ᑯᕉᓂᑲ ᐂᑉᐸᖏᑦ 20:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑕᕝᕙ ᐃᓚᖏᓐᓂᒃ ᐅᖃᕆᐊᕐᑐᕐᑐᖃᕐᐳᖅ ᔨᕼᐆᓴᐸᑦᒧᑦ, ᐅᖃᕐᓗᓂ, “ᐃᓄᒋᐊᒃᑐᕐᔪᐊᑦ ᐃᓕᖕᓂᒃ ᐅᓇᑕᕆᐊᓕᕐᐳᑦ ᐄᑐᒥᒥᑦ, ᑕᕆᐅᓪᓗ ᐊᑭᐊᓂᑦ; ᑕᑯᒋᓪᓗ, ᑖᒃᑯᐊ ᑎᒍᓯᓯᒪᓕᕇᕐᐳᑦ ᕼᐊᔭᔭᓐ-ᑕᒫᕆᒥᒃ” (ᑍᔭᐅᖕᒥᔪᖅ ᐃᓐ-ᒋᑎᒥᒃ).

ᑯᕉᓂᑲ ᐂᑉᐸᖏᑦ 20:2 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 14:3

ᑖᒃᑯᐊᓕᒫᓪᓗ ᐃᒻᒥᖕᓄᑦ ᑕᐱᕇᓕᓪᓗᑎᒃ ᐅᓇᑕᕆᐊᓚᐅᕐᐳᑦ ᓇᕐᓴᒥ ᓯᑎᒥᒥᒃ ᐊᑎᓕᖕᒥ, ᒫᓐᓇᓕ ᑍᔭᐅᓕᕐᑐᒥᒃ ᐃᒪᕐᒥᒃ ᑕᕆᐅᕐᒥᒃ.

ᒨᓯᓯ ᓯᕗᓪᓖᑦ 14:7

ᑕᕝᕙᓐᖓᓪᓗ ᐅᑎᕆᐊᕐᓗᑎᒃ ᑲᑎᓯᒧᑦ ᑎᑭᓚᐅᕐᐳᑦ ᐃᓐᒥᓯᐹᑦᒧᑦ (ᑍᔭᐅᕙᓚᐅᕐᑐᖅ ᑲᑎᓯᒥᒃ), ᐊᒪᓕᑬᑎᓪᓗ ᓄᓇᓕᒫᖏᓐᓂᒃ ᐊᕐᓵᓚᐅᕐᐰᑦ, ᐊᒧᕅᑎᓪᓗ ᓄᓇᖃᕐᑐᑦ ᕼᐊᔭᔭᓐᒥ ᑕᒫᕆᒥ.

ᓲᓗᒨᓂᐅᑉ ᐃᓐᖏᕈᓯᖏᑦ 1:14

ᓇᒡᓕᒋᔭᕋ, ᐅᕙᓐᓄᑦ ᐱᕈᕐᓯᐊᑎᑐᑦ ᕔᓂᒃᓴᑎᑐᑦ ᑲᑎᓐᖓᔪᑎᑐᑦ ᕼᐃᓇᒥᒃ ᐊᑎᓕᒃᑎᑐᑦ ᑍᒤᑉᐳᖅ, ᕔᓂᒃᓴᓕᐅᕐᕕᖕᒥ ᓄᓇᒥ ᐃᓐ-ᒋᑎᒥ ᐱᕈᕐᑐᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 47:10

ᐃᖃᓗᒃᓯᐅᕐᑐᓂᒃ ᑕᓯᐅᑉ ᓯᓈ ᓈᓯᒪᔪᒫᕐᐳᖅ; ᐃᓐ-ᒋᑎᒥᑦ ᐱᒋᐊᕐᓗᓂ ᐃᓐ-ᐃᒡᓔᒻ ᐃᒪᖓ ᑎᑭᓪᓗᒍ ᓄᓗᐊᒥᖕᓂᒃ ᐸᓂᕐᓰᔪᓂᒃ; ᐊᑦᔨᒌᖏᑦᑐᓂᒡᓗ ᐃᖃᓗᖃᕈᒫᕐᐳᖅ, ᑕᕆᐅᕐᔪᐊᒥ ᒥᑎᑐᕇᓂᐊᑉ ᐃᖃᓗᖏᑎᑐᑦ ᐅᓄᕐᑎᒋᔪᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 47:19

