ᑯᕉᓂᑲ ᐂᑉᐸᖏᑦ 21:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑍᒤᒻᒪᑦ ᐄᑐᒥᐅᑦ ᔫᑕᒧᑦ ᐊᐅᓚᑕᐅᓂᕐᒥᖕᓂᒃ ᐊᑭᕋᕐᑐᐃᓐᓇᓕᕐᐳᑦ ᐅᓪᓗᒥᒧᑦ ᑎᑭᓪᓗᒍ. ᑍᑦᓱᒪᓂᐅᑎᓪᓗᒍᑦᑕᐅᖅ ᓄᓇᓕᒃ ᓕᑉᓇ ᐊᑭᕋᕐᑐᓕᓚᐅᕆᕗᖅ ᐊᐅᓚᑕᐅᓂᕐᒥᓂᒃ, ᔨᕼᐅᕌᒻ ᐊᑕᓂᕐᒥᒃ ᓯᕗᓕᖏᑕ ᒎᑎᖓᓂᒃ ᕿᒤᓯᒪᓂᖓᓂᒃ ᐱᑦᔪᑎᖃᕐᓗᑎᒃ.

ᑯᕉᓂᑲ ᐂᑉᐸᖏᑦ 21:10 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 2:13

ᐃᓄᖁᑎᒃᑲ ᒪᕐᕉᖕᓂᒃ ᐊᔪᕐᑐᓕᖕᒪᑕ, ᐅᕙᓐᓂᒃ ᕿᒤᓚᐅᕐᒪᑕ, ᐃᒥᕐᒥᒃ ᐃᓅᓯᖃᕐᓇᕐᑐᒥᒃ ᑰᒃᑐᒥᒃ, ᓇᖕᒥᓂᕐᓗ ᐃᒥᕐᑕᕐᕕᒃᓴᓕᐅᕐᓗᑎᒃ ᐃᒥᕐᑕᕐᕕᖕᓂᒃ ᓄᑎᒃᓯᒪᔪᓂᒃ ᐃᒪᖃᕈᓐᓇᖏᑦᑐᓂᒃ.”

ᑯᕉᓂᑲ ᐂᑉᐸᖏᑦ 15:2

ᐂᓴᓗ ᐸᕐᕆᐊᓕᕐᐹ, ᑲᑎᒐᒥᐅᒡᓗ ᐅᖃᐅᑎᕚ, “ᐂᓵ ᓈᓚᓐᖓ, ᔫᑕᒥᐅᓕᒫᑦ ᐱᓐᔭᒥᓂᒃᑯᓕᒫᓪᓗ: ᐊᑕᓂᐅᑉ ᐃᓚᒋᕚᓯ, ᑖᑦᓱᒪᓃᓐᓂᑦᓯᓐᓂ. ᕿᓂᕈᑦᓯᐅᒃ ᓇᓂᓂᐊᕐᐸᓯ, ᕿᒪᒍᑦᓯᐅᒃ ᑖᑦᓱᒪᑦᑕᐅᖅ ᕿᒪᖕᓂᐊᕆᕚᓯ.

ᑯᕉᓂᑲ ᐂᑉᐸᖏᑦ 13:10

“ᐅᕙᒍᓪᓕ ᐊᑕᓂᖅ ᒎᑎᒋᕙᕗᑦ, ᕿᒪᓚᐅᕐᓇᒍᓗ. ᑐᓂᕐᕈᓯᕐᑎᑦᓯᔨᐊᕐᐳᒍᓪᓗ ᐱᓇᓱᐊᕐᑐᓂᒃ ᐊᑕᓂᕐᒧᑦ ᐂᕉᓂᐅᑉ ᐃᕐᓂᖏᓐᓂᒃ, ᓕᕔᑏᓪᓗ ᐱᔭᒃᓴᒥᓂᒃ ᐱᓇᓱᐊᕐᓗᑎᒃ.

