ᑯᕉᓂᑲ ᐂᑉᐸᖏᑦ 30:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᕼᐃᓯᑬᐊᐅᓪᓗ ᐅᖃᐅᑎᓪᓗᒋᑦ ᑲᔪᖏᕐᓴᕐᐰᑦ ᓕᕔᑎᓕᒫᑦ ᐱᔪᓐᓇᑦᓯᐊᕐᓗᑎᒃ ᐱᓕᕆᔪᑦ ᐱᓇᓱᐊᕆᐊᓕᖕᒥᖕᓂᒃ ᐊᑕᓂᕐᒧᑦ. ᑕᕝᕙ ᐃᓄᐃᑦ ᓂᕆᓚᐅᕐᐳᑦ ᓇᓪᓕᐅᓐᓂᕐᓯᐅᕐᓗᑎᒃ ᐅᓪᓗᓂᒃ 7ᓂᒃ, ᑐᓂᕐᕈᓯᕐᓗᑎᒃ ᓮᒻᒪᕐᑎᑕᐅᑦᔪᑎᒃᓴᒧᑦ ᑐᓂᕐᕈᓯᕐᐳᓪᓗ ᖁᔭᓕᓪᓗᑎᒃ ᐊᑕᓂᕐᒧᑦ ᓯᕗᓕᖏᑕ ᒎᑎᖓᓄᑦ.

ᑯᕉᓂᑲ ᐂᑉᐸᖏᑦ 30:22 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 9:3

ᓇᖏᓚᐅᕐᐳᑦ ᓇᔪᕐᑕᒥᖕᓂ ᐊᑐᐊᕐᓯᓪᓗᑎᒃ ᐊᒡᓚᖕᓂᒃ ᐊᑕᓂᐅᑉ ᐱᖁᔭᓕᐊᕕᓂᖏᓐᓂᒃ ᑖᒃᑯᐊ ᒎᑎᖓᑦᑕ ᐃᑲᕐᕋᓂᒃ ᐱᖓᓱᓂᒃ, ᐊᒻᒪ ᑭᖑᓂᐊᒍᑦ ᓱᓕ ᐃᑲᕐᕋᓂᒃ ᐱᖓᓱᓂᒃ ᐊᔪᕐᓂᕐᒥᖕᓂᒃ ᐅᖃᕆᒃᓴᐅᑦᔨᓚᐅᕐᐳᑦ ᖃᕿᐊᓕᕐᓗᑎᒃ ᑐᒃᓯᐊᕐᓗᑎᒡᓗ ᐊᑕᓂᕐᒧᑦ ᒎᑎᒥᖕᓄᑦ.

ᑯᕉᓂᑲ ᐂᑉᐸᖏᑦ 32:6

ᐅᓇᑕᕐᑐᒃᓴᓄᓪᓗ ᐊᖓᔪᖅᑳᓂᒃ ᐃᓄᖕᓄᑦ ᐊᖓᔪᖅᑳᖑᓂᐊᕐᑐᓂᒃ ᐋᖅᑭᒃᓱᐃᕗᖅ, ᑲᑎᑎᑉᐰᓪᓗ ᐃᒡᓗᒐᓮᑦ ᐃᑎᕐᑕᕐᕕᖓᑕ ᐱᕕᑐᓂᖓᓂ, ᑲᔪᖏᕐᓴᕐᓗᒋᓪᓗ ᐅᖃᐅᑎᕔᑦ,

ᐄᓱᕋᐅᑉ ᐊᒡᓚᖏᑦ 10:11

ᒫᓐᓇᓕ ᖃᕿᐊᓕᓕᕆᑦᓯ ᐊᔪᕐᑐᓕᓂᑦᓯᓐᓂᒃ ᐊᑕᓂᕐᒧᑦ ᓯᕗᓕᑦᓯ ᒎᑎᖓᓄᑦ, ᑖᑦᓱᒪᓗ ᖁᕕᐊᒋᔭᖓᓂᒃ ᐱᓇᓱᐊᕐᓗᓯ; ᐊᕝᕗᑎᓕᕆᑦᓯ ᐃᓅᖃᑎᒃᓴᔭᕆᓐᖏᑕᑦᓯᓐᓂᑦ ᓄᓇᖃᖃᑎᑦᓯᓐᓂᑦ ᓄᓕᐊᓯᓗ ᐃᓅᖃᑎᒃᓴᔭᕆᓐᖏᑕᓯ ᐊᕕᓪᓗᓯᐅᒃ.”

