ᑯᕉᓂᑲ ᐂᑉᐸᖏᑦ 30:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᑐᓂᕐᕈᓯᕐᕖᓪᓗ ᔨᕉᓴᓕᒦᑦᑐᑦ ᐲᔭᕆᐊᕐᑐᓚᐅᕐᐰᑦ, ᑎᐱᑦᓯᐊᕆᒃᑐᒥᒡᓗ ᑐᓂᕐᕈᓯᕐᕕᓕᒫᑦ ᐲᔭᕐᐰᑦ ᐃᒋᓪᓗᒋᓪᓗ ᓇᕐᓴᒧᑦ ᑭᑐᕌᓂᒧᑦ.

ᑯᕉᓂᑲ ᐂᑉᐸᖏᑦ 30:14 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 28:24

ᐂᕼᐊᔅᓗ ᐱᖁᑏᑦ ᑲᑎᕐᓱᕐᐰᑉ ᒎᑎᐅᑉ ᐃᒡᓗᖓᓃᑦᑐᑦ ᓱᕋᕐᑎᕐᓗᒋᓪᓗ, ᐅᒃᑯᐊᓪᓗ ᒎᑎᐅᑉ ᐃᒡᓗᖓᓃᑦᑐᑦ ᒪᑐᕔᑦ; ᐃᒻᒥᓂᒡᓗ ᓴᓇᓚᐅᕐᐳᖅ ᑐᓂᕐᕈᓯᕐᕕᒃᓴᖕᓂᒃ ᔨᕉᓴᓕᐅᑉ ᑎᕆᖅᑯᓕᒫᖏᓐᓂ.

ᑯᕉᓂᑲ ᐂᑉᐸᖏᑦ 29:16

ᑐᓂᕐᕈᓯᕐᑎᑦᓯᔩᑦ ᐊᑕᓂᐅᑉ ᐃᒡᓗᖓᓄᑦ ᐃᓗᐊᓃᓐᓂᕐᓴᒧᑦ ᐃᑎᕐᐳᑦ ᓴᓗᒻᒪᕐᓴᕆᐊᕐᑐᕐᓗᒍ, ᓇᓂᔭᓕᒫᑎᒡᓗ ᓴᓗᒤᑦᑐᑦ ᐊᓂᑉᐰᑦ ᐊᑕᓂᐅᑉ ᐃᒡᓗᖓᓂᑦ ᑐᒃᓯᐊᕐᕕᐅᓪᓗ ᐱᕕᑐᓂᖓᓄ ᐊᓂᓪᓗᒋᑦ; ᓕᕔᑏᓪᓗ ᑖᒃᑯᐊ ᑎᒍᓪᓗᒋᑦ ᐊᒡᔭᕐᐰᑦ ᑰᖕᒧᑦ ᑭᑐᕌᓂᒧᑦ ᓇᕐᓴᒧᑦ.

ᑯᕉᓂᑲ ᐂᑉᐸᖏᑦ 15:16

ᒫᑲᓗ ᐊᒡᓛᑦ ᐲᕐᑎᑉᐹ ᑯᐃᖑᓂᕐᒥᑦ, ᐊᓈᓇᖓ ᓇᕐᕈᓇᕐᑐᒥᒃ ᒎᑎᓐᖑᐊᒥᒃ ᓴᓇᓚᐅᕐᓂᖓᓄᑦ ᐊᓯᕋᒥᒃ ᐊᕐᓇᓐᖑᐊᒥᒃ ᓇᐸᔪᒥᒃ. ᐂᓴᐅᓪᓗ ᒎᑎᓐᖑᐊᖅ ᓱᕋᒃᓗᒍ ᐅᕐᕈᑎᑉᐹ, ᓯᖁᑦᑎᕐᓗᒍᓗ, ᐃᑯᐊᓪᓚᒡᓗᒍᓗ ᑭᑐᕌᓂᐅᑉ ᑰᖓᑕ ᓴᓂᐊᓂ.