ᐊᑕᓃᑦ ᐂᑉᐸᖏᑦ 19:8

ᕌᑉᓴᑭ ᐅᑎᓚᐅᕐᐳᖅ, ᖃᐅᔨᓪᓗᓂᓗ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᐅᓇᑕᖃᑎᖃᕐᑐᖅ ᓛᑉᓇᒥᐅᓂᒃ; ᑐᓴᓚᐅᕋᒥ ᐊᖓᔪᖅᑳᕐᔪᐊᑉ ᓚᑮᓯᒥᑦ ᐊᐅᓪᓚᕐᓯᒪᓕᕐᓂᖓᓂᒃ.

ᐊᑕᓃᑦ ᓯᕗᓪᓖᑦ 11:33

ᕿᒤᓯᒪᓕᕐᒪᑦ ᐅᕙᓐᓂᒃ ᑐᒃᓯᐊᖃᑦᑕᓕᕐᓗᓂᓗ ᒎᑎᓐᖑᐊᓄᑦ ᐋᔅᑕᕉᑎᒧᑦ ᓮᑐᓂᒥᐅᑦ ᒎᑎᖓᓐᓄᑦ, ᑭᒧᓯᒧᓪᓗ, ᒧᐊᐱᒥᐅᑦ ᒎᑎᖓᓐᓄᑦ, ᒥᐅᓪᑲᒻᒧᓪᓗ ᐊᒧᓁᑎᑦ ᒎᑎᖓᓐᓄᑦ, ᐊᑐᕐᑕᐅᖁᔭᒃᑲ ᐊᑐᕈᓐᓃᕐᒪᒋᑦ ᐱᐅᔪᓂᒃ ᐱᓇᓱᐊᕈᓐᓃᕐᒪᑦ, ᐊᑖᑕᖓᑕ ᑍᕕᑎᐅᑉ ᒪᓕᑦᓯᐊᓚᐅᕐᑕᖏᓐᓂᒃ.

ᐊᑕᓃᑦ ᓯᕗᓪᓖᑦ 11:31

ᐅᖃᕐᓗᓂᓗ ᔨᕈᐳᐊᒻᒧᑦ, “ᑕᕝᕙᓐᖓᑦ ᖁᓕᓂᒃ ᑎᒍᓯᒋᑦ; ᐊᑕᓂᖅ ᐃᓴᕆᐊᓕᐅᑉ ᒎᑎᖓ ᐃᒫᒃ ᐅᖃᕐᒪᑦ, ‘ᑕᑯᒋᑦ, ᐊᖓᔪᖅᑳᕐᔪᐊᖑᓂᖅ ᓲᓗᒨᓂᒥᑦ ᐲᕐᓂᐊᓕᕐᐸᕋ, ᑐᓂᓗᑎᓪᓗ ᖁᓕᓂ ᑭᖑᕚᖑᖃᑎᒌᓂᒃ.

ᔮᓱᐊᑉ ᐊᒡᓚᖏᑦ 21:13

ᐂᕉᓂᐅᓪᓗ ᑐᓂᕐᕈᓯᕐᑎᑦᓯᔨᐅᑉ ᑭᖑᕚᖏᓐᓄᑦ ᑐᓂᔭᐅᕗᑦ ᕼᐃᐸᕋᓐ ᐱᖃᓯᐅᑎᓪᓗᒍ ᐃᒡᓗᒐᓮᑦ ᕿᒫᕖᑦ ᐱᔮᕆᓇᑎᒃ ᑐᖁᑦᓯᔪᕕᓂᕐᓄᑦ, ᐱᕈᕐᓰᕕᖏᓪᓗ, ᓕᑉᓇ ᐱᕈᕐᓰᕕᖏᓪᓗ ᐱᖃᓯᐅᑎᓪᓗᒋᑦ,

