ᑯᕉᓂᑲ ᐂᑉᐸᖏᑦ 23:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᔨᕼᐅᐃᐊᑕᓗ ᑎᓕᓯᕗᖅ ᐊᑕᓂᐅᑉ ᐃᒡᓗᖓ ᖃᐅᔨᓴᕐᑎᑕᖃᖁᓪᓗᒍ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ ᑲᒪᒋᔭᐅᔪᓂᒃ ᑍᕕᑎᐅᑉ ᐱᒋᐊᕐᑎᓚᐅᕐᑕᖏᓐᓄᑦ ᐊᑕᓂᐅᑉ ᐃᒡᓗᖓᓂᒃ ᑲᒪᔨᐅᖁᓪᓗᒋᑦ, ᑐᓂᕐᕈᓯᕐᑎᐅᖁᓪᓗᒋᑦ ᐃᑯᐊᓚᑎᑦᓯᓗᑎᒃ ᐊᑕᓂᕐᒧᑦ, ᒨᓯᓯᐅᑉ ᐱᖁᔭᖏᓐᓂ ᑎᑎᕋᕐᑕᐅᓯᒪᓂᖓᑐᑦ, ᖁᕕᐊᓱᒡᓗᑎᒃ ᐃᓐᖏᕐᓗᑎᒡᓗ, ᑕᒪᓐᓇ ᑍᕕᑎᐅᑉ ᑎᓕᓯᑦᔪᑎᒋᓯᒪᔭᖓ ᒪᓕᒡᓗᒍ.

ᑯᕉᓂᑲ ᐂᑉᐸᖏᑦ 23:18 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 5:5

ᐊᖏᖃᑎᒌᖕᓂᐅᓪᓗ ᐃᒃᓯᕐᕕᖓ ᐊᑭᕋᓕᕐᐹᑦ, ᑐᐱᕐᒥᑦ ᑲᑎᒪᕕᖕᒥᑦ, ᐃᑦᔪᕐᓁᑦᑐᓕᒫᓪᓗ ᐱᖁᑏᑦ ᑐᐱᕐᒥ ᑲᑎᒪᕕᖕᒦᑦᑐᑦ; ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ ᓇᒃᓴᕐᐰᑦ.

ᑯᕉᓂᑲ ᐂᑉᐸᖏᑦ 29:25

ᓕᕔᑏᓪᓗ ᐃᓂᖃᕐᑎᑉᐰᑉ ᐊᑕᓂᐅᑉ ᐃᒡᓗᖓᓂ ᓯᕙᓂᕋᐅᓯᔭᕐᑏᑦ, ᕼᐊᕐᐱᓖᑦ, ᓄᖃᕐᑎᓕᖕᓄᑦ ᓂᑦᔭᐅᑎᓖᑦ, ᑍᕕᑎᐅᑉ ᐱᖁᔭᖏᑦ ᒪᓕᒡᓗᒋᑦ ᒑᑦᓗ ᐊᖓᔪᖅᑳᕐᔪᐊᑉ ᐊᖓᔪᖅᑲᐅᔪᖁᑎᖓᑕ, ᓁᑕᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ; ᐊᑕᓂᐅᑉ ᐱᖁᔭᖏᑦ ᒪᓕᒡᓗᒋᑦ ᐅᖃᕐᑎᒥᒍᑦ ᐅᖃᕐᓯᒪᔭᖏᑦ.

ᑯᕉᓂᑲ ᓯᕗᓪᓖᑦ 23:25

ᑍᕕᑎ ᐅᖃᓚᐅᕐᒪᑦ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ, ᐃᓄᖁᑎᒥᓂᒃ ᐅᓇᑕᕐᑕᐅᔪᓐᓃᕐᑎᑦᓯᕗᖅ; ᐃᓂᖃᖁᓪᓗᒋᑦ ᔨᕉᓴᓕᒥ ᐃᓱᖃᖏᑦᑐᒧᑦ;

ᑯᕉᓂᑲ ᐂᑉᐸᖏᑦ 29:27

ᕼᐃᓯᑬᐊᐅᓪᓗ ᑎᓕᕔᑦ ᑐᓂᕐᕈᓯᖁᓪᓗᒋᑦ ᐃᑯᐊᓪᓚᒋᐊᓕᖕᓂᒃ ᑐᓂᕐᕈᓯᕐᕕᖕᒥ. ᐃᑯᐊᓪᓚᒋᐊᓖᓪᓗ ᑐᓂᕐᕈᑏᑦ ᐱᒋᐊᕐᒪᑕ, ᐊᑕᓂᕐᒧᑦ ᐃᓐᖏᕐᓂᖅ ᐱᒋᐊᕆᕗᑦ, ᑎᑦᑐᓚᐅᑏᓪᓗ, ᓂᑦᔭᐅᑏᓪᓗ ᑍᕕᑎᐅᑉ ᐊᖓᔪᖅᑳᕐᔪᐊᑉ ᐃᓴᕆᐊᓕᒥᐅᓄᑦ ᐱᖁᑎᖏᑦ ᐱᒋᐊᕐᑎᑕᐅᒋᕗᑦ.

