ᑯᕉᓂᑲ ᐂᑉᐸᖏᑦ 32:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᒫᓐᓇ ᑍᒤᒻᒪᑦ ᕼᐃᓯᑬᐊᒧᑦ ᓯᓔᕐᕆᔭᐅᑦᑍᓕᒋᑦᓯ ᒪᓕᒃᓴᕐᑎᑦᑍᓕᓛᓯᓗ ᑕᒪᑐᒧᖓ, ᐅᒃᐱᕆᑦᑍᓕᓯᐅᒃ, ᐃᓅᖃᑎᒌᒡᔪᐊᑦ ᒎᑎᖏᑕ ᓇᓪᓕᐊᓐᓄᑦ ᐊᑕᓂᐅᕖᓪᓘᓐᓃᑦ ᓴᐳᑎᔭᐅᔪᖃᓚᐅᕐᓯᒪᖏᒻᒪᑕ ᐱᔪᓐᓇᕐᓂᓐᓂᑦ ᐅᕝᕙᓗ ᐊᑖᑕᒪ ᐱᔪᓐᓇᕐᓂᖓᓂᑦ. ᖃᓄᕐᓕ ᓴᐳᑎᔭᐅᓂᕐᓴᐅᔪᓐᓇᕐᐱᓰ ᒎᑎᑦᓯᓐᓄᑦ ᐱᔪᓐᓇᕐᓂᓐᓃᑦ?’”

ᑯᕉᓂᑲ ᐂᑉᐸᖏᑦ 32:15 ပူးပေါင်းရင်းမြစ်များ

ᑖᓂᐊᓕᐅᑉ ᐊᒡᓚᖏᑦ 3:15

ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᑎᓖᓪᓗ ᐊᑦᔨᒌᖏᑦᑐᑦ, ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᓂᓪᓕᕐᑎᑕᐅᔪᑦ ᑐᓴᕈᑦᓯᐅᒃ, ᐹᒻᒪᒃᑎᕐᓂᐊᕈᑦᓯ ᑐᒃᓯᐊᕐᓗᓯᓗ ᐃᓄᓐᖑᐊᒧᑦ ᓴᓇᔭᐅᑎᓚᐅᕐᑕᓐᓄᑦ ᑍᒫᒃ ᓈᒻᒪᒃᐳᖅ: ᑖᑦᓱᒧᖓᓕ ᑐᒃᓯᐊᕐᓂᐊᖏᒍᑦᓯ, ᐃᒋᑕᐅᓂᐊᕐᐳᓯ ᐃᒐᐅᑉ ᐃᑯᐊᓚᔫᑉ ᐃᓗᐊᓄᑦ. ᑭᓇᐅᓪᓗ ᒎᑎᐅᑉ ᓴᐳᑎᔪᓐᓇᕐᐹᓯ ᐊᒡᒐᓐᓂᑦ?”

ᒨᓯᓯ ᐂᑉᐸᖏᑦ 5:2

ᐰᕉᓕ ᐅᖃᕐᐳᖅ, “ᐊᑕᓂᖅ ᖃᓄᐃᑦᑑᖕᒪᑦ, ᑖᑦᓱᒪ ᐱᖁᔨᓂᖓ ᓈᓚᒋᐊᖃᕋᔭᕈᒃᑯ ᐃᓴᕆᐊᓕᒥᐅᓂᒃ ᐊᐅᓪᓚᕐᑎᑦᓯᔪᓐᓇᖁᓪᓗᖔ? ᑖᓐᓇ ᐊᑕᓂᐅᓂᕋᕐᑕᓯ ᖃᐅᔨᒪᓐᖏᓚᕋ, ᑍᒤᒻᒪᑦ ᐃᓴᕆᐊᓕᒥᐅᑦ ᐊᐅᓪᓚᖁᓂᐊᓐᖏᓚᒃᑲ.”

ᐂᓮᐊᓯᐅᑉ ᐊᒡᓚᖏᑦ 36:18

ᕼᐃᓯᑬᐊᒧᑦ ᓯᓔᕐᕆᔭᐅᑦᑍᓕᒋᑦᓯ ᐅᖃᕐᓗᓂ, “ᐊᑕᓂᐅᑉ ᓴᐳᑎᓂᐊᕐᐹᑎᒍᑦ.” ᐊᓯᓯ ᐃᓅᖃᑎᒌᒡᔪᐊᑦ ᒎᑎᒋᔭᒥᖕᓄᑦ ᓴᐳᑎᔭᐅᔪᓐᓇᖃᑦᑕᓚᐅᕐᐹᑦ? ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐱᔪᓐᓇᕐᓂᖓᓂᑦ?