ᒨᓯᓯ ᑕᓪᓕᒪᖏᑦ 32:21

ᒎᑎᓐᖑᐊᖏᓐᓄᑦ ᓂᓐᖓᒃᑎᑕᐅᕗᖓ ᓯᖕᓇᕗᖓ ᒎᑎᐅᓂᕋᕐᑕᖏᓐᓄᑦ ᓱᓕᖏᑦᑐᓄᑦ, ᒎᑎᓪᓚᕆᐅᖏᑦᑐᓂᒃ ᒎᑎᖃᕋᓱᖕᒪᑕ. ᑍᒤᒻᒪᑦ ᐃᓅᖃᑎᒌᒡᔪᐊᓂᒃ ᐊᑐᕐᓗᖓ ᓂᓐᖓᒃᓴᕐᓂᐊᕐᐸᒃᑲ; ᐃᓅᖃᑎᒌᒡᔪᐊᓄᑦ ᓯᓔᑦᑐᓄᑦ ᓯᖕᓇᓕᕐᑎᓐᓂᐊᕐᐸᒃᑲ.

ᑯᕉᓂᑲ ᐂᑉᐸᖏᑦ 21:8

ᔨᕼᐅᕌᒻ ᐊᐅᓚᑦᓯᔨᐅᑎᓪᓗᒍ ᐄᑐᒥᐅᑦ ᐊᑭᕋᕐᑐᓕᓚᐅᕐᐳᖅ ᔫᑕᒧᑦ ᐊᐅᓚᑕᐅᓂᕐᒥᖕᓂᒃ, ᐃᒻᒥᖕᓂᒡᓗ ᐊᖓᔪᖅᑳᕐᔪᐊᕐᑖᕐᓗᑎᒃ.

ᑯᕉᓂᑲ ᐂᑉᐸᖏᑦ 21:9

ᑕᕝᕙ ᔨᕼᐅᕌᒻ ᐊᐅᓪᓚᕐᐳᖅ ᐊᖓᔪᖅᑳᖁᑎᓂ ᐃᓚᒋᓪᓗᒋᑦ, ᕿᒧᒃᓯᐅᑏᑦ ᐊᒃᓴᓗᐊᓕᖁᑎᓕᒫᓂᓗ ᐃᓚᒋᓪᓗᒋᑦ, ᐅᓐᓄᐊᒃᑯᓪᓗ ᒪᑭᑉᐳᖅ ᐄᑐᒥᐅᓪᓗ ᐊᕙᓗᓯᓯᒪᔪᑦ ᑐᖁᕋᕐᐰᑦ ᕿᒧᒃᓯᐅᑎᓂ ᐊᒃᓴᓗᐊᓕᖕᓂᒃ ᐊᖓᔪᖅᑳᖁᑎᒥᓂᒡᓗ ᐃᓚᖃᕐᓗᓂ.

ᑯᕉᓂᑲ ᐂᑉᐸᖏᑦ 21:11

ᓱᓕᓗ ᓴᓇᓚᐅᕆᕗᖅ ᒎᑎᓐᖑᐊᒧᑦ ᑐᒃᓯᐊᕐᕕᖕᓂᒃ ᔫᑕᐅᑉ ᖃᖅᑲᖏᓐᓂ, ᔨᕉᓴᓕᒥᓗ ᓄᓇᖃᕐᑐᑦ ᐊᔪᕐᑐᓕᑎᓚᐅᕐᐰᑦ, ᔫᑕᒥᐅᓪᓗ ᑕᒻᒪᕐᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 31:17

