ᑯᕉᓂᑲ ᐂᑉᐸᖏᑦ 32:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᔨᕉᓴᓕᒥᐅᓪᓗ ᒎᑎᖓᑦ ᐅᖃᕐᓂᕐᓘᑎᒋᕚᑦ, ᐊᑭᕋᕐᑐᓚᐅᕐᓂᕐᒥᒃᑎᑐᑦ ᐃᓄᐃᑦ ᓄᓇᒦᑦᑐᑦ ᒎᑎᖏᓐᓂᒃ, ᐃᓄᐃᑦ ᐊᒡᒐᖏᓐᓄᑦ ᓴᓇᐅᔭᐅᓯᒪᔪᓂᒃ.

ᑯᕉᓂᑲ ᐂᑉᐸᖏᑦ 32:19 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 2:8

ᓄᓇᖓᑦ ᑕᑕᒃᑭᕗᖅ ᒎᑎᓐᖑᐊᓂᒃ; ᐹᒻᒪᖃᑦᑕᕐᓗᑎᒃ ᑐᒃᓯᐊᕐᓗᑎᒡᓗ, ᐊᒡᒐᓄᑦ ᓴᓇᓯᒪᔪᓄᑦ, ᓇᖕᒥᓂᖅ ᐊᒡᒐᖕᒥᖕᓄᑦ ᓴᓇᓚᐅᕐᑕᒥᖕᓄᑦ.

ᐊᑕᓃᑦ ᐂᑉᐸᖏᑦ 19:18

ᒎᑎᒋᔭᖏᓐᓂᒡᓗ ᐃᑯᐊᓪᓔᓪᓗᑎᒃ ᓄᖑᕅᓯᒪᕗᑦ, ᒎᑎᓪᓚᕆᐅᖏᒻᒪᑕ, ᕿᔪᑐᐃᓐᓇᐅᕗᑦ ᐅᔭᕋᐅᓪᓗᑎᒡᓗ ᐃᓄᑐᐃᓐᓇᕐᓄᑦ ᓴᓇᔭᐅᓯᒪᒐᒥᒃ; ᑍᒤᒻᒪᑦ ᑕᒪᒃᑯᐊ ᐊᓯᕈᕐᑕᐅᓯᒪᕗᑦ.

ᐄᑉᕈᐃᓄᑦ 12:22

ᐃᓕᑦᓯᓕ ᖃᖅᑲᒧᑦ ᓮᐅᓂᒧᑦ ᑎᑭᓯᒪᕗᓯ ᒎᑎᐅᑉ ᑐᖁᓱᐃᑦᑑᑉ ᐃᒡᓗᒐᓴᒡᔪᐊᖁᑎᖏᓐᓄᑦ, ᔨᕉᓴᓕᒧᑦ ᕿᓚᖕᒦᑦᑐᒧᑦ, ᐂᖏᓕᒐᓴᒡᔪᐊᓄᑦ ᓈᓴᕐᑕᐅᔪᓐᓇᖏᑦᑐᓄᑦ ᖁᕕᐊᓱᖃᑎᒌᒡᓗᑎᒃ ᑲᑎᒪᔪᓄᑦ,

ᔨᕆᒤᐊᐅᑉ ᐊᒡᓚᖏᑦ 32:30

ᐃᓴᕆᐊᓕᒥᐅᑦ ᔫᑕᒥᐅᓪᓗ ᐃᓄᖏᑦ ᓵᓐᓂ ᐱᐅᖏᑦᑐᐃᓐᓇᕐᒥᒃ ᐃᓕᖅᑯᓯᖃᕐᓯᒪᖕᒪᑕ ᒪᒃᑯᖕᓂᕐᒥᖕᓂᑦ, ᐃᓴᕆᐊᓕᒥᐅᓪᓕ ᓂᓐᖓᒃᓮᕗᑦ ᐊᒡᒐᖏᑕ ᐱᓂᐊᕐᓂᖏᑎᒍᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 10:9

ᑲᑦᔪᒃᑕᐅᓯᒪᔭᕇᕐᑐᒥᒃ ᓯᐅᓪᕕᕆᑖᖃᑦᑕᕐᐳᑦ ᑖᕐᓯᓯᒥᑦ, ᒎᓗᑖᕐᐸᒡᓗᑎᒡᓗ ᐆᐸᔾᒥᑦ. ᓴᓇᓐᖑᐊᕐᑎᓄᑦ ᒎᓗᒥᒡᓗ ᐋᖅᑭᒃᓱᐃᔨᓄᑦ ᓴᓇᔭᐅᔭᕇᕌᖓᑕ, ᐊᓐᓄᕌᓕᐅᕐᑕᐅᕗᖅ ᑐᖑᑦᑐᕆᒃᑐᒥᒃ ᐊᐅᐸᓪᓚᕆᒃᑐᒥᒡᓗ ᐱᔭᕇᕐᑕᐅᕗᑦ ᓴᓇᔭᐅᓪᓗᑎᒃ ᓴᓇᓯᑎᐅᓂᕐᐹᓄᑦ.

