ᑯᕉᓂᑲ ᐂᑉᐸᖏᑦ 23:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑕᕝᕙ ᐊᖓᔪᖅᑳᕐᔪᐊᑉ ᐃᕐᓂᖓ ᑕᕝᕗᓐᖓᐅᑎᕚ, ᐊᖓᔪᖅᑳᕐᔪᐊᕐᓯᐅᒻᒥᒡᓗ ᓂᐊᖂᑎᒥᒃ ᐊᑎᑎᑉᐹ, ᐱᖁᔭᓂᒡᓗ ᑐᓂᓯᕕᒋᕚ; ᓂᓪᓕᕐᓗᑎᒡᓗ ᐊᖓᔪᖅᑳᕐᔪᐊᓐᖑᕐᓂᕋᕐᐹᑦ, ᑕᕝᕙ ᔨᕼᐅᐃᐊᑕᐅᑉ ᐃᕐᓂᖏᑕᓗ ᐅᕐᓱᕐᑎᕐᐹᑦ ᑎᓕᓪᓗᒍ, ᐅᖃᕐᓗᑎᒡᓗ, “ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ!”

ᑯᕉᓂᑲ ᐂᑉᐸᖏᑦ 23:11 ပူးပေါင်းရင်းမြစ်များ

ᓴᒧᐃᓕ ᓯᕗᓪᓖᑦ 10:24

ᓴᒧᐃᓕᐅᓪᓗ ᐃᓄᓕᒫᑦ ᐅᖃᐅᑎᕔᑦ, “ᑕᑯᕕᓯᐅᑉ ᑖᓐᓇ ᐊᑕᓂᐅᑉ ᓂᕈᐊᕐᑕᖓ, ᑖᓐᓇ ᐊᑦᔨᒋᔭᐅᓐᖏᓚᖅ ᐃᓄᓕᒫᓂᑦ.” ᐃᓄᓕᒫᓪᓗ ᕾᒐᓛᓕᕐᐳᑦ ᐅᖃᕐᓗᑎᒃ, “ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ!”

ᒨᓯᓯ ᐂᑉᐸᖏᑦ 25:16

ᑕᕝᕗᖓᓗ ᐃᒃᓯᕐᕕᖕᒧᑦ ᐃᓕᔪᒫᕐᐹᒃᑭᒃ ᐅᔭᕌᒃ ᒪᕐᕉᒃ ᐱᖁᔭᓂᒃ ᑎᑎᕋᕐᕕᒋᓯᒪᔫᒃ ᐃᓕᖕᓄᑦ ᑐᓂᔪᒫᕐᑖᒃᑲᒃ.

ᐊᑕᓃᑦ ᐂᑉᐸᖏᑦ 11:12

ᔨᕼᐅᐃᐊᑕᐅᑉ ᐊᖓᔪᖅᑳᕐᔪᐊᑉ ᐃᕐᓂᖓ ᓴᖅᑭᑎᓪᓗᓂᐅᒃ ᐊᖓᔪᖅᑳᕐᔪᐊᕐᓯᐅᑎᒥᒃ ᓇᓴᕐᐹ; ᑐᓂᓪᓗᓂᐅᒡᓗ ᐊᖏᖃᑎᒌᒃᓯᒪᓂᖏᑕ ᓇᓗᓁᕐᑕᐅᑦᔪᑎᖏᓐᓂᒃ ᐊᖓᔪᖅᑳᕐᔪᐊᖑᓕᕐᓂᖓᓗ ᓇᓗᓁᕐᓗᒍ ᐅᕐᓱᒧᑦ ᓂᐊᖁᐊᒍᑦ ᑯᕝᕕᕆᕚᑦ; ᐃᓄᐃᑦ ᐸᑦᑕᒃᑐᕐᓗᑎᒃ ᓂᐱᒋᒃᑑᓪᓗᑎᒃ ᓂᓪᓕᐊᕗᑦ, “ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:12

