ᑯᕉᓂᑲ ᐂᑉᐸᖏᑦ 20:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᒪᑐᒪ ᑭᖑᕐᖓᒍᑦ ᒧᐊᐱᒥᐅᑦ ᐊᒧᓁᑎᒥᐅᓪᓗ, ᐃᓚᖃᕐᓗᑎᒃ ᒥ-ᔪᓁᑎᓂᒃ, ᑲᑎᑉᐳᑦ ᐅᓇᑕᕆᐊᕐᓗᑎᒃ ᔨᕼᐆᓴᐸᑦᒥᒃ.

ᑯᕉᓂᑲ ᐂᑉᐸᖏᑦ 20:1 ပူးပေါင်းရင်းမြစ်များ

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:19

ᓇᒡᓕᒋᔭᒃᑲ ᐃᓂᕐᑎᕐᓗᒋᑦ ᓱᒋᐊᖃᑦᑕᕐᐸᒃᑲ; ᑍᒤᒻᒪᑦ ᑲᑦᓱᖕᒊᓪᓗᑎᑦ ᖃᕿᐊᓕᕆᑦ.

ᔨᕆᒤᐊᐅᑉ ᐊᒡᓚᖏᑦ 10:24

ᐋᖅᑭᒋᐊᓚᐅᓐᖓ ᐊᑕᓃᖅ, ᐊᑲᐅᒋᔭᕐᓄᑦ; ᓂᓐᖓᐅᑎᖏᓪᓗᖓ, ᓱᓇᐅᔪᓐᓃᖁᓇᖓ.

ᐂᓮᐊᓯᐅᑉ ᐊᒡᓚᖏᑦ 16:6

ᑐᓴᐅᒪᕗᒍᑦ ᒧᐊᐱᒥᐅᑦ ᐱᐅᔪᕆᔪᕐᔪᐊᖑᓂᕋᕐᑕᐅᑎᓪᓗᒋᑦ, ᐱᐅᔪᕆᔪᕐᔪᐊᖑᓚᐅᕐᒪᑦ; ᓲᖑᓴᒃᑐᕐᔪᐊᖑᓪᓗᓂ, ᓇᖕᒥᓂᕐᓯᐅᕐᓗᑎᒡᓗ, ᐱᔪᓐᓇᕐᓂᕋᕐᓂᖏᓪᓕ ᐃᓗᓕᖃᓐᖏᓚᑦ.

ᑯᕉᓂᑲ ᐂᑉᐸᖏᑦ 32:1

ᐱᑦᓯᐊᕐᓃᑦ ᑕᒪᒃᑯᐊ ᑭᖑᕐᖓᒍᑦ, ᐊᓯᕆᐊᑉ ᐊᖓᔪᖅᑳᕐᔪᐊᖓ ᓯᓇᑯᕆᑉ ᑎᑭᓐᓇᒥ ᓵᓚᖃᕐᐳᖅ ᔫᑕᒥᒃ, ᑕᖕᒫᕐᐳᕐᓗ ᓴᐴᓗᑕᓖᑦ ᐃᒡᓗᒐᓮᑦ ᓴᓂᐊᓄᑦ, ᐃᓱᒪᓪᓗᓂ ᓵᓚᒋᔪᒪᓪᓗᒋᑦ ᐃᒻᒥᓄᐃᓐᓇᖅ ᐱᑦᔪᑎᒋᓗᓂ.

