ᑯᕉᓂᑲ ᐂᑉᐸᖏᑦ 26:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑖᒃᑯᐊᓗ ᐅᓮᐊ ᐊᖓᔪᖅᑳᕐᔪᐊᖅ ᓵᓐᖓᓕᕐᐹᑦ, ᐅᖃᐅᑎᓪᓗᒍᓗ, “ᑍᒤᓕᐅᕐᑐᒃᓴᐅᓐᖏᓚᑎᑦ ᐅᓮᐊ, ᐃᑯᐊᓪᓔᓗᑎᑦ ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ, ᑐᓂᕐᕈᓯᕐᑎᑦᓯᔩᑦ ᐂᕉᓂᐅᑉ ᑭᖑᕚᖏᑦ ᑖᒃᑯᐊᑐᐊᖅ ᑍᒤᓕᐅᕐᑐᒃᓴᐅᕗᑦ, ᑖᒃᑯᐊ ᐃᑦᔪᕐᓁᑎᑕᐅᓯᒪᕗᑦ ᐃᑯᐊᓪᓔᖁᓪᓗᒋᑦ ᑎᐱᑦᓯᐊᕆᒃᑐᒥᒃ. ᑕᕝᕙᓐᖓᑦ ᐊᓂᓕᕆᑦ ᐃᑦᔪᕐᓁᑦᑐᒃᑯᕕᖕᒥᑦ; ᑕᒻᒪᓚᐅᕋᕕᑦ, ᐃᓕᖕᓂᒃ ᐅᐱᓐᓇᕈᓐᓃᕐᑎᑉᐳᑎ ᐊᑕᓂᕐᒧᑦ ᒎᑎᒧᑦ.”

ᑯᕉᓂᑲ ᐂᑉᐸᖏᑦ 26:18 ပူးပေါင်းရင်းမြစ်များ

ᒨᓯᓯ ᓯᑕᒪᖏᑦ 18:7

ᑍᒤᒻᒪᑦ ᐃᕝᕕᑦ, ᐃᕐᓂᑎᓪᓗ ᐃᓚᒋᓗᒋᑦ ᑐᓂᕐᕈᓯᕐᑎᑦᓯᔨᐅᓂᐊᕐᐳᓯ ᑐᓂᕐᕈᓯᕐᕕᖕᒥ ᖃᓄᐃᓕᐅᕆᐊᖃᕐᑐᓕᒫᓂᒃ ᑖᓗᑕᕐᔪᐊᓪᓗ ᐅᖓᑖᓃᑦᑐᓂᒃ; ᑍᒫᒃ ᐱᔨᑦᓯᕐᓂᐊᕐᐳᓯ. ᑐᓂᕐᕈᓯᕐᑎᑦᓯᔨᐅᓂᖅ ᐃᓕᑦᓯᓐᓄᑦ ᑐᓂᕐᕈᑎᒋᕙᕋ ᐱᔨᑦᓯᕈᑎᒋᓂᐊᕋᑦᓯᐅᒃ, ᓯᓚᑎᑦᓯᓐᓂᓪᓕ ᐱᔪᖅ ᐃᓕᑦᓯᓐᓄᑦ ᖃᒡᓕᔪᖅ ᑐᖁᑕᒃᓴᐅᕗᖅ.”

ᐄᑉᕈᐃᓄᑦ 5:4

ᓇᖕᒥᓂᕐᓗ ᓂᕈᐊᕐᐸᓐᖏᓚᑦ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᔪᒪᓗᑎᒃ, ᒎᑎᒧᓪᓕ ᕾᖁᔭᐅᕙᒃᐳᑦ, ᓲᕐᓗ ᐂᕉᓂᑐᑦ.

ᔨᕆᒤᐊᐅᑉ ᐊᒡᓚᖏᑦ 13:18

ᐊᖓᔪᖅᑳᕐᔪᐊᖅ ᐊᓈᓇᖓᓗ ᐅᖃᐅᑎᒃᑭᒃ, ᐊᖓᔪᖅᑲᐅᕕᑦᓯᓐᓂᒃ ᐲᓕᕆᑦᓯᒃ, ᐊᖓᔪᖅᑳᕐᔪᐊᕐᓯᐅᑎᓯᒃ ᓂᐊᖂᑏᒃ ᑕᑯᒥᓇᕐᑐᑦ ᓂᐊᖁᑦᓯᖕᓂᑦ ᐲᕐᑕᐅᓯᖕᒪᑕ.

ᑯᕉᓂᑲ ᐂᑉᐸᖏᑦ 19:2

ᔨᕼᐆ ᕼᐊᓇᓁᑉ ᐃᕐᓂᖓ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᑖᑦᓱᒧᓐᖓᕐᐳᖅ ᐸᕐᕆᐊᕐᓗᓂᐅᒃ, ᐅᖃᐅᑎᕚᓗ ᐊᖓᔪᖅᑳᕐᔪᐊᖅ ᔨᕼᐆᓴᐸᑦ, “ᐃᑲᔪᕐᑐᒃᓴᐅᕖᑦ ᐱᐅᖏᑦᑐᓕᔪᓂᒃ ᓇᒡᓕᒋᔭᒃᓴᕆᕕᒋᓪᓗ ᐊᑕᓂᕐᒥᒃ ᐆᒥᓱᒃᑐᑦ? ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓᑕ ᖁᓚᖏᐊᓕᕐᐹᑎᑦ.

