ᑯᕉᓂᑲ ᐂᑉᐸᖏᑦ 28:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᑕᓂᐅᓪᓕ ᐱᔪᖃᓛᕐᑐᒥᒃ ᐅᖃᕐᑎᖓᓂᒃ ᑍᑲᓃᑦᑐᖃᕐᐳᖅ, ᐅᐱᑎᒥᒃ ᐊᑎᓕᖕᒥᒃ; ᐅᓇᑕᕐᑐᒃᓮᓪᓗ ᐸᕐᕆᐊᕐᐰᑦ ᓴᒥᐊᕆᐊᒧᑦ ᑎᑭᑦᑐᑦ, ᐅᖃᐅᑎᓪᓗᒋᓪᓗ, “ᑕᑯᒋᑦ, ᐊᑕᓂᐅᑉ ᓯᕗᓕᑦᓯ ᒎᑎᖓᑕ ᔫᑕᒥᐅᑉ ᓂᓐᖓᐅᑎᓯᒪᖕᒪᒋᑦ, ᑕᕝᕙ ᑐᓂᓚᐅᕐᐰᑦ ᐃᓕᑦᓯᓐᓄᑦ, ᑭᓯᐊᓂᓕ ᑐᖁᓚᐅᕐᐸᓯ ᓂᓐᖓᐅᑎᓪᓗᓯᐅᒃ ᑕᒪᓐᓇᓗ ᕿᓚᖕᒧᑦ ᑎᑭᐅᑎᕗᖅ.

ᑯᕉᓂᑲ ᐂᑉᐸᖏᑦ 28:9 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 11:4

ᐅᖃᕐᓗᑎᒡᓗ, “ᐃᒡᓗᒐᓴᒡᔪᐊᓕᐅᓚᐅᕐᑕ ᐳᕐᑐᔪᐊᓗᖕᒥᒃ ᕿᓚᖕᒧᑦ ᑎᑭᐅᒪᓗᒍ, ᑖᓐᓇ ᐃᓕᑕᕆᔭᐅᑦᔪᑎᒃᓴᕆᓂᐊᕋᑦᑎᒍ, ᓄᓇᕐᔪᐊᕐᒧᑦ ᓯᐊᒻᒪᕐᑎᑕᐅᖁᓇᑦᑕ ᓇᒧᑐᐃᓐᓇᖅ.”

ᒨᓯᓯ ᓯᕗᓪᓖᑦ 4:10

ᐊᑕᓂᕐᓗ ᐅᖃᕐᐳᖅ, “ᖃᓄᐃᓕᐅᕐᓂᕐᐲᑦ? ᓄᑲᕐᐱᑦ ᐊᐅᖓ ᐅᕙᓐᓄᑦ ᓂᓪᓕᐊᖕᒪᑦ ᓄᓇᒥᑦ.

ᐊᑕᓃᑦ ᓯᕗᓪᓖᑦ 20:13

ᑕᑯᒋᓪᓗ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐅᐸᒍᑎᕗᖅ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᑦ ᐂᕼᐊᑉᒧᑦ, ᐅᖃᐅᑎᓪᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᑕᑯᓚᐅᕐᐱᒌᑦ ᐃᓄᒐᓴᒡᔪᐊᑦ? ᑕᑯᒋᑦ, ᐊᒡᒐᖕᓄᑦ ᑐᓂᓂᐊᕐᐸᒃᑲ ᐅᓪᓗᒥ; ᖃᐅᔨᓂᐊᕋᕕᑦ ᐅᕙᖓ ᐊᑕᓂᐅᒐᒪ.’”

ᐊᑕᓃᑦ ᓯᕗᓪᓖᑦ 20:22

ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᕾᕗᖅ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᑦ, ᐅᖃᐅᑎᓪᓗᒍᓗ, “ᐅᑎᕐᓗᑎᑦ ᑕᕾᕐᓯᕆᐊᕐᑐᓕᕆ, ᑲᒪᑦᓯᐊᕐᓗᑎᓪᓗ ᐱᔭᕆᐅᕐᓮᑦᓯᐊᕐᓂᐊᕐᐳᑎᑦ; ᐅᐱᕐᖔᖑᓕᕐᐸᑦ ᓯᕆᐊᒥᐅᑦ ᐊᖓᔪᖅᑳᕐᔪᐊᖓ ᐅᓇᑕᕆᐊᓛᕐᒥᖕᒪᑦ ᐃᓕᖕᓂᒃ.”