ᔨᕆᒤᐊᐅᑉ ᐊᒡᓚᖏᑦ 10:3

ᐊᓯᑦᓯ ᐃᓕᖅᑯᓯᖏᑦ ᓱᓕᖏᒻᒪᑕ, ᓇᐹᕐᑐᒥᑦ ᓇᑲᑦᓯᒐᒥᒃ, ᓴᓇᓐᖑᐊᕐᑎᐅᓪᓗ ᓴᓇᓕᕐᐹ ᓴᓇᕐᕈᑎᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 1:16

ᐃᓄᖁᑎᒃᑲ ᓱᒋᐊᕐᓂᐊᕋᒃᑭᑦ ᐊᔪᕐᑐᓕᓂᕆᓚᐅᕐᑕᖏᑦ ᐱᓪᓗᒋᑦ, ᐅᕙᓐᓂᒃ ᕿᒤᓯᒪᖕᒪᑕ, ᐆᒪᔪᓂᒡᓗ ᑐᓂᕐᕈᓯᖃᑦᑕᓕᕐᓗᑎᒃ ᒎᑎᓐᖑᐊᓄᑦ, ᒎᑎᓐᖑᐊᓄᓪᓗ ᓴᓇᓯᒪᔭᒥᖕᓄᑦ ᑐᒃᓯᐊᕐᕕᖃᖃᑦᑕᓕᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 37:19

ᒎᑎᓐᖑᐊᖏᓐᓂᒡᓗ ᐃᑯᐊᓪᓔᕙᒡᓗᑎᒃ; ᑕᒪᒃᑯᐊ ᒎᑎᓪᓚᕆᐅᖏᒻᒪᑕ, ᐃᓅᑉ ᐊᒡᒐᖏᓐᓄᑦ ᓴᓇᔭᐅᓯᒪᓪᓗᑎᒃ ᕿᔪᒥᒃ ᐅᔭᕋᖕᓂᒡᓗ; ᑍᒤᒻᒪᑦ ᓯᖁᒥᑕᐅᓚᐅᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 14:32

ᖃᓄᕐᓕ ᑭᐅᔭᐅᓂᐊᓕᕐᐹᑦ ᐱᓕᔅᑎᐊᒥᑦ ᑐᓴᕐᑎᑦᓯᔭᕐᑐᕐᑐᑦ? “ᐅᖃᐅᑎᔪᒫᕐᐸᕗᑦ ᐊᑕᓂᖅ ᐃᓂᖃᕐᓂᕋᕐᓗᒍ ᓮᐅᓂᒥ ᐃᓄᖁᑎᖏᓪᓗ ᐊᒃᓱᕈᕐᑎᑕᐅᓯᒪᔪᑦ ᓮᓕᓇᕐᑐᒥᒃ ᐃᓂᒃᓴᕐᓯᔪᒫᕐᐳᑦ ᑍᑲᓂ.”

ᐃᓐᖏᕈᑎᑦ 78:68

ᔫᑕᐅᓪᓕ ᑭᖑᕚᖏᑦ ᓂᕈᐊᓚᐅᕐᐰᑦ, ᖃᖅᑲᕐᓗ ᓮᐅᓂ, ᖁᕕᐊᒋᔭᓂ.

ᑯᕉᓂᑲ ᐂᑉᐸᖏᑦ 6:6

ᔨᕉᓴᓕᒻᓕ ᓂᕈᐊᓚᐅᕐᐸᕋ ᐊᑎᕋ ᑕᕝᕙᓃᑦᓮᓐᓇᖁᓪᓗᒍ ᑍᕕᑎᓗ ᓂᕈᐊᓚᐅᕐᐸᕋ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ ᐊᖓᔪᖅᑳᖑᖁᓪᓗᒍ.’

ᓴᒧᐃᓕ ᓯᕗᓪᓖᑦ 17:36

ᐱᔩᑦ ᑐᖁᑦᑎᓯᒪᕗᖅ ᓛᔭᓂᒃ ᓇᓄᕐᓂᒡᓗ; ᑖᓐᓇᓗ ᑭᐱᔭᐅᓯᒪᖏᑦᑐᖅ ᐱᓕᔅᑍᓂᒥᐅᑕᖅ ᑖᒃᑯᑎᑐᓇᖅ ᐊᑦᔨᑐᐃᓐᓇᐅᓂᐊᕐᐳᖅ, ᒥᑕᐅᑎᖃᕐᒪᑦ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ.”

