯᖏᓐᓄᑦ.

ᑯᕉᓂᑲ ᐂᑉᐸᖏᑦ 32:8 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 18:5

ᐊᖓᔪᖅᑳᕐᔪᐊᖅ ᕼᐃᓯᑬᐊ ᐊᑕᓂᕐᒥᒃ ᑕᑎᖃᑦᓯᐊᓚᐅᕐᐳᖅ ᐃᓴᕆᐊᓕᒥᐅᑦ ᒎᑎᖓᓐᓂᒃ; ᔫᑕᐅᓪᓗ ᐊᖓᔪᖅᑳᕐᔪᐊᕆᖃᑦᑕᕐᓯᒪᔭᖏᓐᓂᒃ ᐊᑦᔨᒋᔭᐅᓚᐅᓐᖏᓚᖅ, ᓯᕗᓕᕆᓯᒪᑦᔭᖏᓐᓄᑦ ᑭᖑᓂᖓᒍᓪᓗ ᐊᖓᔪᖅᑳᕐᔪᐊᖑᖃᑦᑕᕐᓯᒪᔪᓄᑦ.

ᐊᑕᓃᑦ ᐂᑉᐸᖏᑦ 6:16

ᒎᑎᐅᑉ ᐃᓄᖁᑎᖓ ᐅᖃᕐᐳᖅ, “ᑲᑉᐱᐊᓱᖏᓪᓗᑎᑦ, ᑍᒃᑯᓇᖓᑦ ᐅᓄᕐᓂᕐᓴᓂᒃ ᐃᓚᖃᕐᐳᒍᑦ.”

ᑯᕉᓂᑲ ᓯᕗᓪᓖᑦ 5:22

ᐅᓄᕐᑐᑦ ᑐᖁᑕᐅᓚᐅᕐᐳᑦ, ᐅᓇᑕᕐᓂᖅ ᒎᑎᐅᑉ ᐅᓇᑕᕐᓂᕆᓚᐅᕐᒪᒍ. ᓄᓇᖅᑲᓕᓚᐅᕐᐳᓪᓗ ᓄᓇᕕᓂᖏᓐᓂ ᐊᐅᓪᓚᐅᑦᔭᐅᓂᖏᓐᓄᑦ ᑎᑭᓪᓗᑎᒃ.

ᑯᕉᓂᑲ ᐂᑉᐸᖏᑦ 13:12

ᑕᑯᒋᑦ, ᒎᑎᐅᑉ ᐃᓚᒋᕚᑎᒍᑦ ᓂᐊᖁᕆᒐᑦᑎᒍ, ᑐᓂᕐᕈᓯᕐᑎᑦᓯᔨᖏᓪᓗ ᑎᑦᑐᓚᐅᑎᓄᑦ ᓂᓪᓕᕐᑎᑦᓯᕗᑦ ᐅᓇᑕᕆᐊᕐᑐᕐᓯᐅᒻᒥᒃ ᐃᓕᑦᓯᓐᓄᑦ. ᐃᓴᕆᐊᓕᐅᑉ ᑭᖑᕚᖏᑦ, ᐊᑕᓂᕐᒥᒃ ᐅᓇᑕᕐᑍᓕᒋᑦᓯ, ᓯᕗᓕᑦᓯ ᒎᑎᖓᓂᒃ; ᓵᓚᖃᕐᓂᐊᖏᓐᓇᑦᓯ.”

ᑯᕉᓂᑲ ᐂᑉᐸᖏᑦ 14:10

ᐂᓴᐅᓪᓗ ᐸᕐᕆᐊᕐᐹ, ᐅᓇᑕᕐᑎᒥᖕᓂᒡᓗ ᐅᐸᓗᖎᔭᕐᐴᒃ ᔨᐸᑕᐅᑉ ᓇᕐᓴᖓᓂ ᒪᕇᓴᒥ.