ᒐᓔᑎᐊᒥᐅᓄᑦ 1:10

ᑍᒤᓕᐅᕐᐳᖔ ᐃᓄᖕᓄᑦ ᓈᒻᒪᒋᔭᐅᓇᓱᐊᕐᑐᑎᑐᑦ ᒎᑎᒧᓪᓘᓐᓃᑦ ᓈᒻᒪᒋᔭᐅᓇᓱᐊᕐᑐᑎᑐᑦ? ᐃᓄᖕᓂᒡᓘᓐᓃᑦ ᖁᕕᐊᓱᒃᑎᑦᓯᓇᓱᐊᕐᐳᖔ? ᓱᓕ ᐃᓄᖕᓂᒃ ᖁᕕᐊᓱᒃᑎᑦᓯᓇᓱᐊᕋᔭᕈᒪ, ᙭ᔅᑑᓯᒧᑦ ᐱᔨᒋᔭᐅᒐᔭᓐᖏᓚᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 19:26

ᖃᐅᔨᒪᕗᓯ ᑐᓴᐅᒪᓕᕐᓗᓯᓗ ᐸᐅᓗᓯ ᖃᓄᐃᓕᐅᖃᑦᑕᕐᓂᖓᓂᒃ ᐃᐱᓲᓯᒥᑐᐃᓐᓇᐅᖏᑦᑐᖅ, ᐂᓯᐊᒥᓗ ᓇᓂᑐᐃᓐᓇᖅ ᑖᓐᓇ ᐸᐅᓗᓯ ᐅᒃᐱᕈᓐᓃᕐᑎᑦᓯᓇᓱᐊᕐᒪᑦ ᐃᓄᖕᓂᒃ ᐊᒥᓱᓂᒃ, ᐅᖃᕐᓗᓂ, ‘ᒎᑏᑦ ᐊᒡᒐᓄᑦ ᓴᓇᓯᒪᔪᑦ ᒎᑎᐅᖏᓐᓂᕋᕐᖢᓂᒋᑦ.’

ᑯᕉᓂᑲ ᐂᑉᐸᖏᑦ 32:11

ᕼᐃᓯᑬᐊᒧᑦ ᓯᓔᕐᕆᔭᐅᓯᒪᕕᓰ ᑐᖁᖁᓪᓗᓯ ᑳᖕᓂᕐᒧᑦ ᐃᒥᕈᖕᓂᕐᒧᓪᓗ, ᐅᖃᐅᑎᓪᓗᓂᓯ, “ᐊᑕᓂᐅᑉ ᒎᑎᑦᑕ ᓴᐳᑎᓂᐊᕐᐹᑎᒍᑦ ᐊᓯᕆᐊᑉ ᐊᖓᔪᖅᑳᕐᔪᐊᖓᓂᑦ”?

ᐊᑕᓃᑦ ᐂᑉᐸᖏᑦ 19:10

ᐃᒫᒃ ᐅᖃᕐᑐᒃᓴᐅᕗᓯ ᕼᐃᓯᑬᐊᒧᑦ, “ᒎᑎ ᑕᑎᒋᔭᓯ ᐅᒃᐱᕆᑦᑍᓕᓯᐅᒃ ᐅᖃᕋᓗᐊᕐᐸᑦ, ᔨᕉᓴᓕᒥᐅᑦ ᐱᔭᐅᑦᔮᖏᑦᑐᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ.

ᐊᑕᓃᑦ ᐂᑉᐸᖏᑦ 18:29

ᐊᖓᔪᖅᑳᕐᔪᐊᖅ ᖃᐅᔨᒪᖁᔨᕗᖅ; ‘ᐊᖓᔪᖅᑳᕐᔪᐊᑦᓯᓐᓄᑦ ᕼᐃᓯᑬᐊᒧᑦ ᓴᒡᓗᕿᑕᐅᓯᒪᖁᓇᓯ, ᑖᑦᓱᒧᖓ ᓴᐳᑎᔭᐅᔪᓐᓇᕐᓂᐊᖏᓐᓇᑦᓯ ᐅᕙᓐᓂᑦ.