ᑯᕉᓂᑲ ᐂᑉᐸᖏᑦ 19:11

ᑕᑯᒋᓪᓗ, ᐊᒪᕅᐊ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ ᐃᓕᑦᓯᓐᓂᒃ ᑲᒪᔨᒻᒪᕆᐅᕗᖅ ᓱᓇᑐᐃᓐᓁᑦ ᐊᑕᓂᐅᑉ ᐱᖁᔭᖏᑦ ᐱᓪᓗᒋᑦ; ᔨᐸᑍᐊᓗ ᐃᓯᒥᐅᓕᐅᑉ ᐃᕐᓂᖓ, ᔫᑕᐅᑉ ᑎᖑᕚᖏᑕ ᐊᐅᓚᑦᓯᔨᖓ, ᑲᒪᔨᒻᒪᕆᐅᕗᖅ ᐊᖓᔪᖅᑳᕐᔪᐊᖅ ᐱᖁᑎᖏᓪᓗ ᐱᑦᔪᑎᒋᓪᓗᒋᑦ; ᓕᕔᑏᓪᓗ ᐃᓕᑦᓯᓐᓂᒃ ᐱᔨᑦᓯᕐᑎᐅᓂᐊᕐᐳᑦ ᖃᐅᔨᓴᕐᑎᐅᓗᑎᒃ. ᐱᓇᓱᐊᕆᑦᓯ ᓴᐱᖏᓪᓗᓯ, ᐊᑕᓂᐅᓪᓗ ᐱᑦᓯᐊᕐᑐᑦ ᐃᓚᒋᓕᒋᑦ!”

ᐂᓮᐊᓯᐅᑉ ᐊᒡᓚᖏᑦ 7:1

ᐊᖓᔪᖅᑳᕐᔪᐊᖅ ᐂᕼᐊᔅ ᔪᑖᒥᐅᑉ ᐃᕐᓂᖓ, ᐅᓮᐊᐅᑉ ᐃᕐᖑᑕᖓ, ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒻ, ᕆᔨᓐ ᐊᖓᔪᖅᑳᕐᔪᐊᖑᑎᓪᓗᒍ ᓯᕆᐊᒥ ᐲᑲᓗ ᕆᒪᓔᐊᐅᑉ ᐃᕐᓂᖓ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ, ᐅᓇᑕᕆᐊᓚᐅᕐᐳᑦ ᔨᕉᓴᓕᒧᑦ, ᓵᓚᒋᔪᓐᓇᓚᐅᓐᖏᓛᓪᓕ.

ᑯᕉᓂᑲ ᐂᑉᐸᖏᑦ 19:5

ᐋᖅᑭᒃᓱᐃᔨᓂᒡᓗ ᑎᓕᓯᕗᖅ ᓄᓇᖃᕐᑐᓕᒫᓄᑦ, ᓴᐴᓗᑕᓕᖕᓄᑦ ᐃᒡᓗᒐᓴᓕᒫᓄᑦ ᔫᑕᒦᑦᑐᓄᑦ, ᐃᒡᓗᒐᓴᖕᓂᑦ ᐃᒡᓗᒐᓴᖕᓄᑦ.

ᑯᕉᓂᑲ ᐂᑉᐸᖏᑦ 19:2

ᔨᕼᐆ ᕼᐊᓇᓁᑉ ᐃᕐᓂᖓ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᑖᑦᓱᒧᓐᖓᕐᐳᖅ ᐸᕐᕆᐊᕐᓗᓂᐅᒃ, ᐅᖃᐅᑎᕚᓗ ᐊᖓᔪᖅᑳᕐᔪᐊᖅ ᔨᕼᐆᓴᐸᑦ, “ᐃᑲᔪᕐᑐᒃᓴᐅᕖᑦ ᐱᐅᖏᑦᑐᓕᔪᓂᒃ ᓇᒡᓕᒋᔭᒃᓴᕆᕕᒋᓪᓗ ᐊᑕᓂᕐᒥᒃ ᐆᒥᓱᒃᑐᑦ? ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓᑕ ᖁᓚᖏᐊᓕᕐᐹᑎᑦ.

ᑯᕉᓂᑲ ᓯᕗᓪᓖᑦ 4:41

ᑖᒃᑯᐊ ᐊᑏᑦ ᑎᑎᕋᕐᑕᐅᓯᒪᔪᑦ ᑕᑯᔭᐅᓚᐅᕐᐳᑦ ᕼᐃᓯᑬᐊ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥ, ᑐᐱᖏᑦ ᓱᕋᒃᑎᕐᑕᐅᓚᐅᕐᐳᑦ ᒥ-ᔫᓂᒥᐅᓪᓗ ᑐᖁᑕᐅᓚᐅᕐᐳᑦ ᑍᑲᓃᓐᑐᑦ, ᓄᓁᕐᑕᐅᓪᓗᑎᒡᓗ ᐅᓪᓗᒥᒧᑦ ᑎᑭᓪᓗᒍ, ᑕᕝᕙᓂᓗ ᓄᓇᑖᓚᐅᕐᐳᑦ ᓂᕿᒃᓴᖃᑦᓯᐊᕐᓂᖓ ᐆᒪᔪᓄᑦ ᐱᑦᔪᑎᒋᓪᓗᒍ.