ᑯᕉᓂᑲ ᐂᑉᐸᖏᑦ 14:11

ᐂᓴᓗ ᑐᒃᓯᐊᕐᐳᖅ ᐊᑕᓂᕐᒧᑦ ᒎᑎᒥᓄᑦ, ᐅᖃᓪᓗᓂ, “ᐊᑕᓃᖅ, ᐊᑦᔨᖃᓐᖏᓚᑎᑦ ᐃᑲᔪᕈᓐᓇᕐᑐᒥᒃ, ᓴᓐᖏᔪᓂᒃ ᓴᓐᖐᑦᑐᓂᒡᓗ. ᐊᑕᓃᖅ ᒎᑎᕗᑦ ᐃᑲᔪᓚᐅᕐᑎᒍᑦ, ᐃᓕᖕᓂᒃ ᑕᑎᖃᕋᑦᑕ, ᑕᒪᐅᓐᖓᕐᐳᒍᑦ ᐱᔪᓐᓇᕐᓂᕐᓄᑦ ᐅᓇᑕᕆᐊᕐᓗᑕ ᐅᓄᕐᑐᕐᔪᐊᓄᑦ. ᐊᑕᓃᖅ ᒎᑎᒋᒐᑦᑎᒋᑦ; ᐃᓄᖕᒧᑦ ᓇᓪᓕᐊᓐᓄᓪᓘᓐᓃᑦ ᓵᓚᐅᔪᓐᓇᖏᑦᑐᑎᑦ.”

ᑯᕉᓂᑲ ᐂᑉᐸᖏᑦ 16:7

ᑍᑦᓱᒪᓂᐅᑎᓪᓗᒍ ᕼᐊᓇᓁ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐂᕗᖅ ᐂᓴᒧᑦ ᔫᑕᐅᑉ ᐊᖓᔪᖅᑳᕐᔪᐊᖓᓄᑦ, ᐅᖃᐅᑎᓪᓗᒍᓗ, “ᑕᑎᖃᓚᐅᕋᕕᑦ ᓯᕆᐊᑉ ᐊᖓᔪᖅᑳᕐᔪᐊᖓᓂᒃ, ᐊᑕᓂᕐᒥᒃ ᒎᑎᖕᓂᒃ ᑕᑎᖃᓚᐅᕐᓇᒃ, ᑍᒤᒻᒪᑦ ᓯᕆᐊᑉ ᐊᖓᔪᖅᑳᕐᔪᐊᖓᑕ ᐅᓇᑕᕐᑐᒃᓴᖁᑎᖏᑦ ᐃᓕᖕᓂᒃ ᕿᒤᕗᑦ.

ᑯᕉᓂᑲ ᐂᑉᐸᖏᑦ 20:15

ᐅᖃᕐᐳᕐᓗ, “ᓈᓚᒋᑦᓯ, ᔫᑕᒥᐅᓕᒫᑦ ᔨᕉᓴᓕᒥᐅᓕᒫᓪᓗ, ᐊᖓᔪᖅᑳᕐᔪᐊᕐᓗ ᔨᕼᐆᓴᐸᑦ: ᐊᑕᓂᖅ ᐅᖃᕐᐳᖅ ᐃᓕᑦᓯᓐᓄᑦ, ‘ᑲᑉᐱᐊᓱᖏᓪᓗᓯ, ᓴᐱᖏᓪᓗᓯᓗ ᐃᓄᒋᐊᒃᑐᕐᔪᐊᓂᒃ; ᐃᓕᑦᓯ ᑕᒪᓐᓇ ᐅᓇᑕᕐᓂᕆᖏᓐᓇᑦᓯᐅᒃ, ᒎᑎᐅᓪᓕ.

ᑯᕉᓂᑲ ᐂᑉᐸᖏᑦ 20:17

ᐅᓇᑕᕆᐊᖃᓛᓐᖏᓚᓯ ᐅᓇᑕᕐᓂᕐᒥ ᐊᑐᐃᓐᓇᕈᕐᓗᓯ ᓄᖅᑲᖓᑐᐃᓐᓇᓛᕐᐳᓯ, ᑕᑯᓗᓯᓗ ᐊᑕᓂᐅᑉ ᓵᓚᖃᕐᓂᖓᓂᒃ ᐱᑦᔪᑎᒋᓗᓯ, ᔫᑖ ᔨᕉᓴᓕᒻᓗ.’ ᑲᑉᐱᐊᓱᖏᓪᓗᓯ, ᓴᐱᕐᑍᓕᒋᓯᓗ; ᖃᐅᒃᐸᑦ ᐅᐸᓛᕐᐸᑦᓯ ᐅᓇᑕᕆᐊᕐᓗᒋᑦ, ᐊᑕᓂᐅᓪᓗ ᐃᓚᒋᓂᐊᕐᐹᓯ.”

