ᑯᕉᓂᑲ ᐂᑉᐸᖏᑦ 2:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑭᐊᓕ ᑐᒃᓯᐊᕐᕕᒡᔪᐊᓕᐅᕈᓐᓇᕐᐸᐅᒃ, ᕿᓚᒃ, ᕿᓔᓪᓗ ᖁᑦᓯᖕᓂᕐᐹᖏᑕ ᐱᓯᒪᔪᓐᓇᓐᖏᑎᓪᓗᓂᐅᒃ? ᖃᓄᐃᑦᑑᒐᒪᓕ ᑐᒃᓯᐊᕐᕕᒡᔪᐊᓕᐅᕐᑐᒃᓴᐅᕗᖓ ᑖᑦᓱᒧᖓ, ᑎᐱᑦᓯᐊᕆᒃᑐᓂᒃ ᐃᑯᐊᓚᑎᑦᓯᔪᓐᓇᑐᐃᓐᓇᕐᓗᖓ ᑖᑦᓱᒪ ᓵᖓᓂ?

ᑯᕉᓂᑲ ᐂᑉᐸᖏᑦ 2:6 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 7:18

ᑕᒪᑐᒪ ᑭᖑᓂᖓᒍᑦ ᐊᖓᔪᖅᑳᕐᔪᐊᖅ ᑍᕕᑎ ᑐᐱᕐᒧᐊᕐᐳᖅ ᐊᑕᓂᐅᑉ ᓇᔪᕐᑕᖓᓄᑦ, ᐃᖏᓪᓗᓂᓗ ᑐᒃᓯᐊᕐᐳᖅ ᐅᖃᕐᓗᓂ, “ᐊᑕᓃᖅ ᒎᑏ, ᓇᓗᖅᑯᑎᕗᖓ ᖃᓄᐃᓕᐅᕐᓯᒪᓂᕆᔭᕐᓂᒃ ᐅᕙᓐᓄᑦ ᐃᓚᓐᓄᓪᓗ.

ᐊᑕᓃᑦ ᓯᕗᓪᓖᑦ 7:13

ᐊᖓᔪᖅᑳᕐᔪᐊᖅ ᓲᓗᒨᓂ ᕾᖁᔨᓚᐅᕐᐳᖅ ᑎᑭᑎᓪᓗᓂᐅᒡᓗ ᕼᐅᕋᒻ ᓴᓇᔨ ᑍᕆᒥᐅᑕᖅ.

ᐊᑕᓃᑦ ᓯᕗᓪᓖᑦ 7:14

ᐅᐃᒡᒐᕐᓂᐅᑉ ᐃᕐᓂᖓ ᓈᑉᑕᓕᐅᑉ ᑭᖑᕚᖏᓐᓂᒥᐅᖅ ᐊᑖᑕᖓ ᑍᕆᒥᐅᑕᐅᓚᐅᕐᑐᖅ, ᑖᓐᓇ ᓴᓇᔨ ᑲᓐᓄᔭᓂᒃ; ᓯᓚᑐᔫᓚᐅᕐᐳᖅ, ᑐᑭᓯᐊᑦᓯᐊᕐᓗᓂᓗ ᓴᓇᔪᓐᓇᑦᓯᐊᕐᑐᖅ, ᑲᓐᓄᔭᒥᒃ ᖃᓄᑐᐃᓐᓇᖅ. ᑖᓐᓇ ᑎᑭᓚᐅᕐᐳᖅ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ, ᓴᓇᓚᐅᕐᑐᕐᓗ ᓴᓇᔭᕆᐊᖃᕐᑕᓕᒫᒥᓂᒃ.

ᐊᑕᓃᑦ ᓯᕗᓪᓖᑦ 8:27

“ᒎᑎ ᐃᓂᖃᕈᓐᓇᓪᓚᕆᒃᐹ ᓄᓇᒥ? ᑕᑯᒋᑦ, ᕿᓚᒃ ᕿᓚᐅᓪᓗ ᖁᑦᓯᖕᓂᕐᐹᖓ ᐃᓂᒋᒍᕕᐅᒃ ᒥᑭᓗᐊᕆᕙᑦ; ᐅᓇᓕ ᐃᒡᓗ ᓴᓇᔭᕋ ᑖᒃᑯᓇᓐᖓᑦ ᒥᑭᓐᓂᕐᓴᒻᒪᕆᐊᓘᕗᖅ?

