ᑯᕉᓂᑲ ᐂᑉᐸᖏᑦ 32:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᕼᐃᓯᑬᐊᓕ ᐃᒻᒥᓂᒃ ᒥᑭᒡᓕᑎᓕᓚᐅᕐᐳᖅ ᐆᒻᒪᑎᒥᒍᑦ ᐱᐅᔪᕆᓂᕐᒥᓂᑦ, ᔨᕉᓴᓕᒥᓗ ᓄᓇᖃᕐᑐᓕᒫᑦ, ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓ ᑖᒃᑯᓄᖓ ᑎᑭᓚᐅᓐᖏᓚᖅ ᕼᐃᓯᑬᐊ ᐃᓅᑎᓪᓗᒍ.

ᑯᕉᓂᑲ ᐂᑉᐸᖏᑦ 32:26 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 21:19

ᐅᖃᐅᑎᔪᒫᕐᐸᑦ, ᐅᖃᕐᓗᑎᑦ, ‘ᐊᑕᓂᖅ ᐃᒫᒃ ᐅᖃᕐᐳᖅ, “ᑐᖁᑦᓯᓚᐅᕐᐲᑦ, ᐱᖁᑎᖓᓂᒡᓗ ᐱᑖᕐᓗᑏᑦ?”’ ᐅᖃᐅᑎᔪᒫᕐᐸᑦ, ᐅᖃᕐᓗᑎᑦ, ‘ᐊᑕᓂᖅ ᐃᒫᒃ ᐅᖃᕐᐳᖅ: “ᓁᐹᑦ ᐊᐅᖓᓂᒃ ᕿᒻᒦᑦ ᐊᓗᒃᑐᓚᐅᕐᑐᑦ ᐃᕝᕕᑦ ᓇᖕᒥᓂᖅ ᐊᐅᖕᓂᒃ ᐊᓗᒃᑐᕈᒫᕐᐳᑦ.”’”

ᐊᑕᓃᑦ ᓯᕗᓪᓖᑦ 21:29

“ᑕᑯᓚᐅᕐᐲᑦ, ᐂᕼᐊᑉ ᐃᒻᒥᓂᒃ ᒥᑭᒡᓕᑎᕐᓂᖓᓂᒃ ᓵᓐᓂ? ᑖᓐᓇ ᓵᓐᓂ ᒥᑭᒡᓕᑎᓚᐅᕐᒪᑦ, ᐱᐅᖏᑦᑐᑦ ᑎᑭᑎᑦᓱᒫᕈᓐᓃᕐᐸᒃᑲ ᐃᓅᑎᓪᓗᒍ; ᐃᕐᓂᖓᓕ ᐃᓅᑎᓪᓗᒍ ᐱᐅᖏᑦᑐᑦ ᑎᑭᑎᑦᓱᒫᕐᐸᒃᑲ ᓇᖕᒥᓂᖏᓐᓄᑦ.”

ᐊᑕᓃᑦ ᐂᑉᐸᖏᑦ 22:19

ᖃᕿᐊᓕᕋᕕᑦ, ᒥᑭᒡᓕᑎᕐᓗᑎᓪᓗ ᐊᑕᓂᐅᑉ ᓵᖓᓂ, ᑐᓴᓚᐅᕐᓂᕐᓄᑦ ᓄᓇᒋᔭᑦᓯ ᓱᒋᐊᕐᑕᐅᔪᒃᓴᐅᓂᖓᓂᒃ, ᐃᓄᖏᑕᓗ, ᐃᓄᐃᕈᑦᔭᐅᔪᒃᓴᐅᓂᖏᓐᓂᒃ ᓇᕐᕈᓇᕐᓯᔪᒃᓴᐅᓂᖏᓐᓂᒡᓗ, ᐊᓐᓄᕌᑎᑦ ᐊᓕᒃᑲᕕᒋᑦ ᕿᐊᓪᓗᑎᓪᓗ ᓵᓐᓂ, ᑐᓴᓚᐅᕐᐸᒋᑦ ᐊᑕᓂᖅ ᐅᖃᕐᐳᖅ.

