ᑯᕉᓂᑲ ᐂᑉᐸᖏᑦ 32:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐊᑕᓂᕐᓗ ᑎᓕᓯᕗᖅ ᐂᖏᓕᒥᒃ, ᑖᑦᓱᒪ ᑐᖁᑉᐰᑦ ᐊᖑᑎᓕᒫᑦ ᓯᕘᕋᖏᑦᑐᑦ ᐊᖓᔪᖅᑳᖏᓪᓗ, ᐊᖓᔪᖅᑳᐅᔪᓪᓗ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᑕᖕᒫᕐᓯᒪᕕᖓᓃᑦᑐᑦ. ᑍᒤᒻᒪ ᓇᖕᒥᓂᖅ ᓄᓇᒥᓄᑦ ᐅᑎᕐᐳᖅ ᑲᓐᖑᓱᒡᓗᓂ. ᒎᑎᖓᑕᓗ ᑐᒃᓯᐊᕐᕕᖁᑎᖓᓄᐊᕋᒥ, ᓇᖕᒥᓂᖏᑕ ᐃᕐᓂᖏᑕ ᑐᖁᑉᐹᑦ ᓴᕕᒡᔪᐊᒧᑦ ᑕᕝᕙᓂ ᓇᔪᕐᑕᖓᓂ.

ᑯᕉᓂᑲ ᐂᑉᐸᖏᑦ 32:21 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 24:16

ᐊᑕᓂᐅᓪᓕ ᐂᖏᓕᖓ ᐊᓯᕈᐃᒋᐊᕐᓂᐊᓕᕐᑎᓪᓗᒍ ᔨᕉᓴᓕᒥᒃ, ᐊᑕᓂᐅᑉ ᐃᓱᒪᓂ ᓴᖑᑎᓚᐅᕐᐹ ᓱᒋᐊᕐᓯᔪᒪᓂᓂ ᐃᓄᖕᓂᒃ, ᐂᖏᓕᓗ ᑐᖁᕅᔪᖅ ᐅᖃᐅᑎᕚ, “ᓄᖅᑲᕆᑦ! ᑍᒪ ᓈᒻᒪᒃᓯᕗᖅ.” ᐂᖏᓕᓗ ᐊᕋᐅᓇᐅᑉ ᓂᐊᑰᔭᒃᓴᓂᒃ ᐃᕖᔧᕕᖓᓃᓚᐅᕐᐳᖅ ᔨᐳᓮᑎᒥᐅᑕᐅᑉ.

ᐊᑕᓃᑦ ᐂᑉᐸᖏᑦ 19:20

ᑕᕝᕙ ᐂᓮᐊᓯ ᐂᒨᓯᐅᑉ ᐃᕐᓂᖓ ᐊᖓᔪᖅᑳᕐᔪᐊᑉ ᕼᐃᓯᑬᐊᐅᑉ ᑐᓴᕆᐊᖃᕐᑕᖏᓐᓂᒃ ᐅᖃᕆᐊᕐᑐᕐᑎᑦᓯᕗᖅ, “ᐃᒫᒃ ᑕᕝᕙ ᐊᑕᓂᖅ, ᐃᓴᕆᐊᓕᐅᑉ ᒎᑎᖓᑦ ᐅᖃᕐᐳᖅ: ᑐᒃᓯᐊᕐᓂᕆᔭᑎᑦ ᑐᓴᕐᐸᒃᑲ ᓯᓇᑯᕆᑉᒥᒃ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᐱᑦᔪᑎᖃᕐᑎᓪᓗᑎᑦ.

ᑯᕉᓂᑲ ᐂᑉᐸᖏᑦ 32:20

ᑕᒪᓐᓇ ᐱᓪᓗᒍ ᐊᖓᔪᖅᑳᕐᔪᐊᖅ ᕼᐃᓯᑬᐊ ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖓ ᐂᓮᐊᓯ ᐂᒨᓯᐅᑉ ᐃᕐᓂᖓ, ᑐᒃᓯᐊᓕᕐᐴᒃ ᐃᓗᖏᕐᓱᕐᓗᑎᒃ ᕿᓚᖕᒧᑦ.