ᑯᕉᓂᑲ ᐂᑉᐸᖏᑦ 20:20

ᐅᓪᓛᒻᒪᕆᒃᑯᓪᓗ ᒪᑭᑉᐳᑦ ᐂᓗᑎᒡᓗ ᐃᓄᖃᔪᐃᑦᑐᒧᑦ ᑎᑯᐊᒧᑦ; ᐊᐅᓪᓚᕐᑎᓪᓗᒋᑦ, ᔨᕼᐆᓴᐸᑦ ᓂᑯᕕᓪᓗᓂ ᐅᖃᕐᐳᖅ, “ᑐᓴᕐᓯᓐᖓ ᔫᑕᒥᐅᑦ ᔨᕉᓴᓕᒥᓗ ᓄᓇᖃᕐᑐᓯ! ᐅᒃᐱᕆᑦᓯ ᐊᑕᓂᕐᒥᒃ ᒎᑎᑦᓯᓐᓂᒃ, ᑕᕝᕙ ᐃᓂᓪᓚᒃᑎᑕᐅᓂᐊᕐᐳᓯ; ᐅᖃᕐᑎᖏᑦ ᐅᒃᐱᕆᓯᒋᒃ, ᑕᕝᕙ ᒪᑭᑎᑕᐅᓂᐊᕐᐳᓯ.”

ᑯᕉᓂᑲ ᐂᑉᐸᖏᑦ 32:15

ᒫᓐᓇ ᑍᒤᒻᒪᑦ ᕼᐃᓯᑬᐊᒧᑦ ᓯᓔᕐᕆᔭᐅᑦᑍᓕᒋᑦᓯ ᒪᓕᒃᓴᕐᑎᑦᑍᓕᓛᓯᓗ ᑕᒪᑐᒧᖓ, ᐅᒃᐱᕆᑦᑍᓕᓯᐅᒃ, ᐃᓅᖃᑎᒌᒡᔪᐊᑦ ᒎᑎᖏᑕ ᓇᓪᓕᐊᓐᓄᑦ ᐊᑕᓂᐅᕖᓪᓘᓐᓃᑦ ᓴᐳᑎᔭᐅᔪᖃᓚᐅᕐᓯᒪᖏᒻᒪᑕ ᐱᔪᓐᓇᕐᓂᓐᓂᑦ ᐅᕝᕙᓗ ᐊᑖᑕᒪ ᐱᔪᓐᓇᕐᓂᖓᓂᑦ. ᖃᓄᕐᓕ ᓴᐳᑎᔭᐅᓂᕐᓴᐅᔪᓐᓇᕐᐱᓰ ᒎᑎᑦᓯᓐᓄᑦ ᐱᔪᓐᓇᕐᓂᓐᓃᑦ?’”

ᔫᐱᐅᑉ ᐊᒡᓚᖏᑦ 40:9

ᒎᑎᑐᑦ ᓲᖑᓂᖃᕐᑎᒋᕖᑦ? ᓂᐱᖅᑯᕐᑐᔪᓐᓇᕐᐲᑦ ᑖᑦᓱᑐᓇᖅ ᑲᓪᓕᕐᕙᓗᒃᑐᑎᑐᑦ?

ᐃᓐᖏᕈᑎᑦ 118:8

ᐱᐅᓂᕐᓴᐅᕗᖅ ᐊᑕᓂᖅ ᑕᑎᒋᓗᒍ ᐃᓄᖕᒥᒃ ᐃᑲᔪᕐᑎᖃᕋᓱᖕᓂᕐᒥᑦ.

ᐃᓐᖏᕈᑎᑦ 20:7

ᐃᓚᖏᑦ ᑕᑎᖃᕐᐳᑦ ᐊᒃᓴᓗᐊᓕᖕᓂᒃ ᐃᑭᒪᕕᖕᓂᒃ, ᐃᓚᖏᓪᓗ ᑕᑎᖃᕐᐳᑦ ᕿᒧᒃᓯᐅᑎᓂᒃ; ᐅᕙᒍᓪᓕ ᐃᖅᑲᐅᒪᔪᒪᕗᒍᑦ ᐊᑕᓂᐅᑉ ᒎᑎᑦᑕ ᐊᑎᖓᓂᒃ.

