ᑯᕉᓂᑲ ᐂᑉᐸᖏᑦ 28:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐃᓴᕆᐊᓕᒥᐅᓪᓗ ᐊᐅᓪᓚᐅᑦᔨᕗᑦ ᑎᒍᓪᓗᒋᑦ ᖃᑕᓐᖑᑎᑎᒃ 200,000, ᐊᕐᓁᑦ, ᐃᕐᓂᖏᑦ, ᐸᓂᖏᓪᓗ; ᐱᖁᑎᓂᒡᓗ ᐅᓄᕐᑐᕐᔪᐊᓂᒃ ᐊᐅᓪᓚᐅᑦᔨᕗᑦ, ᑐᓂᓪᓗᒋᓪᓗ ᓴᒥᐊᕆᐊᒥᐅᓄᑦ.

ᑯᕉᓂᑲ ᐂᑉᐸᖏᑦ 28:8 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 11:4

‘ᐊᑕᓂᖅ ᐃᒫᒃ ᐅᖃᕐᐳᖅ: ᐅᓇᑕᕆᐊᕐᑐᒃᓴᐅᓐᖏᓚᓯ ᖃᑕᓐᖑᑎᑦᓯᓐᓄᑦ. ᐊᑕᖏᕐᓗᓯ ᐅᑎᓕᕆᑦᓯ ᐊᖏᕐᕋᑦᓯᓐᓄᑦ, ᑕᒪᓐᓇ ᐱᓂᐊᕐᓂᖅ ᐅᕙᓐᓂᑦ ᐱᖕᒪᑦ.’” ᑕᕝᕙ ᐊᑕᓂᐅᑉ ᐅᖃᐅᓯᖏᓐᓂᒃ ᓈᓚᒃᐳᑦ, ᐅᑎᕐᓗᑎᒡᓗ ᐅᓇᑕᕆᐊᕋᑎᒃ ᔨᕈᐳᐊᒻᒥᒃ.

ᒨᓯᓯ ᑕᓪᓕᒪᖏᑦ 28:41

ᐃᕐᓂᖃᐅᕈᒫᕐᐳᓯ ᐸᓂᖃᐅᕐᓗᓯᓗ, ᐱᒋᔪᒫᓐᖏᓚᓯᓕ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᒪᑕ.

ᒨᓯᓯ ᑕᓪᓕᒪᖏᑦ 28:25

“ᐊᑕᓂᐅᑉ ᓵᓚᐅᑎᑦᓱᒫᕐᐹᓯ ᐊᑭᕋᑦᓯᓐᓄᑦ; ᐊᑕᐅᓯᕐᒥᓐᖔᕐᓗᓯ ᐅᓇᑕᕆᐊᕈᒫᕐᐸᓯ, ᕿᒫᔪᒫᕐᐳᓯᓕ ᓵᓐᖓᔭᑐᐃᓐᓇᑦᓯᓐᓄᑦ ᕿᒫᓕᕐᓗᓯ, ᓄᓇᕐᔪᐊᕐᒥᐅᓪᓗ ᐊᖓᔪᖅᑲᐅᕕᖃᕐᑐᓕᒫᑦ ᑯᐊᕐᓵᕐᓯᒪᔪᒫᕐᐳᑦ ᖃᓄᐃᓕᕐᓂᑦᓯᓐᓂᒃ ᑕᑯᒍᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 13:26

“ᐃᓴᕆᐊᓕᒥᐅᖑᖃᑎᒃᑲ, ᐂᑉᕋᕼᐋᒻ ᑭᖑᕚᖏᑦ, ᐃᓕᑦᓯᓗ ᐅᕙᓃᑦᑐᓯ ᒎᑎᒥᒃ ᓯᕘᕋᔪᓯ, ᐅᕙᑦᑎᓐᓄᑦ ᐅᖃᐅᓰᑦ ᑕᒪᒃᑯᐊ ᐱᐅᓕᔭᐅᓇᕐᑐᑦ ᑐᓂᔭᐅᓯᒪᕗᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:26

ᖃᐅᑎᓪᓗᒍ ᑕᑯᓚᐅᕐᐳᖅ ᐃᔅᕆᐊᓕᒥᐅᖕᓂᒃ ᓂᓐᖓᐅᑎᔫᖕᓂᒃ ᒨᓯᓯᐅᑉ ᐃᓂᕐᑎᕐᓗᒋᒃ ᐅᖃᐅᑎᕚᒃ, ‘ᐃᓴᕆᐊᓕᒥᐅᖃᑎᒌᒃᑐᓯᒃ ᓲᖅ ᐃᓕᑦᓯᖕᓄᑦ ᑍᒤᓕᐅᕐᐱᓰᒃ?’