ᑯᕉᓂᑲ ᐂᑉᐸᖏᑦ 32:22

ᐊᑕᓂᐅᓪᓗ ᕼᐃᓯᑬᐊ ᔨᕉᓴᓕᒥᓗ ᓄᓇᖃᕐᑐᑦ ᐱᐅᓕᕔᑦ ᓯᓇᑯᕆᑉᒥᑦ ᐊᓯᕆᐊᑉ ᐊᖓᔪᖅᑳᕐᔪᐊᖓᓂᑦ, ᐊᑭᕋᓕᒫᖏᑕᓗ ᐱᔪᓐᓇᕐᓂᖏᓐᓂᑦ; ᐊᕙᑎᒥᐅᑕᖏᓐᓂᓪᓗ ᐅᓇᑕᕐᑕᐅᑎᓚᐅᓐᖏᓔᑦ.

ᔫᐱᐅᑉ ᐊᒡᓚᖏᑦ 9:4

ᒎᑎ ᓯᓚᑐᔪᕐᔪᐊᖑᖕᒪᑦ ᐊᔪᖏᑦᑐᕐᔪᐊᖑᓪᓗᓂᓗ ᓇᓪᓕᐊᓐᓄᓪᓘᓐᓃᑦ ᐊᑭᕋᕐᑐᕐᑕᐅᔪᓐᓇᓐᖏᓚᖅ.

ᐃᓐᖏᕈᑎᑦ 132:18

ᑖᑦᓱᒪ ᐊᑭᕋᕐᑐᕐᑎᖏᑦ ᑲᓐᖑᓱᒃᑎᑕᐅᓂᕐᒥᒃ ᐊᓐᓄᕌᕐᑎᓐᓂᐊᕐᐸᒃᑲ, ᓂᐊᖂᑎᖓᓗ ᐊᖓᔪᖅᑳᕐᔪᐊᕐᓯᐅᑦ ᐊᖏᒡᓕᕙᓪᓕᐊᓂᐊᕐᐳᖅ.”

ᐃᓐᖏᕈᑎᑦ 18:50

ᐊᖓᔪᖅᑳᔪᐊᖁᑎᒥᓂᒃ ᓴᐳᑦᔨᓂᖓ ᐊᖏᔪᐊᓘᕗᖅ, ᐅᕐᓱᕐᑎᕐᓯᒪᔭᒥᓄᑦ ᓇᒡᓕᒍᓱᖕᓂᓂ ᓴᖅᑭᑎᑉᐹ, ᑍᕕᑎᒧᑦ ᑭᖑᕚᖏᓐᓄᓪᓗ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 44:15

ᓇᕐᕈᓇᕐᓂᕋ ᑍᒪᓐᖓᑦ ᓵᓐᓃᑉᐳᖅ, ᑮᓇᕐᒪᓗ ᑲᓐᖑᓇᕐᓂᖓᑕ ᐅᓕᒃᓯᒪᕚᖓ.

ᐃᓐᖏᕈᑎᑦ 76:12

ᑖᑦᓱᒪ ᐊᖓᔪᖅᑳᕐᔪᐊᑦ ᐃᕐᓂᖏᑕ ᐊᓂᕐᓂᖏᑦ ᑭᐱᕔᑦ, ᓄᓇᒥᓗ ᐊᖓᔪᖅᑳᕐᔪᐊᓄᑦ ᓯᕘᕋᒋᔭᐅᕗᖅ.

ᐃᓐᖏᕈᑎᑦ 76:5

ᐊᖑᑎᑦ ᓴᓐᖏᔪᑦ ᑎᒡᓕᒐᕐᕕᐅᓯᒪᕗᑦ, ᐃᑎᔪᒥᒡᓗ ᓯᓂᓕᕐᐳᑦ; ᐅᓇᑕᕐᑐᒃᓮᑦ ᐊᔪᖏᑦᑐᕐᔪᐊᑦ ᐊᒡᒐᑎᒃ ᐊᑐᕈᓐᓇᓐᖏᓔᑦ ᖃᐅᔨᒪᓂᑎᒡᓗ.

ᐃᓐᖏᕈᑎᑦ 76:6

ᔧᑰᑉ ᒎᑎᖓ, ᓱᐊᒃᑲᕕᑦ, ᕿᒻᒥᕐᔪᐊᑦ ᐃᑭᒪᔪᓪᓗ ᐅᕐᕈᕗᑦ ᑐᖁᓪᓗᑎᒃ.

