ᑯᕉᓂᑲ ᐂᑉᐸᖏᑦ 28:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐱᓂᐊᕐᓂᖃᓚᐅᕐᐳᕐᓕ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᑎᑐᑦ, ᐊᒡᓛᑦ ᓴᓇᓚᐅᕐᐳᖅ ᓴᕕᕋᔭᖕᒥᒃ ᒎᑎᓐᖑᐊᒥᒃ ᐰᓕᒧᑦ.

ᑯᕉᓂᑲ ᐂᑉᐸᖏᑦ 28:2 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 21:6

ᐱᓂᐊᕐᓂᖃᓚᐅᕐᐳᖅ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᑎᑐᑦ, ᐂᕼᐊᑉ ᐱᓂᐊᕐᓂᕆᓚᐅᕐᑕᖓᑐᑦ; ᐂᕼᐊᑉ ᐸᓂᖓᓂᒃ ᓄᓕᐊᖃᓚᐅᕐᒪᑦ. ᐱᐅᖏᑦᑐᓕᓚᐅᕐᐳᕐᓗ ᐊᑕᓂᐅᑉ ᑕᑯᓐᓇᕐᑕᖓᒍᑦ.

ᑯᕉᓂᑲ ᐂᑉᐸᖏᑦ 33:3

ᓴᓇᒋᐊᓪᓚᓚᐅᕐᒪᑦ ᒎᑎᓐᖑᐊᓄᑦ ᑐᒃᓯᐊᕐᕕᖕᓂᒃ ᐊᑖᑕᖓᑕ ᕼᐃᓯᑬᐊᐅᑉ ᓱᕋᓚᐅᕐᑕᖏᓐᓂᒃ, ᑐᓂᕐᕈᓯᕐᕖᓪᓗ ᐰᓕᒧᑦ ᐋᖅᑭᒃᓱᕆᐊᓪᓚᒃᓗᒋᑦ, ᕿᔪᖕᓂᒡᓗ ᒎᑎᓐᖑᐊᓂ ᐊᓯᕋᓂᒃ ᐊᑎᓕᖕᓂᒃ ᓴᓇᕗᖅ, ᑐᒃᓯᐊᕐᕕᒋᖃᑦᑕᕐᐰᓪᓗ ᒎᑎᒋᔭᐅᔪᑦ ᐅᓪᓗᕆᐊᑦ ᕿᓚᖕᒦᑦᑐᑦ ᐱᔨᑦᓯᕐᓗᒋᓪᓗ.

ᒨᓯᓯ ᐂᑉᐸᖏᑦ 34:17

“ᒎᑎᓐᖑᐊᓂᒃ ᓴᕕᕋᔭᖕᓂᒃ ᓴᓇᔪᒃᓴᐅᓐᖏᓚᓯ ᑐᒃᓯᐊᕐᕕᖃᕐᑐᒃᓴᐅᓇᓯᓗ.

ᐂᓮᐊᓯᐅᑉ ᐊᒡᓚᖏᑦ 2:8

ᓄᓇᖓᑦ ᑕᑕᒃᑭᕗᖅ ᒎᑎᓐᖑᐊᓂᒃ; ᐹᒻᒪᖃᑦᑕᕐᓗᑎᒃ ᑐᒃᓯᐊᕐᓗᑎᒡᓗ, ᐊᒡᒐᓄᑦ ᓴᓇᓯᒪᔪᓄᑦ, ᓇᖕᒥᓂᖅ ᐊᒡᒐᖕᒥᖕᓄᑦ ᓴᓇᓚᐅᕐᑕᒥᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 1:16

ᐃᓄᖁᑎᒃᑲ ᓱᒋᐊᕐᓂᐊᕋᒃᑭᑦ ᐊᔪᕐᑐᓕᓂᕆᓚᐅᕐᑕᖏᑦ ᐱᓪᓗᒋᑦ, ᐅᕙᓐᓂᒃ ᕿᒤᓯᒪᖕᒪᑕ, ᐆᒪᔪᓂᒡᓗ ᑐᓂᕐᕈᓯᖃᑦᑕᓕᕐᓗᑎᒃ ᒎᑎᓐᖑᐊᓄᑦ, ᒎᑎᓐᖑᐊᓄᓪᓗ ᓴᓇᓯᒪᔭᒥᖕᓄᑦ ᑐᒃᓯᐊᕐᕕᖃᖃᑦᑕᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 32:35

ᒎᑎᓐᖑᐊᓪᓗ ᐰᓕᐅᑉ ᐃᓂᒃᓴᖏᓐᓂᒃ ᐳᕐᑐᔪᓂᒃ ᓴᓇᓯᒪᕗᑦ ᐱᓐ ᕼᐃᓇᐅᑉ ᓇᕐᓴᖓᓂ, ᑐᓂᕐᕈᓯᕈᒪᓪᓗᑎᒃ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ ᒎᑎᓐᖑᐊᒧᑦ ᒧᓕᑭᒧᑦ, ᑎᓕᓚᐅᕐᓯᒪᖏᒃᑲᓗᐊᕐᐸᒃᑲ, ᐃᓱᒪᒋᓚᐅᕐᓯᒪᓇᒍᓘᓐᓃᑦ, ᑍᒫᒃ ᐱᐅᖏᑦᑐᐊᓗᖕᒥᒃ ᐊᑐᕐᓗᑎᒃ, ᔫᑕᐅᑉ ᐃᓄᖏᑦ ᐊᔪᕐᑐᓕᑎᑉᐰᑦ.”

