ᑯᕉᓂᑲ ᐂᑉᐸᖏᑦ 26:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᓇᐸᔪᕐᔪᐊᓕᐅᓚᐅᕐᐳᕐᓗ ᐃᓄᖃᖏᑦᑐᒥ, ᐃᑎᕐᓴᓕᐅᕐᐳᕐᓗ ᐃᒥᕐᑕᕐᕕᖕᓂᒃ ᐅᓄᕐᑐᓂᒃ, ᐆᒪᔪᖁᑎᖃᕐᓂᕐᒥᓄᑦ ᐅᓄᕐᑐᓂᒃ, ᓇᕐᓴᓂ ᓇᑎᕐᓇᓂᓗ, ᐱᕈᕐᓰᕕᓕᕆᔨᖃᕐᐳᕐᓗ ᕔᓂᓕᐅᕐᑎᓂᒡᓗ ᖃᖅᑲᓂ ᓄᓇᒥᓗ ᐱᕈᕐᑐᓕᖕᓂ, ᐃᑦᔪᒥᒃ ᐱᐅᒃᓴᓚᐅᕋᒥ.

ᑯᕉᓂᑲ ᐂᑉᐸᖏᑦ 26:10 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 19:23

ᐅᖃᕆᐊᕐᑐᕐᑎᑕᑎᑦ ᐊᑕᓂᕐᒥᒃ ᒥᑕᐅᑎᖃᕐᓯᒪᕗᑦ, ᐅᖃᕐᓯᒪᖕᒥᒐᕕᑦ, ‘ᐊᒃᓴᓗᐊᓕᖁᑎᓐᓄᑦ ᐅᓄᕐᑐᓄᑦ ᖃᖅᑲᖏᑕ ᐳᕐᑐᓂᕐᐹᖏᑕ ᖄᖏᓐᓄᐊᕐᓯᒪᕗᖓ, ᓕᐸᓇᓂᐅᑉ ᐅᖓᓯᖕᓂᕐᐹᖏᓐᓄᑦ; ᓇᐹᕐᑐᓂᒃ ᓰᑕᕆᓂᒃ ᑕᑭᓂᕐᐹᓂᒃ ᓇᑲᑎᕆᓯᒪᕗᖓ, ᓇᐹᕐᑐᐃᓪᓗ ᕿᔪᑦᑎᐊᕙᐅᓂᕐᐹᑦ ᐱᓯᒪᓪᓗᒋᑦ; ᐅᖓᓯᒃᑐᓕᐊᕐᓯᒪᕗᖓ ᓇᐹᕐᑐᒐᓴᒡᔪᐊᓗ ᐊᑯᓐᓂᖃᑦᓯᐊᖏᓐᓂᕐᐹᑦ ᐃᓗᐊᓄᐊᕐᓯᒪᓪᓗᖓ.

ᐊᑕᓃᑦ ᐂᑉᐸᖏᑦ 3:4

ᒧᐊᐱᒥᐅᑦ ᐊᖓᔪᖅᑳᕐᔪᐊᖓᑦ ᒦᓴ ᓰᐱᓂᒃ ᕿᑐᕐᖏᐅᕐᑎᑦᓯᔨᐅᒐᒥ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑐᓂᓯᔭᕆᐊᖃᖃᑦᑕᓚᐅᕐᐳᖅ ᓰᐱᐅᑉ ᓄᕐᕋᖏᓐᓂᒃ 100,000ᓂᒃ ᐊᒻᒪᓗ ᓰᐲᑦ ᐊᖑᓴᓪᓗᖏᑕ 100,000ᐃᑦ ᒥᖅᑯᖏᓐᓂᒃ.

ᑯᕉᓂᑲ ᐂᑉᐸᖏᑦ 17:12

ᔨᕼᐆᓴᐸᑦᓗ ᐱᔪᓐᓇᕐᓯᕙᓪᓕᐊᓚᐅᕐᐳᖅ ᑲᔪᓯᔪᒥᒃ. ᓴᐴᓗᑕᓕᐅᓚᐅᕐᐳᕐᓗ ᔫᑕᒥ ᐃᒡᓗᒐᓴᖕᓂᒃ ᓱᓇᑐᐃᓐᓇᒃᑯᕕᖕᓂᒡᓗ.

ᑯᕉᓂᑲ ᐂᑉᐸᖏᑦ 17:13

ᐱᖁᑎᖃᒻᒪᕆᓚᐅᕐᐳᕐᓗ ᐃᒡᓗᒐᓴᖕᓂ ᔫᑕᒦᑦᑐᓂᒃ. ᐅᓇᑕᕐᑎᖁᑎᖃᕐᓗᓂ, ᐊᔪᖏᑦᑐᕐᔪᐊᓂᒡᓗ ᐅᓇᑕᕆᐊᒃᓴᖅ, ᔨᕉᓴᓕᒦᑦᑐᓂᒃ.

ᑯᕉᓂᑲ ᐂᑉᐸᖏᑦ 26:11

ᓱᓕᓗ ᐅᓮᐊ ᐅᓇᑕᕐᑐᒃᓴᖁᑎᖃᕐᐳᖅ ᐅᓇᑕᕆᐊᕈᓐᓇᕐᑐᓂᒃ ᑲᑎᓐᖓᔪᓂᒃ, ᐅᓄᕐᓂᖏᑦ ᔨ-ᐂᓕᐅᑉ ᐱᖁᔭᓂᒃ ᐃᓕᓯᒪᔫᑉ ᐋᖅᑭᒃᓯᒪᔭᖏᑦ ᒪᓕᒡᓗᒋᑦ ᒫ-ᐊᓯᐊᒧᓪᓗ ᐅᓇᑕᕐᑎᓄᑦ ᐊᖓᔪᖅᑳᖑᔪᒧᑦ, ᕼᐊᓇᓁᐊᐅᑉ ᐊᐅᓚᑦᓯᓂᖓᓄᑦ ᐊᐅᓚᑕᐅᓪᓗᑎᒃ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓᑕ ᐃᓚᖓᓐᓄᑦ.

