ᑯᕉᓂᑲ ᐂᑉᐸᖏᑦ 31:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᕼᐃᓯᑬᐊᐅᓪᓗ ᑐᓂᕐᕈᓯᕐᑎᑦᓯᔩᑦ ᑎᓕᕔᑦ ᐊᕕᒃᑐᕐᓯᒪᔪᑦ ᓕᕔᑎᓪᓗ ᐊᒡᒍᕐᓯᒪᓂᖏᑦ ᒪᓕᒡᓗᒋᑦ, ᐃᓘᓐᓇᑎᒃ ᐱᓕᕆᐊᕆᔭᕆᐊᖃᕐᑕᖏᑦ ᒪᓕᒡᓗᒋᑦ, ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ, ᐃᑯᐊᓪᓚᒋᐊᓕᖕᓄᑦ ᓮᒻᒪᕐᑎᑕᐅᓂᕐᒧᓪᓗ ᑐᓂᕐᕈᑎᓂᒃ ᐱᔨᑦᓯᖁᓪᓗᒋᑦ, ᖁᔭᓕᖁᓪᓗᒋᑦ ᓂᕐᑐᐃᖁᓪᓗᒋᓪᓗ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖏᓐᓂ.

ᑯᕉᓂᑲ ᐂᑉᐸᖏᑦ 31:2 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 16:37

ᑕᕝᕙ ᑍᕕᑎᐅᑉ ᐊᓴᐸ ᐃᓚᒋᔭᖏᓪᓗ ᑕᕝᕗᖓ ᕿᒪᒃᐰᑦ ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓᑕ ᓵᖓᓄᑦ ᑲᔪᓯᓗᑎᒃ ᐱᓇᓱᐊᖁᓪᓗᒋᑦ ᐃᒃᓯᕐᕕᐅᑉ ᓵᖓᓂ, ᖃᐅᑕᒫᑦ ᐱᔭᕆᐊᖃᕐᓂᑎᑦ ᒪᓕᒡᓗᒋᑦ;

ᑯᕉᓂᑲ ᓯᕗᓪᓖᑦ 24:1

ᐅᑯᐊ ᑕᕝᕙ ᐂᕉᓂᐅᑉ ᐃᕐᓂᖏᑕ ᐊᕕᒃᑐᕐᑕᐅᓯᒪᓂᖏᑦ, ᐂᕉᓂᐅᑉ ᐃᕐᓂᖏᑦ ᐅᑯᐊᖑᕗᑦ: ᓁᑖᑉ, ᐊᐱᕼᐅ, ᐃᓕᓯᕆ, ᐃᑕᒫᕐᓗ.

ᑯᕉᓂᑲ ᓯᕗᓪᓖᑦ 24:24

ᐊᑦᔧᐆᑉ ᐃᕐᓂᖏᓐᓂᑦ ᒤᑲ; ᒤᑲᐅᑉ ᐃᕐᓂᖏᓐᓂᑦ ᓴᒥᕆ.

ᑯᕉᓂᑲ ᓯᕗᓪᓖᑦ 25:25

18ᖓᓐᓂ ᕼᐊᓇᓁ, ᐃᕐᓂᖏᑦ ᖃᑕᓐᖑᑎᖏᓪᓗ, 12ᕗᑦ;

ᑯᕉᓂᑲ ᓯᕗᓪᓖᑦ 26:26

ᑖᓐᓇ ᓯᓗᒥᑎ ᖃᑕᓐᖑᑎᖏᓪᓗ ᑲᒪᔨᐅᕗᑦ ᑮᓇᐅᔭᓕᒫᓄᑦ ᑐᓂᕐᕈᑕᐅᓯᒪᔪᓄᑦ ᐃᑦᔪᕐᓁᑦᑐᓄᑦ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐊᖓᔪᖅᑲᐅᔪᓪᓗ ᐊᑖᑕᒋᔭᐅᔪᑦ ᐃᓚᖏᓐᓂ, ᐊᖓᔪᖅᑳᓪᓗ ᑕᐅᓴᓐᑎᓄᑦ 100ᓄᓪᓗ, ᐊᖓᔪᖅᑳᓪᓗ ᐅᓇᑕᕐᑐᒃᓴᓄᑦ, ᑐᓂᕐᕈᑎᖏᓐᓄᑦ.