ᑯᕉᓂᑲ ᓯᕗᓪᓖᑦ 22:15

ᓴᓇᔪᓐᓇᕐᑐᓂᒃ ᐅᓄᕐᑐᕐᔪᐊᓂᒃ ᐱᔪᒃᓴᕐᑕᖃᕐᐳᖅ: ᐅᔭᕋᖕᓂᒃ ᓇᑲᑎᕆᔨᓂᒃ, ᐅᔭᕋᖕᓂᒃ ᓴᓇᓐᖑᐊᕈᓐᓇᕐᑐᓂᒃ, ᕿᔪᓕᕆᔨᓂᒃ, ᐃᓕᓯᒪᔪᓪᓗ ᓴᓇᓐᖑᐊᕈᓐᓇᕐᑐᑦ ᓱᓇᑐᐃᓐᓇᑦᓯᐊᓂᒃ ᐅᓄᕐᑐᕐᔪᐊᑦ, ᓴᓇᔪᓐᓇᑦᓯᐊᕐᑐᑦ

ᑯᕉᓂᑲ ᓯᕗᓪᓖᑦ 29:14

ᐅᕙᖓᓕ, ᐃᓅᖃᑎᒃᑲᓗ ᖃᓄᖅ ᐱᔪᒪᓂᑦᑎᓐᓄ ᑐᓂᓯᔪᓐᓇᕐᐱᑖ? ᐃᓘᓐᓇᑦᓯᐊᑎᒃ ᐃᓕᖕᓂᑦ ᐱᖕᒪᑕ, ᓇᖕᒥᓂᑎᓪᓗ ᑕᕝᕙ ᑐᓂᕙᕗᑦ ᐃᓕᖕᓄᑦ.

ᑯᕉᓂᑲ ᐂᑉᐸᖏᑦ 1:10

ᒫᓐᓇᓕ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᑐᓂᓯᕕᒋᓚᐅᓐᖓ ᐃᓄᐃᑦ ᓵᖓᓄᐊᖃᑦᑕᖁᓪᓗᖓ, ᑭᐊᓕ ᐊᐅᓚᑦᓯᐊᕈᓐᓇᕐᐰᑦ ᐃᓄᖁᑎᑎᑦ, ᐃᓄᒋᐊᒃᑐᕐᔪᐊᖑᖕᒪᑕ?”

ᑯᕉᓂᑲ ᐂᑉᐸᖏᑦ 6:18

“ᒎᑎᓕ ᐃᓄᖕᓂ ᐃᓂᖃᕈᓐᓇᕋᓗᐊᕐᐹ ᓄᓇᕐᔪᐊᒥ? ᑕᑯᒋᑦ, ᕿᓚᒃ ᕿᓔᓪᓗ ᖁᑦᓯᖕᓂᕐᐹᖏᑦ ᐃᓂᖃᕐᑎᑦᓯᔪᓐᓇᓐᖏᓚᑦ ᐃᓕᖕᓂᒃ; ᖃᓄᕐᓕ ᐅᓇ ᐃᒡᓗᓕᐊᕆᓚᐅᕐᑕᕋ ᐃᓂᖃᕐᑎᑦᓯᔪᓐᓇᕐᐸ!

ᒨᓯᓯ ᐂᑉᐸᖏᑦ 3:11

ᒨᓯᓯᓕ ᒎᑎᒧᑦ ᐅᖃᕐᐳᖅ, “ᐃᓄᑐᐃᓐᓇᕈᓘᔪᖓᓕ ᖃᓄᕐᓕ ᐊᖓᔪᖅᑳᕐᔪᐊᒨᕈᓐᓇᕐᓂᐊᕋᒪ ᐃᓴᕆᐊᓕᒥᐅᓪᓗ ᐄᑦᔨᑉᑎᒥᑦ ᐊᐅᓪᓚᕐᑎᓪᓗᒌᑦ?”

ᒨᓯᓯ ᐂᑉᐸᖏᑦ 31:5

ᐅᔭᕋᖕᓂᒃ ᓇᑲᑎᕆᔪᓐᓇᕐᓂᕐᒥᒃ ᐃᕕᕐᑎᑎᐅᕅᔪᓐᓇᕐᓂᕐᒥᒡᓗ; ᕿᔪᖕᓂᒃ ᓴᓇᓐᖑᐊᕈᓐᓇᕐᓂᕐᒥᒃ; ᖃᓄᐃᑦᑐᑐᐃᓐᓇᑦᓯᐊᓂᒡᓗ ᓴᓇᔪᓐᓇᕐᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 66:1

ᐊᑕᓂᖅ ᐃᒫᒃ ᐅᖃᕐᐳᖅ: “ᕿᓚᒃ ᐃᒃᓯᕙᐅᑕᕐᔪᐊᕆᒐᒃᑯ, ᓄᓇᓗ ᐃᑎᒐᓐᓄᑦ ᐃᑯᕐᕋᕆᓪᓗᒍ, ᓇᐅᒡᓕ ᑍᒪ ᐃᒡᓗᒃᓴᕋ? ᓇᓂᓗ ᐃᓂᖃᕈᓐᓇᕐᐳᖓ?