ᔧᒥᓯᐅᑉ ᐊᒡᓚᖏᑦ 2:1

ᐅᒃᐱᕐᑑᖃᑎᒃᑳ, ᐊᑦᔨᒌᓐᖏᑎᑦᓯᔪᒃᓴᐅᓐᖏᓚᓯ ᐃᓅᑉ ᑕᐅᑦᑐᐊ ᒪᓕᒡᓗᒍ ᐅᒃᐱᕐᑎᓪᓗᓯ ᐊᑕᓂᑦᑎᓐᓄᑦ ᔩᓱᓯ ᙭ᔅᑑᓯᒧᑦ, ᓂᕐᑐᕐᓇᕐᓂᕐᔪᐊᑉ ᐊᑕᓂᖓᓄᑦ.

ᒐᓔᑎᐊᒥᐅᓄᑦ 2:11

ᓰᐸᓯᓕ ᐊᓐᑎᐅᑭᐊᒧᑦ ᑎᑭᒻᒪᑦ, ᐃᓄᐃᑦ ᑕᒃᑯᐊᓂ ᓈᒻᒪᒃᓴᖏᓐᓂᓐᓂᒃ ᓇᓗᓁᕐᓯᕕᒋᓚᐅᕐᐸᕋ, ᑕᒻᒪᕐᓯᒪᓪᓚᕆᓚᐅᕐᒪᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:16

ᒫᓐᓇᓕ ᑕᕝᕙ, ᑍᒤᒻᒪᑦ, ᑭᓇᒥᒡᓘᓐᓃᑦ ᐃᓱᒪᒋᔭᖃᕈᓐᓃᕐᐳᒍᑦ ᓯᓚᕐᔪᐊᕐᒥᐅᑦ ᐃᓱᒪᒋᔭᖃᕐᓂᖏᑎᑐᑦ; ᑍᑦᓱᒪᓂᑦᑕᐅᖅ ᙭ᔅᑑᓯ ᓯᓚᕐᔪᐊᕐᒥᐅᑎᑐᑦ ᐃᓱᒪᒋᓚᐅᕋᓗᐊᕋᑦᑎᒍ, ᒫᓐᓇᓕ ᑍᒫᒃ ᐃᓱᒪᒋᓐᖏᓕᕐᐸᕗᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:5

ᐊᖑᑦ ᑍᓐᓇ ᑍᒤᓕᐅᕐᑐᖅ ᓵᑖᓇᓯᒧᑦ ᑐᓂᓕᕐᓯᐅᒃ ᑎᒥᖓ ᐊᓯᕈᕐᑕᐅᓂᐊᕐᒪᑦ, ᑕᕐᓂᖓᓕ ᐱᐅᓕᔭᐅᖁᓪᓗᒍ ᐊᑕᓂᐅᑉ ᔩᓱᓯᐅᑉ ᐅᓪᓗᒃᓴᖓᓂ.

ᔪᐊᓇᓯᐅᑉ ᐊᒡᓚᖏᑦ 5:44

ᖃᓄᖅ ᐅᒃᐱᕈᓐᓇᕐᐱᓰ? ᐃᓅᖃᑎᑦᓯᓐᓄᑦ ᓂᕐᑐᕐᑕᐅᔪᒪᓂᕐᒥᒃ ᐱᓇᓱᐊᖃᑦᑕᕐᓗᓯ ᒎᑎᒧᓪᓗ ᓂᕐᑐᕐᑕᐅᓂᒃᓴᑐᐊᖅ ᕿᓂᕐᓇᒍ.

ᒫᑎᐅᓯᐅᑉ ᐊᒡᓚᖏᑦ 14:4

ᑕᒪᑐᒪ ᓯᕗᓂᖓᒍᑦ ᔪᐊᓇᓯᐅᑉ ᐃᕉᑕᓯ ᐅᖃᐅᑎᓚᐅᕐᒪᒍ, “ᑕᒻᒪᓪᓚᕆᒃᐳᑎᑦ ᐃᕉᑎᐊᓯᒥᒃ ᓄᓕᐊᕐᑖᕐᓗᑎᑦ!”

ᒫᑎᐅᓯᐅᑉ ᐊᒡᓚᖏᑦ 10:28

ᓯᕘᕋᒋᓂᐊᕋᓯᒋᒃ ᑎᒥᒥᒃ ᑐᖁᑦᓯᔪᑦ ᑕᕐᓂᕐᒥᒡᓕ ᑐᖁᑦᓯᔪᓐᓇᖏᑦᑐᑦ; ᓯᕘᕋᒋᓯᐅᒃᓕ, ᑕᒤᓐᓂᒃ ᐊᓯᕈᐃᔪᓐᓇᕐᑐᖅ ᑎᒥᒥᒃ ᑕᕐᓂᕐᒥᒡᓗ ᐃᑯᒪᕐᔪᐊᕐᒥ.

