ᑯᕉᓂᑲ ᐂᑉᐸᖏᑦ 20:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᒎᑎᓗ ᓯᕘᕋᒋᔭᐅᓕᓚᐅᕐᐳᖅ ᓄᓇᖃᕐᑐᓄᑦ ᐊᖓᔪᖅᑲᐅᕕᓕᒫᓄᑦ ᑐᓴᕋᒥᒃ ᐊᑕᓂᖅ ᐅᓇᑕᓚᐅᕐᓂᖓᓂᒃ ᐃᓴᕆᐊᓕᒥᐅᑦ ᐊᑭᕋᖏᓐᓂᒃ.

ᑯᕉᓂᑲ ᐂᑉᐸᖏᑦ 20:29 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 17:10

ᐊᑕᓂᐅᓪᓗ ᓯᕘᕋᓇᕐᓂᖓᑕ ᐊᖓᔪᖅᑲᐅᕕᓕᒫᑦ ᓄᓇᓕᖏᓪᓗ ᔫᑕᐅᑉ ᐊᕙᑖᓃᑦᑐᑦ ᑐᕝᕕᒋᓚᐅᕐᐰᑦ, ᐅᓇᑕᕆᐊᒃᓴᕐᓗ ᓯᕘᕋᓕᓚᐅᕐᐳᑦ ᔨᕼᐆᓴᐸᑦᒥᒃ.

ᐊᑕᓃᑦ ᐂᑉᐸᖏᑦ 7:6

ᐊᑕᓂᐅᑉ ᓯᕆᐊᒥᐅᑦ ᐅᓇᑕᕐᑎᖏᑦ ᑐᓵᑎᓚᐅᕐᒪᒋᑦ ᐅᓐᓄᐊᒥ ᕿᒧᒃᓯᐅᑎᒐᓴᒡᔪᐊᑦ ᕿᒥᕐᔪᐊᓪᓗ ᕿᑭᕐᕋᖏᓐᓂᒃ ᐅᓇᑕᕐᑎᒐᓴᒡᔪᐊᖑᕙᓗᒃᑐᓂᒃ ᐅᖃᕐᓗᑎᒡᓗ ᐃᒻᒥᖕᓄᑦ, “ᑕᑯᒋᑦ ᐃᓴᕆᐊᓕᒥᐅᑦ ᐃᑲᔪᕆᐊᕐᑕᐅᖂᕐᒪᑕ ᕼᐃᑍᑎᒥᐅᓄᑦ, ᐄᑦᔨᑉᑎᒥᐅᓪᓗ ᐊᖓᔪᖅᑳᕐᔪᐊᖏᓐᓄᑦ ᐅᓇᑕᕆᐊᕐᑖᓘᓕᕐᐳᒍᑦ.”

ᑯᕉᓂᑲ ᐂᑉᐸᖏᑦ 14:14

ᐃᒡᓗᒐᓮᑦ ᒋᕌᕆᐅᑉ ᖃᓂᒋᔭᖓᓃᑦᑐᓕᒫᑦ ᓵᓚᒋᕔᑦ, ᐊᑕᓂᐅᑉ ᓯᕘᕋᓂᕐᒥᒃ ᑐᓂᓚᐅᕐᒪᒋᑦ. ᐃᒡᓗᒐᓴᓕᒫᓪᓗ ᓇᒡᕚᕐᑕᕐᕕᒋᕔᑦ, ᐱᖁᑎᕐᔪᐊᖃᓚᐅᕐᒪᑕ.

ᒨᓯᓯ ᐂᑉᐸᖏᑦ 23:27

“ᐊᑭᕋᕐᑐᕐᑎᓯ ᐅᕙᓐᓂᒃ ᑲᑉᐱᐊᓱᓕᕐᑎᓐᓂᐊᕐᐸᒃᑲ, ᐅᓇᑕᖃᑎᒋᔭᓕᒫᓯᓗ ᓇᓗᓕᕐᓇᕐᑐᒧᑦ ᑎᑭᑕᐅᑎᓐᓂᐊᕐᐸᒃᑲ, ᐊᑭᕋᕐᑐᕐᑎᓯᓗ ᐃᓕᑦᓯᓐᓂᑦ ᕿᒫᑎᓪᓗᒋᑦ.

ᒨᓯᓯ ᓯᕗᓪᓖᑦ 35:5

ᑕᕝᕙᓐᖓᑦ ᐊᐅᓪᓚᓕᕐᓗᑎᒃ, ᓄᓇᓖᑦ ᖃᓂᒋᔮᓃᑦᑐᑦ ᑲᑉᐱᐊᓱᖕᓂᕐᔪᐊᕐᒧᑦ ᒎᑎᒥᑦ ᐱᔪᒧᑦ ᑎᑭᑕᐅᕗᑦ, ᒪᓕᒃᓴᖁᓇᒋᑦ ᔧᑰᑉ ᐃᕐᓂᖏᓐᓂᒃ.

