ᑯᕉᓂᑲ ᐂᑉᐸᖏᑦ 22:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᔨᕼᐅᕌᒻᒧᑦ ᐳᓛᕆᐊᕐᓂᖓ ᒎᑎᐅᑉ ᐋᖅᑭᒃᓯᒪᓚᐅᕐᐹ ᐊᕼᐊᔧᐊᐅᑉ ᑲᑕᒍᑎᒃᓴᖓᓄᑦ. ᑎᑭᓐᓇᒥᓗ ᑕᕝᕗᖓ ᔨᕼᐅᕋᒻ ᑲᑎᓯᔭᕐᑐᖃᑎᒋᕚ ᔨᕼᐆᒥᒃ ᓂᒻᓮᑉ ᐃᕐᓂᖓᓂᒃ, ᑖᓐᓇ ᐊᑕᓂᐅᑉ ᐱᔪᓐᓇᕐᓂᕐᑖᕐᑎᓚᐅᕐᒪᒍ ᐊᓯᕈᐃᖁᓪᓗᒍ ᐂᕼᐊᑉ ᐃᓚᖏᓐᓂᒃ.

ᑯᕉᓂᑲ ᐂᑉᐸᖏᑦ 22:7 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 12:15

ᐊᖓᔪᖅᑳᕐᔪᐊᖅ ᐃᓄᐃᑦ ᐅᖃᐅᓯᕆᔭᖏᓐᓂᒃ ᓈᓚᓚᐅᓐᖏᓚᖅ, ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᓇᓛᐅᑦᓯᖁᓪᓗᒍ, ᐊᑕᓂᖅ ᐅᖃᓚᐅᕐᒪᑦ ᐊᕼᐂᔭᒃᑯᑦ ᓮᓗᓁᑎᒥᐅᑕᒃᑯᑦ ᔨᕈᐳᐊᒻᒧᑦ ᓂᐹᑦ ᐃᕐᓂᖓᓄᑦ.

ᐊᑕᓃᑦ ᓯᕗᓪᓖᑦ 12:24

‘ᐊᑕᓂᖅ ᐃᒫᒃ ᐅᖃᕐᐳᖅ, ᐅᓇᑕᕆᐊᕐᑐᒃᓴᐅᓐᖏᓚᓯ ᓇᖕᒥᓂᖅ ᖃᑕᓐᖑᑎᑦᓯᓐᓄᑦ ᐃᓴᕆᐊᓕᒥᐅᓄᑦ. ᑕᒪᑦᓯ ᐊᖏᕐᕋᑐᐃᓐᓇᓕᕆᑦᓯ ᑕᒪᓐᓇ ᐱᐅᓯᕆᓕᕐᑕᓯ ᐅᕙᖓ ᑍᒤᑎᓐᓇᒃᑯ.’” ᐊᑕᓂᐅᑉ ᐅᖃᐅᓯᕆᔭᖏᑦ ᑎᓕᓯᑦᔪᑎᖏᓪᓗ ᓈᓚᒃᑕᐅᓚᐅᕐᐳᑦ, ᐊᖏᕐᕋᕐᓗᑎᒃ ᐊᑕᓂᐅᑉ ᐅᖃᐅᓯᖓ ᒪᓕᒡᓗᒍ.

ᐊᑕᓃᑦ ᓯᕗᓪᓖᑦ 19:16

ᔨᕼᐆᓗ ᒥᖑᐊᕐᑕᒃᓴᕆᕙᑦ ᓂᒻᓮᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓴᕆᐊᓕᒥᐅᓄᑦ; ᐃᓔᓴᓗ ᓴᕚᑎᐅᑉ ᐃᕐᓂᖓ ᐊᐱᐅᓪ-ᒥᕼᐅᓛᒥᐅᑕᖅ ᒥᖑᐊᕐᑕᒃᓴᕆᕙᑦ ᐅᖃᕐᑎᐅᓂᕐᒧᑦ ᐃᓕᖕᓂᒃ ᑭᖑᕝᕖᔪᒃᓴᐅᖁᓪᓗᒍ.