ᑯᕉᓂᑲ ᐂᑉᐸᖏᑦ 23:8

ᓕᕔᑎᑦ ᔫᑕᒥᐅᓕᒫᓪᓗ ᐱᓇᓱᐊᓚᐅᕐᐳᑦ ᑐᓂᕐᕈᓯᕐᑎᑦᓯᔨᐅᑉ ᔨᕼᐅᐃᐊᑕᐅᑉ ᐱᓇᓱᐊᕐᑕᐅᖁᔭᖓᓂᒃ. ᐊᑐᓂᑦ ᐃᓚᒥᖕᓂᒃ ᓇᒃᓴᓚᐅᕐᐳᑦ ᓴᐸᑎᒥ ᐱᓇᓱᐊᒐᒃᓴᖃᖏᑦᑐᓂᒃ, ᐱᓇᓱᐊᕐᑐᒃᓴᐅᔪᓪᓗ ᓴᐸᑎᒥ ᐱᖃᑕᐅᖕᒥᑎᓪᓗᒋᑦ; ᑐᓂᕐᕈᓯᕐᑎᑦᓯᔨᐅᓪᓗ ᔨᕼᐅᐃᐊᑕᐅᑉ ᓄᖅᑲᖓᑎᓚᐅᓐᖏᓔᑦ ᐊᕕᒃᑐᓯᒪᔪᓂ ᐱᔭᒃᓴᖃᖏᑦᑐᑦ.

ᑯᕉᓂᑲ ᐂᑉᐸᖏᑦ 31:17

ᑐᓂᕐᕈᓯᕐᑎᑦᓯᔩᓪᓗ ᐱᓕᕆᐊᒃᓴᖃᕐᑎᑕᐅᓚᐅᕐᐳᑦ ᑎᑎᕋᕐᑕᐅᓯᒪᓂᖏᑦ ᓯᕗᓕᖏᑕ ᐃᓚᒌᖕᓂᖏᑦ ᒪᓕᒡᓗᒋᑦ; ᓕᕔᑏᓪᓗ ᐊᕐᕌᒍᓖᑦ 20ᒥᑦ ᐅᖓᑖᓄᑦ ᐱᓇᓱᐊᕆᐊᖃᕐᓂᖏᑦ ᒪᓕᒡᓗᒋᑦ, ᐊᕕᒃᑐᕐᓯᒪᓂᖏᑎᒍᑦ.

ᑯᕉᓂᑲ ᐂᑉᐸᖏᑦ 35:2

ᑐᓂᕐᕈᓯᕐᑎᑦᓯᔩᑦ ᑎᓕᕔᑦ ᐱᔭᒃᓴᒥᖕᓂᒃ ᐱᓇᓱᐊᖁᓪᓗᒋᑦ ᑲᔪᖏᕐᓴᕐᐰᓪᓗ ᐱᔨᑦᓯᖁᓪᓗᒋᑦ ᐊᑕᓂᐅᑉ ᐃᒡᓗᖓᓂ.

ᑯᕉᓂᑲ ᐂᑉᐸᖏᑦ 5:11

ᑐᓂᕐᕈᓯᕐᑎᑦᓯᔩᓪᓕ ᐃᑦᔪᕐᓁᓐᓂᕐᐹᒥᑦ ᐊᓂᖕᒪᑕ (ᑐᓂᕐᕈᓯᕐᑎᑦᓯᔨᓕᒫᑦ ᐃᒻᒥᖕᓂᒃ ᐃᑦᔪᕐᓁᑎᓯᒪᓚᐅᕐᐳᑦ, ᐊᕕᒃᑐᕐᓯᒪᓂᑎᒃ ᐃᓱᒪᒋᓇᒋᑦ;

ᑯᕉᓂᑲ ᐂᑉᐸᖏᑦ 8:14

ᐊᑖᑕᖓᑕ ᑍᕕᑎᐅᑉ ᐊᑐᕐᑕᐅᖃᕐᑕᖁᓚᐅᕐᑕᖏᑦ ᒪᓕᒡᓗᒋᑦ, ᑎᓕᓯᕗᖅ ᑐᓂᕐᕈᓯᕐᑎᑦᓯᔩᑦ ᐊᕕᒃᑐᕐᓗᒋᑦ ᐱᓂᐊᒐᒃᓴᖏᓐᓄᑦ, ᓕᕔᑏᓪᓗ ᐱᓂᐊᒐᒃᓴᖏᓐᓄᑦ ᓂᕐᑐᐃᔨᐅᖁᓪᓗᒋᑦ ᐱᔨᑦᓯᕐᓗᑎᒃ ᑐᓂᕐᕈᓯᕐᑎᑦᓯᔨᓂᒃ ᐅᓪᓗᑕᒫᑦ ᐱᔭᒃᓴᖏᑦ ᒪᓕᒡᓗᒋᑦ, ᐃᑎᕐᑕᕐᕕᖕᒥᐅᑍᓪᓗ ᐊᕕᒃᑐᕐᓯᒪᓂᖏᑦ ᐃᑎᕐᑕᕐᕕᖕᓂ ᒪᓕᒡᓗᒋᑦ; ᑍᕕᑎᐅᑉ ᒎᑎᐅᑉ ᐃᓄᖁᑎᖓᑕ ᐱᖁᔨᑦᔪᑎᒋᓚᐅᕐᑕᖏᑦ ᒪᓕᒡᓗᒋᑦ.