ᐃᓐᖏᕈᑎᑦ 76:7

ᐃᕝᕕᑐᐊᖅ ᓯᕘᕋᒋᔭᐅᔪᒃᓴᐅᕗᑎᑦ; ᑭᓇ ᓇᔪᕐᑕᕐᓂ ᓇᖏᕈᓐᓇᕐᐹ ᓂᓐᖓᒃᑎᓪᓗᑎᑦ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:2

ᐱᐅᔪᕆᓂᖅ ᐊᑐᕐᑕᐅᓕᕋᖓᑦ ᑕᕝᕙ ᑲᓐᖑᓲᑎᒃᓴᑦ ᕾᒋᕗᑦ, ᒥᑭᒡᓕᑎᕐᓯᒪᔪᕐᓕ ᓯᓚᑐᓂᖃᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:18

ᐱᐅᔪᕆᓂᖅ ᓯᕗᓪᓕᐅᕗᖅ ᐊᓯᕈᕐᑕᐅᓂᕐᒥᑦ, ᐊᔪᖏᓐᓇᓱᒋᓂᕐᓗ ᓯᕗᓪᓕᐅᕗᖅ ᑲᑕᖕᓂᕐᒥᑦ.

ᐂᓮᐊᓯᐅᑉ ᐊᒡᓚᖏᑦ 10:8

ᐃᒫᒃ ᐅᖃᓚᐅᕐᐳᖅ, “ᐊᖓᔪᖅᑳᖁᑎᓕᒫᒃᑲ ᐊᖓᔪᖅᑳᕐᔪᐊᖑᓐᖏᓛᑦ?

ᐂᓮᐊᓯᐅᑉ ᐊᒡᓚᖏᑦ 14:25

ᐊᓯᕆᐊᒥᐅᑦ ᐊᓯᕈᕈᒫᕐᐸᒃᑲ ᓄᓇᖁᑎᓐᓂᑦ; ᖃᖅᑲᖁᑎᓐᓃᑦᑐᑦ ᑐᓪᓕᕋᕈᒫᕐᐸᒃᑲ, ᐃᓄᖁᑎᒃᑲ ᓴᒃᑯᑕᐅᑎᑦᓱᒫᕐᐸᒃᑲ ᐅᖁᒤᒃᓴᕐᑎᑕᐅᓂᖏᓐᓂᓪᓗ ᐲᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 36:9

ᖃᓄᖅ ᓇᓪᓕᐅᒻᒪᑎᔪᓐᓇᕐᐱᓰ ᐊᓯᕆᐊᒥᐅᑦ ᐅᓇᑕᕐᑎᖁᑎᖏᑕ ᐊᖓᔪᖅᑳᖏᓐᓄᑦ ᐊᑕᐅᓯᕐᒧᓪᓘᓐᓃᑦ ᐊᔪᕐᓂᕐᐹᕋᓗᐊᖏᓐᓄᑦ, ᑕᑎᖃᕋᓱᒃᑲᓗᐊᕈᑦᓯ ᐄᑦᔨᑉᑎᒥᐅᑦ ᕿᒻᒥᕐᔪᐊᖏᑕ ᐊᒃᓴᓗᐊᓕᖁᑎᖏᓐᓂᒃ ᕿᒻᒥᕐᔪᐊᖏᓐᓂᓗ ᐃᑭᒪᔪᓂᒃ?

ᐂᓮᐊᓯᐅᑉ ᐊᒡᓚᖏᑦ 37:21

ᐂᓮᐊᓯ ᐂᒨᓯᐅᑉ ᐃᕐᓂᖓ ᑎᓕᓯᓕᕆᕗᖅ ᕼᐃᓯᑬᐊᒧᑦ ᐅᖃᕐᓗᓂ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ; ᑐᒃᓯᐊᓚᐅᕋᕕᑦ ᐅᕙᓐᓄᑦ ᓯᓇᑯᕆᑉ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓ ᐱᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 42:8

ᐅᕙᖓᐅᕗᖅ ᐊᑕᓂᖅ, ᑖᓐᓇ ᑕᕝᕙ ᐊᑎᕋ; ᐱᓐᓇᕐᓇᕐᓂᕐᔪᐊᕋ ᓇᒧᓪᓘᓐᓃᑦ ᑐᓂᓂᐊᓐᖏᓚᕋ, ᓂᕐᑐᕐᓇᕐᓂᕋᓗ ᒎᑎᓐᖑᐊᓄᑦ ᑐᓂᓂᐊᓐᖏᓚᕋ.