ᐊᑕᓃᑦ ᓯᕗᓪᓖᑦ 22:20

ᐊᑕᓂᕐᓗ ᐅᖃᕐᐳᖅ, ‘ᑭᓈ ᑎᓕᐅᕆᓂᐊᕐᐹ ᐂᕼᐊᑉᒥᒃ, ᐅᓇᑕᕆᐊᖁᓪᓗᒍ ᑐᖁᑕᐅᖁᓪᓗᒍ ᕌᒪᑦ-ᒋᓖᑦᒥ?’ ᐃᓚᖓ ᐃᒫᒃ ᐅᖃᕐᐳᖅ, ᐊᓯᐊᓗ ᐊᓯᐊᓂᒃ ᐅᖃᕆᓪᓗᓂ.

ᐊᑕᓃᑦ ᐂᑉᐸᖏᑦ 10:11

ᑍᒤᒻᒪᑦ ᔨᕼᐆ ᑐᖁᑕᐅᑎᑦᓯᓚᐅᕐᐳᖅ ᐂᕼᐊᑉ ᐃᓚᓕᒫᖏᓐᓂᒃ ᐊᒥᐊᒃᑯᑕᖃᕐᓇᒋᑦ ᔨᔭᕆᐅᓪᒥ, ᐊᖓᔪᖅᑳᖁᑎᕕᓂᖏᓪᓗ ᐃᓚᓐᓇᕆᔭᖏᓪᓗ ᑐᓂᕐᕈᓯᕐᑎᑦᓯᔨᖁᑎᖏᓪᓗ ᑕᒪᕐᒥᒃ ᐊᒥᐊᒃᑯᖃᕐᑎᓚᐅᓐᖏᓔᑦ.

ᐊᑕᓃᑦ ᐂᑉᐸᖏᑦ 9:21

ᑕᕝᕙ ᔪᕌᒻ ᐅᖃᕐᐳᖅ, “ᕿᒧᒃᓯᐅᑎᒃᑲ ᐊᒃᓴᓗᐊᓖᑦ ᐊᑐᐃᓐᓇᕈᕐᑕᐅᓕᑦ.” ᐊᑐᐃᓐᓇᕈᕐᑕᐅᖕᒪᑕ, ᔪᕌᒻ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ ᐊᕼᐊᔧᐊᓗ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᐊᑕᐅᑦᓯᒃᑯᑦ ᐃᖏᕐᕋᓯᕘᒃ ᐊᑐᓂᑦ ᕿᒧᒃᓯᐅᑎᒥᖕᓃᓪᓗᑎᒃ ᐊᒃᓴᓗᐊᓕᖕᒥ ᔨᕼᐆᒥᒃ ᑲᑎᓯᒋᐊᕐᑐᓕᕐᓗᑎᒃ, ᑲᑎᕚᒡᓗ ᓄᓇᒥ ᓁᐹᑎᐅᑉ ᔨᔭᕆᐅᓪᒥᐅᑦ ᓄᓇᖁᑎᕕᓂᖓᓂ.

ᐊᑕᓃᑦ ᐂᑉᐸᖏᑦ 9:27

ᐊᕼᐊᔧᐊ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᑕᑯᒐᒥ ᔪᕌᒥᐅᑉ ᖃᓄᐃᓕᐅᕐᑕᐅᓂᖓᓂᒃ ᕿᒪᒃᓯᕗᖅ ᐊᖅᑯᑎᒃᑯᑦ ᐱᐊᔅ ᕼᐃᒐᓐ-ᒧᐊᕐᑐᒃᑯᑦ. ᔨᕼᐆᑉ ᒪᓕᒃᐹ, ᕾᒐᓛᕐᓗᓂᓗ, “ᑐᖁᑕᐅᓕ ᕿᒧᒃᓯᐅᑎᒥᓂ ᐊᒃᓴᓗᐊᓕᖕᒥ ᐃᑭᒪᑎᓪᓗᒍ!” ᐃᑭᓕᕐᑕᐅᕗᖅ ᒎᕐᒧᑦ ᑎᑭᐅᑎᓕᕋᓗᐊᕐᑎᓪᓗᒍ ᐃᑉᓖᒻ ᖃᓂᒋᔭᖓᓂ, ᐱᔭᐅᓐᖏᓚᕐᓕ ᓄᓇᒧᑦ ᒥᒌᑐᒧᐊᕐᓗᓂ, ᑕᕝᕙᓂ ᑐᖁᕗᖅ.

