ᑯᕉᓂᑲ ᐂᑉᐸᖏᑦ 30:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑕᕝᕙ ᐅᖃᕆᐊᕐᑐᕐᑏᑦ ᐊᐅᓪᓚᓚᐅᕐᐳᑦ ᐃᒡᓗᒐᓴᖕᓂᑦ ᐃᒡᓗᒐᓴᖕᓄᑦ ᓄᓇᓕᖕᓄᓪᓗ ᐃᕗᕅᑎᒥᐅᓄᑦ ᒫᓇᓯᒃᑯᓐᓄᓪᓗ, ᐊᒡᓛᑦ ᓯᐳᓗᓂ ᑎᑭᓪᓗᒍ; ᑖᒃᑯᐊᓕ ᐃᔪᕆᔭᐅᓚᐅᕐᐳᑦ ᓱᐊᒃᑕᐅᓪᓗᑎᒃ, ᒥᑕᐅᑎᒋᔭᐅᓪᓗᑎᒡᓗ.

ᑯᕉᓂᑲ ᐂᑉᐸᖏᑦ 30:10 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 36:16

ᑖᒃᑯᐊᓕ ᒥᑕᐅᑎᖃᖃᑦᑕᓚᐅᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᐅᖃᐅᓯᖏᓪᓗ ᓈᓚᒍᒪᓇᒋᑦ, ᐅᖃᕐᑎᖏᑦ ᒥᑕᐅᑎᒋᓪᓗᒋᑦ ᐅᖃᕐᓂᕐᓗᒡᕕᒋᖃᑦᑕᓚᐅᕐᐰᑦ, ᐊᑕᓂᐅᑉ ᓂᓐᖓᐅᓯᖓ ᐃᓄᖁᑎᒥᓄᑦ ᑎᑭᓚᐅᕐᑎᓐᓇᒍ, ᑖᒃᑯᐊᓗ ᐱᐅᓕᔭᐅᕕᒃᓴᖃᕈᓐᓃᓚᐅᕐᐳᑦ.

ᑯᕉᓂᑲ ᐂᑉᐸᖏᑦ 30:6

ᑕᕝᕙ ᑐᓴᕐᑎᑦᓯᔭᕐᑐᕐᑐᑦ ᐂᓚᐅᕐᐳᑦ ᐃᓴᕆᐊᓕᒥᐅᓕᒫᓄᑦ ᔫᑕᒥᐅᓕᒫᓄᓪᓗ ᑎᑎᖅᑲᓂᒃ ᓇᒃᓴᕐᓗᑎᒃ ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖏᑕᓗ ᑎᑎᕋᖏᓐᓂᒃ, ᐊᖓᔪᖅᑳᕐᔪᐊᑉ ᐱᖁᔨᓚᐅᕐᒪᑦ ᐅᖃᕐᓗᓂ: “ᐃᓴᕆᐊᓕᒥᐅᑦ ᐃᓄᖏᑦ, ᐊᑕᓂᕐᒧᑦ ᐅᑎᓚᐅᕆᑦᓯ, ᐂᑉᕋᕼᐋᒻ, ᐂᓴᑭᐅᓪᓗ ᐃᓴᕆᐊᓕᐅᓪᓗ ᒎᑎᖓᓄᑦ; ᑖᑦᓱᒪ ᐅᑎᕐᕕᒋᔪᓐᓇᕐᓂᐊᕐᒪᓯ ᐊᒥᐊᒃᑰᔪᓯ ᐊᓐᓇᓚᐅᕐᑐᓯᓗ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᑦ.

ᐄᑉᕈᐃᓄᑦ 11:36

ᐃᓚᖏᓪᓕ ᒥᑕᐅᑎᒋᔭᐅᓚᐅᕐᐳᑦ ᑏᒐᕐᑐᕐᑕᐅᓪᓗᑎᒡᓗ, ᐃᓚᖏᓪᓗ ᐊᕐᓵᕐᑑᔭᓄᑦ ᐊᑦᓱᖏᐅᓯᕐᑕᐅᓚᐅᕐᐳᑦ ᑎᒍᔭᐅᓯᒪᕕᖕᒧᐊᕐᑕᐅᓪᓗᑎᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 17:32

ᑖᒃᑯᐊ ᑐᓴᕋᒥᒃ ᑐᖁᖓᔪᑦ ᒪᑭᓐᓂᒃᓴᖓᓐᓂᒃ, ᐃᓚᖏᑦ ᒥᑕᐅᑎᖃᕐᐳᑦ; ᐃᓚᖏᓪᓕ ᐅᖃᕐᐳᑦ, “ᑕᒪᑐᒥᖓ ᐅᖃᐅᓯᖃᕐᑎᓪᓗᑎᑦ ᑐᓴᒃᑲᓐᓂᕈᒪᕗᒍᑦ.”