ᐊᑕᓃᑦ ᓯᕗᓪᓖᑦ 20:42

ᐅᖃᐅᑎᓕᕐᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᐊᖑᒻᒥᒃ ᑐᖁᑕᐅᖁᓚᐅᕐᑕᓐᓂᒃ ᑐᖁᑦᓯᖏᓪᓗᑎᑦ ᐊᐅᓪᓚᕐᑎᑦᓯᓚᐅᕋᕕᑦ, ᑍᒤᒻᒪ ᐃᓅᓯᑦ ᐃᓅᓯᖓᓄᑦ ᐃᓇᖏᐅᑎᔪᒃᓴᐅᕗᖅ, ᐃᓄᖁᑎᖏᓪᓗ ᐃᓄᖁᑎᖕᓄᑦ.’”

ᑯᕉᓂᑲ ᓯᕗᓪᓖᑦ 21:13

ᑍᕕᑎ ᐅᖃᕐᐳᖅ ᒑᑦᒧᑦ, “ᕿᒃᓵᒻᒪᕆᓕᕐᐳᖓ; ᐊᑏ ᐊᑕᓂᐅᑉ ᐊᒡᒐᖏᑕ ᐊᑖᓄᐊᕐᓚᖓ, ᑖᑦᓱᒪ ᓈᒃᑭᒍᓱᖕᓂᖓ ᐊᖏᔫᖕᒪᑦ; ᐃᓅᓪᓕ ᐊᒡᒐᖏᑕ ᐊᑖᓄᐊᕐᑎᑦᑍᓕᓐᖓ.”

ᑯᕉᓂᑲ ᐂᑉᐸᖏᑦ 28:5

ᑍᒤᒻᒪ ᐊᑕᓂᐅᑉ ᑖᑦᓱᒪ ᒎᑎᖓᑕ ᑐᓂᕚ ᓯᕆᐊᒥᐅᑉ ᐊᖓᔪᖅᑳᕐᔪᐊᖏᓐᓄᑦ, ᑖᒃᑯᐊᓗ ᓵᓚᒋᕚᑦ, ᐅᓄᕐᑐᕐᔪᐊᓪᓗ ᐊᐅᓪᓚᕈᑎᕔᑦ ᑎᒍᓪᓗᒋᑦ ᐂᑎᓪᓗᒋᓪᓗ ᑕᒫᓯᑰᓯᒧᑦ. ᑖᓐᓇᓗ ᑐᓂᔭᐅᕗᖅ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᑦ, ᑖᑦᓱᒪᓗ ᓵᓚᒋᕚ ᐅᓄᕐᑐᕐᔪᐊᓂᒃ ᑐᖁᕅᓪᓗᓂ.

ᐄᓱᕋᐅᑉ ᐊᒡᓚᖏᑦ 9:6

ᐅᖃᕐᓗᖓᓗ: “ᒎᑏᒃ, ᑲᓐᖑᓱᓗᐊᕐᐳᖓ ᐃᓕᕋᓱᒃᓗᖓᓗ ᐃᓕᖕᓄᑦ ᐋᕐᓗᕆᐊᒃᓴᖅ ᒎᑎᒐ, ᓵᖕᓂ ᐊᔪᕐᓂᕗᑦ ᐳᕐᑐᓂᕐᓴᐅᓕᕐᒪᑕ ᓂᐊᖁᑦᑎᓐᓂᑦ; ᐸᓯᔭᒃᓴᐅᓂᕗᓪᓗ ᐊᓪᓛᑦ ᑎᑭᐅᑎᕗᑦ ᕿᓚᖕᒧᑦ.