ᑎᒧᑎᒧᑦ ᐂᑉᐸᖏᑦ 4:2

ᐊᔪᕆᕐᑐᐃᖁᓪᓗᑎᑦ ᐅᖃᐅᓯᕐᓂᒃ, ᐊᔪᐃᓐᓇᕐᓗᑎᑦ ᐱᕕᒃᓴᖃᑦᓯᐊᕈᕕᑦ ᐱᕕᒃᓴᖃᑦᓯᐊᖏᒃᑲᓗᐊᕈᕕᓪᓘᓐᓃᑦ, ᓇᓗᓁᕐᓯᓗᑎᑦ, ᐃᓂᕐᑎᕆᓗᑎᑦ, ᐃᓇᑦᓯᓗᑎᓪᓗ, ᑲᔪᓯᓗᑎᑦ ᕿᓄᐃᓵᕐᓂᒃᑯᑦ ᐊᔪᕆᕐᑐᐃᓂᒃᑯᓪᓗ.

ᐱᓕᐱᒥᐅᓄᑦ 3:8

ᑕᒪᒃᑯᐊᑑᖏᑦᑐᕐᓕ; ᐊᓯᓕᒫᖏᓕᑦᑕᐅᖅ ᐊᑑᑎᒃᓴᖃᕈᓐᓃᕐᐳᑦ ᐱᐅᓂᕐᓴᒻᒪᕆᐊᓗᖕᒥᒃ ᑕᑯᓯᒪᓕᕐᑎᓪᓗᖓ ᑐᑭᓯᓕᕐᑎᓪᓗᖓᓗ ᔩᓱᓯ ᙭ᔅᑑᓯᒥᒃ ᐊᑕᓂᕆᔭᓐᓂᒃ. ᑖᓐᓇᓗ ᐱᓪᓗᒍ ᑕᒪᕐᒥᒃ ᐃᒋᓯᒪᕙᒃᑲ; ᑕᒪᕐᒥᒡᓗ ᐃᒋᑕᒃᓴᑎᑐᑦ ᐃᓱᒪᒋᕙᒃᑲ, ᐱᓯᒪᓂᕐᓴᐅᖁᓪᓗᖓ ᙭ᔅᑑᓯᒥ

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:6

ᐃᒫᒃ ᒎᑎ ᐅᖃᕐᓯᒪᖕᒪᑦ, “ᖃᐅᒪᔪᖅ ᖃᐅᒻᒤᓕᕐᓕ ᑖᕐᑐᒥ,” ᑖᑦᓱᒪ ᖃᐅᒪᓂᓂ ᖃᐅᒻᒪᒃᑎᑉᐹ ᐆᒻᒪᑎᑦᑎᓐᓄᑦ ᖃᐅᔨᑎᑕᐅᖁᓪᓗᑕ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᙭ᔅᑑᓯᐅᑉ ᖃᐅᒻᒪᒃᑎᑦᓯᓂᖓᓂᑦ ᐱᔪᒥᒃ.

ᔪᐊᓇᓯᐅᑉ ᐊᒡᓚᖏᑦ 17:3

ᐃᓅᓯᖅ ᓄᖑᓱᐃᑦᑐᖅ ᐃᒤᓕᖓᕗᖅ, ᐃᓕᖕᓂᒃ ᖃᐅᔨᓗᓂ ᓇᓛᒍᑦ ᓱᓕᔪᒥᒃ ᒎᑎᑐᐊᖑᓂᕐᓂᒃ, ᑎᓕᓚᐅᕐᑕᕐᓂᒡᓗ ᔩᓱᓯ ᙭ᔅᑑᓯᒥᒃ.

ᕼᐆᓯᐊᑉ ᐊᒡᓚᖏᑦ 2:14

“ᑍᒤᒻᒪᑦ, ᑕᑯᒋᑦ, ᓇᕆᐊᓕᕐᓯᒪᓗᒍ ᐃᓄᖃᖏᑦᑐᒧᐊᕈᑎᔪᒫᕐᐸᕋ, ᑍᑲᓂᓗ ᐅᖃᕐᕕᒋᔪᒫᕐᐸᕋ ᐅᖃᐅᓯᕐᓄᑦ ᓇᒡᓕᒃᑐᕐᑐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:6

ᑐᓴᕆᑦᓯ, ᐅᖃᐅᓯᖃᕐᓂᐊᕋᒪ ᐊᑐᕆᐊᖃᒻᒪᕆᒃᑐᓂᒃ; ᐅᖃᐅᓯᒃᑲᓗ ᓴᖅᑭᑎᑦᓯᓂᐊᕐᒪᑕ ᓇᓛᒎᕐᑐᒥᒃ.

