ᑯᕉᓂᑲ ᐂᑉᐸᖏᑦ 30:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᑕᓂᕐᒧᑦ ᐅᑎᕈᑦᓯ, ᖃᑕᓐᖑᑎᓯ ᕿᑐᕐᖓᓯᓗ ᓇᒡᓕᒋᔭᐅᔪᓐᓇᕐᓯᓂᐊᕐᐳᑦ ᑎᒍᓯᓯᒪᔪᓂᑦ, ᐅᑎᕐᑎᑕᐅᓗᑎᒡᓗ ᑕᒪᐅᖓ ᓄᓇᒧᑦ. ᐊᑕᓂᖅ ᒎᑎᓯ ᐱᑦᓯᐊᕐᒪᑦ ᓂᑲᒍᓱᒡᓗᓂᓗ, ᑮᓇᒥᓄᓪᓗ ᐊᓚᕐᓂᐊᓐᖏᓛᓯ, ᑖᑦᓱᒧᖓ ᐅᑎᕐᓂᐊᕈᑦᓯ.”

ᑯᕉᓂᑲ ᐂᑉᐸᖏᑦ 30:9 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 8:50

ᐃᓄᖁᑎᑎᑦ ᐃᓱᒪᒋᔪᓐᓁᕐᕕᒋᓗᒋᑦ ᐃᓕᖕᓄᑦ ᐊᔪᕐᑐᓕᓯᒪᔪᑦ, ᓈᒻᒪᖏᑦᑐᓕᓂᕆᓯᒪᔭᓕᒫᖏᓐᓂᒃ ᐃᓕᖕᓄᑦ; ᓈᒃᑭᒋᓗᒋᓪᓗ ᐊᑭᕋᖏᑦ ᑖᒃᑯᓂᖓ ᐊᐅᓪᓚᕈᑦᔨᓚᐅᕐᑐᑦ ᖃᐅᔨᑎᓪᓗᒋᑦ, ᑖᒃᑯᓄᖓ ᓈᒃᑭᒋᔭᐅᓕᖁᓪᓗᒋᑦ.

ᑯᕉᓂᑲ ᐂᑉᐸᖏᑦ 15:2

ᐂᓴᓗ ᐸᕐᕆᐊᓕᕐᐹ, ᑲᑎᒐᒥᐅᒡᓗ ᐅᖃᐅᑎᕚ, “ᐂᓵ ᓈᓚᓐᖓ, ᔫᑕᒥᐅᓕᒫᑦ ᐱᓐᔭᒥᓂᒃᑯᓕᒫᓪᓗ: ᐊᑕᓂᐅᑉ ᐃᓚᒋᕚᓯ, ᑖᑦᓱᒪᓃᓐᓂᑦᓯᓐᓂ. ᕿᓂᕈᑦᓯᐅᒃ ᓇᓂᓂᐊᕐᐸᓯ, ᕿᒪᒍᑦᓯᐅᒃ ᑖᑦᓱᒪᑦᑕᐅᖅ ᕿᒪᖕᓂᐊᕆᕚᓯ.

ᑯᕉᓂᑲ ᐂᑉᐸᖏᑦ 7:14

ᑕᕝᕙ ᐃᓄᖁᑎᒃᑲ ᐊᑎᓐᓂ ᑐᒃᓯᐊᕐᓗᑎᒃ ᐃᒻᒥᖕᓂᒃ ᒥᑭᒡᓕᑎᕐᐸᑕ, ᑐᒃᓯᐊᕐᓗᑎᒡᓗ ᑮᓇᓐᓂᒃ ᕿᓂᓕᕐᐸᑕ, ᐱᐅᖏᑦᑐᓕᓂᕐᒥᓂᒡᓗ ᕿᒤᒃᐸᑕ, ᑕᕝᕙ ᑐᓴᕐᓂᐊᕐᐸᒃᑲ ᕿᓚᖕᒥᑦ, ᐊᔪᕐᓂᖏᓪᓗ ᐃᓱᒪᒋᔪᓐᓁᕐᓗᒋᑦ ᓄᓇᖓᓗ ᐆᒻᒪᕐᑎᓐᓂᐊᕐᐸᕋ.