ᓘᑲᓯᐅᑉ ᐊᒡᓚᖏᑦ 23:35

ᐃᓄᐃᑦ ᑕᕝᕙᓂ ᓇᖏᕐᐳᑦ ᑕᑯᓐᓈᕐᓗᑎᒃ; ᔫᑎᓪᓕ ᐊᖓᔪᖅᑳᖏᑦ ᒥᑕᐅᑎᖃᕐᐳᑦ ᔩᓱᓯᒥᒃ, ᐅᖃᕐᓗᑎᒃ, “ᐊᓯᒥᓂᒃ ᐱᐅᓕᓯᓚᐅᕐᐳᖅ; ᐃᒻᒥᓂᒃ ᐱᐅᓕᓕᕐᓕ, ᒥᓮᐊᓯᐅᒍᓂ ᒎᑎᐅᑉ ᓂᕈᐊᕐᓯᒪᔭᖓ!”

ᓘᑲᓯᐅᑉ ᐊᒡᓚᖏᑦ 16:14

ᐹᕆᓯᑦ ᑮᓇᐅᔭᓂᒃ ᐱᓪᓚᕆᖁᑎᖃᕋᒥ, ᑕᒪᑐᒥᖓ ᑐᓴᕋᒥᒃ, ᔩᓱᓯ ᒥᑕᐅᑎᒋᕚᑦ.

ᓘᑲᓯᐅᑉ ᐊᒡᓚᖏᑦ 8:53

ᑖᒃᑯᐊ ᐃᔪᕆᕚᑦ, ᖃᐅᔨᒪᒐᒥᒃ ᑐᖁᖓᓐᖕᒪᑦ.

ᔫᐱᐅᑉ ᐊᒡᓚᖏᑦ 12:4

ᒫᓐᓇᓕ ᐊᒡᓛᑦ ᐱᖃᓐᓇᕆᔭᓐᓄᑦ ᐃᔪᕿᑕᐅᑕᐅᓕᕐᐳᖓ; ᓱᓕᓕ ᑐᒃᓯᐊᕐᓂᒃᑲ ᒎᑎᐅᑉ ᑐᓴᖃᑦᑕᕐᐰᑦ, ᓇᓛᒎᑦᓯᐊᕐᑎᓪᓗᖓ ᐸᓯᔭᒃᓴᐅᑎᓐᓇᖓᓗ, ᐃᔪᕿᑕᒍᑕᐅᕗᖓ.

ᔫᐱᐅᑉ ᐊᒡᓚᖏᑦ 9:25

ᐅᓪᓗᒃᑲ ᓱᒃᑲᓂᕐᓴᐅᓕᕐᐳᑦ ᐅᓪᓚᐅᑎᕙᒃᑐᓂᑦ; ᕿᒫᓚᐅᕐᐳᑦ, ᐱᐅᔪᒥᒃ ᐊᖅᑯᓵᕆᓚᐅᕋᑎᒃ.

ᐃᔅᑕᐅᑉ ᐊᒡᓚᖏᑦ 8:14

ᑖᒃᑯᐊ ᑎᑎᖅᑲᓂᒃ ᓇᒃᓴᓚᐅᕐᑐᑦ, ᐊᖓᔪᖅᑳᕐᔪᐊᑉ ᕿᒻᒥᕐᔪᐊᖁᑎᖏᓐᓄᑦ ᓱᒃᑲᓂᕐᐹᓄᑦ ᓯᕗᒧᓚᐅᕐᐳᑦ, ᑐᐊᕕᕐᓗᑎᒡᓗ ᑎᓕᐅᕆᕗᑦ ᐊᖓᔪᖅᑳᕐᔪᐊᑉ ᐱᖁᔨᓂᖓᒍᑦ; ᑕᒪᓐᓇᓗ ᐱᖁᔭᖅ ᑎᑎᕋᕐᓯᒪᔪᖅ ᓴᖅᑭᑎᑕᐅᓚᐅᕆᕗᖅ ᓄᓇᒥ ᐊᖓᔪᖅᑳᕐᔪᐊᒃᑯᕕᖕᒥ ᓲᓴᒥ.