ᕼᐆᓯᐊᑉ ᐊᒡᓚᖏᑦ 2:13

ᓱᒋᐊᕐᓂᐊᕐᐸᕋᓗ ᓇᓪᓕᐅᓐᓂᕐᓯᐅᖃᑦᑕᕐᓂᕆᓚᐅᕐᑕᖓᓄᑦ ᐰᓕᒧᑦ ᐃᑭᑦᓯᓂᕆᖃᑦᑕᓚᐅᑕᖓᓄᓪᓗ ᐃᓯᕐᓗᐊᕐᓂᑎᑦᓯᓂᕐᒥᒃ ᑖᒃᑯᓄᖓ ᐱᐅᓴᐅᑎᓂᒡᓗ ᐊᑐᖃᑦᑕᕐᓂᕆᔭᖓ ᓇᒡᒍᐊᕐᒥᖕᓂᒡᓗ, ᐱᖃᑎᒋᕙᒃᑕᒥᓄᓪᓗ ᐅᐸᒍᑎᖃᑦᑕᓚᐅᕐᓂᖓᓄᑦ, ᐅᕙᓐᓂᒡᓗ ᐳᐃᒍᐃᓂᕆᓚᐅᕐᑕᖓᓄᑦ, ᐅᖃᕐᐳᖅ ᐊᑕᓂᖅ.”

ᕼᐆᓯᐊᑉ ᐊᒡᓚᖏᑦ 2:17

ᐰᓕᐅᑉ ᐊᑎᖓᓂᒃ ᐅᖃᖃᑦᑕᕈᓐᓃᕐᑎᑦᓱᒫᕐᐸᕋ, ᐊᑎᖓᓗ ᐅᖃᕐᑕᐅᖃᑦᑕᕈᓐᓃᕈᒫᕐᐳᖅ.

ᒨᓯᓯ ᐱᖓᔪᖏᑦ 19:4

“ᒎᑎᓐᖑᐊᑦ ᓵᕝᕕᒋᓂᐊᕋᓯᒋᒃ; ᒎᑎᓐᖑᐊᓂᒡᓘᓐᓃᑦ ᓴᕕᕋᔭᖕᓂᒃ ᓴᓇᔭᕆᐊᖃᓐᖏᓚᓯ ᒎᑎᒋᓂᐊᕐᑕᑦᓯᓐᓂᒃ, ᐅᕙᖓ ᐊᑕᓂᐅᒐᒪ ᒎᑎᓯ.

ᒤᑲᐅᑉ ᐊᒡᓚᖏᑦ 1:5

ᑕᒪᓐᓇ ᑍᒤᓐᓂᐊᕐᐳᖅ ᐃᓴᕆᐊᓕᐅᑉ ᐊᔪᕐᑐᓕᓂᖓ ᐱᓪᓗᒍ, ᔧᑰᑉ ᑭᖑᕚᖏᓐᓄᑦ. ᑭᓈ ᐸᓯᔭᒃᓴᐅᕚ ᐃᓴᕆᐊᓕᐅᑉ ᐊᔪᕐᑐᓕᓂᖏᑦ ᐱᓪᓗᒌᑦ? ᓴᒥᐊᕆᐊᒥᐅᑦ ᐸᓯᔭᒃᓴᐅᕗᑦ! ᓴᒥᐊᕆᐊ ᑭᓈ ᐸᓯᔭᒃᓴᐅᕚ ᔫᑕᐅᑉ ᒎᑎᓐᖑᐊᖃᕐᓂᖏᓐᓅᑦ? ᔨᕉᓴᓕᒻ ᐸᓯᔭᒃᓴᐅᕗᖅ!

ᐃᓗᐊᕐᓮᔩᑦ ᐊᒡᓚᖏᑦ 2:11

ᐃᓴᕆᐊᓕᒥᐅᑦ ᐃᓄᖏᑦ ᐊᔪᕐᑐᓕᓚᐅᕐᐳᑦ ᐊᑕᓂᐅᑉ ᓵᖓᓂ ᐱᔨᑦᓯᓕᕐᓗᑎᒡᓗ ᐰᓕᓄᑦ ᒎᑎᓐᖑᐊᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 2:13

ᐊᑕᓂᖅ ᑲᒪᒋᔪᓐᓃᕋᒥᑦᔪᒃ, ᐱᔨᑦᓯᓕᕐᓗᑎᒃ ᐰᓕᓂᒃ ᐋᔅᑕᕉᑎᒥᒡᓗ ᒎᑎᓐᖑᐊᓂᒃ.