ᑯᕉᓂᑲ ᐂᑉᐸᖏᑦ 28:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᑯᐊᓪᓔᓚᐅᕐᐳᕐᓗ ᑎᐱᑦᓯᐊᕆᒃᑐᓂᒃ ᕼᐃᓇᒻ ᐃᕐᓂᖓᑕ ᓇᕐᓴᖓᓂ ᐊᑎᓕᖕᒥ, ᐃᕐᓂᓂᓗ ᐃᑯᐊᓪᓚᒃᐰᑦ ᑐᓂᕐᕈᓯᐅᑎᒋᓪᓗᒋᑦ, ᑕᒪᓐᓇ ᓇᕐᕈᓇᕐᓂᕋᕐᑕᐅᔪᖅ ᐱᓂᐊᕐᓂᕆᓚᐅᕐᐹ ᐃᓅᖃᑎᒌᒡᔪᐊᑦ ᐱᐅᓯᖏᑦ ᒪᓕᒡᓗᒋᑦ ᐊᑕᓂᐅᑉ ᐃᓇᖏᕐᑕᐅᑎᓚᐅᕐᑕᖏᓐᓄᑦ ᐃᓴᕆᐊᓕᒥᐅᓄᑦ.

ᑯᕉᓂᑲ ᐂᑉᐸᖏᑦ 28:3 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 16:3

ᐃᓴᕆᐊᓕᒥᐅᓪᓕ ᐊᖓᔪᖅᑳᕐᔪᐊᕆᖃᑦᑕᕐᓯᒪᔭᖏᑎᑐᑦ ᐃᓕᖅᑯᓯᖃᑐᐃᓐᓇᓚᐅᕆᕗᖅ ᐊᒡᓛᑦ ᐃᕐᓂᕐᒥᓂᒃ ᑐᓂᕐᕈᓯᓚᐅᕐᐳᖅ ᒎᑎᓐᖑᐊᓄᑦ. ᐊᑕᓂᐅᑉ ᓇᕐᕈᓇᕐᓂᕋᓚᐅᕐᑕᖏᑦ ᐃᓅᖃᑎᒌᒡᔪᐊᓄᑦ ᐊᑐᕐᑕᐅᑎᓪᓗᒋᑦ ᐃᓴᕆᐊᓕᒥᐅᓄᑦ ᓄᓁᕐᑕᐅᓚᐅᕐᑐᑦ ᐃᓄᖏᑕ ᐃᓕᖅᑯᓯᕕᓂᖏᑦ ᓄᓇᒋᔭᐅᖁᔭᐅᔪᒧᑦ ᑎᑭᑉᐸᓕᐊᑎᓪᓗᒋᑦ.

ᐊᑕᓃᑦ ᐂᑉᐸᖏᑦ 23:10

ᑐᐱᑎᐅᑉ ᑐᒃᓯᐊᕐᕕᒋᔭᐅᔪᓐᓁᓪᓕᑎᑉᐹ ᓇᕐᓴᒦᑦᑐᖅ ᕼᐃᓇᓂᒥᒃ ᑍᔭᐅᔪᒥ, ᑭᓇᓕᒫᖅ ᐃᕐᓂᕐᒥᓂᒃ ᐸᓂᖕᒥᓂᒡᓘᓐᓃᑦ ᑐᓂᕐᕈᓯᖃᑦᑕᕈᓐᓁᖁᓪᓗᒋᑦ ᐃᑯᐊᓚᔪᒥ ᒧᓕᑭᒧᑦ.

ᑯᕉᓂᑲ ᐂᑉᐸᖏᑦ 33:2

ᐱᐅᖏᑦᑐᓕᓚᐅᕐᐳᖅ ᐊᑕᓂᐅᑉ ᑕᑯᓐᓇᑕᖓᒍᑦ, ᓄᓇᓖᑦ ᐱᐅᖏᑦᑐᓂ ᓇᕐᕈᓇᕐᑐᓕᓂᖏᓐᓂᒃ ᒪᓕᓚᐅᕐᒪᑦ ᐊᑕᓂᐅᑉ ᐊᓂᑎᓚᐅᕐᑕᖏᓐᓂᒃ ᐃᓴᕆᐊᓕᒥᐅᑦ ᐃᓄᖏᓐᓄᑦ ᐃᓇᖏᕐᑕᐅᑎᓚᐅᕐᑕᖏᑕ.

