ᑯᕉᓂᑲ ᐂᑉᐸᖏᑦ 20:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᕝᕙ ᔨᕼᐆᓴᐸᑦ ᑲᑉᐱᐊᓱᓕᕐᐳᖅ, ᐊᑕᓂᕐᒥᒡᓗ ᖃᐅᔨᓴᕈᒪᓕᕐᓗᓂ, ᓂᕆᑦᑍᓕᖁᔨᓕᕐᐳᕐᓗ ᔫᑕᒥᐅᓕᒫᓂᒃ.

ᑯᕉᓂᑲ ᐂᑉᐸᖏᑦ 20:3 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 11:16

ᐃᓴᕆᐊᓕᒥᐅᓪᓕ ᑭᖑᕚᖏᓐᓂᑦ ᐱᔪᑦ ᐱᔪᒪᓪᓚᕆᒃᓗᑎᒃ ᕿᓂᕐᑐᑦ ᐊᑕᓂᕐᒥᒃ, ᐃᓴᕆᐊᓕᒥᐅᑦ ᒎᑎᖓᓂᒃ, ᓕᕔᑎᓂᒃ ᒪᓕᒃᐳᑦ ᔨᕉᓴᓕᒧᑦ ᑐᓂᕐᕈᓯᕆᐊᕐᓗᑎᒃ ᐊᑕᓂᕐᒧᑦ ᓯᕗᓕᖏᑕ ᒎᑎᖓᓄᑦ.

ᑯᕉᓂᑲ ᐂᑉᐸᖏᑦ 19:3

ᑍᒤᒃᑲᓗᐊᕐᒪᑦ, ᐱᐅᔪᓂᒃ ᓇᓂᓯᕕᐅᕗᑎᑦ, ᕿᔪᐃᑦ ᐊᓯᕅᑦ ᒎᑎᓐᖑᐊᑦ ᐃᒋᓚᐅᕋᕕᒋᑦ ᓄᓇᒥᑦ, ᐆᒻᒪᑏᓪᓗ ᐋᖅᑭᒃᓯᒪᒐᕕᐅᒃ ᒎᑎᒥᒃ ᕿᓂᕈᒪᓪᓗᑎᑦ.”

ᑯᕉᓂᑲ ᐂᑉᐸᖏᑦ 7:14

ᑕᕝᕙ ᐃᓄᖁᑎᒃᑲ ᐊᑎᓐᓂ ᑐᒃᓯᐊᕐᓗᑎᒃ ᐃᒻᒥᖕᓂᒃ ᒥᑭᒡᓕᑎᕐᐸᑕ, ᑐᒃᓯᐊᕐᓗᑎᒡᓗ ᑮᓇᓐᓂᒃ ᕿᓂᓕᕐᐸᑕ, ᐱᐅᖏᑦᑐᓕᓂᕐᒥᓂᒡᓗ ᕿᒤᒃᐸᑕ, ᑕᕝᕙ ᑐᓴᕐᓂᐊᕐᐸᒃᑲ ᕿᓚᖕᒥᑦ, ᐊᔪᕐᓂᖏᓪᓗ ᐃᓱᒪᒋᔪᓐᓁᕐᓗᒋᑦ ᓄᓇᖓᓗ ᐆᒻᒪᕐᑎᓐᓂᐊᕐᐸᕋ.

ᓂᕼᐃᒤᐊᐅᑉ ᐊᒡᓚᖏᑦ 9:1

ᐅᓪᓗᑦ 24ᒋᓕᕐᑕᖓᓂ ᑕᖅᑭᒥ ᑕᕝᕙᓂᑦᓮᓐᓇᖅ ᐃᓴᕆᐊᓕᒥᐅᑦ ᐃᓄᖏᑦ ᑲᑎᓚᐅᕐᐳᑦ ᓂᕆᑦᑍᓕᔭᕐᑐᕐᓗᑎᒃ, ᐊᓐᓄᕌᕐᓗᑎᒃ ᐊᕐᔭᓕᓂᕐᓂᒡᓗ ᐳᔪᕋᕐᓂᒡᓗ ᓂᐊᖁᕐᒥᓅᕐᓯᓚᐅᕐᐳᑦ ᓇᓗᓁᕐᓯᓪᓗᑎᒃ ᕿᒃᓵᖕᓂᕐᒥᖕᓂᒃ.