ᐃᓐᖏᕈᑎᑦ 69:26

ᐊᓇᐅᓚᐅᕐᑍᑦ ᐊᑭᕋᕐᑐᕐᐹᑦ, ᐃᑭᓕᓚᐅᕐᑍᓪᓗ, ᐅᖁᒤᒃᓴᕐᑎᒋᐊᓪᓚᐹᑦ.

ᐂᓮᐊᓯᐅᑉ ᐊᒡᓚᖏᑦ 47:6

ᐃᓄᖁᑎᒃᑲ ᓂᓐᖓᒡᕕᒋᓚᐅᕋᒃᑭᑦ; ᐃᓄᖁᑎᑖᕆᓯᒪᔭᒃᑲᓗ ᓇᕐᕈᓇᕐᓯᑎᓚᐅᕋᒃᑭᑦ, ᐱᔪᓐᓇᕐᓂᑦᓯᓐᓄᑦ ᑐᓂᓚᐅᕐᐸᒃᑲ, ᐊᑦᑕᕆᓚᐅᓐᖏᓐᓇᒃᑭᓪᓗ ᐃᓄᑐᖃᐅᓂᖏᑦ ᐊᒡᓛᑦ ᐊᖏᔪᒥᒃ ᐅᖁᒤᒃᓴᕐᑎᓚᐅᕐᐸᓯ.

ᔫᓇᐅᑉ ᐊᒡᓚᖏᑦ 1:2

“ᓂᓂᕕᒧᐊᓕᕆᑦ, ᐃᒡᓗᒐᓴᒡᔪᐊᓄᑦ ᐊᖏᔪᐊᓗᖕᓄᑦ; ᓂᐱᖅᑯᕐᑐᓗᑎᓪᓗ ᐅᖃᕐᕕᒋᒃᑭᑦ ᐱᐅᖏᑦᑐᓕᓂᖏᑦ ᒪᔪᐊᕐᒪᑕ ᓵᓐᓄᑦ.”

ᓴᑲᕅᐊᐅᑉ ᐊᒡᓚᖏᑦ 1:15

ᐊᒃᓱᒻᒪᕆᐊᓗᒃ ᓂᓐᖓᐅᒪᕕᖃᕐᐳᖓ ᐃᓅᖃᑎᒌᒡᔪᐊᓂᒃ ᓄᓇᓂ ᓮᓕᓇᕐᑐᒦᑦᑐᓂᒃ. ᓂᓐᖓᐅᒪᓗᐊᓚᐅᓐᖏᒃᑲᓗᐊᕐᐳᖓ ᐃᓄᖁᑎᓐᓄᑦ, ᔫᑎᐅᖏᑦᑐᓪᓕ ᐅᖁᒤᒃᓴᕐᑎᑦᓯᕙᓪᓕᐊᓚᐅᕐᐳᑦ ᑖᒃᑯᓂᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:5

ᑖᑦᓱᒪ ᐊᔪᕐᑐᓕᓂᖏᑕ ᐊᖏᓂᖏᑦ ᕿᓚᖕᒧᑦ ᑎᑭᓯᒪᓕᕐᒪᑕ, ᒎᑎᐅᓪᓗ ᐳᐃᒍᕐᓂᐊᓐᖏᓔᑦ ᑖᑦᓱᒪ ᐊᔪᕐᑐᓕᓂᖏᑦ.

ᐃᓗᐊᕐᓮᔩᑦ ᐊᒡᓚᖏᑦ 3:8

ᑍᒤᒻᒪᑦ ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ ᐊᖓᔪᖅᑳᕐᔪᐊᒧᓪᓗ ᑯᓵᓐ-ᕆᓴᑍᒻ ᒥᓱᐳᑍᒥᐊᒥᐅᑕᕐᒧᑦ ᓵᓚᒋᔭᐅᑎᑉᐰᑦ, ᑯᓵᓐ-ᕆᓵᑍᒻᒥᒃ ᐱᔨᑦᓯᓚᐅᕐᐳᑦ ᐊᕐᕌᒍᓂᒃ 8ᓂᒃ.