ᑯᕉᓂᑲ ᐂᑉᐸᖏᑦ 10:15

ᑍᒫᒃ ᐊᖓᔪᖅᑳᕐᔪᐊᖅ ᓈᓚᓚᐅᓐᖏᓚᖅ ᐃᓄᖕᓂᒃ; ᐱᓂᐊᕐᓃᑦ ᒎᑎᐅᑉ ᑍᒤᑎᓚᐅᕐᐰᑦ, ᐊᑕᓂᐅᑉ ᐅᖃᐅᓯᖏᑦ ᓇᓚᐅᑦᓯᖁᓪᓗᒋᑦ, ᐊᕼᐂᔭᐅᑉ ᓮᓗᓁᑎᒥᐅᑕᐅᑉ ᐅᖃᐅᓯᕆᓚᐅᕐᑕᖏᑦ ᔨᕈᐳᐊᒻᒧᑦ ᓂᐹᑉ ᐃᕐᓂᖓᓄᑦ.

ᑯᕉᓂᑲ ᐂᑉᐸᖏᑦ 22:6

ᐅᑎᕐᐳᕐᓗ ᔨᔭᕆᐅᓪᒧᑦ ᐃᑭᓕᕐᑕᐅᓯᒪᓂᕐᒥᓂᑦ ᒪᒥᑦᓯᕈᒪᓪᓗᓂ ᕌᒪᒥ, ᐅᓇᑕᕐᑎᓪᓗᒋᑦ ᐊᖓᔪᖅᑳᕐᔪᐊᕐᒥᒃ ᕼᐊᔧᐅᓪᒥᒃ ᓯᕆᐊᒥᐅᑕᕐᒥᒃ. ᐊᕼᐊᔧᐊᐅᓪᓗ ᔫᑕᒥ ᐊᖓᔪᖅᑳᕐᔪᐊᑉ ᔨᕼᐅᕌᒻ ᐃᕐᓂᖓᑕ ᔨᕼᐅᕌᒻ ᐂᕼᐊᑉ ᐃᕐᓂᖓ ᑕᑯᔭᕐᑐᕐᐹ ᔨᔭᕆᐅᓪᒧᑦ, ᖃᓂᒪᓂᖓᓄᑦ.

ᐃᓐᖏᕈᑎᑦ 9:16

ᐊᑕᓂᖅ ᖃᐅᔨᒪᔭᐅᕗᖅ ᐃᖅᑲᕐᑐᐃᓂᖏᑕ ᐱᓂᐊᕐᓂᖏᑎᒍᑦ; ᐱᐅᖏᑦᑐᓕᔪᑦ ᓂᒐᕐᓯᒪᕗᑦ ᓇᖕᒥᓂᖅ ᐊᒡᒐᖕᒥᖕᓄᑦ ᓴᓇᓯᒪᔭᒥᖕᓄᑦ. ᐃᓱᒪᒃᓴᕐᓯᐅᕐᓂᖅ ᑐᒃᓯᐊᕐᓂᒃᑯᑦ. ᓰᓚ

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:9

ᐃᓅᑉ ᐃᓱᒪᖓᑕ ᐊᑐᕐᓂᐊᕐᑕᖏᓐᓂᒃ ᐋᖅᑭᒃᓲᑎᕚ, ᐊᑕᓂᐅᓪᓕ ᑕᓯᐅᕐᐹ ᐱᓱᖕᓂᖏᑦ.

ᐂᓮᐊᓯᐅᑉ ᐊᒡᓚᖏᑦ 46:10

ᓇᓗᓁᕐᓯᔪᖅ ᐱᒋᐊᕐᓂᖓᓂᑦ ᑍᑦᓱᒪᓂᐊᓗᖕᓂᑦ ᓱᓕ ᐱᓚᐅᖏᑦᑐᓂᒃ, ᐅᖃᕐᓯᒪᒐᒪ, ‘ᐅᖃᐅᓯᕆᓚᐅᕐᑕᒃᑲ ᑍᒤᓕᖓᓂᐊᕐᐳᑦ, ᐱᓇᓱᐊᕈᒪᔭᓕᒫᒃᑲᓗ ᑲᔪᓯᑎᓪᓗᒋᑦ ᐱᔭᕇᕈᒫᕐᐸᒃᑲ.’