ᐃᔅᑕᐅᑉ ᐊᒡᓚᖏᑦ 4:16

“ᔫᑎᓕᒫᑦ ᑲᑎᖁᓚᐅᒃᑭᑦ ᑕᕝᕙᓂ ᓲᓴᒦᑦᑐᑦ, ᐱᑦᔪᑎᒋᓗᖓ ᓂᕆᑦᑍᓕᖁᓪᓗᒋᑦ; ᐅᓪᓗᓂᒃ ᐱᖓᓱᓂᒃ ᓱᓇᒥᒡᓘᓐᓃᑦ ᓂᕆᖁᓇᒋᑦ ᐃᒥᖁᓇᒋᓪᓗ, ᐅᓐᓄᐊᒃᑯᑦ ᐅᓪᓗᒃᑯᓪᓘᓐᓃᑦ. ᐱᔨᒋᔭᒃᑲ ᐃᓚᒋᓗᒋᑦ ᓂᕆᑦᑍᓕᓂᐊᕆᕗᒍᑦ ᑍᒫᑦᓮᓐᓇᖅ. ᑕᒪᑐᒪ ᑭᖑᓂᖓᒍᑦ ᐊᖓᔪᖅᑳᕐᔪᐊᒧᐊᓛᕐᐳᖓ, ᐱᖁᔭᖏᑦ ᒪᓕᒡᓗᒋᑦ ᑍᒤᑦᓴᕆᐊᖃᖏᒃᑲᓗᐊᕐᓗᖓ; ᑐᖁᑕᐅᓂᐊᕈᒪ, ᑕᕝᕙ ᑐᖁᑕᐅᓂᐊᕐᐳᖓ.”

ᔨᕆᒤᐊᐅᑉ ᐊᒡᓚᖏᑦ 36:9

ᔫᓮᐊᐅᑉ ᐃᕐᓂᖓᑕ ᔨᕼᐅᐃᐊᑭᒻ ᐊᖓᔪᖅᑳᕐᔪᐊᖑᓂᖓᑕ ᔨᕉᓴᓕᒥ ᑕᓪᓕᒪᒋᓕᕐᑕᖓᓐᓂ ᑕᖅᑭᖏᑕ 9ᖓᓐᓂ, ᐃᓄᐃᑦ ᓂᕆᑦᑍᓕᕗᑦ ᐊᑕᓂᕐᒧᑦ ᓈᒻᒪᒋᔭᐅᔪᒪᓪᓗᑎᒃ, ᑕᒪᓐᓇᓗ ᓂᕆᑦᑍᓕᕕᐅᓚᐅᕐᐳᖅ ᔨᕉᓴᓕᒥᐅᓕᒫᓄᑦ ᔫᑕᒥᐅᓄᓪᓗ ᓄᓇᓕᖕᓂᑦ ᑎᑭᓯᒪᔪᓄᑦ.

ᑖᓂᐊᓕᐅᑉ ᐊᒡᓚᖏᑦ 9:3

ᑍᒤᒻᒪᑦ ᐊᑕᓂᕐᒧᑦ ᒎᑎᒧᑦ ᓵᓚᐅᕐᐳᖓ ᕿᓄᕕᒋᓪᓗᒍᓗ ᑐᒃᓯᐊᕐᕕᒋᕙᕋ, ᓂᕆᑦᑍᓕᓪᓗᖓᓗ, ᐊᓐᓄᕌᕐᓯᒪᓪᓗᖓᓗ ᐃᒃᐱᐊᕐᔪᒐᔭᐅᔮᕐᑐᓂᒃ, ᐊᕐᔭᓕᓂᕐᓃᓪᓗᖓᓗ.

ᔪᐃᓕᐅᑉ ᐊᒡᓚᖏᑦ 1:14

ᓂᕆᑦᑍᓕᖁᔨᒋᑦᓯ, ᑲᑎᖁᔨᓗᓯ ᐃᓄᓕᒫᓂᒃ; ᓯᕗᓕᕐᑏᑦ ᑲᑎᖁᓯᒋᑦ ᔫᑕᐅᓪᓗ ᐃᓄᓕᒫᖏᑦ, ᐊᑕᓂᐅᑉ ᒎᑎᓯ ᐃᒡᓗᖓᓄᑦ, ᑐᒃᓯᐊᕐᓗᓯ ᕿᓄᒋᑦᓯ ᐊᑕᓂᕐᒧᑦ.