ᓂᕼᐃᒤᐊᐅᑉ ᐊᒡᓚᖏᑦ 9:17

ᐱᖁᔭᕐᓂᒃ ᓈᓚᒍᒪᔪᓐᓁᓚᐅᕐᐳᑦ ᐳᐃᒍᕐᓗᑎᒡᓗ ᐱᓂᐊᕐᓂᕆᓚᐅᕐᑕᕐᓂᒃ, ᑲᒪᓇᕐᑐᓕᓂᕆᓚᐅᕐᑕᕐᓂᒡᓗ, ᐱᐅᔪᕆᓂᕐᒥᖕᓄᑦ ᓯᕗᓕᕐᑎᒃᓴᒥᖕᓂᒃ ᓂᕈᐊᓚᐅᕐᐳᑦ ᐅᑎᖁᓪᓗᒋᑦ ᓯᐊᓛᖑᓂᕐᒧᑦ ᕿᓚᒃᑕᐅᓯᒪᓂᕆᓚᐅᕐᑕᒥᖕᓄᑦ. ᐃᕝᕕᓪᓕ ᒎᑎᐅᕗᑎᑦ ᐃᓱᒪᒋᔪᓐᓁᕐᓯᓲᖑᓪᓗᑎᑦ, ᐱᑦᓯᐊᕐᑐᑎᑦ ᓂᑲᒍᓱᒃᑐᑎᓪᓗ, ᓂᓐᖓᒃᓴᕅᖏᑦᑐᑎᑦ, ᓈᒃᑭᒍᓱᖕᓃᑦ ᐊᖏᔫᖕᒪᑦ, ᑖᒃᑯᐊ ᕿᒪᓚᐅᓐᖏᓚᑎᑦ.

ᓂᕼᐃᒤᐊᐅᑉ ᐊᒡᓚᖏᑦ 9:31

ᑍᒤᒃᑲᓗᐊᕐᑎᓪᓗᒍ, ᓈᒃᑭᒍᓱᖕᓂᕐᔪᐊᕐᓄᑦ ᓇᕐᕈᒋᓕᓚᐅᓐᖏᓚᑎᑦ ᐊᓯᕈᓚᐅᕐᓇᒋᓪᓗ, ᐱᑦᓯᐊᕐᓗᑎᑦ ᓈᒃᑭᒍᓱᒡᓗᑎᓪᓗ ᒎᑎᐅᒐᕕᑦ.

ᐃᓐᖏᕈᑎᑦ 106:46

ᓂᑲᒋᔭᐅᓕᕐᑎᓚᐅᕐᐰᓪᓗ ᑕᒤᓐᓄᑦ ᓵᓚᐅᓪᓗᑎᒃ ᐊᐅᓪᓚᕈᑦᔨᔨᒋᓚᐅᕐᑕᖏᓐᓄᑦ.

ᐃᓐᖏᕈᑎᑦ 111:4

ᐱᓇᓱᐊᕐᓯᒪᔭᖏᑕ ᐱᐅᔪᐊᓘᓂᖏᑦ ᐃᖅᑲᐅᒪᔭᐅᑦᔪᑎᒃᓴᓕᐅᕐᓯᒪᕔᑦ; ᐊᑕᓂᖅ ᐱᑦᓯᐊᕐᑐᐊᓘᕗᖅ ᓂᑲᒍᓱᒃᑑᓪᓗᓂᓗ.

ᐃᓐᖏᕈᑎᑦ 86:15

ᐃᕝᕕᓪᓕ ᐊᑕᓃᖅ, ᒎᑎᐅᕗᑎᑦ ᓂᑲᒍᓱᒃᑐᖅ ᐱᑦᓯᐊᕐᓗᑎᓪᓗ, ᕿᓄᐃᑦᑑᕗᑎᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑑᓃᓪᓗ ᐃᓱᖃᕋᑎᒃ.

