ᑯᕉᓂᑲ ᐂᑉᐸᖏᑦ 20:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ‘ᑲᑉᐱᐊᓇᕐᑐᒧᑦ ᓴᕕᒡᔪᐊᒧᑦ ᑎᑭᑕᐅᒍᑦᑕ, ᐃᖅᑲᕐᑐᕐᑕᐅᓂᕐᒧᑦ, ᐋᓐᓂᐊᓇᕐᑐᒧᓪᓘᓐᓃᑦ, ᑳᖕᓇᕐᑐᒧᓪᓘᓐᓃᑦ, ᓇᖏᕈᒫᕐᐳᒍᑦ ᐆᒪ ᑐᒃᓯᐊᕐᕕᐅᑉ ᓇᔪᒐᕐᐱᑦ ᓵᖓᓂ, ᐊᑏᑦ ᑕᕝᕙᓃᒻᒪᑦ ᐃᒡᓗᒥ, ᕿᓄᒍᑦᑕᓗ ᐋᓐᓂᐊᕈᑎᕗᑦ ᐱᓪᓗᒋᑦ, ᑐᓴᕈᒫᕐᐳᑎᑦ ᐱᐅᓕᓗᑕᓗ.’

ᑯᕉᓂᑲ ᐂᑉᐸᖏᑦ 20:9 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 6:20

ᐃᔩᒃᑭᒃ ᑕᑯᓐᓇᖁᓪᓗᒋᒃ ᐅᕗᖓ ᐃᒡᓗᒧᑦ ᐅᓪᓗᒃᑯᑦ ᐅᓐᓄᒃᑯᓪᓗ, ᐃᓂᒋᓂᐊᕐᓂᕋᓚᐅᕐᑕᕐᓄᑦ ᐊᑏᓪᓗ ᑕᕝᕗᖓ ᐃᓕᓂᐊᕐᓂᕋᓚᐅᕋᕕᐅᒃ, ᑐᓴᖁᓪᓗᑎᑦ ᐱᔨᕕᑦ ᑐᒃᓯᐊᕐᓂᖓᓂᒃ ᑕᕝᕙᓂ ᐃᓂᒋᓂᐊᓚᐅᕐᑕᕐᓂ.

ᐊᑕᓃᑦ ᓯᕗᓪᓖᑦ 8:33

“ᐃᓄᖁᑎᑎᑦ ᐃᓴᕆᐊᓕᒥᐅᑦ ᓵᓚᐅᒃᐸᑕ ᐊᑭᕋᒥᖕᓄᑦ ᐃᓕᖕᓄᑦ ᐱᐅᖏᑦᑐᓕᓯᒪᓂᕐᒥᖕᓄᑦ, ᐃᓕᖕᓄᑦ ᐅᑎᑐᐊᕐᐸᑕ, ᐃᓕᖕᓂᒡᓗ ᐊᑎᕐᓂᒡᓗ ᒪᓕᒍᒪᓕᕐᐸᑕ, ᑐᒃᓯᐊᕐᐸᑕᓗ ᕿᓄᓗᑎᒃ ᐃᓕᖕᓄᑦ ᐅᕙᓂ ᐃᒡᓗᒥ;

ᐊᑕᓃᑦ ᓯᕗᓪᓖᑦ 8:37

“ᑳᖕᓇᕐᑐᕐᔪᐊᕐᑕᖃᕐᐸᑦ ᓄᓇᒥ, ᑕᒫᓂ ᖃᓂᒪᓐᓇᕐᑐᖃᕐᐸᓪᓘᓐᓃᑦ, ᐱᕈᕐᑐᓪᓘᓐᓃᑦ ᑐᖁᓕᓐᓇᕐᑐᖃᓕᕐᐸᑕ ᓱᒃᑯᓪᓗᑎᒃ, ᐱᒡᓕᕐᑕᐅᔮᕐᑐᓄᓪᓘᓐᓃᑦ ᖁᐱᕐᕈᓄᓪᓘᓐᓃᑦ ᓄᖑᑕᐅᒃᐸᑕ, ᐊᑭᕋᖏᓐᓄᓪᓘᓐᓃᑦ ᐅᓇᑕᕆᐊᕐᑕᐅᒃᐸᑕ ᓄᓇᖁᑎᖏᓐᓂ ᓇᓪᓕᐊᓐᓂᑐᐃᓐᓇᖅ; ᖃᓂᒪᓐᓇᖃᕐᐸᑦ ᐋᓐᓂᐊᓇᕐᑐᖃᕐᐸᓪᓘᓐᓃᑦ;

ᒨᓯᓯ ᐂᑉᐸᖏᑦ 20:24

ᓄᓇᒥᓕ ᑐᓂᕐᕈᓯᕐᕕᖕᒥᒃ ᓴᓇᓕᕆᑦᓯ ᐅᕙᓐᓄᑦ; ᑕᕝᕙᓂᓗ ᑐᓂᕐᕈᓯᕐᓗᓯ ᑐᓂᕐᕈᑎᓂᒃ ᐆᑕᒃᓴᓂᒃ ᑐᓂᕐᕈᑎᓂᒡᓗ ᖁᔭᓕᑦᔪᑎᒃᓴᓂᒃ, ᓰᐱᓂᒃ ᐃᒻᒧᒃᓯᐅᒐᓂᒡᓗ ᑐᓂᕐᕈᓯᕐᑐᒃᓴᐅᕗᓯ; ᓇᓂᑐᐃᓐᓇᖅ ᐊᑎᕐᒪ ᐃᖅᑲᐅᒪᔭᐅᑦᔪᑎᒃᓴᖓᓂᒃ ᐱᑎᑦᓯᑐᐊᕈᒪ ᑕᕝᕙ ᑕᕝᕗᖓ ᕾᓂᐊᕐᐳᖓ ᓮᒻᒪᕐᑎᓪᓗᓯᓗ.