ᐃᔨᖏᒡᓗ ᐃᑯᐊᓚᔪᑎᑐᑦ ᑍᒤᑉᐴᒃ, ᓂᐊᖂᑎᖃᕐᐳᕐᓗ ᐊᖓᔪᖅᑳᐅᓂᖓᑕ ᓇᓗᓁᒃᑯᑕᖏᓐᓂᒃ ᐊᒥᓱᓂᒃ; ᐊᑎᖓᓗ ᑕᕝᕙᓂ ᑎᑎᕋᕐᓯᒪᕗᖅ ᑭᓇᒧᓪᓘᓃᑦ ᖃᐅᔨᔭᐅᔪᓐᓇᖏᑦᑐᖅ ᑖᑦᓱᒪ ᑭᓯᒥ ᖃᐅᔨᒪᔭᑐᐊᕆᕚ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:10

ᑐᓂᕐᕈᓯᕐᑎᑦᓯᔨᓐᖑᕐᑎᑉᐸᑎᓪᓗ ᐊᑕᓂᐅᕕᖕᒥ ᒎᑎᑦᑎᓐᓄᑦ, ᐊᐅᓚᑦᓯᔨᐅᖁᓪᓗᒋᓪᓗ ᓄᓇᕐᔪᐊᕐᒥ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:10

ᑍᒤᓕᐅᓕᕌᖓᑕ, ᐊᖓᔪᖅᑳᑦ 24 ᐃᒃᓯᕙᐅᑕᕐᔪᐊᕐᒦᑦᑑᑉ ᓵᖓᓄᑦ ᓰᖅᑯᕐᓗᑎᒃ ᐅᑯᖃᑦᑕᕐᐳᑦ, ᓂᕐᑐᕐᓗᒍᓗ ᑖᓐᓇ ᐃᓅᑦᓮᓐᓇᕐᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᓂᐊᖂᑎᑎᒡᓗ ᐊᖓᔪᖅᑳᕐᓯᐅᑏᑦ ᐃᒃᓯᕙᐅᑕᕐᔪᐊᑉ ᓵᖓᓄᑦ ᐃᓕᓪᓗᒋᑦ, ᐅᖃᕐᐸᒃᐳᑦ:

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:4

ᐃᒃᓯᕙᐅᑕᕐᔪᐊᕐᓗ ᐊᕙᑕᖏᕐᑕᐅᓯᒪᕗᖅ ᐃᒃᓯᕙᐅᑕᕐᔪᐊᓄᑦ 24ᓄᑦ, ᑖᒃᑯᐊᓗ ᐃᒃᓯᕚᕐᕕᐅᕗᑦ ᐊᖓᔪᖅᑳᓄᑦ 24ᓄᑦ, ᐊᓐᓄᕌᕐᓯᒪᔪᓄᑦ ᖃᑯᕐᑕᓂᒃ, ᓂᐊᖂᓯᕐᓯᒪᔪᓄᑦ ᐊᖓᔪᖅᑳᕐᓯᐅᑎᓂᒃ ᒎᓗᓂᒃ.

ᔧᒥᓯᐅᑉ ᐊᒡᓚᖏᑦ 2:5

ᑐᓴᕆᑦᓯ ᐅᒃᐱᕐᑑᖃᑎᒃᑳ ᓇᒡᓕᖕᓇᕐᑐᑦ. ᓯᓚᕐᔪᐊᕐᒥ ᐊᔪᕐᓴᕐᑐᑦ ᒎᑎᐅᑉ ᓂᕈᐊᕐᓯᒪᓐᖏᓔᑦ ᐅᒃᐱᕐᓂᕐᒥ ᐊᔪᕐᓴᕈᓐᓃᖁᓪᓗᒋᑦ ᑭᖑᕐᖑᑦᔨᖁᓪᓗᒋᓪᓗ ᐊᑕᓂᐅᕕᖕᒥᒃ ᓇᒡᓕᒃᑎᒥᓄᑦ ᐊᖏᕈᑎᒋᓯᒪᔭᒥᓂᒃ?