ᐃᓐᖏᕈᑎᑦ 86:5

ᐊᑕᓃᖅ, ᐱᐅᔫᒐᕕᑦ ᐃᓱᒪᒋᔪᓐᓁᕐᕕᖃᕐᓗᑎᓪᓗ, ᓇᒡᓕᖕᓂᖃᕐᐳᑎᓪᓗ ᓱᖁᓯᔪᐃᑦᑐᒥᒃ ᑕᒤᓐᓄᑦ ᐃᓕᖕᓄᑦ ᓂᓪᓕᐊᕕᖃᕐᑐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:13

ᐊᔪᕐᓂᕐᒥᓂᒃ ᐃᔨᕐᓯᔪᖅ ᐱᕙᓪᓕᐊᓂᐊᓐᖏᓚᖅ, ᓇᓪᓕᐊᓪᓕ ᖃᕿᐊᓕᕐᑐᖅ ᐊᔪᕐᓂᕐᒥᒡᓗ ᕿᒤᓗᓂ ᓂᑲᒋᔭᐅᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 55:7

ᐱᐅᖏᑦᑐᓕᔫᑉ ᐊᖅᑯᑎᓂ ᕿᒪᓕᕐᓕᐅᒃ, ᓈᒻᒪᖏᑦᑐᓪᓗ ᐃᓱᒪᒋᔭᓂ ᓈᒻᒪᖏᑦᑐᑦ ᑐᓄᓪᓕᒋᑦ; ᓵᒋᐊᕐᓗᓂᓗ ᐊᑕᓂᕐᒧᑦ, ᑕᕝᕙ ᑖᑦᓱᒪ ᓈᒃᑭᒋᓂᐊᕐᐹ, ᒎᑎᑦᑎᓐᓄᓪᓗ ᓵᒋᐊᕐᓕ ᑕᕝᕙ ᑲᔪᓯᑦᓯᐊᕐᑐᒥᒃ ᐃᓱᒪᒋᔪᓐᓁᕐᕕᒋᓂᐊᕐᐹ.

ᔨᕆᒤᐊᐅᑉ ᐊᒡᓚᖏᑦ 18:17

ᐊᓄᕆᐅᑉ ᓴᓐᖏᔫᕕᖓᓂᑦ ᐊᓄᕌᕐᕕᐅᔪᑎᑐᑦ ᓯᐊᒻᒪᕈᒫᕐᐳᑦ ᐊᑭᕋᖏᑕ ᓵᖏᓐᓂ. ᑲᑉᐱᐊᓇᕐᑐᓪᓗ ᓇᓪᓕᐅᑎᒃᐸᑕ ᑐᓄᒐ ᑕᑯᔪᒫᕐᐹᑦ, ᑮᓇᕋᐅᖏᑦᑐᖅ.”

ᔫᓇᐅᑉ ᐊᒡᓚᖏᑦ 4:2

ᑐᒃᓯᐊᓕᕐᐳᕐᓗ ᐊᑕᓂᕐᒧᑦ ᐅᖃᕐᓗᓂ: “ᐊᑕᓃᖅ, ᐅᖃᐅᓯᕆᓚᐅᕐᑕᕋ ᓇᓚᐅᑦᓯᓐᖏᓛᖅ ᓄᓇᑦᑎᓐᓃᓪᓗᖓ ᓱᓕ ᑍᒤᓕᐅᕋᔭᕐᓂᕐᓂᒃ? ᑕᒪᓐᓇ ᐱᓪᓗᒍ ᑐᐊᕕᕐᓗᖓ ᕿᒫᓚᐅᕐᐳᖓ ᑖᕐᓯᓯᒧᑦ, ᖃᐅᔨᒪᒐᒪ ᐃᕝᕕᑦ ᒎᑎᐅᒐᕕᑦ ᐱᑦᓯᐊᕐᓂᖃᕐᑐᖅ ᓈᒃᑭᒍᓱᒃᑐᕐᓗ, ᓂᓐᖓᒃᓴᕅᖏᑦᑐᖅ ᓇᒡᓕᒍᓱᒃᑐᕐᔫᔪᕐᓗ, ᐃᓱᒤᓪᓗ ᓱᒋᐊᕐᓂᕐᒥᑦ ᓴᖑᑎᓲᕆᒐᕕᐅᒃ ᖃᕿᐊᓕᕐᑐᖃᑐᐊᕐᒪᑦ ᐊᑲᐅᖏᓐᓂᕐᒥᑦ.