ᐃᓐᖏᕈᑎᑦ 46:11

ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦᑕ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᐃᓐᖏᕈᑎᑦ 46:7

ᐊᑕᓂᐅᑉ ᐊᔪᒐᖃᖏᑦᑑᑉ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᒨᓯᓯ ᐂᑉᐸᖏᑦ 4:31

ᐃᓄᐃᓪᓗ ᐅᒃᐱᕈᓱᓕᕐᐳᑦ; ᑐᓴᕋᒥᒡᓗ ᐊᑕᓂᐅᑉ ᐅᐸᒍᑎᓂᕕᓂᖓᓂᒃ ᐃᓴᕆᐊᓕᒥᐅᓄᑦ ᐅᖁᒤᒃᓴᕐᑎᑕᐅᓂᖏᓐᓂᒡᓗ ᑕᑯᓯᒪᓂᖓᓂᒃ ᖃᐅᔨᒐᒥᒃ, ᐅᑯᓪᓗᑎᒃ ᑐᒃᓯᐊᓕᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:25

ᐃᓱᒪᔮᕈᑎᖃᓗᐊᕐᑐᖅ ᐆᒻᒪᑎᒥᒍᑦ ᖁᕕᐊᓇᖏᑦᑐᒦᓕᕈᓐᓇᕐᐳᖅ, ᐅᖃᐅᑦᔭᐅᑦᓯᐊᕐᓂᕐᒧᓪᓕ ᖁᕕᐊᑦᓴᒃᑎᑕᐅᔪᓐᓇᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 30:32

ᐊᑕᓂᐅᑉ ᐱᒋᐊᕐᓯᖃᑦᑕᕐᓂᖏᑦ ᑖᒃᑯᓂᖓ, ᓂᐱᖃᕈᒫᕐᐳᖅ ᓯᕙᓂᕋᐅᑎᓂᒃ ᕼᐊᕐᐱᓂᒡᓗ ᓂᓪᓕᐊᑎᑦᓯᔪᑎᑐᑦ; ᐅᓇᑕᕐᓗᓂ ᑖᒃᑯᓂᖓ ᑕᓕᕐᒥᓄᑦ ᐱᒋᐊᕐᑕᕐᓗᓂ ᐅᓇᑕᕈᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 31:3

ᐄᑦᔨᑉᑎᒥᐅᑦ ᐃᓄᑐᐃᓐᓇᐅᖕᒪᑕ, ᒎᑎᐅᓇᑎᒃ; ᕿᒻᒥᕐᔪᐊᖁᑎᖏᓪᓗ ᐆᒪᔪᑐᐃᓐᓇᐅᕗᑦ ᐊᓂᕐᓂᐅᓇᑎᒃ, ᐊᑕᓂᕐᓕ ᐱᔪᓐᓇᕐᓂᕐᒥᓄᑦ ᐱᒋᐊᕐᐸᑦ ᐃᑲᔪᕐᑐᕋᓱᐊᕐᑐᑦ ᐅᕐᕈᓂᐊᕐᐳᑦ, ᐃᑲᔪᕐᑕᐅᓇᓱᐊᕐᑐᓪᓗ ᐅᕐᕈᓂᐊᕆᕗᑦ; ᑕᒪᕐᒥᑦ ᓄᖑᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 36:18

ᕼᐃᓯᑬᐊᒧᑦ ᓯᓔᕐᕆᔭᐅᑦᑍᓕᒋᑦᓯ ᐅᖃᕐᓗᓂ, “ᐊᑕᓂᐅᑉ ᓴᐳᑎᓂᐊᕐᐹᑎᒍᑦ.” ᐊᓯᓯ ᐃᓅᖃᑎᒌᒡᔪᐊᑦ ᒎᑎᒋᔭᒥᖕᓄᑦ ᓴᐳᑎᔭᐅᔪᓐᓇᖃᑦᑕᓚᐅᕐᐹᑦ? ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐱᔪᓐᓇᕐᓂᖓᓂᑦ?