ᐊᑕᓃᑦ ᓯᕗᓪᓖᑦ 22:22

ᐊᑕᓂᐅᓪᓗ ᐅᖃᐅᑎᕚ, ‘ᖃᓄᐃᓕᐅᕐᓗᑏᑦ?’ ᐅᖃᐅᑎᕚ, ‘ᐂᔪᒪᕗᖓ ᐊᓂᕐᓂᐅᓗᖓ ᓴᒡᓗᕿᑦᓯᓗᖓ ᐂᕼᐊᐱᐅᑉ ᐅᖃᕐᑎᓕᒫᖏᑕ ᖃᓂᖏᓐᓂ ᐊᑐᕐᓂᐊᕐᐳᖓ.’ ᐊᑕᓂᕐᓗ ᐅᖃᕐᐳᖅ, ‘ᐊᑏ ᓴᒡᓗᕿᑦᓯᔭᕐᑐᓕᕆᑦ, ᓵᓚᖃᕐᓂᐊᕐᐳᑎᑦ; ᐂᓗᑎᑦ ᑍᒤᓕᐅᕆᐊᕐᑐᓕᕆᑦ.’

ᑯᕉᓂᑲ ᐂᑉᐸᖏᑦ 32:16

ᐱᔨᖏᓪᓗ ᐅᖃᕐᓂᕐᓘᑎᖃᕆᐊᓪᓚᒃᐳᑦ ᐊᑕᓂᕐᒥᒃ ᒎᑎᒥᒃ ᐱᔨᖓᓂᒡᓗ ᕼᐃᓯᑬᐊᒥᒃ.

ᑖᓂᐊᓕᐅᑉ ᐊᒡᓚᖏᑦ 8:11

ᐃᒻᒥᓂᒡᓗ ᐊᖏᔪᕈᕐᑎᑉᐳᖅ ᕿᓚᖕᒥᐅᒐᓴᒃᔪᐊᓄᓪᓗ ᐊᖓᔪᖅᑳᕐᔪᐊᒧᑦ ᑐᖏᓕᕆᔭᐅᓕᕐᓗᓂ, ᑐᓂᕐᕈᓯᕐᓃᓪᓗ ᖃᐅᑕᒫᕐᓯᐅᑎᑦ ᓄᖅᑲᕐᑎᑉᐰᑦ ᑖᑦᓱᒧᖓ ᑐᓂᕐᕈᑕᐅᕙᒃᑐᑦ, ᑐᓂᕐᕈᓯᕐᕕᐅᓪᓗ ᐃᓂᖓ ᐊᒃᐸᓯᒃᑐᓐᖑᕐᑎᑉᐹ.

ᒨᓯᓯ ᐂᑉᐸᖏᑦ 10:10

ᐰᕉᑉ ᐅᖃᐅᑎᕔᑦ, “ᐊᑕᓂᐅᑉ ᓵᖓᓂ ᐅᖃᒻᒪᕆᒃᐳᖓ, ᐊᕐᓇᓂᒃ ᓱᕈᓯᕐᓂᒡᓗ ᐃᓚᖃᕐᓂᐊᕈᑦᓯ ᐊᐅᓪᓚᕐᑎᑦᓯᓂᐊᖏᒻᒪᕆᒃᐳᖓ! ᑍᒤᓐᓂᐊᕈᑦᓯ ᓇᓗᓇᖏᑦᓯᐊᕐᒪᑦ ᐱᐅᖏᑦᑐᒥᒃ ᐃᓱᒪᖃᕐᓗᓯ ᑭᓯᐊᓂ ᑍᒤᓐᓇᓱᐊᕋᔭᕐᑐᓯ.

ᐃᓯᑭᐊᓕᐅᑉ ᐊᒡᓚᖏᑦ 35:13

ᑐᓴᕐᓯᒪᕙᑦᓯᓗ ᖃᓂᑦᓯᒍᑦ ᐊᖏᓂᕐᓴᐅᓂᕋᕐᑎᓪᓗᓯ ᐅᕙᓐᓂᑦ, ᐅᓄᕐᑐᐃᕐᓱᕐᓗᓯ ᐅᕙᓐᓂᒃ ᐊᑭᕋᕐᑐᕐᓗᓯ ᐅᖃᓪᓚᒃᑎᓪᓗᓯ; ᑐᓵᓯᒪᕙᑦᓯ.