ᑕᒪᓐᓇ ᐊᑐᓕᕐᐸᑦ, ᑕᕝᕙ ᓂᓐᖓᒃᕕᒋᔪᒫᕐᐸᒃᑲ; ᕿᒪᒍᒫᕐᐸᒃᑲᓗ ᐊᓚᕐᓗᒋᑦ, ᑕᕝᕙ ᓄᖑᑕᐅᔪᒫᕐᐳᑦ; ᐅᓄᕐᑐᓄᑦ ᐱᓂᕐᓗᖕᓇᕐᑐᓄᑦ ᐊᑲᐅᖏᑦᑐᓄᓪᓗ ᑎᑭᑕᐅᔪᒫᕐᐳᑦ, ᑕᕝᕙ ᐅᖃᓕᕈᒫᕐᐳᑦ, ‘ᒪᑯᐊ ᐱᐅᖏᑦᑐᑦ ᐅᕙᑦᑎᓐᓄᑦ ᑎᑭᑉᐳᑦ ᒎᑎᐅᑉ ᐃᓚᒋᔪᓐᓃᕐᒪᑎᒎᑦ?’

ᔮᓱᐊᑉ ᐊᒡᓚᖏᑦ 10:29

ᑕᒪᑐᒪ ᑭᖑᓂᖓᒍᑦ ᔮᓱᐊ ᐅᓇᑕᕐᑎᖏᓪᓗ ᒪᑮᑕᒥᑦ ᓕᑉᓇᒧᑦ ᐂᕗᑦ, ᑖᒃᑯᐊ ᐅᓇᑕᕆᐊᕐᓗᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 10:13

ᓱᓕᓕ ᕿᒤᓚᐅᕆᕗᓯ ᐅᕙᓐᓂᒃ ᒎᑎᓐᖑᐊᓄᓪᓗ ᐊᓯᓐᓄᑦ ᑐᒃᓯᐊᕐᐸᓕᕐᓗᓯ; ᑍᒤᒻᒪᑦ ᓴᐳᑎᒃᑲᓐᓂᕈᒪᔪᓐᓃᕐᐸᑦᓯ.

ᑯᕉᓂᑲ ᐂᑉᐸᖏᑦ 28:6

ᐲᑲ ᕆᒪᓔᐊᐅᑉ ᐃᕐᓂᖓ ᑐᖁᑦᓯᓚᐅᕐᐳᖅ 120,000ᓂᒃ ᔫᑕᒥ ᐅᓪᓗᒥ ᐊᑕᐅᓯᕐᒥ, ᑖᒃᑯᐊᓕᒫᑦ ᓯᕘᕋᖏᑦᑐᑦ ᐊᖑᑏᑦ, ᐊᑕᓂᕐᒥᒃ ᕿᒤᓯᒪᓂᖏᓐᓄᑦ, ᓯᕗᓕᖏᑕ ᒎᑎᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 1:28

ᐊᑭᕋᕐᑐᕐᑐᓪᓕ ᐊᔪᕐᑐᓕᔪᓪᓗ ᑕᒪᕐᒥᒃ ᐊᑕᐅᑦᓯᒃᑯᑦ ᓄᖑᑎᑕᐅᔪᒫᕐᐳᑦ, ᐊᑕᓂᕐᒥᒡᓗ ᕿᒤᔪᑦ ᓄᖑᑕᐅᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 2:19

ᐱᐅᖏᓐᓂᑦᓯ ᐋᖅᑭᒋᐊᕐᑕᐅᑎᓐᓂᐊᕐᐹᓯ, ᑲᑕᒃᓯᒪᓂᑦᓯᓗ ᓱᐊᖕᓂᐊᕐᐹᓯ. ᐃᓱᒪᒋᑦᓯᐊᕐᓯᐅᒃ ᑐᑭᓯᓇᓱᐊᕐᓗᒍᓗ ᐱᐅᖏᑦᑑᓂᖓ ᖁᕕᐊᓇᖏᑦᑑᓂᖓᓗ ᐊᑕᓂᕐᒥᒃ ᒎᑎᑦᓯᓐᓂᒃ ᕿᒤᓯᒪᓗᓂ ᓂᕐᑐᕐᓇᕐᓂᖓᓗ ᐃᓱᒪᒋᔪᓐᓃᕐᓗᒍ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᒎᑎ ᐅᖃᕐᐳᖅ.”