ᐊᑕᓃᑦ ᐂᑉᐸᖏᑦ 6:22

ᐃᓔᓴᐅᑉ ᑭᐅᕚ, “ᑖᒃᑯᓂᖓ ᑐᖁᑦᓯᓂᐊᖏᑦᑐᑎᑦ. ᑐᖁᕅᒐᔭᕐᐱᓯ ᐅᓇᑕᕐᓂᕐᒥ ᑎᒍᔭᑦᓯᓐᓂᒃ ᔭᕕᒃᔪᐊᒧᑦ ᐱᑎᒃᓯᒧᓪᓘᓐᓃᑦ? ᓂᕆᑎᒃᑭᑦ ᐃᒥᕐᑎᓪᓗᒋᓪᓗ, ᐱᔭᕇᕐᐸᑕ ᐊᖓᔪᖅᑳᖏᓐᓄᑦ ᐅᑎᕐᑎᓐᓂᐊᕐᐸᑎᑦ.”

ᑯᕉᓂᑲ ᐂᑉᐸᖏᑦ 28:7

ᔨᒃᕆᓗ, ᐊᔪᖏᑦᑐᕐᔪᐊᖅ ᐃᕗᕅᑎᒥᐅᑕᖅ, ᑐᖁᑦᓯᕗᖅ ᒫ-ᐊᓯᐊᒥᒃ ᐊᖓᔪᖅᑳᕐᔪᐊᑉ ᐃᕐᓂᖓᓂᒃ ᐊᔾᕆᑳᒥᒡᓗ ᐊᖓᔪᖅᑳᑉ ᐃᒡᓗᖓᓂ ᐊᖓᔪᖅᑳᖑᔪᒥᒃ ᐃᐅᓪᑳᓇᒥᒡᓗ ᐊᖓᔪᖅᑳᕐᔪᐊᑉ ᑐᖓᓕᖓᓂᒃ.

ᑯᕉᓂᑲ ᐂᑉᐸᖏᑦ 28:11

ᒫᓐᓇ ᓈᓚᒃᓯᓐᖓ, ᑎᒍᓚᐅᕐᑕᓯ ᐅᑎᕐᑎᓯᐅᒃ ᓇᖕᒥᓂᖅ ᖃᑕᓐᖑᑎᑦᓯᓐᓂᑦ ᐱᒐᑦᓯᐅᒃ, ᐊᑕᓂᐅᑉ ᓂᓐᖓᐅᓯᕐᔪᐊᒥᓄᑦ ᖁᓚᖏᐊᓕᕐᒪᓯ.”

ᐂᓮᐊᓯᐅᑉ ᐊᒡᓚᖏᑦ 9:21

ᒫᓇᓯᐅᑉ ᑭᖑᕚᖏᑕ ᐃᕗᕅᒥᐅᑉ ᑭᖑᕚᖏᑦ ᓂᕆᔪᒫᕐᐰᑦ, ᐃᕗᕅᒥᐅᓪᓗ ᑭᖑᕚᖏᑦ ᒫᓇᓯᐅᑉ ᑭᖑᕚᖏᑦ ᓂᕆᖕᒥᓗᒋᑦ, ᑖᒃᑯᐊᓗ ᑲᑐᑦᔨᓗᑎᒃ ᔫᑕᐅᑉ ᑭᖑᕚᖏᓐᓄᑦ ᓵᑦᓱᒫᕐᐳᑦ. ᑕᒪᑐᒧᖓᓕ ᓱᓕ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᔪᒫᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.