ᑯᕉᓂᑲ ᐂᑉᐸᖏᑦ 26:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑖᒃᑯᐊ ᐊᖓᔪᖅᑳᑦ ᑲᒪᒋᔭᖃᕐᐳᑦ ᐅᓇᑕᕐᑐᒃᓴᓂᒃ 307,500ᓂᒃ, ᐅᓇᑕᕈᓐᓇᕐᑐᑦ ᐱᔪᓐᓇᕐᑐᕐᔪᐊᑦ, ᐊᖓᔪᖅᑳᕐᔪᐊᕐᒥᒃ ᐃᑲᔪᕈᓐᓇᕐᑐᑦ ᐅᓇᑕᕐᓗᑎᒃ ᐊᑭᕋᖏᓐᓂᒃ.

ᑯᕉᓂᑲ ᐂᑉᐸᖏᑦ 26:13 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 25:5

ᐊᒪᔧᐊᓗ ᑲᑎᕐᓱᐃᓚᐅᕐᐳᖅ ᔫᑕᒥ 1,000ᓄᑦ ᐊᖓᔪᖅᑲᐅᔪᓂᒃ 100ᓄᓪᓗ ᐊᖓᔪᖅᑲᐅᔪᓂᒃ, ᓯᕗᓕᖏᑕ ᑭᖑᕚᖏᑦ ᒪᓕᒡᓗᒋᑦ, ᔫᑕᒥᐅᓕᒫᑦ ᐱᓐᔭᒥᓂᒥᐅᓕᒫᓪᓗ, ᓈᓴᕐᐰ ᐊᕐᕌᒍᓖᑦ 20ᒥᑦ ᐅᖓᑖᓄᑦ, ᖃᐅᔨᓚᐅᕐᐳᕐᓗ 300,000 ᐊᖑᑏᑦ ᐊᑐᐃᓐᓇᐅᓂᖏᓐᓂᒃ, ᐅᓇᑕᕈᓐᓇᕐᑐᑦ, ᖃᓗᒋᐊᓄᑦ ᓴᐴᓗᑕᓄᓪᓗ.

ᑯᕉᓂᑲ ᐂᑉᐸᖏᑦ 14:8

ᐂᓴᓗ ᐅᓇᑕᕐᑎᖁᑎᖃᕐᐳᖅ 300,000ᓂᒃ ᔫᑕᒥ, ᐅᓇᑕᐅᑎᓕᖕᓂᒃ ᓴᐴᓗᑕᖃᕐᓗᑎᒃ ᒥᑭᔪᓂᒃ ᖃᓗᒋᐊᖃᕐᓗᑎᒡᓗ, ᐱᓐᔭᒥᓂᒃᑯᓐᓂᑦ 280,000ᓂᒃ ᐅᓇᑕᕐᑎᖁᑎᖃᕐᐳᖅ, ᓴᐴᓗᑕᓕᖕᓂᒃ ᐱᑎᒃᓯᓕᖕᓂᒃ; ᑖᒃᑯᐊᓕᒫᑦ ᐊᔪᖏᑦᓯᐊᓚᐅᕐᐳᑦ ᐱᔭᕆᐅᕐᓴᓯᒪᑦᓯᐊᕐᓗᑎᒡᓗ.

ᑯᕉᓂᑲ ᐂᑉᐸᖏᑦ 13:3

ᐊᐰᔭᐅᑉ ᐅᓇᑕᕐᑎᓂ ᐊᑐᐃᓐᓇᕈᕐᑎᕐᐰᑦ ᐅᓇᑕᕈᓐᓇᕐᑐᑦ, 400,000 ᐊᖑᑏᑦ ᓂᕈᐊᕐᑕᐅᓯᒪᔪᑦ; ᔨᕈᐳᐊᒻᑕᐅᖅ ᐅᓇᑕᕐᓂᕐᒧᑦ ᐊᑐᐃᓐᓇᕈᕆᕗᖅ ᑖᒃᑯᓄᖓ 800,000ᓂᒃ ᐊᖑᑎᓂᒃ ᓂᕈᐊᕐᑕᐅᓯᒪᔪᓂᒃ ᐃᓚᖃᕐᓗᓂ.