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 8:10

ᐃᓕᑦᓯᓐᓄᑦ ᐅᖃᖃᑎᒌᓕᕆᑦᓯ, ᑲᑎᒪᑦᔪᑎᓯᓕ ᑲᔪᓯᓂᐊᓐᖏᓚᖅ; ᐅᖃᐅᓯᕐᒥᒃ ᐅᖃᕋᓗᐊᕈᑦᓯ, ᓱᓕᓂᐊᓐᖏᓚᖅ, ᒎᑎᐅᑉ ᐃᓚᒋᖕᒪᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 17:5

ᐃᒫᒃ ᐊᑕᓂᖅ ᐅᖃᕐᐳᖅ: “ᓇᕐᕈᓇᕐᐳᖅ ᐃᓄᖕᒥᒃ ᑕᑎᖃᕐᑐᖅ ᑎᒥᐅᓪᓗ ᓴᓐᖏᓂᖓᓂᒃ ᓲᖑᓂᖃᕋᓱᒃᑐᖅ, ᐆᒻᒪᑎᒥᒍᑦ ᕿᒤᓯᒪᔪᖅ ᐊᑕᓂᕐᒥᒃ.

ᔨᕆᒤᐊᐅᑉ ᐊᒡᓚᖏᑦ 42:11

ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᑲᑉᐱᐊᒋᑦᑍᓕᓯᐅᒃ, ᐱᖃᑎᒋᒐᑦᓯ ᐱᐅᓕᓂᐊᕐᐸᑦᓯ ᐱᔪᓐᓇᕐᓂᖓᓂᓪᓗ ᓴᐳᑎᓯᒪᓂᐊᕐᐸᑦᓯ.

ᓴᑲᕅᐊᐅᑉ ᐊᒡᓚᖏᑦ 4:6

ᐂᖏᓕᐅᓪᓗ ᐅᖃᐅᑎᕚᖓ ᔨᕈᐸᐱᐅᓪ ᑐᓴᕐᑎᑕᐅᖁᓪᓗᒍ ᑐᓴᕆᐊᖃᕐᑕᖓᓂᒃ ᐊᑕᓂᕐᒥᑦ ᐱᔪᒥᒃ ᐃᒫᒃ, “ᐱᔪᓐᓇᕐᓂᕐᓅᖏᑦᑐᖅ, ᑎᒥᕕᓪᓗ ᓄᑭᖓᓅᖏᑐᖅ, ᐅᕙᖓᓕ ᐊᓂᕐᓂᓐᓄᑦ, ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 18:10

ᐃᓚᒋᒐᒃᑭᑦ, ᑭᓇᒧᓪᓘᓐᓃᑦ ᐅᐸᒃᑐᕐᑕᐅᓂᐊᓐᖏᓚᑎᑦ ᐊᓐᓂᕐᑕᐅᔭᕐᑐᕐᓗᑎᑦ, ᐊᒥᓱᓂᒃ ᐃᓄᖁᑎᖃᕋᒪ ᑕᕝᕙᓂ ᐃᒡᓗᒐᓴᖕᓂ.”

ᒨᓯᓯ ᑕᓪᓕᒪᖏᑦ 20:1

“ᐅᓇᑕᕆᐊᕐᓂᐊᓕᕈᑦᓯ ᐊᑭᕋᑦᓯᓐᓄᑦ, ᑕᑯᓕᕈᑦᓯᐅᒡᓗ ᕿᒧᒃᓯᐅᑎᖃᕐᑐᑦ ᐊᒃᓴᓗᐊᓕᖕᓂᒃ ᕿᒻᒥᕐᔪᐊᖃᕐᓗᑎᒡᓗ ᐅᓇᑕᕐᑐᒃᓴᖃᕐᓗᑎᒡᓗ ᐃᓕᑦᓯᓐᓂᑦ ᐅᓄᕐᓂᕐᓴᓂᒃ, ᓯᕘᕋᒋᔭᒃᓴᕆᓐᖏᓚᓯ; ᐊᑕᓂᐅᑉ ᒎᑎᑦᓯ, ᐃᓕᑦᓯᓐᓂᒃ ᐱᐅᓕᒃᓯᓚᐅᕐᑑᑉ ᐄᑦᔨᑉᑎᒥᑦ, ᑖᑦᓱᒪ ᐃᓚᒋᓂᐊᕐᒪᓯ.

ᒨᓯᓯ ᑕᓪᓕᒪᖏᑦ 20:3

‘ᐃᓴᕆᐊᓕᒥᐅᖑᔪᓯ, ᓈᓚᒋᑦᓯ! ᐅᓪᓗᒥ ᐅᓇᑕᕆᐊᕐᓂᐊᕋᑦᓯ ᐊᑭᕋᑦᓯᓐᓂᒃ, ᓯᕘᕋᒋᔭᒃᓴᕆᓐᖏᓚᓯ, ᓴᐱᕐᑐᒃᓴᐅᓇᓯᓗ, ᐅᕝᕙᓗ ᐅᐃᒻᒪᒃᑐᒃᓴᐅᓐᖏᓚᓯ.