ᑯᕉᓂᑲ ᐂᑉᐸᖏᑦ 33:6

ᐃᕐᓂᓂᓗ ᐃᑯᐊᓪᓚᒡᓗᒋᑦ ᑐᓂᕐᕈᑎᒋᕔᑦ ᓇᕐᓴᒥ ᕼᐃᓇᒻ ᐃᕐᓂᖓᓂᒃ ᐊᑎᓕᖕᒥ, ᐱᓇᓱᐊᖃᑦᑕᓚᐅᕐᐳᕐᓗ ᓇᓚᐅᑦᑍᓇᓱᐊᕈᑎᓂᒃ ᐊᖓᒃᑰᓇᓱᐊᕈᑎᓂᒡᓗ ᓯᕗᓂᒃᓴᒥᓗ ᖃᐅᔨᒪᓇᓱᐊᕈᑎᓂᒃ, ᖃᐅᔨᓇᓱᐊᕐᑎᑦᓯᖃᑦᑕᕐᓗᓂᓗ ᑐᖁᖓᔪᓂᒃ ᐊᓂᕐᓂᓕᕆᓲᓂᒃ. ᐱᐅᖏᑦᑐᒻᒪᕆᐊᓗᖕᓂᒃ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓂᓐᖓᒃᓮᑦᔪᑎᐅᔪᓂᒃ ᑖᑦᓱᒧᖓ.

ᑯᕉᓂᑲ ᐂᑉᐸᖏᑦ 36:14

ᑐᓂᕐᕈᓯᕐᑎᑦᓯᔩᑦᑕᐅᖅ ᓯᕗᓕᕐᑎᖏᑦ ᐃᓄᐃᓪᓗ ᓈᒻᒪᖏᑦᑐᓕᕙᓪᓕᐊᓚᐅᕐᐳᑦ, ᐃᓅᖃᑎᒌᒡᔪᐊᑦ ᓇᕐᕈᓇᕐᑐᓕᓂᖏᓐᓂᒃ ᒪᓕᒃᓗᑎᒃ; ᐊᑕᓂᐅᓪᓗ ᐃᒡᓗᖓ ᓴᓗᒤᓕᕐᑎᓚᐅᕐᐹᑦ ᑖᑦᓱᒪ ᐃᑦᔪᕐᓁᓕᑎᓚᐅᕐᑕᖓ ᔨᕉᓴᓕᒥ.

ᔨᕆᒤᐊᐅᑉ ᐊᒡᓚᖏᑦ 19:13

ᐃᒡᓗᐃᑦ ᔨᕉᓴᓕᒦᑦᑐᑦ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᔫᑕᒦᑦᑐᑦ ᓇᕐᕈᓇᕐᓯᔪᒫᕐᐳᑦ ᑐᐱᑎᒥᐅᑎᑐᑦ, ᐃᒡᓗᓕᒫᑦ ᖄᖏᓐᓂ ᐃᑯᐊᓚᑦᓯᕕᐅᖃᑦᑕᕐᑐᑦ ᑐᓂᕐᕈᓯᕐᑐᓄᑦ, ᖁᑦᓯᒃᑐᒦᑦᑐᓄᑦ ᐃᒥᒐᒃᓴᓂᒡᓗ ᑐᓂᕐᕈᑕᐅᕙᒃᑐᑦ ᒎᑎᓐᖑᐊᓄᑦ ᓇᕐᕈᓇᕐᓯᑎᑕᐅᔪᒫᕐᐳᑦ ᑐᐱᑎᒥᐅᑎᑐᑦ.’”