ᒫᑎᐅᓯᐅᑉ ᐊᒡᓚᖏᑦ 18:20

ᒪᕐᕉᒃ ᐱᖓᓱᓪᓘᓐᓃᑦ ᑲᑎᓐᖓᓕᕐᐸᑕ ᐊᑎᓐᓂ, ᑕᕝᕙᓃᓐᓂᐊᕐᐳᖓ ᐃᓚᒋᓗᒋᑦ.”

ᒨᓯᓯ ᐂᑉᐸᖏᑦ 23:21

ᑖᓐᓇ ᑲᒪᒋᑦᓯᐊᕐᓯᐅᒃ ᐅᖃᐅᓯᖓᓗ ᓈᓚᒡᓗᒍ, ᐊᑭᕋᕐᑐᕐᓂᐊᕋᓯᐅᒃ, ᑎᓕᓯᒪᒐᒃᑯ, ᐊᑭᕋᕐᑐᕈᑦᓯᐅᒃ ᐊᔪᕐᑐᓕᓂᓯ ᐃᓱᒪᒋᔪᓐᓁᕐᓂᐊᖏᒻᒪᒋᑦ.

ᑯᕉᓂᑲ ᐂᑉᐸᖏᑦ 20:8

ᑖᒃᑯᐊᓗ ᓄᓇᖃᓕᕐᐳᑦ ᑕᒫᓂ, ᓴᓇᓚᐅᕐᐳᓪᓗ ᐃᑦᔪᕐᓁᑦᑐᕕᖁᑎᖕᓂᒃ ᐊᑎᕐᓄᑦ, ᐅᖃᕐᓗᑎᒃ,

ᐄᓱᕋᐅᑉ ᐊᒡᓚᖏᑦ 10:1

ᐄᓱᕋ ᐅᑯᖓᓪᓗᓂ ᑐᒃᓯᐊᕐᑎᓪᓗᒍ ᑐᒃᓯᐊᕐᕕᒡᔪᐊᑉ ᓯᕗᕌᓂ, ᕿᐊᓪᓗᓂᓗ ᖃᕿᐊᓕᕐᓗᓂᓗ ᑖᒃᑯᐊ ᐊᔪᕐᑐᓕᓃᑦ ᐱᓪᓗᒋᑦ, ᐃᓴᕆᐊᓕᒥᐅᑦ ᐅᓄᕐᑐᒻᒪᕆᐊᓗᐃᑦ ᐊᖑᑏᑦ, ᐊᕐᓁᓪᓗ, ᓱᕈᓰᓪᓗ ᑲᑎᕙᓪᓕᐊᓕᕐᐳᑦ ᑖᑦᓱᒧᖓ ᐃᓚᓕᐅᑎᕙᓪᓕᐊᓪᓗᑎᒃ; ᐊᒃᓱᐊᓗᒃ ᕿᐊᓪᓗᑎᒃ.

ᐃᓐᖏᕈᑎᑦ 91:3

ᑖᑦᓱᒪ ᐱᐅᓕᓂᐊᕐᐹᑎᑦ ᓂᒐᕐᑎᑦᓯᓇᓱᐊᕐᑎᐅᑉ ᓂᒐᖓᓂᑦ ᓱᒃᑯᑎᕆᓇᓱᐊᕐᑑᓪᓗ ᐱᓇᓱᐊᕐᓂᖓᓂᑦ ᓴᓗᒤᑦᑐᒥᑦ.

ᐊᑕᓃᑦ ᓯᕗᓪᓖᑦ 8:30

“ᐱᔨᕕᑦ ᑐᒃᓯᐊᕐᓂᖓ ᑐᓴᓚᐅᕈᒃ ᐃᓄᖁᑎᕕᓪᓗ ᐃᓴᕆᐊᓕᑏᑦ ᑐᒃᓯᐊᕐᓂᖏᑦ, ᑐᒃᓯᐊᕌᖓᑕ ᐅᕗᖓ ᓵᓐᖓᓗᑎᒃ; ᑐᓵᖃᑦᑕᕆᑦ ᕿᓚᖕᒥᑦ ᐃᓂᒋᔭᕐᓂᑦ; ᑐᓵᑐᐊᕈᕕᑦ ᐃᓱᒪᒋᔪᓐᓁᕐᕕᒋᑎᒍᑦ.

ᑯᕉᓂᑲ ᐂᑉᐸᖏᑦ 6:5

‘ᐅᓪᓗᒥᑦ ᑍᑲᓐᖓᓂᑦ ᐃᓄᖁᑎᒃᑲ ᐊᐅᓪᓚᕐᑎᓐᓇᒃᑭᑦ ᐄᑦᔨᑉᑎᒥᑦ, ᓂᕈᐊᓚᐅᓐᖏᓚᖓ ᐃᒡᓗᒐᓴᖕᓂᒃ ᐃᓴᕆᐊᓕᒥᐅᑉ ᐊᓯᖏᓐᓂᒃ ᐃᒡᓗᓕᐅᖁᔨᓪᓗᖓ, ᐊᑎᓐᓂ ᐅᕙᓐᓄᑦ ᑐᒃᓯᐊᕐᕕᐅᖃᑦᑕᕐᓂᐊᕐᑐᒥᒃ, ᐃᓄᖕᒥᒡᓗ ᓂᕈᐊᓚᐅᓐᖏᓚᖓ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ ᐊᖓᔪᖅᑳᖑᓂᐊᕐᑐᒥᒃ,

ᐃᓐᖏᕈᑎᑦ 50:15

ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”