ᒫᑎᐅᓯᐅᑉ ᐊᒡᓚᖏᑦ 10:18

ᐅᕙᖓᓗ ᐱᑦᔪᑎᒋᓗᖓ ᐃᖅᑲᕐᑐᕐᑕᐅᔪᒫᕐᐳᓯ ᐊᐅᓚᑦᓯᔨᐅᔪᓄᑦ ᐊᖓᔪᖅᑳᕐᔪᐊᓄᓪᓗ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᐅᓯᖃᕈᓐᓇᖁᓪᓗᓯ ᑖᒃᑯᓄᖓ, ᔫᑎᐅᖏᑦᑐᓄᓪᓗ.

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᓴᒧᐃᓕ ᓯᕗᓪᓖᑦ 2:30

ᑍᒤᒻᒪᑦ ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓ ᐃᒫᒃ ᓇᓗᓁᕐᓯᕗᖅ: ‘ᐅᕙᖓ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ, ᐊᖏᓚᐅᕐᐳᖓ ᑍᑦᓱᒪᓂ ᐃᓚᑎᑦ ᓯᕗᓕᑎᓪᓗ ᐱᔨᑦᓯᕐᑎᐅᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓗᑎᒃ ᐃᓱᖃᖏᑦᑐᒧᑦ’; ᒫᓐᓇᓕ ᐊᑕᓂᖅ ᓇᓗᓁᕐᓯᓕᕐᐳᖅ: ‘ᑕᒪᓐᓇ ᑍᒤᓕᖓᓂᐊᕈᓐᓃᕐᐳᖅ; ᐃᒤᓕᖓᓂᐊᓕᕐᐳᕐᓕ, ᐅᕙᓐᓂᒃ ᐅᐱᒍᓱᒃᑐᑦ ᐅᐱᒋᓂᐊᕐᐸᒃᑲ, ᐅᕙᓐᓂᒡᓕ ᓇᕐᕈᔪᑦ ᓱᓇᐅᔪᓐᓃᕐᑎᓐᓂᐊᕐᐸᒃᑲ.

ᒨᓯᓯ ᓯᑕᒪᖏᑦ 3:10

ᑍᒤᒻᒪᑦ ᑎᓕᓕᑭᑦ ᐂᕉᓂᓗ ᐃᕐᓂᖏᓪᓗ, ᑐᓂᕐᕈᓯᕐᑎᐅᓂᕐᒥᒃ ᐱᔭᒃᓴᖃᕐᓂᐊᕐᒪᑕ; ᑕᒫᓐᖓᑐᐃᓐᓇᕐᓕ ᐱᓗᓂ ᑖᒃᑯᓄᖓ ᖃᒡᓕᔪᖅ ᑐᖁᑕᐅᔭᕆᐊᖃᕐᐳᖅ.”

ᒨᓯᓯ ᐂᑉᐸᖏᑦ 28:1

“ᐊᖓᔪᐃᑦ ᐂᕉᓂ ᕾᖁᓚᐅᕈᒃ ᐃᕐᓂᖏᓪᓗ, ᓇᑖᑉ, ᐊᐱᕼᐅ, ᐃᓕᓯᕆ, ᐃᑕᒫᕐᓗ, ᑖᒃᑯᐊᓗ ᐃᓴᕆᐊᓕᒥᐅᑦ ᐃᓄᖏᓐᓂᑦ ᓴᓂᕐᕙᒃᑕᐅᔪᒃᓴᐅᕗᑦ, ᐅᕙᓐᓄᑦ ᐱᔨᑦᓯᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓂᕐᒥᒃ.

ᔮᓱᐊᑉ ᐊᒡᓚᖏᑦ 22:15

ᕉᐱᓂᐅᑉ, ᒑᑦᓗ, ᒫᓇᓯᒃᑯᓪᓗ ᑭᖑᕚᖏᑕ ᐊᕝᕙᖏᑕ ᓄᓇᖓᓐᓄᐊᕋᒥᒃ ᒋᓕᐊᑎᒧᑦ, ᑖᒃᑯᓄᖓ ᐅᖃᕐᐳᑦ,

ᑯᕉᓂᑲ ᐂᑉᐸᖏᑦ 30:7

ᓯᕗᓕᓯ ᖃᑕᓐᖑᑎᓯᓗ ᐊᑦᔨᒋᑦᑍᓕᓯᐅᒃ, ᑖᒃᑯᐊ ᐊᑕᓂᕐᒥᒃ ᐅᒃᐱᕈᓐᓃᓚᐅᕐᒪᑕ ᓯᕗᓕᑦᓯ ᒎᑎᖓᓂᒃ, ᑖᑦᓱᒪᓗ ᑕᕝᕙ ᐃᓄᖃᕈᓐᓃᕐᑎᓚᐅᕐᐰᑦ, ᑕᒪᓐᓇ ᑕᑯᓯᒪᒐᑦᓯᐅᒃ.