ᑯᕉᓂᑲ ᐂᑉᐸᖏᑦ 30:27

ᑕᕝᕙ ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ ᒪᑭᓪᓗᑎᒃ ᐃᓄᐃᑦ ᓮᒻᒪᕐᑎᑉᐰᑦ, ᓂᐱᖏᓪᓗ ᑐᓴᕐᑕᐅᕗᑦ, ᑐᒃᓯᐊᕐᓂᖏᓪᓗ ᑎᑭᐅᑎᕗᑦ ᐃᑦᔪᕐᓁᑦᑑᑉ ᐃᓂᖓᓄᑦ ᕿᓚᖕᒧᑦ.

ᑯᕉᓂᑲ ᐂᑉᐸᖏᑦ 7:6

ᑕᕝᕙ ᑐᓂᕐᕈᓯᕐᑎᑦᓯᔩᑦ ᐃᓂᒥᓄᐊᕐᐳᑦ ᐱᓇᓱᐊᒐᒃᓴᒥᖕᓄᑦ; ᓕᕔᑏᓪᓗᑦᑕᐅᖅ, ᐊᑕᓂᕐᒧᑦ ᓂᑦᔭᐅᓯᔭᕈᑎᒥᖕᓂᒃ ᓇᒃᓴᕐᓗᑎᒃ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐋᖅᑭᓚᐅᕐᑕᖏᑦ ᓂᕐᑐᐃᑦᔪᑎᒃᓴᐅᖁᓪᓗᒋᑦ ᐊᑕᓂᕐᒧᑦ, ᓇᒡᓕᖕᓂᖓ ᓱᖁᓯᔪᐃᑦᑑᖕᒪᑦ ᕿᓄᐃᑦᑑᓪᓗᓂ ᐃᓱᖃᖏᑦᑐᒧᑦ; ᑍᕕᑎ ᑐᓂᕐᕈᓯᓕᑐᐊᕋᒥ ᓂᕐᑐᐃᕙᓚᐅᕐᒪᑦ ᐱᓇᓱᐊᖃᑎᒌᓕᕌᖓᒥᒃ; ᐊᑭᐊᓃᑎᓪᓗᒋᑦ ᑐᓂᕐᕈᓯᕐᑎᑦᓯᔩᑦ ᑎᑦᑐᓚᐅᑎᓄᑦ ᓂᓪᓕᐊᑎᑦᓯᔪᑦ; ᐃᓴᕆᐊᓕᒥᐅᓕᒫᑦ ᓇᖏᕐᑎᓪᓗᒋᑦ.

ᑯᕉᓂᑲ ᐂᑉᐸᖏᑦ 29:30

ᐊᖓᔪᖅᑳᕐᔪᐊᕐᓗ ᕼᐃᓯᑬᐊ ᐊᖓᔪᖅᑳᓪᓗ ᑎᓕᓯᕗᑦ ᓕᕔᑎᓂᒃ ᐃᓐᖏᕐᓗᑎᒃ ᓂᕐᑐᐃᖁᓪᓗᒋᑦ ᐊᑕᓂᕐᒥᒃ ᑍᕕᑎᐅᑉ ᐊᓴᐸᐅᓪᓗ ᓇᓚᐅᑦᑍᔫᑉ ᐅᖃᐅᓯᖏᖅ ᒪᓕᒡᓗᒋᑦ. ᐃᓐᖏᓚᐅᕐᐳᓪᓗ ᓂᕐᑐᐃᓪᓗᑎᒃ ᖁᕕᐊᓱᒡᓗᑎᒃ, ᐅᑯᓪᓗᑎᒡᓗ ᑐᒃᓯᐊᕐᐳᑦ.

ᑯᕉᓂᑲ ᐂᑉᐸᖏᑦ 35:2

ᑐᓂᕐᕈᓯᕐᑎᑦᓯᔩᑦ ᑎᓕᕔᑦ ᐱᔭᒃᓴᒥᖕᓂᒃ ᐱᓇᓱᐊᖁᓪᓗᒋᑦ ᑲᔪᖏᕐᓴᕐᐰᓪᓗ ᐱᔨᑦᓯᖁᓪᓗᒋᑦ ᐊᑕᓂᐅᑉ ᐃᒡᓗᖓᓂ.

ᐄᓱᕋᐅᑉ ᐊᒡᓚᖏᑦ 6:22

ᓇᓪᓕᐅᓐᓂᕐᓯᐅᓚᐅᕐᐳᑦ ᐳᕙᓪᓚᕐᓴᐅᑎᖃᖏᑦᑐᓂᒃ ᓂᐊᑰᔭᓂᒃ ᓇᓪᓕᐅᓐᓂᕐᓯᐅᕈᑎᒥᒃ ᐅᓪᓗᓂᒃ 7ᓂᒃ ᖁᕕᐊᓱᒡᓗᑎᒃ; ᐊᖓᔪᖅᑳᕐᔪᐊᖅ ᐊᓯᕆᐊᒥᐅᑕᖅ ᐊᑕᓂᐅᑉ ᐱᐅᒃᓴᕐᑎᓚᐅᕐᒪᒍ ᑖᒃᑯᓂᖓ, ᑖᑦᓱᒪ ᐃᑲᔪᕐᑐᓚᐅᕐᒪᒋᑦ ᐱᓇᓱᐊᕐᑎᓪᓗᒋᑦ ᐃᓴᕆᐊᓕᒥᐅᑦ ᒎᑎᖓᑕ ᑐᒃᓯᐊᕐᕕᒡᔪᐊᖓᓂᒃ ᓴᓇᑎᓪᓗᒋᑦ.