ᔧᒥᓯᐅᑉ ᐊᒡᓚᖏᑦ 1:12

ᐃᓄᒃ ᓮᒻᒪᕐᑎᑕᐅᑦᔪᑎᒃᓴᖃᕐᐳᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᒥᒃ ᕿᓄᐃᓵᕐᓗᓂ ᐊᓂᒍᐃᔪᖅ, ᐱᐅᖏᑦᑐᒥᒃ ᐱᔪᒥᓵᕐᑕᐅᓂᕐᒥᒃ ᐊᓂᒍᐃᒍᓂ ᑕᕝᕙ ᓂᐊᖂᓯᕐᑕᐅᔪᒫᕐᐳᖅ ᐃᓅᓯᕐᒥᒃ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᓇᒡᓕᒋᔨᒥᓄᑦ.

ᐄᑉᕈᐃᓄᑦ 2:9

ᔩᓱᓯᓕ ᑕᑯᕙᕗᑦ, ᓯᕕᑭᑦᑐᒥᒃ ᐂᖏᓖᓂᑦ ᒥᑭᓐᓂᕐᓴᐅᑎᑕᐅᓚᐅᕐᐳᖅ, ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑐᖁᑦᔪᑎᖃᖁᓪᓗᒍ ᑕᒤᓐᓂᒃ. ᒫᓐᓇᓕ ᑕᑯᓕᕐᐸᕗᑦ ᓂᐊᖂᓯᕐᑕᐅᓯᒪᖕᒪᑦ ᓂᕐᑐᕐᓇᕐᓂᕐᔪᐊᒥᒃ ᐅᐱᒋᔭᐅᓂᕐᒥᒡᓗ; ᐋᓐᓂᐊᑎᑕᐅᓪᓗᓂ ᑐᖁᑕᐅᓚᐅᕐᓂᖓᓄᑦ.

ᒫᑎᐅᓯᐅᑉ ᐊᒡᓚᖏᑦ 21:9

ᐃᓄᒐᓴᒡᔪᐊᑦ ᔩᓱᓯᐅᑉ ᓯᕗᓂᖓᓂ ᐱᓱᒃᑐᑦ, ᑭᖑᓂᖓᓃᑦᑐᓪᓗ ᕾᒐᓛᓕᕐᐳᑦ, “ᕼᐆᓵᓇ ᑍᕕᑎᐅᑉ ᐃᕐᓂᖓ ᓂᕐᑐᕐᑕᐅᓕ, ᒎᑎᐅᑉ ᓮᒻᒪᕐᓕᐅᒃ ᐊᑕᓂᐅᑉ ᐊᑎᖓᓂ ᑎᑭᑦᑐᖅ! ᕼᐆᓵᓇ ᓂᕐᑐᕐᑕᐅᓕ ᖁᑦᓯᖕᓂᕐᐹᖅ!”

ᐂᓮᐊᓯᐅᑉ ᐊᒡᓚᖏᑦ 49:23

ᐊᖓᔪᖅᑳᕐᔪᐊᓄᑦ ᑎᒍᐊᖑᔪᒫᕐᐳᓯ, ᐊᖓᔪᖅᑳᕐᔪᐊᓪᓗ ᓄᓕᐊᖏᓐᓂᒃ ᐰᕆᔨᑖᕐᓗᓯ, ᐹᒻᒪᒡᕕᒋᔪᒫᕐᐹᓯᓗ ᑮᓇᕐᒥᖕᓄᑦ ᒪᓂᕋᖅ ᐊᒃᑐᕐᓗᒍ, ᐃᑎᒐᑦᓯᓗ ᓴᓂᖏᓐᓂᒃ ᐊᓗᒃᑐᕐᓗᑎᒃ, ᑕᕝᕙ ᖃᐅᔨᓕᕈᒫᕐᐳᓯ ᐊᑕᓂᐅᓂᓐᓂᒃ; ᐅᕙᓐᓂᒃ ᐅᑕᖅᑭᔪᑦ ᑲᓐᖑᓱᒃᑎᑕᐅᔪᒫᓐᖏᓚᑦ.”

ᐂᓮᐊᓯᐅᑉ ᐊᒡᓚᖏᑦ 8:20

“ᐱᖁᔭᓄᑦ ᐃᓕᓐᓂᐊᕐᑎᑦᓯᓂᕐᓄᓪᓗ! ᑕᒪᒃᑯᓂᖓ ᐅᖃᐅᓯᕐᓂᒃ ᐅᖃᓪᓚᖏᒃᑯᑎᒃ, ᑕᕝᕙ ᑍᒤᒃᑲᔭᕐᐳᑦ ᖃᐅᒪᓂᕐᒥᒃ ᐱᑕᖃᖏᓐᓇᒥᒃ.”