ᐃᔅᑕᐅᑉ ᐊᒡᓚᖏᑦ 8:10

ᒧᐊᑎᑬᓗ ᑎᑎᕋᕐᑕᐅᑎᑦᓯᕗᖅ ᐊᖓᔪᖅᑳᕐᔪᐊᑉ ᐊᕼᐊᓱᐃᕋᓯᐅᑉ ᐱᔪᓐᓇᕐᓂᖓ ᐊᑐᕐᓗᒍ, ᐊᖓᔪᖅᑳᕐᔪᐊᓪᓗ ᓇᒡᒍᐊᕐᒥᖓᓄᑦ ᓇᕿᑦᔪᓯᕐᓗᒋᑦ, ᑖᒃᑯᐊ ᑎᑎᖅᑲᑦ ᐊᐅᓪᓚᕐᑎᑉᐰᑦ ᕿᒻᒥᕐᔪᐊᕐᒥ ᐃᑭᒪᔪᑎᒍᑦ, ᐊᖓᔪᖅᑳᕐᔪᐊᑉ ᐊᑐᖃᑦᑕᕐᑕᖏᓐᓄᑦ ᕿᒻᒥᕐᔪᐊᑎᒍᑦ ᓱᒃᑲᓂᕐᐹᑎᒍᑦ.

ᐃᔅᑕᐅᑉ ᐊᒡᓚᖏᑦ 3:15

ᐅᓪᓚᒃᑏᓪᓗ ᑕᕝᕙᓐᖓᑦ ᐊᐅᓪᓚᕐᐳᑦ, ᑐᐊᕕᕐᓗᑎᒃ ᐊᖓᔪᖅᑳᕐᔪᐊᑉ ᐱᖁᔨᓂᖓ ᒪᓕᒡᓗᒍ, ᐱᖁᔭᕐᓗ ᑖᓐᓇ ᓴᖅᑭᑕᐅᓚᐅᕆᕗᖅ ᓲᓴᒥ ᐊᖓᔪᖅᑳᕐᔪᐊᑉ ᐃᒡᓗᖓᓂ. ᐊᖓᔪᖅᑳᕐᔪᐊᕐᓕ ᕼᐂᒪᓂᓗ ᐃᒃᓯᕙᖃᑎᒌᓕᕐᐴᒃ ᐃᒥᕐᓗᑎᒡᓗ; ᐃᒡᓗᒐᓴᒡᔪᐊᕐᒥᐅᓪᓕ ᓲᓴᒥᐅᑦ ᖁᐊᕐᓵᖓᓕᕐᑎᓪᓗᒋᑦ ᑕᒪᑐᒧᖓ.

ᐃᔅᑕᐅᑉ ᐊᒡᓚᖏᑦ 3:13

ᑖᒃᑯᐊᓗ ᑎᑎᕋᕐᑕᐅᔪᑦ ᐊᖓᔪᖅᑳᕐᔪᐊᑉ ᓄᓇᖁᑎᓕᒫᖏᓐᓄᑦ ᐋᑎᕐᑕᐅᕗᑦ ᐅᓪᓚᒃᑎᓄᑦ, ᐅᖃᐅᓯᖃᕐᐳᑦ ᔫᑎᓕᒫᑦ ᓄᖑᑕᐅᖁᓪᓗᒋᑦ, ᑐᖁᑕᐅᑯᓪᓗᒋᓪᓗ, ᐊᒥᐊᒃᑯᔭᐅᖏᑦᓯᐊᕐᓗᑎᒃ, ᐃᓅᓱᒃᑐᐃᑦ ᐃᓄᑐᕾᓪᓗ, ᓄᑕᕅᓪᓗ ᐊᕐᓁᓪᓗ, ᐅᓪᓗᒥ ᐊᑕᐅᓯᕐᒥ, ᐅᓪᓗᐃᑦ 13ᒋᓕᕐᐸᒍ ᑕᖅᑮᑦ 12ᖓᓂ, ᑕᖅᑭᒥ ᐊᑖᕆᒥ, ᐱᖁᑎᓕᒫᖏᓪᓗ ᓵᓚᖃᐅᓯᐊᕆᔭᐅᖁᓪᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 2:19

