ᑯᕉᓂᑲ ᐂᑉᐸᖏᑦ 20:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᑭᖑᓂᖓᒍᑦ ᐅᑎᕐᐳᑦ, ᐊᖑᑎᓕᒫᑦ ᔫᑕᒧᑦ ᔨᕉᓴᓕᒧᓪᓗ, ᔨᕼᐆᓴᐸᑦᓗ ᓯᕗᓕᕐᑎᒋᔭᐅᓪᓗᓂ, ᔨᕉᓴᓕᒧᑦ ᐅᑎᕐᐳᑦ ᖁᕕᐊᓱᒡᓗᑎᒃ, ᐊᑕᓂᐅᑉ ᖁᕕᐊᓱᒃᑎᓚᐅᕐᒪᒋᑦ ᐊᑭᕋᖏᑦ ᓵᓚᒋᓪᓗᒋᑦ.

ᑯᕉᓂᑲ ᐂᑉᐸᖏᑦ 20:27 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 12:43

ᑕᕝᕙᓂᓗ ᐅᓪᓗᒥ ᐊᖏᔪᓂᒃ ᑐᓂᕐᕈᓯᕐᑐᖃᓚᐅᕐᐳᖅ ᖁᕕᐊᓱᒃᑐᐊᓘᓪᓗᑎᒡᓗ, ᒎᑎᐅᑉ ᖁᕕᐊᓱᖕᓂᕐᔪᐊᖃᕐᑎᓚᐅᕐᒪᒋᑦ ᐊᖏᔪᒥᒃ ᖁᕕᐊᓱᓚᐅᕐᐳᑦ; ᐊᕐᓁᓪᓗ ᓄᑕᖅᑲᓪᓗ ᖁᕕᐊᓱᖃᑕᐅᓚᐅᕆᕗᑦ. ᔨᕉᓴᓕᒥᐅᓪᓗ ᖁᕕᐊᓱᖕᓂᖓᑦ ᐅᖓᓯᒃᑐᒥᑦ ᑐᓵᔭᐅᓕᓚᐅᕐᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:20

“ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᐃᑦᔪᕐᓁᑦᑐᓯ ᐋᐴᓯᑕᓕᐅᔪᓯᓗ ᓇᓚᐅᑦᑍᔨᐅᔪᓯᓗ, ᐃᓕᑦᓯᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᒎᑎᐅᑉ ᐃᖅᑲᕐᑐᕐᓯᒪᖕᒪᒋᑦ ᐊᑭᓂᐊᕐᕕᒋᓪᓗᒋᑦ!”

ᐄᑉᕈᐃᓄᑦ 6:20

ᑕᕝᕙᓂ ᔩᓱᓯ, ᐅᕙᑦᑎᓐᓂᒃ ᐱᑦᔪᑎᖃᕐᓗᓂ ᐃᑎᕐᓯᒪᕗᖅ, ᐅᕙᑦᑎᓐᓂᑦ ᓯᕗᓪᓕᐅᓪᓗᓂ. ᑐᓂᕐᕈᓯᕐᑎᑦᓯᔨᓄᓪᓗ ᐊᖓᔪᖅᑲᐅᓕᕐᓗᓂ ᐃᓱᖃᖏᑦᑐᒧᑦ, ᒥᓪᑭᓯᑎᐅᑉ ᑐᓂᕐᕈᓯᕐᑎᑦᓯᔨᐅᓂᖓᑐᑦ.

ᒤᑲᐅᑉ ᐊᒡᓚᖏᑦ 2:13

ᐅᒃᑯᐃᕐᓯᔫᑉ ᐊᐅᓪᓚᐅᑎᓂᐊᕐᐰᑦ ᑎᒍᔭᐅᓯᒪᕕᖏᓐᓂᑦ; ᐊᐅᓪᓚᕐᓗᑎᒡᓗ ᐃᒡᓗᒐᓮᑦ ᐃᑎᕐᑕᕐᕕᐊᒍᑦ ᐊᓂᓗᑎᒃ. ᐊᖓᔪᖅᑳᕐᔪᐊᖓᑦᑕ ᐊᑕᓂᐅᑉ, ᑕᓯᐅᕐᓂᐊᕐᒪᒋᑦ.

ᐂᓮᐊᓯᐅᑉ ᐊᒡᓚᖏᑦ 51:11

ᐊᑕᓂᐅᑉ ᐊᑭᓕᕐᓗᒋᑦ ᐱᑖᕆᒃᑲᓐᓂᕐᓯᒪᔭᖏᑦ ᐅᑎᕈᒫᕐᐳᑦ, ᓮᐅᓂᒧᑦ ᐃᑎᓕᕈᒫᕐᐳᑦ ᐃᓐᖏᕐᓗᑎᒃ; ᐃᓱᖃᖏᑦᑐᒧᑦ ᖁᕕᐊᓱᖕᓂᕐᔪᐊᖃᕈᒫᕐᐳᑦ, ᐊᓕᐊᓁᒍᓱᒡᓗᑎᒃ ᖁᕕᐊᓱᖕᓂᐊᓗᖕᒧᑦ, ᕿᒃᓵᖕᓂᖅ ᐊᓂᕐᓴᐅᒥᓂᕐᓗ ᕿᒫᔪᒫᕐᐴᒃ.