ᑯᕉᓂᑲ ᐂᑉᐸᖏᑦ 32:29

ᐃᒡᓗᒐᓴᓕᐅᓚᐅᕆᕗᖅ ᐃᒻᒥᓄᑦ, ᐅᓄᕐᑐᕐᔪᐊᓂᒃ ᐆᒪᔪᖁᑎᖃᕋᒥ ᓰᐱᓂᒃ ᐃᒻᒧᒃᓯᐅᒐᕐᓂᒡᓗ; ᒎᑎᐅᑉ ᑐᓂᓯᕕᒋᓚᐅᕐᒪᒍ ᐊᔪᕐᓴᖏᑦᔪᑎᒃᓴᕐᔪᐊᓂᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:8

ᑕᑯᒍᕕᑦ ᐊᔪᕐᓴᕐᑐᒥᒃ ᐅᖁᒤᑎᑕᐅᔪᒥᒃ, ᐊᑦᔨᒌᒃᑎᑦᓯᑦᓯᐊᕐᓂᐅᓪᓗ ᐃᓱᐊᕐᑐᓕᓂᐅᓪᓗ ᐊᑐᕐᑕᐅᖏᓐᓂᖓᓂᒃ ᑲᑉᐱᐊᓇᕐᑐᒃᑯᑦ, ᓄᓇᐅᑉ ᐊᐅᓚᑦᓯᔨᖏᑎᒍᑦ, ᑕᒪᓐᓇ ᑕᑕᒥᓐᓂᐊᕈᑎᒋᓇᒍ; ᐊᖓᔪᖅᑳᖅ ᖃᐅᔨᓴᕐᑎᖃᕐᒪᑦ ᐊᖓᔪᖅᑲᐅᖅᑭᔭᒥᓂᒃ, ᑖᒃᑯᐊᓗ ᐊᖓᔪᖅᑳᖑᖅᑭᔭᖃᕆᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 29:17

ᐱᔪᖃᓚᐅᖏᒃᑲᓗᐊᕐᑎᓪᓗᒍ, ᐊᑯᓂᐊᓘᖏᑦᑐᖅ ᓕᐸᓇᓂ ᐱᕈᕐᓰᕕᑦᓯᐊᑐᐃᓐᓇᐅᓕᕈᒫᕐᐳᖅ, ᐱᕈᕐᓰᕕᒃ ᓂᕿᒃᓴᓕᐅᕐᕕᒃ ᓇᐹᕐᑐᓕᒡᔪᐊᖑᔪᓐᓇᕐᐹ?

ᒨᓯᓯ ᑕᓪᓕᒪᖏᑦ 3:10

ᓄᓇᑖᕆᓚᐅᕐᐸᕗᑦ ᐊᖓᔪᖅᑳᕐᔪᐊᑉ ᐋᒡᒋᐅᑉ ᐹᓴᓂᒥᐅᑕᐅᑉ ᐊᖓᔪᖅᑲᐅᕕᒋᓚᐅᕐᑕᓕᒫᖏᑦ: ᐃᒡᓗᒐᓮᑦ ᓇᑎᕐᓇᒦᑦᑐᑦ, ᓄᓇᓖᓪᓗ ᒋᓕᐊᑎᐅᑉ ᖃᓂᒋᔮᓃᑦᑐᑦ ᐹᓴᓂᒦᑦᑐᓪᓗ, ᑖᒃᑯᐊᓗ ᑕᓕᕐᐱᐊᓃᑦᑐᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᑦ ᐅᖓᓯᒃᑐᒦᑦᑐᒃ ᐊᒡᓛᑦ ᓄᓇᓖᑦ ᓴᓕᑲᒥᐅᑦ ᐃᑐᕆᐂᒥᐅᓪᓗ ᑎᑭᓪᓗᒋᑦ.”

ᔮᓱᐊᑉ ᐊᒡᓚᖏᑦ 15:55

ᐅᑯᐊᓗ ᒪᐅᓐ, ᑳᕐᒥᐅᓪ, ᔨᑉ, ᔫᑦᑕ,

ᓴᒧᐃᓕ ᓯᕗᓪᓖᑦ 15:12

ᐅᓪᓛᒻᒪᕆᒃᑯᓪᓗ ᓴᒧᐃᓕ ᒪᑭᑉᐳᖅ ᓴᐅᓕ ᑲᑎᔭᕐᑐᓕᕐᓗᒍ; ᓴᒧᐃᓕᓗ ᐅᖃᐅᑦᔭᐅᕗᖅ, “ᓴᐅᓕ ᐂᕗᖅ ᑳᕐᒥᐅᓪᒧᑦ, ᓴᓇᓪᓗᓂᓗ ᐃᓄᓐᖑᐊᒥᒃ ᐃᒻᒥᓂᓐᖑᐊᒥᒃ; ᑕᕝᕙᓐᖓᓪᓗ ᑲᔪᓯᓪᓗᓂ ᐊᒻᒧᐊᒃᐳᖅ ᒋᐅᓪᒐᐅᓪᒧᑦ.”