ᓴᒧᐃᓕ ᐂᑉᐸᖏᑦ 15:23

ᐃᓄᓕᒫᓪᓗ ᓂᐱᖃᕐᓗᑎᒃ ᕿᐊᓚᐅᕐᐳᑦ ᑍᕕᑎᒃᑯᑦ ᐊᐅᓪᓚᓕᕐᑎᓪᓗᒋᑦ, ᐊᖓᔪᖅᑳᕐᔪᐊᕐᓗ ᐃᑳᓚᐅᕐᐳᖅ ᑭᑐᕌᓂᐅᑉ ᑰᖓᓂᒃ, ᒪᓕᒃᑕᐅᓪᓗᓂ ᐃᓄᖁᑎᓕᒫᒥᓄᑦ, ᐃᓄᖃᔪᐃᑑᓪᓗ ᓇᓛᓄᑦ ᑐᕌᓚᐅᕐᐳᑦ.

ᔪᐊᓇᓯᐅᑉ ᐊᒡᓚᖏᑦ 18:1

ᔩᓱᓯ ᑐᒃᓯᐊᕇᕋᒥ, ᐃᓕᓐᓂᐊᕐᑎᓂ ᐃᓚᒋᓪᓗᒋᑦ ᑕᕝᕙᓐᖓᑦ ᓅᑉᐳᑦ, ᑰᒃ ᑭᑦᑐᕌᓂ ᐃᑳᕐᐹᑦ, ᑕᕝᕙᓂ ᐱᕈᕐᓰᕕᒃᑕᖃᕐᒪᑦ, ᐃᓕᓐᓂᐊᕐᑎᓂ ᐃᓚᒋᓪᓗᒋᑦ ᑕᕝᕗᓐᖓᕐᐳᑦ.

ᑯᕉᓂᑲ ᐂᑉᐸᖏᑦ 34:7

ᑐᓂᕐᕈᓯᕐᕖᑦ ᓯᖁᑦᑎᕐᐰᑦ, ᕿᔪᒡᓗ ᓴᓇᓐᖑᐊᕐᓯᒪᔪᖅ ᐊᓯᕋᓐᖑᐊᖅ ᓯᖁᑦᑎᕐᐹ ᓯᖃᓪᓕᓪᓗᒍ ᓴᓇᓐᖑᐊᕐᓯᒪᔪᓕᒫᓪᓗ ᐳᔪᕋᓐᖑᕐᑎᑉᐰᑦ, ᑎᐱᑦᓯᐊᕆᒃᑐᓂᒡᓗ ᐃᑯᐊᓚᑦᓯᕖᑦ ᓯᖁᑦᑎᕐᐰᑦ ᐃᓴᕆᐊᓕᒥᐅᑦ ᓄᓇᓕᒫᖏᓐᓂ. ᑕᕝᕙ ᐅᑎᕐᐳᖅ ᔨᕉᓴᓕᒧᑦ.

ᑯᕉᓂᑲ ᐂᑉᐸᖏᑦ 34:4

ᐱᖁᔨᓂᖓᓗ ᒪᓕᒡᓗᒍ ᑐᓂᕐᕈᓯᕐᕕᒃ ᐰᓕᒧᑦ ᓯᖁᒥᑉᐹᑦ; ᐳᔫᕐᑎᑦᓯᕕᒡᓗ ᖃᖓᓃᑦᑐᖅ ᓯᖁᑦᑎᕐᑕᐅᕗᖅ, ᕿᔪᒡᓗ ᓴᓇᓐᖑᐊᕐᓯᒪᔪᖅ ᐊᓯᕋᒥᒃ ᐊᑎᓕᒃ ᓴᓇᓐᖑᐊᕐᓯᒪᔪᓪᓗ ᐊᐅᒃᑎᓯᒪᔪᓪᓗ ᐃᓄᓐᖑᐊᑦ ᓯᖁᒥᑉᐰᑦ, ᐳᔪᕋᓐᖑᕐᑎᓪᓗᒋᑦ ᓈᕕᑉᐰᓪᓗ ᑐᓂᕐᕈᓯᕐᐸᓚᐅᕐᑐᑦ ᐃᓗᕕᖏᓐᓄᑦ.