ᐂᓮᐊᓯᐅᑉ ᐊᒡᓚᖏᑦ 8:16

ᐱᓇᓱᐊᕐᕕᐅᓂᕐᓂᒃ ᐅᓂᒃᑳᕐᓂᖅ ᕿᓚᒃᓱᕐᓯᐅᒃ, ᐱᖁᔧᓪᓗ ᓇᓗᓁᒃᑯᓯᕐᓗᒋᑦ ᓇᕿᑦᔪᑎᒥᒃ ᐃᓕᓐᓂᐊᕐᑎᒪ ᐊᑯᕐᖓᓐᓂ.

ᐃᓐᖏᕈᑎᑦ 132:18

ᑖᑦᓱᒪ ᐊᑭᕋᕐᑐᕐᑎᖏᑦ ᑲᓐᖑᓱᒃᑎᑕᐅᓂᕐᒥᒃ ᐊᓐᓄᕌᕐᑎᓐᓂᐊᕐᐸᒃᑲ, ᓂᐊᖂᑎᖓᓗ ᐊᖓᔪᖅᑳᕐᔪᐊᕐᓯᐅᑦ ᐊᖏᒡᓕᕙᓪᓕᐊᓂᐊᕐᐳᖅ.”

ᐃᓐᖏᕈᑎᑦ 89:39

ᐱᔨᖕᓄᑦ ᐊᖏᖃᑎᒌᒍᑎᒋᓯᒪᔧᑦ ᐊᑐᕈᓐᓃᕐᑎᑉᐸᑦ; ᑖᑦᓱᒪ ᓂᐊᖂᑎᖓ ᓇᕐᕈᓇᕐᓯᑎᑉᐸᑦ ᓄᓇᒧᑦ ᐃᒋᓪᓗᒍ.

ᐃᓐᖏᕈᑎᑦ 89:20

ᐱᔨᒐ ᑍᕕᑎ ᓇᒡᕚᕐᓯᒪᕙᕋ; ᐅᕐᓱᒧᑦ ᐃᑦᔪᕐᓁᑦᑐᖁᑎᓐᓄᑦ ᐅᕐᓱᕐᑎᓚᐅᕐᐸᕋ.

ᐃᓐᖏᕈᑎᑦ 78:5

ᔧᑯᒧᑦ ᐱᓂᐊᕐᑕᐅᖁᔭᓂ ᓇᓗᓁᕐᓯᒪᖕᒪᒋᑦ, ᐃᓴᕆᐊᓕᓗ ᐱᖁᔭᓕᐅᓚᐅᕐᒪᒍ, ᐱᖁᓚᐅᕐᒪᒋᓪᓗ ᓯᕗᓕᕕᓂᕐᐳᑦ, ᕿᑐᕐᖓᒥᖕᓂᒃ ᑕᒪᒃᑯᓂᖓ ᐊᔪᕆᕐᑐᐃᖁᓪᓗᒋᑦ;

ᐃᓐᖏᕈᑎᑦ 21:3

ᑲᑎᒐᕕᐅᒃ ᓮᒻᒪᕐᑎᑦᑎᑦᔪᑎᓂᒃ ᐅᓄᕐᑐᓂᒃ ᑐᓂᓪᓗᒍ; ᓂᐊᖂᑎᓗ ᐱᐅᓂᕐᐹᖅ ᒎᓗ ᐃᓕᒐᕕᐅᒃ ᓂᐊᖁᐊᓄᑦ.