ᔨᕆᒤᐊᐅᑉ ᐊᒡᓚᖏᑦ 2:34

ᐊᓐᓄᕌᓯ ᐊᐅᒥᓯᒪᕗᑦ ᐸᓯᔭᒃᓴᐅᖏᑦᑐᑦ ᐊᔪᕐᓴᕐᑐᓪᓗ ᐊᐅᖏᓐᓂᒃ, ᖃᐅᔨᒪᒐᓗᐊᕐᓗᓯᐅᒃ ᑎᒡᓕᒐᕐᑎᐅᖏᒻᒪᑕ. “ᑍᒤᒐᓗᐊᕐᑎᓪᓗᒍ,

ᔨᕆᒤᐊᐅᑉ ᐊᒡᓚᖏᑦ 32:35

ᒎᑎᓐᖑᐊᓪᓗ ᐰᓕᐅᑉ ᐃᓂᒃᓴᖏᓐᓂᒃ ᐳᕐᑐᔪᓂᒃ ᓴᓇᓯᒪᕗᑦ ᐱᓐ ᕼᐃᓇᐅᑉ ᓇᕐᓴᖓᓂ, ᑐᓂᕐᕈᓯᕈᒪᓪᓗᑎᒃ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ ᒎᑎᓐᖑᐊᒧᑦ ᒧᓕᑭᒧᑦ, ᑎᓕᓚᐅᕐᓯᒪᖏᒃᑲᓗᐊᕐᐸᒃᑲ, ᐃᓱᒪᒋᓚᐅᕐᓯᒪᓇᒍᓘᓐᓃᑦ, ᑍᒫᒃ ᐱᐅᖏᑦᑐᐊᓗᖕᒥᒃ ᐊᑐᕐᓗᑎᒃ, ᔫᑕᐅᑉ ᐃᓄᖏᑦ ᐊᔪᕐᑐᓕᑎᑉᐰᑦ.”

ᒨᓯᓯ ᐱᖓᔪᖏᑦ 18:21

ᕿᑐᕐᖓᕐᓂᒃ ᑐᓂᕐᕈᑎᖃᕆᐊᖃᓐᖏᓚᑎᑦ ᒎᑎᓐᖑᐊᒧᑦ ᒧᓕᑭᒧᑦ, ᒎᑎᕕᑦ ᐊᑎᖓᓂᒃ ᓇᕐᕈᓇᕐᓯᑎᑦᓯᖁᓇᒃ, ᐅᕙᖓ ᐊᑕᓂᐅᒐᒪ.

ᒤᑲᐅᑉ ᐊᒡᓚᖏᑦ 6:7

ᐊᑕᓂᖅ ᖁᕕᐊᓱᖕᓂᐊᕐᐹ ᑐᓂᒍᒃᑯ ᑕᐅᓴᑏᑦ ᐅᖓᑖᓂ ᓰᐲᑦ ᐊᖑᓴᓪᓗᖏᓐᓂᒃ? 10,000ᓂᒡᓘᓐᓃᑦ ᐸᐅᕐᖎᑦ ᐅᕐᓱᖏᓐᓂᒃ? ᕿᑐᕐᖓᕐᑖᕆᐅᕈᑎᒐᓘᓐᓃᑦ ᑐᓂᕐᕈᑎᒋᒍᒃᑰ ᐊᔪᕐᓂᒃᑲ ᐱᓪᓗᒋᑦ, ᓇᖕᒥᓂᖅ ᑎᒥᓐᓂᑦ ᐱᔪᖅ ᑕᕐᓂᕐᒪ ᐊᔪᕐᑐᓕᓂᖏᓐᓄᑦ?

ᒨᓯᓯ ᑕᓪᓕᒪᖏᑦ 12:31

ᐊᑕᓂᖅ ᒎᑎᓯ ᑐᒃᓯᐊᕐᕕᒋᔭᒃᓴᕆᓐᖏᓚᓯ ᑍᒃᑯᐊ ᒎᑎᓐᖑᐊᒥᖕᓄᑦ ᑐᒃᓯᐊᕈᓯᖏᑎᑐᑦ, ᒎᑎᒥᖕᓄᑦ ᑐᒃᓯᐊᓕᕌᖓᒥᒃ ᓈᒻᒪᖏᑦᑐᐊᓗᖕᓂᒃ ᐱᓂᐊᕐᓂᖃᓲᖑᖕᒪᑕ ᐊᑕᓂᐅᑉ ᐆᒥᒋᔭᖏᓐᓂᒃ. ᕿᑐᕐᖓᒥᖕᓂᒃ ᐊᒡᓛᑦ ᑐᓂᕐᕈᓯᓲᖑᖕᒪᑕ ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 18:10