ᐂᓮᐊᓯᐅᑉ ᐊᒡᓚᖏᑦ 35:10

ᐊᑕᓂᐅᑉ ᐊᑭᓕᕐᓗᒋᑦ ᓂᐅᕕᐊᕆᔭᖏᑦ ᑖᒃᑯᐊ ᐅᑎᕈᒫᕐᐳᑦ, ᑎᑭᑦᓱᒫᕐᐳᑦ ᓮᐅᓂᒧᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ; ᖁᕕᐊᓱᖕᓂᕐᔪᐊᕐᒧᑦ ᐃᓱᖃᖏᑦᑐᒧᑦ ᖁᓚᖏᐊᕐᑕᐅᔪᒫᕐᐳᑦ, ᐊᓕᐊᓁᒍᓱᖕᓂᕐᒥᒃ ᖁᕕᐊᓱᖕᓂᕐᒥᒡᓗ ᐱᓯᒪᔪᒫᕐᐳᑦ, ᕿᒃᓵᖕᓂᕐᓗ ᐊᓂᕐᓴᐅᒥᓂᕐᓗ ᕿᒫᔪᒫᕐᒪᑕ.

ᐃᓐᖏᕈᑎᑦ 30:1

ᐊᖏᔪᕈᕐᑎᑦᓱᒪᕙᒋᑦ, ᐊᑕᓃᖅ, ᐅᓇᓐᖓᑦ ᖃᑭᑎᓯᒪᒐᕕᖓ, ᐆᒥᒋᔨᒃᑲᓗ ᐅᕙᓐᓂᒃ ᖁᕕᐊᓱᒍᑎᖃᕐᑎᖏᓐᓇᕕᒋᑦ.

ᐃᓐᖏᕈᑎᑦ 20:5

ᖁᕕᐊᓱᖕᓂᕐᒥᒃ ᓂᓪᓕᐊᔪᒫᕐᐳᒍᑦ ᓵᓚᖃᕐᓂᕐᓂᒃ, ᒎᑎᑦᑕᓗ ᐊᑎᖓᓂ ᓮᒻᒪᑎᕗᑦ ᓇᑉᐸᕐᑎᑦᓱᒪᕙᕗᑦ! ᐊᑕᓂᐅᑦᑐᖅ ᕿᓄᐊᕆᔭᓕᒫᕐᓂᒃ ᑐᓂᓯᕕᒋᓕᑎᑦ.

ᓴᒧᐃᓕ ᓯᕗᓪᓖᑦ 2:1

ᕼᐋᓇ ᑐᒃᓯᐊᓚᐅᕐᐳᖅ ᐅᖃᕐᓗᓂ: “ᐊᑕᓂᐅᑉ ᐆᒻᒪᑎᒐ ᑕᑕᑎᑉᐹ ᖁᕕᐊᓱᖕᓂᕐᒥᒃ; ᐱᔪᓐᓇᕐᓂᕋ ᐊᑕᓂᐅᑉ ᖁᕝᕙᕐᑎᑉᐹ. ᐊᑭᕋᕐᑐᕐᑎᒃᑲ ᖁᖓᑦᔪᑎᒋᔪᓐᓇᓕᕐᐸᒃᑲ; ᖁᕕᐊᓱᒻᒪᕆᓕᕐᐳᖓ ᒎᑎᐅᑉ ᐱᐅᓕᓚᐅᕐᒪᖓ!

ᑯᕉᓂᑲ ᐂᑉᐸᖏᑦ 20:26

ᐅᓪᓗᐃᑦ ᓯᑕᒪᖓᓐᓂ ᑲᑎᕗᑦ ᓇᕐᓴᒥ ᐱᕋᑲᒥ ᓮᒻᒪᕐᑎᑕᐅᕕᖕᒥ, ᑕᕝᕙᓂ ᐊᑕᓂᖅ ᓂᕐᑐᕐᐹᑦ; ᑍᒤᒻᒪᑦ ᑖᓐᓇ ᓇᕐᓴᖅ ᑍᔭᐅᖃᑦᑕᓕᕐᐳᖅ ᓇᕐᓴᒥᒃ ᐱᕋᑲᒥᒃ ᓮᒻᒪᕐᑎᑕᐅᕕᖕᒥᒃ ᐅᓪᓗᒥᒧᑦ ᑎᑭᓪᓗᒍ.

ᑯᕉᓂᑲ ᐂᑉᐸᖏᑦ 20:28

ᔨᕉᓴᓕᒧᑦ ᑎᑭᓐᓇᒥᒃ, ᓂᓪᓕᐊᑎᑦᓯᓚᐅᕐᐳᑦ ᕼᐊᕐᐱᓂᒃ ᑯᑭᑦᑕᐸᐅᑎᐅᔭᓂᒡᓗ ᓄᖃᕐᑎᓕᖕᓂᒃ ᑎᑦᑐᓚᐅᑎᓂᒡᓗ, ᐊᑕᓂᐅᑉ ᐃᒡᓗᖓᓄᑦ ᑎᑭᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 46:10

ᐃᓄᐃᑦ ᐃᑎᓕᕐᐸᑕ ᐊᖓᔪᖅᑳᖅ ᐃᑎᖃᑕᐅᔪᒃᓴᐅᕗᖅ ᐊᑕᐅᑦᓯᒃᑯᑦ ᐃᑎᖃᑎᒋᓗᒋᑦ; ᐊᓂᓕᕐᐸᑕᓗ ᐊᓂᖃᑕᐅᖕᒥᓗᓂ.