ᑯᕉᓂᑲ ᐂᑉᐸᖏᑦ 26:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᒎᑎᐅᑉ ᐃᑲᔪᓚᐅᕐᐹ ᐅᓇᑕᕐᓂᖓᓂ ᐱᓕᔅᑍᓂᒥᐅᓂᒃ, ᐋᕋᑉᓂᒡᓗ ᒎᕐ-ᐰᓕᒥ ᓄᓇᖃᕐᑐᓂ, ᒥ-ᔫᓂᒥᐅᓂᒡᓗ.

ᑯᕉᓂᑲ ᐂᑉᐸᖏᑦ 26:7 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 21:16

ᐊᑕᓂᐅᓪᓗ ᐱᓕᔅᑍᓂᒥᐅᑦ ᐋᕋᑉᒥᐅᓪᓗ ᐃᑎᐅᐱᐊᑉ ᖃᓂᒋᔮᓂ ᓄᓇᖃᕐᑐᑦ ᐊᐅᓚᑦᔭᒃᑎᑉᐰᑦ ᓂᓐᖓᐅᑦᔨᓗᑎᒃ ᐊᑭᕋᕐᑐᓕᖁᓪᓗᒋᑦ ᔨᕼᐅᕌᒻᒥᒃ;

ᑯᕉᓂᑲ ᓯᕗᓪᓖᑦ 5:20

ᐃᑲᔪᕐᑕᐅᓪᓗᑎᒃ, ᕼᐊᒐᕅᑎᒥᐅᑉ ᓵᓚᐅᕗᑦ ᑖᒃᑯᓄᖓ, ᑖᒃᑯᐊ ᒎᑎᒧᑦ ᑐᒃᓯᐊᓚᐅᕐᒪᑕ ᐅᓇᑕᕐᓱᑎᒃ, ᑐᒃᓯᐊᕐᓂᖏᑦ ᑐᓴᓚᐅᕐᐰᑦ, ᑖᑦᓱᒥᖓ ᑕᑎᖃᕐᒪᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 26:22

ᒎᑎᐅᓪᓕ ᐃᑲᔪᐃᓐᓇᕐᐹᖓ ᐅᓪᓗᒥᒧᑦ ᑎᑭᓪᓗᒍ, ᒫᓐᓇᓗ ᓇᖏᕐᐳᖓ ᓇᓗᓁᕐᓯᔪᓐᓇᕐᓗᖓ ᐊᑦᔨᒌᒃᑐᒥᒃ ᐃᓄᖕᓄᑦ ᐊᑦᔨᒌᖏᑦᑐᓄᑦ, ᐅᖃᐅᓯᖃᕐᐳᖓ ᓇᓚᐅᑦᑍᔪᑦ ᒨᓯᓯᐅᓪᓗ ᓇᓪᓕᐅᑎᓂᐊᕐᓂᕋᕐᓯᒪᔭᖏᑕ ᐊᓯᐊᒎᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 14:29

“ᖁᕕᐊᓱᒋᐊᖃᓐᖏᓚᓯ, ᐱᓕᔅᑎᐊᒥᐅᑕᐅᔪᓯ ᐃᓕᑦᓯᓐᓂᒃ ᐊᓇᐅᓕᕈᑕᐅᓚᐅᕐᑐᖅ ᓇᐱᓯᒪᖕᒪᑦ, ᖁᒡᓗᒋᐊᕐᔪᐊᖅ ᑐᖁᒐᓗᐊᕐᐸᑦ ᑭᖑᕚᖃᕈᒫᕐᐳᖅ ᖁᒡᓗᒋᐊᒥᒃ ᑐᖁᓐᓇᕐᑐᓕᖕᒥᒃ, ᓴᖅᑭᑎᑦᓯᓗᓂᓗ ᖁᒡᓗᒋᐊᒥᒃ ᖃᖓᑕᔪᓐᓇᕐᑐᒥᒃ.