ᑯᕉᓂᑲ ᐂᑉᐸᖏᑦ 12:7

ᐊᑕᓂᐅᑉ ᑕᒪᓐᓇ ᑕᑯᒐᒥᐅᒃ ᐃᒻᒥᖕᓂᒃ ᒥᑭᒡᓕᑎᕐᓂᖏᑦ, ᐊᑕᓂᐅᑉ ᓯᒤᐊ ᐅᖃᕐᕕᒋᕚ ᐅᖃᕐᓗᓂ, “ᐃᒻᒥᖕᓂᒃ ᒥᑭᒡᓕᑎᕐᒪᑕ; ᐊᓯᕈᕐᓂᐊᓐᖏᓚᒃᑲ, ᓴᐳᑦᔭᐅᕕᒃᓴᖃᕐᑎᓐᓂᐊᕐᐸᒃᑲ, ᓂᓐᖓᐅᓯᕋ ᔨᕉᓴᓕᒧᑦ ᑎᑭᓐᓂᐊᓐᖏᓚᖅ ᓰᓵᒃ ᐱᔪᓐᓇᕐᓂᖓᓂᒃ ᐊᑐᕐᓗᖓ,

ᑯᕉᓂᑲ ᐂᑉᐸᖏᑦ 32:27

ᕼᐃᓯᑬᐊ ᐊᒃᓱᐃᑦᑐᕐᔪᐊᓐᖑᓚᐅᕐᐳᖅ ᐃᓄᖕᓄᓪᓗ ᐅᐱᒋᔭᐅᓪᓗᓂ; ᐃᒻᒥᓄᓪᓗ ᑮᓇᐅᔭᒃᑯᕕᓕᐅᓚᐅᕐᐳᖅ ᐃᓂᒃᓴᐅᖁᓪᓗᒋᑦ ᓯᐅᓪᕕᕆᓄᑦ, ᒎᓗᓄᑦ, ᑕᑯᒥᓇᕐᑐᓄᓪᓗ ᐅᔭᕋᖕᓄᑦ, ᒪᒪᕐᓴᐅᑎᓄᑦ ᑎᐱᑦᓯᐊᕆᒃᑐᓄᑦ, ᓴᐴᓗᑕᕐᓄᑦ, ᐊᓯᓕᒫᖏᓐᓄᓪᓗ ᐱᔪᒥᓇᕐᑐᓄᑦ;

ᑯᕉᓂᑲ ᐂᑉᐸᖏᑦ 33:12

ᐅᖁᒤᑦᑐᒦᓕᕋᒥᓗ ᐊᑕᓂᖅ ᒎᑎᓂ ᓵᕝᕕᒋᕚ ᐃᒻᒥᓂᒡᓗ ᒥᑭᒡᓕᑎᕕᒡᔪᐊᕐᓗᓂ ᓯᕗᓕᖏᑕ ᒎᑎᖓᑕ ᓵᖓᓂ.

ᑯᕉᓂᑲ ᐂᑉᐸᖏᑦ 33:19

ᑐᒃᓯᐊᕐᓂᖓᓗ, ᖃᓄᕐᓗ ᒎᑎᒧᑦ ᑭᐅᔭᐅᓚᐅᕐᓂᖓ ᕿᓄᓂᖓᓄᑦ, ᐊᔪᕐᑐᓕᓂᓕᒫᖏᓪᓗ ᐅᒃᐱᓚᐅᖏᓐᓂᖓᓗ, ᓇᓂᓗ ᑐᒃᓯᐊᕐᕕᓕᐅᓚᐅᕐᓂᖓ ᒎᑎᓐᖑᐊᓄᑦ ᐋᖅᑭᒃᓱᐃᓚᐅᕐᓂᖓᓗ ᕿᔪᖕᓂᒃ ᐊᓯᕋᒥᒃ ᐊᑎᓕᖕᒥᒃ ᐃᓄᓐᖑᐊᓂᒡᓗ ᓴᓇᓚᐅᕐᓂᖓ, ᒥᑭᒡᓕᑎᓚᐅᖏᓐᓂᕐᒥᓂ, ᑕᑯᒋᑦ, ᑎᑎᕋᕐᓯᒪᕗᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᑎᑎᕋᕐᓯᒪᔪᖁᑎᖏᓐᓂ.

ᑯᕉᓂᑲ ᐂᑉᐸᖏᑦ 33:23

ᐃᒻᒥᓂᒃ ᒥᑭᒡᓕᑎᓚᐅᓐᖏᓚᖅ ᐊᑕᓂᐅᑉ ᓵᖓᓂ, ᐊᑖᑕᖓᑕ ᒫᓇᓯᐅᑉ ᒥᑭᒡᓕᑎᕐᓂᕆᓚᐅᕐᑕᖓᑐᑦ; ᐋᒪᓐᓕ ᕿᒤᕙᓪᓕᐊᑐᐃᓐᓇᓚᐅᕐᐳᖅ ᐸᓯᔭᒃᓴᕈᕐᐸᓪᓕᐊᑐᐃᓐᓇᕐᓗᓂᓗ.

ᔧᒥᓯᐅᑉ ᐊᒡᓚᖏᑦ 4:10

ᐊᑕᓂᕐᒧᑦ ᒥᑭᒡᓕᑎᕆᑦᓯ ᑖᑦᓱᒪ ᑕᕝᕙ ᒪᑭᑎᓐᓂᐊᕐᐹᓯ.