ᑯᕉᓂᑲ ᐂᑉᐸᖏᑦ 22:11

ᔨᕼᐆᓯᐱᓪᓕ, ᐊᖓᔪᖅᑳᕐᔪᐊᑉ ᐸᓂᖓ, ᔪᐊᓯᒥᒃ ᑎᒍᓯᕗᖅ ᐊᕼᐊᔧᐊᑉ ᐃᕐᓂᖓᓂᒃ, ᕿᒪᐅᑎᕚᓪᓗ ᐊᖓᔪᖅᑳᕐᔪᐊᑉ ᐃᕐᓂᖏᓐᓂᑦ ᑐᖁᕋᕐᑕᐅᓕᒑᓕᕐᑐᓂᑦ, ᐱᕈᕐᓯᐊᕆᓕᕐᐹᓗ ᑐᒃᓯᐊᕐᕕᒡᔪᐊᑉ ᐃᒡᓗᕈᓯᖓᓂ. ᑕᕝᕙ ᔨᕼᐆᓯᐱᑦ, ᐊᖓᔪᖅᑳᕐᔪᐊᑉ ᔨᕼᐅᕌᒻ ᐸᓂᖓ, ᑐᓂᕐᕈᓯᕐᑎᑦᓯᔨᐅᑉ ᔨᕼᐅᐃᐊᑕᐅᑉ ᓄᓕᐊᖓᑕ ᑖᓐᓇ ᓇᔭᒋᔭᐅᔪᖅ ᐊᕼᐊᔧᐊᒧᑦ, ᐃᔨᕐᓯᒪᓚᐅᕐᐹ ᐊᑕᓔᐊᒥᑦ, ᑖᓐᓇᓗ ᑐᖁᑕᐅᓚᐅᓐᖏᓚᖅ;

ᐊᑕᓃᑦ ᓯᕗᓪᓖᑦ 1:39

ᑕᕝᕙᓂ ᔭᑑᒃ ᑐᓂᕐᕈᓯᕐᑎᑦᓯᔨ ᓇᒡᔪᕕᓂᖅ ᐸᐅᕐᖓᐅᑉ ᐅᕐᓱᖓᓂᒃ ᐃᒪᓕᒃ ᑐᐱᕐᔪᐊᒥᑦ ᑲᑎᒪᕕᖕᒥᑦ ᐱᓯᒪᔭᒥᓂᒃ ᑕᕝᕙᓐᖓᑦ ᓲᓗᒨᓂ ᑯᕝᕕᕆᕚ. ᑕᕝᕙ ᑎᑦᑐᓚᐅᑎᑦ ᓂᓪᓕᕐᑎᑕᐅᕗᑦ; ᐃᓄᓕᒫᓪᓗ ᕾᒐᓛᓕᕐᐳᑦ, “ᐊᑯᓂ ᐃᓅᓕ ᐊᖓᔪᖅᑳᕐᔪᐊᖅ ᓲᓗᒨᓂ!”

ᐊᑕᓃᑦ ᓯᕗᓪᓖᑦ 1:34

ᑕᕝᕙᓂ ᔭᑑᒃ ᑐᓂᕐᕈᓯᕐᑎᑦᓯᔨᐅᑉ ᓁᑕᓂᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᕐᓱᕐᑎᕐᓗᒍ, ᐊᖓᔪᖅᑳᕐᔪᐊᓐᖑᕐᑎᑕᒃᓴᕆᕚᒃ ᐃᓴᕆᐊᓕᒥᐅᓄᑦ; ᑎᑦᑐᓚᐅᑎᓗ ᓂᓪᓕᕐᑎᑕᐅᓗᓂ, ᐅᖃᕐᓗᓯ, ‘ᐊᑯᓂ ᐃᓅᓕ ᐊᖓᔪᖅᑳᕐᔪᐊᖅ ᓲᓗᒨᓂ!’

ᓴᒧᐃᓕ ᐂᑉᐸᖏᑦ 16:16

ᕼᐅᓮᓕ ᐊᑬᑎᒥᐅᑕᖅ, ᑍᕕᑎᐅᑉ ᐱᖃᓐᓇᕆᔭᖓ, ᐋᑉᓴᓚᒻᒥᒃ ᑲᑎᓯᒐᒥ, ᕾᒐᓪᓚᓚᐅᕐᐳᖅ, “ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ! ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ!”