ᕼᐆᓯᐊᑉ ᐊᒡᓚᖏᑦ 14:9

ᓇᓪᓕᐊᑦ ᓯᓚᑐᔪᖅ, ᑕᒪᒃᑯᓂᖓ ᑐᑭᓯᓕᕐᓕ; ᓇᓪᓕᐊᑦ ᖃᐅᔨᔪᓐᓇᕐᑐᖅ ᑖᒃᑯᓂᖓ ᖃᐅᔨᓕᕐᓕ; ᐊᑕᓂᐅᑉ ᐊᖅᑯᑎᖏᑦ ᓈᒻᒪᑦᓯᐊᕐᒪᑕ; ᐃᓱᐊᕐᑐᑦ ᑕᒪᓐᓇ ᐊᑐᕐᐹᑦ, ᐱᐅᖏᑦᑐᓕᔪᓪᓕ ᑕᒪᐅᓇ ᐹᓪᓚᒃᐳᑦ.

ᒪᓚᑬᑉ ᐊᒡᓚᖏᑦ 4:3

ᐱᐅᖏᑦᑐᓕᔪᓂᒡᓗ ᑐᓪᓕᕋᕈᒫᕐᐳᓯ, ᑖᒃᑯᐊ ᐊᕐᔭᓕᓂᕈᕐᑐᑎᑐᑦ ᑍᒤᑦᓱᒫᕐᐳᑦ ᑐᓪᓕᕋᓕᕈᑦᓯᐅᒃ, ᐱᓇᓱᐊᕐᓂᒪ ᐅᓪᓗᖓ ᓇᓪᓕᐅᑎᒃᐸᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒨᓯᓯ ᑕᓪᓕᒪᖏᑦ 32:35

ᐊᑭᓂᐊᕐᓂᖅ ᐱᒋᕙᕋ, ᐊᑭᒪᓂᕐᓗ, ᐹᓪᓚᒡᕕᒃᓴᖓᑦ ᓇᓪᓕᐅᑎᓕᕐᐳᖅ; ᐊᓯᕈᕐᑕᐅᓂᒃᓴᖓᑕᓗ ᐅᓪᓗᖓ ᑎᑭᓕᕐᐳᖅ, ᐊᓯᕈᕐᑕᐅᕕᒃᓴᖓᑦ ᐊᑯᓂᐅᔪᓐᓃᕐᐳᖅ.

ᔮᓱᐊᑉ ᐊᒡᓚᖏᑦ 11:20

ᐊᑕᓂᐅᑉ ᐅᓇᑕᕈᒪᑎᓚᐅᕐᐰᑦ ᐃᓴᕆᐊᓕᒥᐅᓂᒃ, ᑐᖁᑕᐅᖁᓪᓗᒋᑦ ᐊᓯᕈᕐᑕᐅᖁᓪᓗᒋᓪᓗ ᓄᖑᑕᐅᓗᑎᒃ, ᑕᒪᓐᓇ ᐊᑕᓂᐅᑉ ᑎᓕᓯᑦᔪᑎᒋᓚᐅᕐᒪᒍ ᒨᓯᓯᒧᑦ.

ᐃᓗᐊᕐᓮᔩᑦ ᐊᒡᓚᖏᑦ 14:4

ᐊᑖᑕᖓᓕ ᐊᓈᓇᖓᓗ ᖃᐅᔨᒪᓚᐅᓐᖏᓚᒃ ᐊᑕᓂᕐᒥᑦ ᑕᒪᓐᓇ ᐱᖕᒪᖔᑦ; ᑍᒤᑎᑦᓯᓚᐅᕐᒪᑦ ᐱᕕᒃᓴᓕᐅᕐᓗᓂ ᐱᓕᔅᑍᓂᒥᐅᓂᒃ ᐊᑭᓂᐊᕈᑎᒃᓴᒧᑦ. ᑍᑦᓱᒪᓂ ᐱᓕᔅᑍᓂᒥᐅᑦ ᐊᐅᓚᑦᓯᓚᐅᕐᒪᑕ ᐃᓴᕆᐊᓕᒥᐅᓂᒃ.