ᔨᕆᒤᐊᐅᑉ ᐊᒡᓚᖏᑦ 21:2

“ᐊᑕᓂᖅ ᖃᐅᔨᓇᓱᐊᕐᕕᒋᓚᐅᕈᒃ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᓂᐱᑯᓁᓴᐅᑉ ᐅᓇᑕᕆᐊᕐᑐᕈᒪᖕᒪᑎᒍᑦ, ᐊᑕᓂᐅᑉ ᑲᒪᓇᕐᑐᑎᒍᑦ ᐱᐅᔪᓂᒃ ᐱᓇᓱᐊᕈᑎᔪᓐᓇᕐᒪᖔᑎᒍᑦ, ᐅᓇᑕᕆᐊᕋᓱᐊᕐᑑᒐᓗᐊᓄᑦ ᑲᒪᒋᔭᐅᓂᐊᖏᓐᓇᑦᑕ.”

ᑖᓂᐊᓕᐅᑉ ᐊᒡᓚᖏᑦ 3:28

ᑕᕝᕙ ᓂᐱᑯᓁᓴ ᐅᖃᕐᐳᖅ, “ᓵᑐᕌᑭᐅᑉ ᒥᓵᑭᐅᓪᓗ ᐊᐱᓐᑎᒎᓪᓗ, ᒎᑎᖓᑦ ᓂᕐᑐᕐᑕᐅᓕ, ᐂᖏᓕᖁᑎᓂ ᑎᓕᖕᒪᒍ ᐱᔨᓂᓗ ᓴᐳᑎᓪᓗᒋᑦ, ᑖᑦᓱᒥᖓ ᑕᑎᖃᕐᒪᑕ, ᐊᖓᔪᖅᑳᕐᔪᐊᑉ ᐱᖁᔨᓂᖓ ᐊᑐᕐᓇᒍ ᑎᒥᑎᒃ ᐊᓐᓂᕆᓇᒋᑦ, ᓇᖕᒥᓂᖅ ᒎᑎᑎᒃ ᐱᔨᑦᓯᕈᒪᓪᓗᒍ, ᐊᓯᖏᓐᓂᒃ ᐱᔨᑦᓯᕈᒪᓇᑎᒃ ᑐᒃᓯᐊᕐᕕᖃᕈᒪᓇᑎᒡᓗ.

ᑖᓂᐊᓕᐅᑉ ᐊᒡᓚᖏᑦ 6:22

ᒎᑎᒐ ᐂᖏᓕᖁᑎᒥᓂᒃ ᑎᓕᓯᓚᐅᕐᐳᖅ, ᓛᔧᓪᓗ ᖃᓂᖏᑦ ᒪᑐᓪᓗᒋᑦ, ᑖᒃᑯᓇᖓᑦ ᖃᓄᐃᓕᔭᐅᓐᖏᓚᖓ, ᖃᐅᔨᔭᐅᒐᒪ ᐸᓯᔭᒃᓴᐅᖏᓐᓂᓐᓂᒃ ᑖᑦᓱᒪ ᓵᖓᓂ; ᐃᓕᖕᓄᓪᓗ ᐊᖓᔪᖅᑳᕐᔪᐊᖅ, ᓈᒻᒪᖏᑦᑐᒥᒃ ᐱᓇᓱᐊᓚᐅᕐᓯᒪᖏᓐᓇᒪ.”

ᐋᐴᓯᑕᓖᑦ ᐱᓂᐊᕐᓂᖏᑦ 12:23

ᑕᕝᕔᓐᓇᖅ ᐊᑕᓂᐅᑉ ᐂᖏᓕᖓᑕ ᐊᓇᐅᕚ, ᒎᑎᒥᒃ ᓂᕐᑐᕐᓇᕐᑎᑦᓯᖏᒻᒪᑦ; ᖁᐱᕐᕈᓄᑦ ᓂᕆᔭᐅᓪᓗᓂ ᑐᖁᕗᖅ.