ᓴᒧᐃᓕ ᐂᑉᐸᖏᑦ 5:3

ᑍᒤᒻᒪᑦ ᐃᓴᕆᐊᓕᒥᐅᑦ ᐃᓄᖏᑕ ᐊᖓᔪᖅᑳᓕᒫᖏᑦ ᐊᖓᔪᖅᑳᕐᔪᐊᒧᐊᓚᐅᕐᐳᑦ ᑍᕕᑎᒧᑦ ᕼᐃᐸᕋᓐᒦᑦᑐᒧᑦ; ᑍᕕᑎᐅᓪᓗ ᐊᖏᖃᑎᒋᓚᐅᕐᐰᑦ ᐊᑕᓂᐅᑉ ᓵᖓᓂ, ᑖᒃᑯᓇᓐᖓᓪᓗ ᓇᐹᕐᑑᑉ ᐅᕐᓱᖓᓄᑦ ᑕᕝᕙᓂ ᐅᕐᓱᕐᑎᕐᑕᐅᕗᖅ, ᐊᖓᔪᖅᑳᕐᔪᐊᓐᖑᕐᑎᓪᓗᒍ ᐃᓴᕆᐊᓕᒥᐅᓄᑦ.

ᓴᒧᐃᓕ ᐂᑉᐸᖏᑦ 1:10

ᑕᕝᕙ ᐅᐸᒃᓱᒍ ᑐᖁᓚᐅᕐᐸᕋ, ᖃᐅᔨᓚᐅᕋᒪ ᐅᕐᕈᑐᐊᕈᓂ ᑐᖁᒐᔭᓕᕐᓂᖓᓂᒃ; ᓂᐊᖂᑎᖓᓗ ᑎᒍᓚᐅᕐᐸᕋ ᓂᐊᖁᐊᓂᑦ ᐊᒡᒐᐅᒻᒥᐅᑕᖏᓪᓗ ᑕᓕᖓᓃᑦᑐᑦ, ᐃᓕᖕᓄᓪᓗ ᑐᓂᕙᒃᑲ ᐊᖓᔪᖅᑳᒃ.”

ᓴᒧᐃᓕ ᓯᕗᓪᓖᑦ 10:1

ᓴᒧᐃᓕᐅᑉ ᐊᓕᒍᖅ ᐅᕐᓱᒥᒃ ᐃᒪᓕᒃ ᑎᒍᕚ ᑯᕕᓪᓗᒍᓗ ᓴᐅᓕᐅᑉ ᓂᐊᖁᐊᓄᑦ, ᑯᓂᒡᓗᒍᓗ ᐅᖃᐅᑎᕚ, “ᐊᑕᓂᐅᑉ ᐅᕐᓱᕐᑎᕐᐹᑎᑦ ᐊᖓᔪᖅᑳᕐᔪᐊᓐᖑᖁᓪᓗᑎᑦ ᐃᓄᖁᑎᖏᓐᓄᑦ. ᐊᑕᓂᐅᑉ ᐃᓄᖁᑎᖏᑦ ᐊᖓᔪᖅᑲᐅᕕᒋᓂᐊᕐᐸᑎᑦ ᓴᐳᑎᓗᒋᓪᓗ ᐊᑭᕋᕐᑐᕐᑎᖏᓐᓂᑦ ᖃᓂᒋᔭᖏᓐᓃᑦᑐᓂᑦ. ᑕᒪᓐᓇᓗ ᓇᓗᓁᒃᑯᑕᕆᓂᐊᕐᐸᑦ ᐊᑕᓂᐅᑉ ᐅᕐᓱᕐᑎᕐᒪᑎᑦ ᐊᖓᔪᖅᑳᕐᔪᐊᖑᖁᓪᓗᑎᑦ ᐃᓄᖁᑎᖏᓐᓄᑦ.

ᒨᓯᓯ ᐂᑉᐸᖏᑦ 31:18

ᒎᑎᓗ ᒨᓯᓯᒧᑦ ᐅᖃᓪᓚᒌᕋᒥ ᖃᖅᑲᐅᑉ ᓮᓁᑉ ᖄᖓᓂᑦ, ᒨᓯᓯ ᑐᓂᕚ ᐅᔭᕌᖕᓂᒃ ᒪᕐᕉᖕᓂᒃ ᐱᖁᔭᓂᒃ ᑎᑎᕋᕐᕕᒋᓯᒪᔫᖕᓂᒃ ᒎᑎᐅᑉ ᓇᖕᒥᓂᖅ ᑎᑎᕋᕐᕕᒋᓯᒪᔭᖏᖕᓂᒃ.