ᓴᓐᐸᓛᑎᓕ ᕼᐅᕈᓁᑎᒥᐅᖅ ᑐᐱᐊᓗ ᑖᑦᓱᒪ ᐱᔨᖓ, ᐊᒧᓁᑎᒥᐅᖅ ᒋᓯᒥᓗ ᐋᕋᑉᒥᐅᑕᖅ ᑕᒪᑐᒥᖓ ᑐᓴᕋᒥᒃ, ᐃᔪᓚᐅᕐᐳᑦ ᓱᓕᔪᕐᓴᖏᒻᒪᕆᒃᓗᑎᒡᓗ ᐅᖃᕐᓗᑎᒃ, “ᖃᓄᐃᓕᐅᕋᓱᓕᕐᐱᓰ? ᐊᖓᔪᖅᑳᕐᔪᐊᕐᒥᒃ ᐊᑭᕋᕐᑐᕋᓱᐊᓕᕐᐱᓰ?”

ᒨᓯᓯ ᓯᕗᓪᓖᑦ 19:14

ᑕᕝᕙ ᓘᑎ ᐊᓂᕗᖅ ᓂᖓᐅᒃᓴᓂ ᐅᖃᐅᑎᔭᕐᑐᕐᓗᒋᑦ, ᐸᓂᖏᑕ ᐅᐃᒃᓴᖏᑦ, ᐅᖃᐅᑎᓪᓗᒋᒡᓗ, “ᑐᐊᕕᕐᓗᓯᒃ ᑕᕝᕙᓐᖓᑦ ᐊᐅᓪᓚᓕᕆᑦᓯᒃ; ᐊᑕᓂᐅᑉ ᑖᒃᑯᐊ ᐃᒡᓗᒐᓮᑦ ᐊᓯᕈᕐᓂᐊᓕᕐᒪᒋᑦ.” ᓂᖓᐅᒃᓴᖏᓐᓄᓪᓕ ᓘᑎ ᐅᖃᖑᐊᑐᐃᓐᓇᕐᑑᔮᕐᐳᖅ.

ᑯᕉᓂᑲ ᐂᑉᐸᖏᑦ 34:9

ᑖᒃᑯᐊ ᑎᑭᓐᓇᒥᒃ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓄᑦ ᕼᐃᐅᓪᑬᐊᒧ ᑮᓇᐅᔭᓂᒃ ᑐᓂᓯᕗᑦ ᒎᑎᐅᑉ ᐃᒡᓗᖓᓄᐊᕐᑐᓂᒃ, ᓕᕔᑎᑦ ᐅᒃᑯᐊᓂᒃ ᑲᒪᔩᑦ ᓄᐊᓚᐅᕐᑕᖏᓐᓂᒃ ᒫᓇᓯᒃᑯᓐᓂᑦ ᐃᕗᕅᑎᒥᐅᓂᓪᓗ, ᐃᓴᕆᐊᓕᒥᐅᓕᒫᓪᓗ ᐃᓄᖏᓐᓂᑦ ᐊᒥᐊᑰᔪᓂᑦ, ᔫᑕᒥᑦ ᐱᓐᔭᒥᓂᒃᑯᓐᓂᓪᓗ, ᔨᕉᓴᓕᒥᐅᓂᓪᓗ.

ᔨᕆᒤᐊᐅᑉ ᐊᒡᓚᖏᑦ 38:19

ᐊᖓᔪᖅᑳᕐᔪᐊᖅ ᔨᑎᑬᐊ ᐅᖃᕐᐳᖅ ᔨᕆᒤᐊᒧᑦ, “ᓯᕘᕋᒐᒪ ᔫᑎᐅᖃᑎᓐᓂᒃ ᑲᐅᓪᑎᐊᒥᐅᓄᐊᕐᓯᒪᔪᓂᒃ, ᑖᒃᑯᓄᖓ ᐱᔭᐅᑎᒃᑲᓗᐊᕈᒪ ᑍᒃᑯᓄᖓ ᑐᓂᑦᔪᑕᐅᓗᖓ ᐋᓐᓂᐊᑎᑕᐅᓂᐊᕋᓱᒋᕗᖓ.”