ᔨᕆᒤᐊᐅᑉ ᐊᒡᓚᖏᑦ 23:24

ᐃᓄᒃ ᐃᔨᕐᓯᒪᔪᓐᓇᕐᐹ ᖃᐅᔨᒪᓇᖏᑦᑐᒧᑦ ᑕᑯᔪᓐᓇᕐᓂᐊᓐᖏᑕᓐᓂᒃ? ᐊᑕᓂᖅ ᐅᖃᕐᐳᖅ. ᓇᓂᑐᐃᓐᓈᓐᖏᓚᖔ ᕿᓚᖕᒥ ᓄᓇᒥᓗ? ᐊᑕᓂᖅ ᐅᖃᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:16

ᐊᓯᐅᔪᒫᕐᑐᓄᑦ ᒪᒪᖏᑦᑐᑎᑐᑦ ᑐᖁᓐᓇᕐᑐᑎᑐᑦ ᑍᒤᑉᐳᒍᑦ; ᐱᐅᓕᔭᐅᓯᒪᔪᓄᑦ ᑎᐱᑦᓯᐊᕆᒃᑐᑎᑐᑦ ᐃᓅᓯᕐᑖᕐᑎᑦᓯᔪᑎᑐᑦ ᑍᒤᑉᐳᒍᑦ. ᑭᓇᓕ ᑍᒪ ᑍᒤᑦᑐᒥᒃ ᐱᓇᓱᐊᕐᓂᕐᒥᒃ ᐱᔪᓐᓇᕐᐹ?

ᐃᐱᓯᒥᐅᓄᑦ 3:8

ᐅᕙᖓ ᒎᑎᐅᑉ ᐃᓄᖁᑎᓕᒫᖏᓐᓂᑦ ᒥᑭᓐᓂᕐᐸᐅᒐᓗᐊᕐᑐᖓ, ᒎᑎᐅᑉ ᑐᓂᓯᕕᒋᓚᐅᕐᐹᖓ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ; ᔫᑎᐅᖏᑦᑐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᙭ᔅᑑᓯᐅᑉ ᐊᒥᒐᕐᓯᖏᓐᓂᖓᓂᒃ ᑭᒡᓕᖃᖏᑦᑐᒥᒃ,

ᒨᓯᓯ ᑕᓪᓕᒪᖏᑦ 12:11

ᑕᕝᕙᓂᓗ ᐊᑕᓂᖅ ᒎᑎᓯ ᓂᕈᐊᕈᒫᕐᐳᖅ ᐊᑕᐅᓯᕐᒥᒃ ᑖᑦᓱᒧᖓ ᑐᒃᓯᐊᖃᑦᑕᕐᕕᒃᓴᑦᓯᓐᓂᒃ, ᑕᕝᕙᓂ ᑐᓂᓯᖃᑦᑕᕐᕈᒫᕐᐳᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᓯᒪᔭᓕᒫᓐᓂᒃ: ᑐᓂᕐᕈᑎᒃᓴᑦᓯᓐᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᑦᓯᓐᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᒋᔭᓯᓗ ᐊᓯᖏᓪᓗ ᑐᓂᕐᕈᑎᒃᓴᕆᔭᓯ, ᑐᓂᔭᒃᓴᓯᓗ ᐱᓪᓚᕆᐅᔪᑦ ᐊᑕᓂᕐᒧᑦ ᑐᓂᔭᒃᓴᕆᓪᓗᒋᑦ ᐊᖏᕈᑎᒋᓯᒪᔭᓯ.

ᒨᓯᓯ ᑕᓪᓕᒪᖏᑦ 12:14

ᑕᒪᒃᑯᐊᓕ ᑐᓂᕐᕈᑎᒃᓮᑦ ᑐᓂᔭᒃᓴᕆᕙᓯ ᑐᓂᕐᕈᓯᕐᕕᖕᒥ ᐊᑕᓂᐅᑉ ᓄᓇᒥ ᓂᕈᐊᕐᓯᒪᔭᖓᓂ ᓇᓪᓕᐊᑦᑕ ᑭᖑᕚᕇᑦ ᓄᓇᖁᑎᖓᑦᑕ ᐃᓚᖓᓂ ᐊᓯᐊᓂᐅᖏᑦᑐᖅ. ᑕᕝᕙᓂ ᑭᓯᐊᓂ ᑐᓂᕐᕈᓯᕐᑐᒃᓴᐅᕗᓯ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᐃᓕᑦᓯᓐᓄᑦ ᐊᑐᕐᑕᐅᖁᓯᒪᔭᓐᓂᒃ.

ᒨᓯᓯ ᑕᓪᓕᒪᖏᑦ 12:26

ᐊᑕᓂᐅᓪᓕ ᑐᒃᓯᐊᕐᕕᒃᓴᐅᑎᑕᖓᓄᑦ ᐊᑕᐅᓯᕐᒧᑦ ᐋᑦᓯᔪᒃᓴᐅᕗᑎᑦ ᑐᓂᕐᕈᑎᒃᓴᕆᔭᕐᓂᒃ ᑐᓂᔭᒃᓴᕆᔭᕐᓂᒡᓗ ᐊᑕᓂᕐᒧᑦ ᐊᖏᕈᑎᒋᓯᒪᔭᕐᓂᒃ.