ᓂᕼᐃᒤᐊᐅᑉ ᐊᒡᓚᖏᑦ 8:18

ᐅᓪᓘᑉ ᐱᒋᐊᕐᓂᖓᓂᑦ ᓇᓪᓕᐅᓐᓂᕐᓯᐅᕐᕕᐅᑉ ᐅᓪᓗᒧᑦ ᑭᖑᓪᓕᕐᐹᒧᑦ ᑎᑭᓪᓗᒍ, ᒎᑎᐅᑉ ᐱᖁᔭᖏᑦ ᐅᖃᓕᒫᕐᑕᐅᓚᐅᕐᐳᑦ ᖃᐅᑕᒫᑦ. ᓇᓪᓕᐅᓐᓂᕐᓯᐅᓚᐅᕐᐳᓪᓗ ᐅᓪᓗᓂᒃ 7ᓂᒃ, ᐅᓪᓗᐃᓪᓗ 8ᖓᓐᓂ ᑲᑎᖃᑎᒌᒃᓗᑎᒃ ᐅᒃᑯᐊᕐᓯᓚᐅᕐᐳᑦ ᓇᓪᓕᐅᓐᓂᕐᓯᐅᕐᓂᕐᒥᖕᓂᒃ, ᐱᖁᔧᑦ ᑍᒫᒃ ᐱᖁᔨᓂᖏᑦ ᒪᓕᒡᓗᒋᑦ.

ᐄᓱᕋᐅᑉ ᐊᒡᓚᖏᑦ 7:25

ᐃᕝᕕᓪᓗ ᐄᓱᕌ, ᓯᓚᑐᓃᑦ ᐊᑐᕐᓗᒍ ᒎᑎᐅᑉ ᑐᓂᓚᐅᕐᑕᖓ ᐃᓕᖕᓄᑦ, ᑎᓕᓯᔪᒃᓴᐅᕗᑎᑦ ᑲᒪᔨᐅᓂᐊᕐᑐᓂᒃ ᓯᕗᓕᕐᑎᓂᒃ ᐃᖅᑲᕐᑐᐃᔨᓂᒡᓗ ᐊᐅᓚᑦᓯᔪᒃᓴᓂᒃ ᐃᓄᖕᓂᒃ ᐃᕗᕅᑎᐅᑉ ᓴᐅᒥᖔᖓᓂᒥᐅᓂᒃ ᐃᓅᔪᓂᒃ ᒎᑎᑦᓯ ᐱᖁᔭᖏᑦ ᒪᓕᒡᓗᒋᑦ ᐃᓕᓐᓂᐊᕐᑎᑦᓯᔪᒃᓴᐅᕗᓯᓗ ᐱᖁᔭᓂᒃ ᖃᐅᔨᒪᖏᑦᑐᓂᒃ.

ᐄᓱᕋᐅᑉ ᐊᒡᓚᖏᑦ 7:10

ᐄᓱᕋᐅᑉ ᐃᓅᓯᓂ ᑐᓂᓯᒪᓚᐅᕐᐹ ᐃᓕᓴᕐᓗᓂ ᐊᑕᓂᐅᑉ ᐱᖁᔭᖏᓐᓂᒃ, ᐊᑐᖃᑦᑕᓪᓗᒋᑦ, ᐃᓕᓮᑦᔪᑎᒋᓪᓗᒋᓪᓗ ᐱᖁᔧᑦ ᐊᑐᕐᑕᐅᔭᕆᐊᓖᓪᓗ ᐃᓴᕆᐊᓕᒥᐅᑦ ᐃᓄᖁᑎᖏᓐᓄᑦ.

ᑯᕉᓂᑲ ᐂᑉᐸᖏᑦ 35:3

ᓕᕔᑏᓪᓗ ᐅᖃᐅᑎᕔᑦ ᐃᓴᕆᐊᓕᒥᐅᓕᒫᓂᒃ ᐃᓕᓮᕙᒃᑐᑦ ᑖᒃᑯᐊ ᐃᑦᔪᕐᓁᑦᑐᒥᒃ ᐱᓇᓱᐊᕐᑐᑦ ᐊᑕᓂᕐᒧᑦ, “ᐊᖏᕈᑕᐅᓯᒪᔪᑦ ᐃᒃᓯᕐᕕᖁᑎᖓ ᐃᑦᔪᕐᓁᑦᑐᖅ ᐃᒡᓗᒧᐊᕐᓯᐅᒃ ᓲᓗᒨᓂᐅᑉ ᑍᕕᑎᐅᑉ ᐃᕐᓂᖓᑕ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑕ, ᓴᓇᓚᐅᕐᑕᖓ; ᐊᒡᔭᖃᑦᑕᕐᓂᐊᕈᓐᓃᕐᐸᓯ ᐃᕐᓱᒡᓗᒍ. ᒫᓐᓇᓕ ᐊᑕᓂᖅ ᒎᑎᓯ ᐱᔨᑦᓯᓕᕐᓯᐅᒃ ᐃᓴᕆᐊᓕᒥᐅᓪᓗ.

