ᑯᕉᓂᑲ ᐂᑉᐸᖏᑦ 21:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐊᑯᓂᐅᓕᕐᑎᓪᓗᒍ, ᐊᕐᕌᒎᒃ ᒪᕐᕉᒃ ᐊᓂᒍᕐᑎᓪᓗᒋᒃ, ᐃᕐᕋᕕᖏᑦ ᐊᓂᕗᑦ ᐋᓐᓂᐊᖃᕐᓂᕐᒥᓄᑦ, ᑐᖁᕗᕐᓗ ᐋᓐᓂᐊᔪᐊᓘᓪᓗᓂ. ᐃᓄᖁᑎᖏᓪᓗ ᑎᐱᑦᓯᐊᕆᒃᑐᓂᒃ ᐅᐱᒍᓲᑎᓂᒃ ᐃᑯᐊᓪᓔᓚᐅᓐᖏᓚᑦ ᑖᑦᓱᒧᖓ, ᓯᕗᓕᖏᓐᓄᑦ ᑍᒤᖃᑦᑕᓚᐅᕐᓂᕐᒥᑐᑦ.

ᑯᕉᓂᑲ ᐂᑉᐸᖏᑦ 21:19 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 16:14

ᐃᓗᕕᕐᑕᐅᕗᕐᓗ ᓇᖕᒥᓂᖅ ᐃᓗᕕᕐᕕᒃᓴᓕᐊᕕᓂᕐᒥᓄᑦ ᑍᕕᑎᐅᑉ ᐃᒡᓗᒐᓴᖏᓐᓂ. ᐃᓕᕚᓪᓗ ᐃᓗᕕᖃᕐᕕᖕᒧᑦ ᑎᐱᑦᓯᐊᕆᒃᓴᐅᑎᓄᑦ ᐊᑦᔨᒌᖏᑦᑐᓄᑦ ᑕᑕᑦᑐᒧᑦ ᐃᓚᓯᒪᔪᓂᒃ ᐅᕐᓱᕐᑎᕈᑎᓂᒃ; ᐃᑯᐊᓚᕕᒡᔪᐊᕐᑎᑦᓯᓪᓗᑎᒡᓗ ᑖᓐᓇ ᐅᐱᒋᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 34:5

ᖃᓄᐃᖏᑦᓯᐊᕐᓗᑎᑦ ᑐᖁᔪᒫᕐᐳᑎᑦ. ᓯᕗᓕᓯ ᐃᑯᐊᓚᑦᓯᕙᓚᐅᕐᒪᑕ ᐃᓯᕐᓗᐊᕐᓂᑎᑦᓯᓪᓗᑎᒃ ᐃᓅᔪᓐᓃᕐᑐᖃᕌᖓᑦ ᐊᖓᔪᖅᑳᕐᔪᐊᖏᓐᓂᒃ, ᐅᐱᒍᓲᑎᖃᕐᓂᕐᒥᖕᓂᒃ ᓇᓗᓁᕐᓯᑦᔪᑎᒋᓗᒍ, ᑍᒪᒃᑕᐅᖅ ᐃᓕᖕᓂᒃ ᐅᐱᒍᓲᑎᖃᕐᓂᕐᒧᑦ ᐅᒡᒍᐊᕈᑎᖃᕐᓂᕐᒧᓪᓗ ᐃᑯᐊᓚᑦᓯᑦᔪᑕᐅᔪᒫᕆᕗᑎᑦ ᑎᐱᑦᓯᐊᕆᒃᑐᓂᒃ; ᐅᖃᕐᓗᑎᒃ, “ᐊᖓᔪᖅᑳᕆᔭᕗᑦ ᑐᖁᕗᖅ!”’ ᐅᕙᖓ ᑕᒪᑐᒥᖓ ᐅᖃᕐᐳᖓ, ᐊᑕᓂᖅ ᐅᖃᕐᐳᖅ.”

ᑯᕉᓂᑲ ᐂᑉᐸᖏᑦ 21:15

ᖃᓂᒪᓇᕐᑐᕐᔪᐊᕐᒧᓪᓗ ᑎᑭᑕᐅᔪᒫᕐᐳᑎᑦ ᐋᓐᓂᐊᓇᕐᑐᒥᒃ ᐃᕐᕋᕕᒃᑯᑦ, ᐃᕐᕋᕕᑎᑦ ᐊᓂᔪᒫᕐᐳᖅ ᖃᓂᒻᒪᓯᕐᓄᑦ ᐊᓂᑎᑕᐅᓗᑎᒃ, ᖃᐅᑕᒫᑦ ᐱᐅᔪᓐᓃᕐᐸᓪᓕᐊᑐᐃᓐᓇᕐᓗᑎᑦ.”

ᑯᕉᓂᑲ ᐂᑉᐸᖏᑦ 24:25

ᑖᑦᓱᒥᖓᓕ ᕿᒤᓚᐅᕐᐳᑦ, ᐃᑭᓕᕐᑕᐅᓯᒪᓕᕐᑎᓪᓗᒍ ᑐᖁᑲᓴᒃᑎᓪᓗᒍ, ᑖᑦᓱᒪ ᓇᖕᒥᓂᖅ ᐱᔨᖏᑕ ᐊᑭᕋᕐᑐᓕᕐᐹᑦ ᑐᓂᕐᕈᓯᕐᑎᑦᓯᔨᐅᑉ ᔨᕼᐅᐃᐊᑕᐅᑉ ᐃᕐᓂᖓᑕ ᐊᐅᖓ ᐱᑦᔪᑎᒋᓪᓗᒍ, ᑲᐱᕚᓪᓗ ᐃᒡᓕᖓᓃᑎᓪᓗᒍ. ᑖᓐᓇᓗ ᑐᖁᕗᖅ; ᐃᓗᕕᕐᐹᓪᓗ ᑍᕕᑎᐅᑉ ᐃᒡᓗᒐᓴᖏᓐᓂ, ᐃᓕᓚᐅᓐᖏᓛᓪᓕ ᐊᖓᔪᖅᑳᕐᔪᐊᑉ ᐃᓗᕕᖏᓐᓄᑦ.