ᑐᓂᕐᕈᓯᕐᕕᖕᒥ ᐃᑯᐊᓚᑦᓯᓂᒃᑯᑦ ᑐᓂᓯᓕᕐᑎᓪᓗᓯ ᕿᑐᕐᖓᑦᓯᓐᓂᒃ ᑐᓂᕐᕈᓯᕐᑐᒃᓴᐅᓐᖏᓚᓯ; ᐃᓄᖁᑎᓯ ᓇᓚᐅᑦᑍᓇᓱᐊᖃᑦᑕᕐᑐᒃᓴᐅᓐᖏᓚᑦ ᐅᕝᕙᓗ ᓯᕗᓂᕐᒧᑦ ᓇᓚᐅᑦᑍᑦᔪᑎᖃᕋᓱᒃᑐᒃᓴᐅᓐᖏᓚᑦ ᐅᕝᕙᓗ ᐃᓕᓰᕐᓯᓇᓱᒃᑐᒃᓴᐅᓇᑎᒃ ᓱᓇᑐᐃᓐᓇᕐᒥᒃ ᐊᑐᕐᓗᑎᒃ;

ᒨᓯᓯ ᑕᓪᓕᒪᖏᑦ 18:9

“ᓄᓇᒧᓪᓕ ᑎᑭᒃᑯᑦᓯ ᐊᑕᓂᐅᑉ ᒎᑎᑦᓯ ᑐᓂᔭᖓᓄᑦ, ᑕᒫᓂ ᓄᓇᓖᑦ ᐃᓅᖃᑎᒌᒡᔪᐊᑦ ᐊᑐᕐᐸᒃᑕᖏᓐᓂᒃ ᒎᑎᒧᑦ ᓇᕐᕈᓇᕐᑐᓂᒃ ᒪᓕᒃᓴᕐᑐᒃᓴᐅᓐᖏᓚᓯ.

ᔮᓱᐊᑉ ᐊᒡᓚᖏᑦ 15:8

ᑕᒫᓐᖓᑦ ᐱᒋᐊᕐᓗᓂ ᑕᑉᐸᐅᓇ ᕼᐃᓇᒻ ᓇᕐᓴᖓᒍᑦ ᖃᖅᑲᒃᑯᑦ ᐅᓪᓗᓪᓗᐊᑉ ᒥᒃᓯᖔᖓᒍᑦ ᔨᐳᓮᑎᑦ ᐃᒡᓗᒐᓴᖏᓐᓄᑦ ᑕᕝᕗᖓ ᔨᕉᓴᓕᒧᑦ; ᓄᓇᐅᑉ ᑭᒡᓕᖓ ᑲᔪᓯᓯᒪᕗᖅ ᖃᖅᑲᐅᑉ ᖄᖓᒍᑦ ᓯᕿᓂᐅᑉ ᓂᐱᕕᐊᓄᑦ ᕼᐃᓇᒻ ᓇᕐᓴᖓᓄᑦ ᑎᑭᓪᓗᒍ, ᐅᓐᓄᐊᓪᓗᐊᒦᑦᑐᖅ ᕆᐰᒻ ᓇᕐᓴᖓᓄᑦ ᑎᑭᐅᒪᕗᖅ.

ᐃᓗᐊᕐᓮᔩᑦ ᐊᒡᓚᖏᑦ 2:11

ᐃᓴᕆᐊᓕᒥᐅᑦ ᐃᓄᖏᑦ ᐊᔪᕐᑐᓕᓚᐅᕐᐳᑦ ᐊᑕᓂᐅᑉ ᓵᖓᓂ ᐱᔨᑦᓯᓕᕐᓗᑎᒡᓗ ᐰᓕᓄᑦ ᒎᑎᓐᖑᐊᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 2:13

ᐊᑕᓂᖅ ᑲᒪᒋᔪᓐᓃᕋᒥᑦᔪᒃ, ᐱᔨᑦᓯᓕᕐᓗᑎᒃ ᐰᓕᓂᒃ ᐋᔅᑕᕉᑎᒥᒡᓗ ᒎᑎᓐᖑᐊᓂᒃ.