ᒨᓯᓯ ᐂᑉᐸᖏᑦ 25:21

ᐃᒃᓯᕐᕕᒡᓗ ᑕᑦᓱᒧᖓ ᒪᑐᒧᑦ ᒪᑐᔭᒃᓴᕆᕙᑦ; ᐅᔭᕌᒡᓗ ᒪᕐᕉᒃ ᐱᖁᔭᓂᒃ ᑎᑎᕋᕐᕕᒋᓯᒪᔫᒃ ᐃᒃᓯᕐᕕᐅᑉ ᐃᓗᐊᓄᐊᕐᓗᒋᒃ ᐃᓕᖕᓄᑦ ᑐᓂᔪᒫᕐᑖᒃᑲᒃ.

ᑯᕉᓂᑲ ᐂᑉᐸᖏᑦ 23:10

ᐃᓄᐃᓪᓗ ᐋᖅᑭᒃᓱᕐᐰᑦ ᐃᓂᒋᓂᐊᕐᑕᖏᓐᓄᑦ ᐊᖓᔪᖅᑳᕐᔪᐊᒃᓴᒥᒃ ᓴᐳᓐᓂᐊᕐᑎᒃᓮᑦ, ᐊᑐᓂᑦ ᓱᒋᐅᑎᖃᖁᓪᓗᒋᑦ, ᑐᒃᓯᐊᕐᕕᒡᔪᐊᑉ ᑕᓕᕐᐱᐊᓂ ᓴᐅᒥᐊᓂᓗ ᑐᓂᕐᕈᓯᕐᕕᐅᓪᓗ ᓴᓂᐊᓂ ᑐᒃᓯᐊᕐᕕᒡᔪᐊᓪᓗ ᐊᕙᓗᐊᓂ.

ᑯᕉᓂᑲ ᐂᑉᐸᖏᑦ 23:12

ᐊᑕᓔᐊᓕ ᓂᐱᓂᒃ ᑐᓴᕋᒥ ᐅᓪᓚᔭᒃᑐᓂᒃ ᐊᖓᔪᖅᑳᕐᔪᐊᒥᒡᓗ ᓂᕐᑐᐃᔪᓂᒃ, ᐃᓄᖕᓄᑦ ᐂᕗᖅ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓄᑦ.

ᐊᑕᓃᑦ ᓯᕗᓪᓖᑦ 1:25

ᐅᓪᓗᒥ ᐊᐅᓪᓚᕐᐳᖅ, ᑐᓂᕐᕈᓯᕆᐊᕐᑐᕐᓗᓂ ᐅᓄᕐᑐᓂᒃ ᐊᖑᓴᓪᓗᕐᓂᒃ ᓰᐱᓂᒡᓗ ᓄᕐᕋᓂᒡᓗ ᖁᐃᒃᑎᑦᓯᐊᖑᓯᒪᔪᓂᒃ, ᕾᖁᔨᓪᓗᓂ ᐊᖓᔪᖅᑳᕐᔪᐊᑉ ᐃᕐᓂᓕᒫᖏᓐᓂᒃ, ᔪᐊᐱᒥᒡᓗ ᐅᓇᑕᕐᑐᒃᓮᑦ ᐊᖓᔪᖅᑳᖓᓐᓂᒃ, ᐊᐰᐊᑕᒥᒡᓗ ᑐᓂᕐᕈᓯᕐᑎᑦᓯᔨᒥᒃ, ᑕᑯᒋᓪᓗ, ᒫᓐᓇ ᓂᕆᕕᒡᔪᐊᕐᐳᑦ ᐃᒥᕐᓗᑎᒡᓗ ᑖᑦᓱᒪ ᓵᖓᓂ ᕾᒐᓛᕐᓗᑎᒃ ‘ᐊᑯᓂ ᐃᓅᓕ ᐊᖓᔪᖅᑳᕐᔪᐊᖅ ᐊᑐᓁᔭ!’