ᑯᕉᓂᑲ ᐂᑉᐸᖏᑦ 11:1

ᕆᕼᐅᐳᐊᒻ ᔨᕉᓴᓕᒧᐊᕋᒥ, ᔫᑕᐅᑉ ᐱᓐᔭᒥᓂᐅᓪᓗ ᑭᖑᕚᖏᑦ ᑲᑎᑎᑉᐰᑦ 180,000 ᐊᖑᑏᑦ ᐅᓇᑕᕐᑏᑦ ᓂᕈᐊᕐᑕᐅᓯᒪᔪᑦ, ᐅᓇᑕᕆᐊᖁᓪᓗᒋᑦ ᐃᓴᕆᐊᓕᒥᐅᓂᒃ, ᕆᕼᐅᐳᐊᒻ ᐊᖓᔪᖅᑲᐅᕕᖓ ᐅᑎᕐᑎᑕᐅᖁᓪᓗᒍ.

ᑯᕉᓂᑲ ᐂᑉᐸᖏᑦ 12:1

ᑕᒪᑐᒪ ᑭᖑᕐᖓᒍᑦ ᕆᕼᐅᐳᐊᒻ ᐊᐅᓚᑦᓯᑦᓯᐊᓕᕐᑎᓪᓗᒍ ᐊᖓᔪᖅᑳᕐᔪᐊᖃᕐᕕᖕᒥᓂᓗ ᓲᖑᓂᖃᑦᓯᐊᓕᕋᒥ, ᐊᑕᓂᐅᑉ ᐱᖁᔭᖏᓐᓂᒃ ᕿᒤᕗᖅ, ᐃᓴᕆᐊᓕᒥᐅᓕᒫᓪᓗ ᒪᓕᒃᑎᒋᓪᓗᒋᑦ.

ᑯᕉᓂᑲ ᐂᑉᐸᖏᑦ 26:12

ᐊᖓᔪᖅᑳᑦ ᐃᓚᒌᖕᓂᖏᓐᓂᑦ ᐱᓯᒪᔪᑦ ᐊᖑᑏᑦ ᐊᔪᖏᑦᑐᕐᔪᐊᑦ ᓯᕘᕋᖏᑦᑐᑦ ᐅᓇᑕᕈᓐᓇᕐᑐᑦ 2,600ᐅᕗᑦ.

ᑯᕉᓂᑲ ᐂᑉᐸᖏᑦ 26:14

ᐅᓮᐊᐅᓪᓗ ᐊᑐᐃᓐᓇᕈᕐᑎᕐᓗᒋᑦ ᑐᓂᕔᑦ, ᐅᓇᑕᕐᑎᓕᒫᑦ ᓴᐴᓗᑕᕐᓂᒃ, ᖃᓗᒋᐊᓂᒃ, ᓇᓴᕐᓂᒃ, ᑎᒥᖓᑕ ᓴᐴᓗᑕᖏᓐᓂᒃ, ᖃᕐᔪᓂᒃ, ᐅᔭᕋᖕᓂᒡᓗ ᐃᓪᓘᕆᐊᕈᑎᒃᓴᓂᒃ.

ᑯᕉᓂᑲ ᐂᑉᐸᖏᑦ 14:7

ᔫᑕᒃᑯᓐᓄᓪᓗ ᐅᖃᕐᐳᖅ, “ᒪᑯᐊ ᐃᒡᓗᒐᓮᑦ ᓴᓇᓚᐅᕐᓚᕗᑦ ᐊᕙᓗᕐᔪᐊᓕᐅᕐᓗᒋᑦ, ᐳᕐᑐᔪᓂᒡᓗ ᓇᐸᔪᓕᐅᕐᓗᑕ ᐊᕙᑖᒍᑦ, ᐃᑎᕐᑕᕐᕕᓕᐅᕐᓗᒋᑦ ᓴᕕᕋᔭᖕᓂᒡᓗ ᓴᓐᓂᕈᐊᓕᐅᕐᓗᒋᑦ; ᓄᓇ ᓱᓕ ᑕᒪᓐᓇ ᓄᓇᒋᒐᑦᑎᒍ, ᐊᑕᓂᐅᑉ ᒎᑎᑦᑕ ᐱᔪᒪᔭᖓᓂᒃ ᕿᓂᓚᐅᕋᑦᑕ; ᖃᐅᔨᓇᓱᐊᕐᕕᒋᓚᐅᕋᑦᑎᒍ ᑖᑦᓱᒪ ᐸᒡᕕᓴᒃᑕᐅᑎᓐᖏᓛᑎᒍᑦ ᐊᕙᑎᑦᑎᓐᓂᑦ.” ᑍᒤᒻᒪᑦ ᓴᓇᕗᑦ ᒪᑭᑉᐸᓪᓕᐊᓪᓗᑎᒡᓗ.