ᐃᓐᖏᕈᑎᑦ 18:29

ᐃᑲᔪᕐᑎᒌᒡᓗᑎᒃ ᐅᓇᑕᕐᑐᕐᓮᑦ ᐅᓄᕐᑐᑦ ᐅᐸᒃᑐᕈᓐᓇᕐᐹᖓ, ᒎᑎᒐᓕ ᐂᑉᐸᕆᓗᒍ ᐊᕙᓗᕐᔪᐊᑉ ᐅᖓᑖᓄᑦ ᒥᓯᒍᓐᓇᕐᐳᖓ.

ᑯᕉᓂᑲ ᐂᑉᐸᖏᑦ 20:1

ᑕᒪᑐᒪ ᑭᖑᕐᖓᒍᑦ ᒧᐊᐱᒥᐅᑦ ᐊᒧᓁᑎᒥᐅᓪᓗ, ᐃᓚᖃᕐᓗᑎᒃ ᒥ-ᔪᓁᑎᓂᒃ, ᑲᑎᑉᐳᑦ ᐅᓇᑕᕆᐊᕐᓗᑎᒃ ᔨᕼᐆᓴᐸᑦᒥᒃ.

ᑯᕉᓂᑲ ᐂᑉᐸᖏᑦ 17:11

ᐱᓕᔅᑍᓂᒥᐅᓪᓗ ᐂᑦᑐᐃᔭᕐᑐᕐᐳᑦ ᔨᕼᐆᓴᐸᑦᒧᑦ ᐊᑭᓕᐅᑎᒥᖕᓂᒃ ᓯᐅᓪᕕᕆᓂᒃ, ᐋᕋᑉᒥᐅᓪᓗ ᑐᓂᓯᒋᕗᑦ ᓰᐱᐅᑉ ᐊᖑᓴᓪᓗᖏᓐᓂᒃ 7,700ᓂᒃ, ᒎᑦᓰᓪᓗ ᐊᖑᓴᓪᓗᖏᓐᓂᒃ 7,700ᓂᒃ.

ᑯᕉᓂᑲ ᐂᑉᐸᖏᑦ 14:11

ᐂᓴᓗ ᑐᒃᓯᐊᕐᐳᖅ ᐊᑕᓂᕐᒧᑦ ᒎᑎᒥᓄᑦ, ᐅᖃᓪᓗᓂ, “ᐊᑕᓃᖅ, ᐊᑦᔨᖃᓐᖏᓚᑎᑦ ᐃᑲᔪᕈᓐᓇᕐᑐᒥᒃ, ᓴᓐᖏᔪᓂᒃ ᓴᓐᖐᑦᑐᓂᒡᓗ. ᐊᑕᓃᖅ ᒎᑎᕗᑦ ᐃᑲᔪᓚᐅᕐᑎᒍᑦ, ᐃᓕᖕᓂᒃ ᑕᑎᖃᕋᑦᑕ, ᑕᒪᐅᓐᖓᕐᐳᒍᑦ ᐱᔪᓐᓇᕐᓂᕐᓄᑦ ᐅᓇᑕᕆᐊᕐᓗᑕ ᐅᓄᕐᑐᕐᔪᐊᓄᑦ. ᐊᑕᓃᖅ ᒎᑎᒋᒐᑦᑎᒋᑦ; ᐃᓄᖕᒧᑦ ᓇᓪᓕᐊᓐᓄᓪᓘᓐᓃᑦ ᓵᓚᐅᔪᓐᓇᖏᑦᑐᑎᑦ.”