ᒨᓯᓯ ᑕᓪᓕᒪᖏᑦ 20:4

ᐊᑕᓂᐅᑉ ᒎᑎᑦᓯ ᐃᓚᒋᓂᐊᕐᒪᓯ, ᑖᑦᓱᒪᓗ ᓵᓚᒃᓴᕐᑎᓐᓂᐊᕐᐹᓯ.’

ᑎᒧᑎᒧᑦ ᐂᑉᐸᖏᑦ 4:17

ᐊᑕᓂᐅᓪᓕ ᓇᔪᕐᒪᖓ ᑖᑦᓱᒪ ᐱᔪᓐᓇᕐᓂᖃᕐᑎᓚᐅᕐᐹᖓ ᐅᖃᓪᓚᒍᓐᓇᓚᐅᕐᐳᖓ ᑕᒤᓐᓂᒃ ᐅᖃᕆᐊᖃᕐᑕᓐᓂᒃ, ᔫᑎᐅᖏᑦᑐᓕᒫᑦ ᑐᓴᕈᓐᓇᖁᓪᓗᒋᑦ. ᑕᕝᕙ ᓔᔭᓐᐅᑉ ᖃᓂᖏᓐᓂᑦ ᓴᐳᑎᔭᐅᓚᐅᕐᐳᖓ.

ᑎᒧᑎᒧᑦ ᐂᑉᐸᖏᑦ 4:22

ᐊᑕᓂᐅᑉ ᐊᓂᕐᓃᑦ ᐃᓚᒋᓕᐅᒃ. ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐃᓚᒋᔭᐅᒋᑦ.

ᔮᓱᐊᑉ ᐊᒡᓚᖏᑦ 10:42

ᔮᓱᐊᓪᓗ ᐊᖓᔪᖅᑳᕐᔪᐊᓕᒫᑦ ᓵᓚᒋᕔᑦ ᓄᓇᖁᑎᓕᒫᖏᓪᓗ ᐊᑕᐅᓯᐊᕐᓗᑎᒃ ᐅᓇᑕᕆᐊᕐᓗᒋᑦ, ᐊᑕᓂᐅᑉ ᐃᓴᕆᐊᓕᒥᐅᑉ ᒎᑎᖓᑦᑕ ᐅᓇᑕᕈᑎᓚᐅᕐᒪᒋᑦ ᐃᓴᕆᐊᓕᒥᐅᑦ.

ᔪᐊᓇᓯ ᓯᕗᓪᓖᑦ 4:4

ᕿᑐᕐᖔᑯᓗᒃᑲ, ᒎᑎᒧᑦ ᐱᒋᔭᐅᕗᓯ, ᑖᒃᑯᓂᖓᓗ ᓵᓚᖃᕐᐳᓯ; ᑖᓐᓇ ᐃᓗᑦᓯᓐᓃᑦᑐᖅ ᐱᔪᓐᓇᕐᓂᕐᓴᐅᖕᒪᑦ ᓯᓚᕐᔪᐊᕐᒥᑦᑐᒥᑦ.

ᓴᒧᐃᓕ ᓯᕗᓪᓖᑦ 17:45

ᑕᕝᕙ ᑍᕕᑎ ᐅᖃᕐᐳᖅ ᐱᓕᔅᑍᓂᒥᐅᒧᑦ, “ᕾᕗᑎᑦ ᓴᕕᒡᔪᐊᖃᕐᓗᑎᑦ ᖃᓗᒋᐊᖃᕐᓗᑎᓪᓗ ᐅᓈᖃᕐᓗᑎᓪᓗ; ᐅᕙᖓᓕ ᕾᕗᖓ ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑕ ᐊᑎᖓᓂ, ᒎᑎᐅᔪᒧᑦ ᐃᓴᕆᐊᓕᒥᐅᑦ ᐅᓇᑕᕐᑐᒃᓴᖏᓐᓄᑦ, ᑖᓐᓇ ᓇᕐᕈᓇᕐᓯᑎᓚᐅᕐᑍᑦ.