ᒤᑲᐅᑉ ᐊᒡᓚᖏᑦ 7:18

ᑭᓇ ᐃᓕᒃᑐᑦ ᒎᑎᐅᕙ, ᐃᓱᒪᒋᔪᓐᓁᕐᓯᔪᓐᓇᕐᑐᖅ ᐱᐅᖏᑦᑐᓕᓂᕐᓂᒃ ᐊᔪᕐᑐᓕᓂᕐᓂᒡᓗ ᐊᒥᐊᒃᑰᔪᓄᑦ ᐃᓄᖁᑎᒥᓄᑦ ᑭᖑᕚᕆᔭᐅᔪᓄᑦ, ᓂᓐᖓᐅᒤᓐᓇᕈᓐᓇᖏᑦᑐᖅ ᖁᕕᐊᒋᔭᖃᕋᒥ ᓇᒡᓕᖕᓂᕐᒥᒃ ᓱᖁᓯᔪᐃᑦᑐᒥᒃ.

ᒨᓯᓯ ᑕᓪᓕᒪᖏᑦ 30:1

“ᒫᓐᓇ ᐃᓱᒪᕐᓱᕐᓗᓯ ᓂᕈᐊᕐᕕᒃᓴᖃᕐᑎᑉᐸᑦᓯ ᓇᓪᓕᐊᓐᓂᑐᐃᓐᓇᖅ ᓮᒻᒪᕐᑎᑕᐅᓂᕐᒥᒃ ᓱᒋᐊᕐᑕᐅᓂᕐᒥᒡᓗ. ᑕᒪᒃᑯᐊᓕᒫᑦ ᐃᓕᑦᓯᓐᓄᑦ ᑎᑭᐅᑎᓯᒪᓕᕐᓂᖏᑕ ᑭᖑᓂᖓᒍᑦ, ᐃᓅᖃᑎᒌᒡᔪᐊᓂᓗ ᓄᓇᖃᓕᕐᑎᓪᓗᓯ ᐊᑕᓂᐅᑉ ᒎᑎᑦᓯ ᓇᒧᑐᐃᓐᓇᖅ ᓯᐊᒻᒪᕐᑎᓯᒪᖕᒪᓯ, ᐃᖅᑲᐅᒪᔪᒃᓴᐅᕗᓯ ᐱᕕᒃᓴᖃᑦᓯᐊᕐᑎᑦᓯᓚᐅᕐᓂᓐᓂᒃ ᓇᓪᓕᐊᓐᓂᑐᐃᓐᓇᖅ ᓂᕈᐊᕈᓐᓇᕐᓗᓯ.

ᒨᓯᓯ ᑕᓪᓕᒪᖏᑦ 4:31

ᑖᓐᓇ ᒎᑎ ᓂᑲᒍᓱᒃᑑᐊᓘᖕᒪᑦ. ᑖᑦᓱᒪ ᖁᔭᓈᕐᓂᐊᖏᒻᒪᓯ ᓄᖑᑕᐅᑎᓐᓂᐊᕐᓇᓯᓗ, ᐳᐃᒍᕐᓂᐊᓐᖏᓛᓗ ᐊᖏᖃᑎᒌᒍᑎᒋᓯᒪᔭᓂ ᓇᖕᒥᓂᖅ ᓯᕗᓕᕕᓂᑦᓯᓐᓄᑦ.