ᔮᓱᐊᑉ ᐊᒡᓚᖏᑦ 5:1

ᐊᒧᕅᑏᑦ ᐊᖓᔪᖅᑳᕐᔪᐊᓕᒫᖏᑦ ᔪᐊᕐᑕᓂᐅᑉ ᓄᓇᖓᑕ ᓯᕿᓂᖓᑕ ᓂᐱᕕᐊᑕ ᓇᓛᓃᑦᑐᑦ, ᑬᓇᓂᒥᐅᓪᓗ ᐊᖓᔪᖅᑳᕐᔪᐊᓕᒫᖏᑦ ᒥᑎᑎᕆᓂᐊᑉ ᐃᒪᖓᑕ ᑭᒡᓕᖓᓃᑦᑐᑦ ᑐᓴᕋᒥᒃ ᔪᐊᕐᑕᓂᐅᑉ ᑰᖓ ᐊᑕᓂᐅᑉ ᓴᓗᐊᕐᑎᓚᐅᕐᓂᖓᓂᒃ ᐃᓴᕆᐊᓕᒥᐅᑦ ᐃᑳᖅᑳᕐᑎᓐᓇᒋᑦ, ᑲᑉᐱᐊᓱᓕᕐᐳᑦ ᐅᓇᖕᒥᓱᒍᓐᓃᕐᓗᑎᒡᓗ ᐃᓴᕆᐊᓕᒥᐅᓂᒃ.

ᒨᓯᓯ ᐂᑉᐸᖏᑦ 14:14

ᐊᑕᓂᐅᑉ ᐅᓇᑕᖔᕐᓂᐊᕐᒪᒋᑦ ᐊᑭᕋᓯ, ᐃᓕᑦᓯᓕ ᓱᓇᒥᒃ ᐱᓇᓱᐊᕆᐊᖃᓐᖏᓚᓯᓘᓐᓃᑦ.”

ᑯᕉᓂᑲ ᐂᑉᐸᖏᑦ 20:28

ᔨᕉᓴᓕᒧᑦ ᑎᑭᓐᓇᒥᒃ, ᓂᓪᓕᐊᑎᑦᓯᓚᐅᕐᐳᑦ ᕼᐊᕐᐱᓂᒃ ᑯᑭᑦᑕᐸᐅᑎᐅᔭᓂᒡᓗ ᓄᖃᕐᑎᓕᖕᓂᒃ ᑎᑦᑐᓚᐅᑎᓂᒡᓗ, ᐊᑕᓂᐅᑉ ᐃᒡᓗᖓᓄᑦ ᑎᑭᓪᓗᑎᒃ.

ᐃᓐᖏᕈᑎᑦ 76:8

ᐃᖅᑲᕐᑐᐃᓂᕐᒥᒃ ᓴᖅᑭᑎᑦᓯᕗᑎᑦ ᕿᓚᖕᒥᑦ; ᓄᓇᕐᔪᐊᖅ ᓯᕘᕋᒐᒥ ᑕᕝᕙ ᓄᖅᑲᓚᐅᕐᐳᖅ.

ᒨᓯᓯ ᐂᑉᐸᖏᑦ 14:25

ᕿᒧᒃᓯᐅᑎᖏᑕᓗ ᐊᒃᓴᓗᐊᖏᑦ ᐊᔪᕐᓯᑦᑕᕐᑎᓕᕐᐰᑦ ᐃᖏᕐᕋᑦᓯᐊᕈᓐᓃᕈᑎᒋᓪᓗᓂᑦᔪᒃ. ᐄᑦᔨᑉᑎᒥᐅᓪᓗ ᐅᖃᕐᐳᑦ, “ᐊᑕᓂᐅᑉ ᐃᓴᕆᐊᓕᒥᐅᑦ ᐅᓇᑕᐅᑎᓕᕐᐰᑦ ᐅᕙᑦᑎᓐᓂᒃ, ᐊᑏ ᕿᒫᖔᓕᕐᑕ ᑕᒫᓐᖓᑦ.”

ᑯᕉᓂᑲ ᐂᑉᐸᖏᑦ 14:13

ᐂᓴᐅᓪᓗ ᐃᓚᒋᔭᖏᑕᓗ ᒪᓕᒃᐰᑦ ᒋᕌᕆᒧᑦ ᑎᑭᓪᓗᑎᒃ, ᐃᑎᐅᐱᐊᒥᐅᓪᓗ ᓵᓚᐅᕗᑦ ᐊᒥᐊᒃᑯᔭᐅᓇᑎᒃ; ᓯᖁᒥᑕᐅᕗᑦ ᐅᓇᑕᕐᑐᒃᓴᖏᑦ ᐊᑕᓂᐅᑉ ᓵᖓᓂ ᐅᓇᑕᕐᑎᖏᓐᓄᓪᓗ. ᔫᑕᐅᓪᓗ ᐃᓄᖏᑦ ᐱᑖᓚᐅᕐᐳᑦ ᐅᓄᕐᑐᕐᔪᐊᓂᒃ ᐱᖁᑎᕕᓂᖏᓐᓂᒃ.