ᑯᕉᓂᑲ ᐂᑉᐸᖏᑦ 20:10

“ᒫᓐᓇᓕ ᑕᑯᒋᑦ, ᐊᒧᓁᒥᐅᑦ, ᒧᐊᐱᒥᐅᑦ ᖃᖅᑲᒥᐅᑦ ᓰᐊᕆᐊᒥᐅᓪᓗ ᐃᓄᖏᑦ, ᐃᓴᕆᐊᓕᒥᐅᓄᑦ ᓄᖑᑕᐅᖁᓚᐅᓐᖏᑕᑎᑦ ᐄᑦᔨᑉᑎᒥᐅᑦ ᓄᓇᖓᓂᑦ ᐊᐅᓪᓚᕐᑎᓪᓗᒋᑦ, ᑖᒃᑯᐊ ᓴᓂᖅᑯᓚᐅᕐᐰᑦ ᐊᓯᕈᕐᑕᐅᓇᑎᒃ.

ᑯᕉᓂᑲ ᐂᑉᐸᖏᑦ 26:7

ᒎᑎᐅᑉ ᐃᑲᔪᓚᐅᕐᐹ ᐅᓇᑕᕐᓂᖓᓂ ᐱᓕᔅᑍᓂᒥᐅᓂᒃ, ᐋᕋᑉᓂᒡᓗ ᒎᕐ-ᐰᓕᒥ ᓄᓇᖃᕐᑐᓂ, ᒥ-ᔫᓂᒥᐅᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 49:1

ᐊᒧᓁᑎᒥᐅᑦ ᐱᓪᓗᒋᑦ, ᐃᒫᒃ ᐊᑕᓂᖅ ᐅᖃᕐᐳᖅ, “ᐃᓴᕆᐊᓕᒥᐅᑦ ᑭᖑᕚᒃᓴᕐᑖᕐᓂᖏᒻᒪᑖ? ᑭᖑᕐᖑᑦᔨᔪᒃᓴᖃᓐᖏᓛᖅ? ᖃᓄᐃᒻᒪᓪᓕ ᒫᓕᑭ ᒑᑎᒥᐅᓂᒃ ᑎᒍᓯᓯᒪᕚ? ᐊᒧᓁᑎᒥᐅᓂᒡᓗ ᐃᓄᖃᐅᕐᓗᑎᒃ ᓄᓇᓕᖏᑦ.

ᑯᕉᓂᑲ ᐂᑉᐸᖏᑦ 14:8

ᐂᓴᓗ ᐅᓇᑕᕐᑎᖁᑎᖃᕐᐳᖅ 300,000ᓂᒃ ᔫᑕᒥ, ᐅᓇᑕᐅᑎᓕᖕᓂᒃ ᓴᐴᓗᑕᖃᕐᓗᑎᒃ ᒥᑭᔪᓂᒃ ᖃᓗᒋᐊᖃᕐᓗᑎᒡᓗ, ᐱᓐᔭᒥᓂᒃᑯᓐᓂᑦ 280,000ᓂᒃ ᐅᓇᑕᕐᑎᖁᑎᖃᕐᐳᖅ, ᓴᐴᓗᑕᓕᖕᓂᒃ ᐱᑎᒃᓯᓕᖕᓂᒃ; ᑖᒃᑯᐊᓕᒫᑦ ᐊᔪᖏᑦᓯᐊᓚᐅᕐᐳᑦ ᐱᔭᕆᐅᕐᓴᓯᒪᑦᓯᐊᕐᓗᑎᒡᓗ.