ᐄᓱᕋᐅᑉ ᐊᒡᓚᖏᑦ 6:18

ᐋᖅᑭᒃᓱᐃᓚᐅᕐᐳᑦ ᑐᓂᕐᕈᓯᕐᑎᑦᓯᔩᑦ ᐱᓇᓱᐊᕐᕕᒃᓴᖏᓐᓂᒃ ᓕᕔᑎᓪᓗ ᑐᒃᓯᐊᕐᑎᑦᓯᖃᑦᑕᕐᓂᒃᓴᖏᓐᓂᒃ ᑐᒃᓯᐊᕐᕕᒡᔪᐊᒥ ᔨᕉᓴᓕᒦᑦᑐᒥ, ᒨᓯᓯᐅᑉ ᐊᓪᓚᖏᑕ ᐱᖁᔨᓂᖏᑦ ᒪᓕᒡᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 11:17

ᒪᑕᓁᐊ ᑖᓐᓇ ᒤᑲᐅᑉ ᐃᕐᓂᖓ, ᑖᓐᓇ ᔭᑉᑍᑉ ᐃᕐᓂᖓ, ᑖᓐᓇ ᐊᓴᐸᐅᑉ ᐃᕐᓂᖓ, ᑖᓐᓇ ᐊᖓᔪᖅᑳᕆᔭᐅᓚᐅᕐᑐᖅ ᖁᔭᓕᓂᕐᒥᒃ ᑐᒃᓯᐊᕐᓂᕐᒥᒃ ᐱᒋᐊᕐᐸᓪᓕᐊᑎᓪᓗᒋᑦ. ᐸᒃᐳᒃᑭᐊᓗ ᑐᖓᓕᕆᔭᐅᓚᐅᕐᐳᖅ ᖃᑕᓐᖑᑎᓕᒫᒥᓄᑦ. ᐊᑉᑕᓗ ᑖᓐᓇ ᓵᒧᐊᑉ ᐃᕐᓂᖓ, ᑖᓐᓇ ᒐᓚᐅᑉ ᐃᕐᓂᖓ, ᑖᓐᓇ ᔨᑐᑕᓂᐅᑉ ᐃᕐᓂᖓ.

ᐃᓐᖏᕈᑎᑦ 134:1

ᕾᒋᑦᓯ, ᐊᑕᓂᖅ ᓂᕐᑐᕐᓯᐅᒃ, ᑕᒪᑦᓯ ᐊᑕᓂᕐᒧᑦ ᐱᔨᐅᔪᓯ, ᐊᑕᓂᐅᑉ ᐃᒡᓗᖓᓂ ᐅᓐᓄᐊᒃᑯᑦ ᓇᖏᖃᑦᑕᕐᑐᓯᒍᑦ!

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᓘᑲᓯᐅᑉ ᐊᒡᓚᖏᑦ 1:5

ᑍᑦᓱᒪᓂ ᐃᕉᑕᓯ ᐊᖓᔪᖅᑳᕐᔪᐊᖑᑎᓪᓗᒍ ᔫᑎᐊᒥ, ᑐᓂᕐᕈᓯᕐᑎᑦᓯᔨᑕᖃᓚᐅᕐᐳᖅ ᓴᑲᕅᐊᒥᒃ ᐊᑎᓕᖕᒥᒃ, ᑐᓂᕐᕈᓯᕐᑎᑦᓯᔨᓄᑦ ᓇᓪᓕᐅᑎᖃᑦᑕᕐᑐᓄᑦ ᐊᐰᔭᒃᑯᓐᓄᑦ ᐃᓚᒋᔭᐅᓪᓗᓂ; ᓄᓕᐊᖓ ᐃᓕᓴᐱᒥᒃ ᐊᑎᖃᕐᐳᖅ ᐂᕉᓂᒃᑯᑦ ᑭᖑᕚᖓᑦ; ᑐᓂᕐᕈᓯᕐᑎᑦᓯᔨᓄᑦ ᑭᖑᕚᕆᔭᐅᒋᓪᓗᓂ.

ᓘᑲᓯᐅᑉ ᐊᒡᓚᖏᑦ 1:8

ᓴᑲᕅᐊ ᐱᓇᓱᐊᕐᑎᓪᓗᒍ ᑐᓂᕐᕈᓯᕐᓂᕐᒥᒃ ᒎᑎᐅᑉ ᓵᖓᓂ ᖃᐅᑕᒫᑦ ᐊᑐᕐᑕᐅᕙᒃᑐᒥᒃ ᑐᒃᓯᐊᕐᕕᒡᔪᐊᒥ; ᐱᓇᓱᐊᕐᕕᒃᓴᖓ ᓇᓪᓕᐅᑎᓯᒪᓕᕐᒪᑦ.