ᐊᑕᓃᑦ ᐂᑉᐸᖏᑦ 18:22

ᓱᓕ ᐅᖃᕐᓗᓂ, “ᐅᕝᕙᓗ ᐅᖃᐅᑎᓂᐊᕐᐱᖓ ᐊᑕᓂᕐᒥᒃ ᒎᑎᑦᓯᓐᓂᒃ ᑕᑎᒃᓴᖃᕐᓂᕋᕐᓗᑎᑦ? ᐊᖓᔪᖅᑳᕐᔪᐊᖅ ᕼᐃᓯᑬᐊ ᐲᔧᓚᐅᓐᖏᓛᖅ ᐊᑕᓂᕐᒧᑦ ᑐᒃᓯᐊᕐᕕᐅᕙᒃᑐᓂᒃ, ᔫᑕᒥᐅᑦ ᔨᕉᓴᓕᒥᐅᓪᓗ ᐅᖃᐅᑎᓪᓗᓂᒋᑦ ᔨᕉᓴᓕᒻ ᑐᓂᕐᕈᓯᕐᕕᖁᑎᖓᓂ ᑭᓯᐊᓂ ᑐᒃᓯᐊᖃᑦᑕᕐᓂᐊᓕᕐᓂᕋᕐᓗᓂᒋᑦ?

ᑯᕉᓂᑲ ᐂᑉᐸᖏᑦ 32:12

ᕼᐃᓯᑬᐊ ᑖᓐᓇᑦᓮᓐᓇᐅᓐᖏᓛᖅ ᑐᒃᓯᐊᕐᕕᖕᓂᒃ ᑐᓂᕐᕈᓯᕐᕕᖕᓂᒡᓗ ᐲᔧᓚᐅᕐᑐᖅ ᔫᑕᒥᐅᑉ ᔨᕉᓴᓕᒥᐅᓪᓗ ᑎᓕᓚᐅᕐᐰᑦ ᐅᖃᕐᓗᓂ, “ᑐᒃᓯᐊᕐᕕᖃᕐᑐᒃᓴᐅᕗᓯ ᐊᑕᐅᓯᕐᒥᒃ ᑐᓂᕐᕈᓯᕐᕕᖕᒥᒃ ᑕᕝᕙᓂᓗ ᐃᑯᐊᓪᓔᓗᓯ ᑐᓂᕐᕈᓯᖃᑦᑕᕐᓗᓯ”?

ᑯᕉᓂᑲ ᐂᑉᐸᖏᑦ 34:3

ᐊᖓᔪᖅᑳᖑᓂᖓᑕ ᐊᕐᕌᒎᑉ ᓯᑕᒪᐅᔪᕐᑐᖓᓂ, ᐃᓅᓱᒃᑑᓪᓗᓂ ᓱᓕ, ᓯᕗᓕᖓᑕ ᑍᕕᑎᐅᑉ ᒎᑎᖓ ᖃᐅᔨᓇᓱᐊᓕᓚᐅᕐᐹ; ᐊᕐᕌᒎᑉ 12ᖓᓂ ᔫᑕᐅᑉ ᔨᕉᓴᓕᐅᓪᓗ ᑐᒃᓯᐊᕐᕕᖏᑦ ᓴᓗᒻᒪᕐᓴᓕᕐᐰᑦ, ᓴᓇᓐᖑᐊᕐᓯᒪᔪᖅ ᐊᓯᕋᒥᒃ ᐊᑎᓕᒃ, ᓴᓇᐅᒊᓪᓗ ᐊᐅᒃᑎᓯᒪᔪᓪᓗ ᒎᑎᓐᖑᐊᑦ.

ᐂᓮᐊᓯᐅᑉ ᐊᒡᓚᖏᑦ 36:7

ᐅᕝᕙᓐᓄᓪᓕ ᐅᖃᕈᕕᑦ, “ᐊᑕᓂᕐᒥᒃ ᒎᑎᑦᑎᓐᓂᒃ ᑕᑎᖃᕐᓂᐊᕐᐳᒍᑦ,” ᑍᓐᓇᐅᓐᖏᓛᖅ ᑐᒃᓯᐊᕐᕕᖁᑎᖏᑦ ᐱᓪᓚᕆᒋᔭᖏᑦ ᑐᓂᕐᕈᓯᕐᕕᖁᑎᖏᓪᓗ ᕼᐃᓯᑬᐊᐅᑉ ᐲᔭᓚᐅᕐᑕᖏᑦ, ᐅᖃᕐᓗᓂ ᔫᑕᒥᐅᓄᑦ ᔨᕉᓴᓕᒥᐅᓄᓪᓗ, “ᐅᕙᓂᑐᐊᖅ ᑐᒃᓯᐊᖃᑦᑕᕐᓂᐊᕐᐳᓯ”?