ᒨᓯᓯ ᑕᓪᓕᒪᖏᑦ 27:15

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐅᔭᕋᖕᓂᒃ ᒎᑎᓐᖑᐊᓕᐅᕐᑐᖅ, ᕿᔪᖕᓂᒡᓘᓐᓃᑦ, ᓴᕕᕋᔭᖕᓂᒡᓘᓐᓃᑦ ᐊᑕᓂᐅᑉ ᐆᒥᒋᔭᖓᓂᒃ, ᓴᓇᔨᐅᑉ ᓴᓇᔭᖓ, ᐃᔨᕋᕐᑐᕐᓗᓂ ᐃᓂᒃᓴᖓᓄᓪᓗ ᓇᑉᐸᕐᑎᓪᓗᒍ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᒨᓯᓯ ᑕᓪᓕᒪᖏᑦ 4:28

ᑕᒪᒃᑯᓇᓂᓕ ᓇᔪᓕᕐᑕᑦᓯᓐᓂ ᒎᑎᖃᕈᒫᕐᐳᓯ ᐃᓄᐃᑦ ᐊᒡᒐᖏᓐᓄᑦ ᓴᓇᔭᐅᓯᒪᔪᓂᒃ, ᕿᔪᖕᓄᑦ ᐅᔭᖅᑲᓄᓪᓗ ᒎᑎᐅᔪᓄᑦ, ᒎᑎᒋᔭᐅᔪᑦ ᑕᑯᔪᓐᓇᖏᑦᑐᑦ ᑐᓴᕈᓐᓇᖏᑦᑐᓪᓗ, ᓂᕆᔪᓐᓇᖏᑦᑐᑦ ᓁᒪᔪᓐᓇᖏᑦᑐᓪᓗ.

ᑯᕉᓂᑲ ᐂᑉᐸᖏᑦ 32:20

ᑕᒪᓐᓇ ᐱᓪᓗᒍ ᐊᖓᔪᖅᑳᕐᔪᐊᖅ ᕼᐃᓯᑬᐊ ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖓ ᐂᓮᐊᓯ ᐂᒨᓯᐅᑉ ᐃᕐᓂᖓ, ᑐᒃᓯᐊᓕᕐᐴᒃ ᐃᓗᖏᕐᓱᕐᓗᑎᒃ ᕿᓚᖕᒧᑦ.

ᐊᑕᓃᑦ ᓯᕗᓪᓖᑦ 20:28

ᒎᑎᐅᑉ ᐃᓄᖁᑎᖓ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᓄᐊᕋᒥ ᐅᖃᐅᑎᕚ, “ᐊᑕᓂᖅ ᐃᒫᖅ ᐅᖃᕐᐳᖅ, ‘ᓯᕆᐊᒥᐅᑦ ᐃᒫᒃ ᐅᖃᓚᐅᕐᒪᑕ, “ᐊᑕᓂᖅ ᒎᑎᐅᕗᑦ ᖃᖅᑲᒥᐅᓄᑦ ᓇᕐᓴᒥᐅᓄᓪᓕ ᒎᑎᐅᓐᖏᓚᖅ,” ᑍᒤᒻᒪᑦ ᑖᒃᑯᐊ ᐅᓄᕐᑐᕐᔪᐊᑦ ᐃᓕᖕᓄᑦ ᑐᓂᓂᐊᕐᐸᒃᑲ, ᖃᐅᔨᖁᓪᓗᑎᑦ ᐅᕙᖓ ᐊᑕᓂᐅᒐᒪ.’”

ᐃᓐᖏᕈᑎᑦ 74:18

ᐅᓇ ᐃᖅᑲᐅᒪᒍᒃ, ᐊᑕᓃᖅ, ᐊᑭᕋᕐᑐᕐᑏᑦ ᐃᓕᖕᓂᒃ ᒥᑕᐅᑎᖃᕐᒪᑕ, ᐃᓄᐃᓪᓗ ᓯᓔᑦᑐᑦ ᐊᑎᕐᓂᒃ ᐅᖃᕐᓂᕐᓘᑎᖃᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 25:8

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᒧᐊᐱᒥᐅᑦ ᓰᐊᕆᒥᐅᓪᓗ ᐅᖃᓚᐅᕐᒪᑕ ᐃᓴᕆᐊᓕᒥᐅᓂᒃ ᐊᑦᔨᐅᑐᐃᓐᓇᕐᓂᕅᓪᓗᑎᒃ ᐃᓅᖃᑎᒌᒡᔪᐊᓕᒫᓄᑦ ᐊᓯᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 35:13

ᑐᓴᕐᓯᒪᕙᑦᓯᓗ ᖃᓂᑦᓯᒍᑦ ᐊᖏᓂᕐᓴᐅᓂᕋᕐᑎᓪᓗᓯ ᐅᕙᓐᓂᑦ, ᐅᓄᕐᑐᐃᕐᓱᕐᓗᓯ ᐅᕙᓐᓂᒃ ᐊᑭᕋᕐᑐᕐᓗᓯ ᐅᖃᓪᓚᒃᑎᓪᓗᓯ; ᑐᓵᓯᒪᕙᑦᓯ.