“ᓄᓇᐅᑉ ᐊᕕᒃᑐᕐᓯᒪᓂᖓᑕ ᑭᒡᓕᖓ ᐅᓪᓗᓪᓗᐊᑉ ᓇᓛᓃᑦᑐᖅ, ᐱᒋᐊᕐᓯᒪᔪᒃᓴᐅᕗᖅ ᑕᒫᕆ ᐃᓚᖓᓂᑦ ᒥᕆᐸ-ᑲᑎᓯᐅᑉ ᐃᒪᖓ ᑎᑭᓪᓗᒍ, ᐅᓐᓄᐊᓪᓗᐊᑉ ᓇᓛᓄᐊᖓᓪᓗᓂ ᐄᑦᔨᑉᑎᐅᑉ ᓄᓇᖓᓃᑦᑐᖅ ᑰᑉ ᑭᒡᓕᖓ ᑎᑭᓪᓗᒍ ᑕᕆᐅᕌᓗᖕᒧᑦ ᒥᑎᑎᕇᓂᒧᐊᖓᓪᓗᓂ. ᑕᒪᓐᓇ ᑕᕝᕙ ᐅᓪᓗᓪᓗᐊᑉ ᓇᓛᓃᑦᑐᖅ ᑍᒤᓕᖓᔪᒃᓴᐅᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 48:28

ᒑᑦᑯᑦ ᓄᓇᖓᑕ ᑭᒡᓕᖓᓂᑦ ᐱᒋᐊᕐᓗᓂ, ᐅᓪᓗᓪᓗᐊᑉ ᓇᓛᓄᐊᖓᓗᓂ, ᑕᒫᕆᐅᑉ ᓄᓇᖓᑕ ᑭᒡᓕᖓᓂᑦ ᒥᕆᐸ-ᑲᑎᓯᒧᐊᖓᓗᓂ, ᐅᓐᓄᐊᓪᓗᐊᑉ ᓇᓛᓄᐊᖓᓗᓂ ᐄᑦᔨᑉᑎᒥᐅᑦ ᓄᓇᖓᑕ ᑭᒡᓕᖓᒎᕐᓗᓂ ᑕᕆᐅᕐᔪᐊᖅ ᒥᑎᑎᕇᓂᐊ ᑎᑭᓪᓗᒍ.

ᒨᓯᓯ ᓯᑕᒪᖏᑦ 34:12

ᓄᓇᐅᑉ ᑭᒡᓕᖓ ᑰᒃ ᔪᐊᕐᑕᓂ ᐊᑐᐊᕐᓗᒍ, ᐃᓱᖃᕐᓗᓂ ᑕᕆᐅᕐᒧᑦ ᐃᒪᕐᔪᐊᒧᑦ. ᑕᒪᓐᓇ ᑕᕝᕙ ᓄᓇᑯᑎᑖᕆᓂᐊᕐᑕᓯ ᑭᒡᓕᖓᑕᓗ ᖃᓂᒋᔭᖓᓃᑦᑐᓕᒫᑦ.”

ᔮᓱᐊᑉ ᐊᒡᓚᖏᑦ 15:62

ᓂᑉᓵᓐ, ᐃᒡᓗᒐᓮᑦ ᑕᕆᐅᕐᒦᑦᑐᑦ, ᐃᓐ-ᒋᑎᓗ: ᐃᒡᓗᒐᓮᑦ ᐱᖓᓲᔪᕐᑑᕗᑦ, ᓄᓇᓖᓪᓗ ᐊᓯᖏᑦ ᖃᓂᒋᔭᖓᓃᑦᑐᑦ ᐃᓚᒋᓪᓗᒋᑦ.

ᔮᓱᐊᑉ ᐊᒡᓚᖏᑦ 3:16

ᑰᒍᓐᓃᓚᐅᕐᐳᖅ ᐊᑕᐅᓯᕐᒧᓪᓗ ᑲᑎᓪᓗᓂ ᑲᖏᐊᓄᑦ ᓄᓇᒧᑦ ᐊᑎᓕᖕᒧᑦ ᐋᑕᒥᒧᑦ, ᑖᑦᓱᒧᖓ ᐃᒡᓗᒐᓮᑦ ᔭᕆᑖᓐ ᓴᓂᐊᓃᑦᑐᒧᑦ, ᑰᓪᓗ ᑭᑖᓄᑦ ᑎᑭᓪᓗᒍ ᐃᒪᖅ ᑕᕆᐅᕐᒥᒃ ᑍᔭᐅᔪᒧᑦ ᑰᒍᓐᓃᓚᐅᕐᐳᖅ, ᐃᓄᐃᓪᓗ ᐃᑳᕈᓐᓇᕐᓯᓚᐅᕐᐳᑦ ᔨᕆᑰᑉ ᐊᑭᐊᓄᑦ.

ᓴᒧᐃᓕ ᓯᕗᓪᓖᑦ 23:29

ᑍᕕᑎᓗ ᑕᕝᕙᓐᖓᑦ ᐊᐅᓪᓚᓚᐅᕐᐳᖅ, ᐃᓐ-ᒋᑎᒧᑦ ᓄᓇᒧᑦ ᑕᕝᕙᓂᓗ ᓄᓇᖃᓕᕐᓗᓂ ᐃᔨᕐᓯᒪᑦᓱᓂ.