ᑯᕉᓂᑲ ᓯᕗᓪᓖᑦ 12:18

ᑕᕝᕙ ᐊᓂᕐᓂᐅᑉ ᐊᒪᓮ ᑎᑭᕝᕕᒋᕚ, ᐊᖓᔪᖅᑳᖑᔪᖅ 30ᓄᑦ, ᐅᖃᕐᓗᓂᓗ, “ᐃᓕᖕᓄᑦ ᐱᒋᔭᐅᕗᒍᑦ, ᑍᕕᑏ; ᐃᓕᖕᓂᒡᓗ ᐃᓕᖃᕐᐳᒍᑦ, ᔨᓯᐅᑉ ᐃᕐᓂᖓ! ᓮᒻᒪᕐᑎᑕᐅᒋᑦ, ᓮᒪᓂᐅᓪᓗ ᓇᔪᕐᓕᑎᑦ, ᐃᑲᔪᕐᑎᑎᓪᓗ ᓮᒻᒪᕐᑎᑕᐅᓕᑦ! ᒎᑎᕕᑦ ᐃᑲᔪᕐᒫᑎᑦ.” ᑕᕝᕙ ᑍᕕᑎᐅᑉ ᐃᓚᓕᐅᕐᐰᑦ, ᐊᖓᔪᖅᑳᓐᖑᕐᑎᓪᓗᒋᓪᓗ ᐅᓇᑕᕐᑐᒃᓴᖁᑎᒥᓄᑦ.

ᑯᕉᓂᑲ ᓯᕗᓪᓖᑦ 4:41

ᑖᒃᑯᐊ ᐊᑏᑦ ᑎᑎᕋᕐᑕᐅᓯᒪᔪᑦ ᑕᑯᔭᐅᓚᐅᕐᐳᑦ ᕼᐃᓯᑬᐊ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥ, ᑐᐱᖏᑦ ᓱᕋᒃᑎᕐᑕᐅᓚᐅᕐᐳᑦ ᒥ-ᔫᓂᒥᐅᓪᓗ ᑐᖁᑕᐅᓚᐅᕐᐳᑦ ᑍᑲᓃᓐᑐᑦ, ᓄᓁᕐᑕᐅᓪᓗᑎᒡᓗ ᐅᓪᓗᒥᒧᑦ ᑎᑭᓪᓗᒍ, ᑕᕝᕙᓂᓗ ᓄᓇᑖᓚᐅᕐᐳᑦ ᓂᕿᒃᓴᖃᑦᓯᐊᕐᓂᖓ ᐆᒪᔪᓄᑦ ᐱᑦᔪᑎᒋᓪᓗᒍ.

ᑯᕉᓂᑲ ᓯᕗᓪᓖᑦ 5:22

ᐅᓄᕐᑐᑦ ᑐᖁᑕᐅᓚᐅᕐᐳᑦ, ᐅᓇᑕᕐᓂᖅ ᒎᑎᐅᑉ ᐅᓇᑕᕐᓂᕆᓚᐅᕐᒪᒍ. ᓄᓇᖅᑲᓕᓚᐅᕐᐳᓪᓗ ᓄᓇᕕᓂᖏᓐᓂ ᐊᐅᓪᓚᐅᑦᔭᐅᓂᖏᓐᓄᑦ ᑎᑭᓪᓗᑎᒃ.

ᑯᕉᓂᑲ ᐂᑉᐸᖏᑦ 14:10

ᐂᓴᐅᓪᓗ ᐸᕐᕆᐊᕐᐹ, ᐅᓇᑕᕐᑎᒥᖕᓂᒡᓗ ᐅᐸᓗᖎᔭᕐᐴᒃ ᔨᐸᑕᐅᑉ ᓇᕐᓴᖓᓂ ᒪᕇᓴᒥ.

ᑯᕉᓂᑲ ᐂᑉᐸᖏᑦ 25:8

ᐃᓱᒪᖃᕈᕕᑦ ᓲᖑᓂᖃᕐᓂᐊᕋᓱᒋᓗᑎᑦ ᐅᓇᑕᕐᓂᕐᒥ, ᑕᕝᕙ ᒎᑎᐅᑉ ᐅᕐᕈᑎᑦᓱᒫᕐᐹᑎᑦ ᐊᑭᕋᕕᑦ ᓵᖓᓄᑦ; ᒎᑎ ᐱᔪᓐᓇᕐᓂᖃᕐᒪᑦ ᐃᑲᔪᕐᓗᓂ ᐅᕐᕈᑎᑦᓯᓗᓂᓘᓐᓃᑦ.”