ᑯᕉᓂᑲ ᐂᑉᐸᖏᑦ 17:9

ᑖᒃᑯᐊ ᐃᓕᓮᕗᑦ ᔫᑕᒥ, ᐊᑕᓂᐅᑉ ᐱᖁᔭᖏᑦ ᑎᑎᕋᕐᓯᒪᔪᑦ ᐱᓯᒪᓪᓗᒋᑦ; ᔫᑕᐅᑉ ᐃᒡᓗᒐᓴᓕᒫᖏᓐᓄᑦ ᐂᓚᐅᕐᐳᑦ ᐃᓕᓮᓪᓗᑎᒃ ᐃᓄᖕᓂᒃ.

ᑯᕉᓂᑲ ᐂᑉᐸᖏᑦ 15:3

ᐃᓴᕆᐊᓕᒥᐅᑦ ᐊᑯᓂᐊᓗᒃ ᒎᑎᒥ ᓱᓕᔪᒦᓚᐅᖏᒻᒪᑕ, ᑐᓂᕐᕈᓯᕐᑎᑦᓯᔨᒥᒡᓗ ᐃᓕᓮᔨᖃᕋᑎᒃ, ᐱᖁᔭᖃᕋᑎᒡᓗ;

ᒨᓯᓯ ᑕᓪᓕᒪᖏᑦ 33:10

ᑖᒃᑯᐊ ᐃᓕᓮᓂᐊᕐᐳᑦ ᒪᓕᒐᒃᓴᓂᒃ ᔧᑰᑉ ᑭᖑᕚᖏᓐᓄᑦ, ᐱᖁᔭᕐᓂᒡᓗ ᐃᓴᕆᐊᓕᒥᐅᓄᑦ; ᐃᓯᕐᓗᐊᕐᓂᑎᑦᓯᓗᑎᒡᓗ ᓵᖕᓂ, ᑐᓂᕐᕈᓯᕐᕕᖁᑎᖕᓂᓗ ᐃᑯᐊᓚᑦᓯᓗᑎᒃ ᑐᓂᕐᕈᓯᕐᓂᐊᕐᐳᑦ.

ᔮᓱᐊᑉ ᐊᒡᓚᖏᑦ 7:19

ᔮᓱᐊᓪᓗ ᐂᑲᓐ ᐅᖃᐅᑎᕚ, “ᐃᕐᓃᒃ, ᓱᓕᔪᒥᒃ ᐅᖃᓚᐅᕆᑦ ᐊᑕᓂᐅᑉ ᓵᖓᓂ ᐃᓴᕆᐊᓕᒥᐅᑦ ᒎᑎᖓᑕ, ᖃᕿᐊᓕᕐᓗᑎᓪᓗ, ᐅᖃᐅᑎᓚᐅᓐᖓ ᖃᓄᐃᓕᐅᕐᓂᕐᒪᖔᕐᐱᑦ; ᐊᓐᖏᒍᑎᖏᓪᓗᖓ.”

ᐄᓱᕋᐅᑉ ᐊᒡᓚᖏᑦ 8:18

ᒎᑎᒧᑦ ᐱᑦᓯᐊᕐᕕᐅᓗᐊᕐᓂᑯᑦᑎᓐᓄᑦ, ᑎᓕᓯᓚᐅᕐᐳᑦ ᐊᖑᒻᒥᒃ ᖃᐅᔨᒪᑦᓯᐊᕐᑐᒥᒃ ᓯᕆᐰᐊᒥᒃ ᐊᑎᓕᖕᒥᒃ, ᓕᕔᑎᐅᔪᖅ ᒪᕼᐊᓔᑉ ᑭᖑᕚᖏᓐᓂᑦ ᐱᓯᒪᔪᖅ; ᒫᕼᐊᓕ ᓕᕔᑎᐅᑉ ᐃᕐᓂᕆᓚᐅᕐᐹ, ᓕᕔᑎᓗ ᐃᕐᓂᕆᔭᐅᓪᓗᓂ ᐃᓴᕆᐊᓕᒧᑦ, ᐃᓚᖃᕐᓗᓂᓗ 18ᓂᒃ ᐃᕐᓂᕐᒥᓂᒃ ᖃᑕᓐᖑᑎᒥᓂᒡᓗ.

ᒨᓯᓯ ᓯᕗᓪᓖᑦ 50:21

ᑍᒤᒻᒪᑦ, ᓯᕘᕋᖏᓪᓗᓯ; ᐅᕙᖓ ᓂᕿᒃᓴᖃᕐᑎᓐᓂᐊᕐᐸᑦᓯ ᕿᑐᕐᖓᓯᓗ.” ᑍᒤᓕᐅᕐᓗᓂ ᑐᓐᖓᓇᕐᑐᒥᒃ ᐅᖃᐅᑎᒃᑲᓐᓂᕐᐰᑦ ᒪᓂᒍᕐᑎᓪᓗᒋᓪᓗ.