ᐂᒨᓯᐅᑉ ᐊᒡᓚᖏᑦ 5:4

ᐃᒫᒃ ᐊᑕᓂᖅ ᐅᖃᕐᐳᖅ ᐃᓴᕆᐊᓕᐅᑉ ᑭᖑᕚᖏᓐᓄᑦ: “ᐅᕙᓐᓂᒃ ᕿᓂᓕᕆᑦᓯ ᐃᓅᓕᕐᓗᓯᓗ;

ᔫᓇᐅᑉ ᐊᒡᓚᖏᑦ 1:16

ᐊᖑᑎᓪᓗ ᑖᒃᑯᐊ ᐊᑕᓂᕐᒥᒃ ᓯᕘᕋᒻᒪᕆᓕᕐᐳᑦ, ᑐᓂᕐᕈᓯᕐᕕᒋᓪᓗᒍᓗ; ᐊᑕᓂᖅ ᐊᖏᒻᒪᕆᒃᕕᒋᕚᑦ.

ᒫᑎᐅᓯᐅᑉ ᐊᒡᓚᖏᑦ 10:28

ᓯᕘᕋᒋᓂᐊᕋᓯᒋᒃ ᑎᒥᒥᒃ ᑐᖁᑦᓯᔪᑦ ᑕᕐᓂᕐᒥᒡᓕ ᑐᖁᑦᓯᔪᓐᓇᖏᑦᑐᑦ; ᓯᕘᕋᒋᓯᐅᒃᓕ, ᑕᒤᓐᓂᒃ ᐊᓯᕈᐃᔪᓐᓇᕐᑐᖅ ᑎᒥᒥᒃ ᑕᕐᓂᕐᒥᒡᓗ ᐃᑯᒪᕐᔪᐊᕐᒥ.

ᐃᓗᐊᕐᓮᔩᑦ ᐊᒡᓚᖏᑦ 20:26

ᑕᕝᕙ ᐃᓄᒋᐊᒃᑐᕐᔪᐊᑦ ᐃᓴᕆᐊᓕᒥᐅᓕᒫᑦ ᐅᓇᑕᕐᑐᒃᓮᑦ ᐂᕗᑦ ᐱᑎᓕᒧᑦ ᕿᐊᓪᓗᑎᒡᓗ; ᑍᑲᓂ ᐃᒃᓯᕙᕗᑦ ᐊᑕᓂᐅᑉ ᓵᖓᓂ ᓂᕆᑦᑍᓕᓪᓗᑎᒃ ᐅᓐᓄᒃ ᑎᑭᓪᓗᒍ. ᑐᓂᕐᕈᓯᓚᐅᕐᐳᑦ ᐃᑯᐊᓚᑎᑕᒃᓴᓂᒃ ᑐᓂᕐᕈᑎᓂᒡᓗ ᐃᑯᐊᓚᒋᐊᓕᖕᓂᒃ ᐃᓚᒌᑦᓯᐊᕐᓂᕐᒧᓪᓗ ᑐᓂᕐᕈᑎᓂᒃ ᐊᑕᓂᐅᑉ ᓵᖓᓂ.

ᓴᒧᐃᓕ ᓯᕗᓪᓖᑦ 7:6

ᑍᒤᒻᒪᑦ ᑲᑎᓚᐅᕐᐳᑦ ᒥᔅᐸᒥ, ᐃᒪᕐᒥᒃ ᖃᓗᓯᓪᓗᑎᒃ ᑯᕕᓪᓗᒍᓗ ᐂᑦᑑᑎᒋᓚᐅᕐᐹᑦ ᐊᑕᓂᕐᒧᑦ, ᓂᕆᑦᑍᓕᓚᐅᕐᐳᓪᓗ ᐅᓪᓗᒥ ᑕᕝᕙᓂ, ᐅᖃᕐᓗᑎᒡᓗ, “ᐊᑕᓂᕐᒧᑦ ᐊᔪᕐᑐᓕᓚᐅᕐᐳᒍᑦ.” ᑕᕝᕙᓂᓗ ᒥᔅᐸᒥ ᓴᒧᐃᓕᐅᑉ ᐃᓴᕆᐊᓕᒥᐅᑦ ᐃᓗᐊᖏᑦᔪᑎᖏᓐᓂᑦ ᐃᓱᐊᕐᓯᑎᓚᐅᕐᐰᑦ.