ᑯᕉᓂᑲ ᐂᑉᐸᖏᑦ 2:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᓲᓗᒨᓂᓗ ᑎᑎᕋᕐᐳᖅ ᕼᐅᕋᒻᒧᑦ ᑍᕆᐅᑉ ᐊᖓᔪᖅᑳᕐᔪᐊᓄᑦ, ᐅᖃᕐᓗᓂ: “ᐊᑖᑕᒐ ᑍᕕᑎ ᐱᓇᓱᐊᖃᑎᒋᓚᐅᕋᕕᐅᒃ ᕿᔪᖕᓂᒡᓗ ᓰᑕᕆᓂᒃ ᐃᒻᒥᓄᑦ ᐃᒡᓗᓕᐅᕈᑎᒃᓴᖏᓐᓂᒃ ᑐᓂᓚᐅᕋᕕᐅᒃ, ᑍᒫᒃᑕᐅᖅ ᐱᓇᓱᐊᕐᕕᒋᓐᖓ.

ᑯᕉᓂᑲ ᐂᑉᐸᖏᑦ 2:3 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 14:1

ᐊᖓᔪᖅᑳᕐᔪᐊᕐᓗ ᕼᐅᕋᒻ ᑍᕆᒥᐅᑕᖅ ᑎᓕᓯᕗᖅ ᐅᖃᕆᐊᕐᑐᕐᑐᓂᒃ ᑍᕕᑎᒧᑦ, ᓇᐹᕐᑐᓂᒡᓗ ᓰᑕᕆᓂᒃ, ᐅᔭᕋᓕᕆᔨᓂᒡᓗ ᕿᔪᓕᕆᔨᓂᒡᓗ ᑍᕕᑎᒥᒃ ᐃᒡᓗᓕᐅᕐᑐᒃᓴᓂᒃ ᑎᓕᓯᒋᓪᓗᓂ.

ᓴᒧᐃᓕ ᐂᑉᐸᖏᑦ 5:11

ᐊᖓᔪᖅᑳᕐᔪᐊᕐᓗ ᕼᐂᕋᒻ ᑍᕆᒥᐅᑕᖅ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑐᓂᒃ ᑍᕕᑎᒧᑦ; ᑐᓂᓪᓗᒍᓗ ᕿᔪᖕᓂᒃ ᓰᑕᕆᓂᒃ ᓯᑎᔪᓂᒃ, ᕿᔪᓕᕆᔨᓂᒃ ᐅᔭᕋᓕᕆᔨᓂᒡᓗ ᐊᖓᔪᖅᑳᕐᔪᐊᑉ ᐃᒡᓗᖓᓂᒃ ᓴᓇᔭᕐᑐᕐᑐᓂᒃ.

ᒨᓯᓯ ᐂᑉᐸᖏᑦ 25:30

ᑖᓐᓇᓗ ᓵ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᑕ ᓯᕗᕌᓃᑦᑐᒃᓴᐅᕗᖅ, ᓵᓪᓗ ᖄᖓᓂ ᑍᒪᓐᖓᑦ ᓂᐊᖂᔭᕐᑕᖃᕐᑐᒃᓴᐅᕗᖅ ᐅᕙᓐᓄᑦ ᑐᓂᕐᕈᑎᐅᔪᕕᓂᕐᓂᒃ.”

ᒨᓯᓯ ᐂᑉᐸᖏᑦ 29:38

“ᑐᓂᕐᕈᓯᕐᕕᒥ ᐃᒤᑦᑐᓂᒃ ᑕᕝᕙ ᑐᓂᕐᕈᓯᕐᑐᒃᓴᐅᕗᑎᑦ; ᓰᐱᐅᑉ ᓄᕐᕋᖏᖕᓂᒃ ᒪᕐᕉᖕᓂᒃ ᐊᑕᐅᓯᕐᒥᒃ ᐊᕐᕌᒍᓖᖕᓂᒃ ᑐᓂᕐᕈᓯᖃᑦᑕᕐᑐᒃᓴᐅᕗᑎᑦ ᖃᐅᑕᒫᑦ ᑍᒫᓐᖓᓕᒫᖅ.

ᒨᓯᓯ ᐂᑉᐸᖏᑦ 29:39

ᐅᓪᓛᒃᑯᑦ ᓰᐱᐅᑉ ᓄᕐᕋᖓᓂᒃ ᐊᑕᐅᓯᕐᒥᒃ ᑐᓂᕐᕈᓯᕐᑐᒃᓴᐅᕗᑎᑦ, ᐂᑉᐸᖓᓕ ᓰᐱᐅᑉ ᓄᕐᕋᖓ ᐅᓐᓄᒃᑯᑦ ᑐᓂᕐᕈᑎᒋᔭᒃᓴᕆᕙᑦ;

ᒨᓯᓯ ᐂᑉᐸᖏᑦ 29:41

ᐂᑉᐸᖓᓕ ᓰᐱᐅᑉ ᓄᕐᕋᖓ ᑐᓂᕐᕈᑎᒋᔭᒃᓴᕆᕙᑦ ᐅᓐᓄᒃᑯᑦ, ᑐᓂᕐᕈᑎᒋᓕᕈᕕᐅᒃ ᑍᒫᑦᓮᓐᓇᖅ ᓂᐊᖂᔭᒃᓴᒥᒃ ᓯᖃᓪᓕᕐᓯᐊᕐᓯᒪᔪᒥᒃ ᐃᓚᔭᒃᓴᕆᕙᑦ, ᓇᐹᕐᑑᓪᓗ ᐅᕐᓱᖓᓂᒃ ᑍᒫᑦᓮᓐᓇᖅ, ᐸᐅᕐᖎᓪᓗ ᐃᑦᑎᖓᓂᒃ ᑍᒫᑦᓮᓐᓇᖅ ᐅᓪᓛᒃᑯᑦ ᑐᓂᕐᕈᑎᒋᖅᑲᐅᔭᕐᑐᑦ, ᑕᒪᑐᒪ ᑎᐱᖓ ᒪᒪᕐᑑᕗᖅ ᐊᑕᓂᕐᒧᑦ ᑐᓂᕐᕈᑕᐅᔪᖅ ᐃᑯᐊᓚᑎᑕᐅᓪᓗᓂ.

ᒨᓯᓯ ᐂᑉᐸᖏᑦ 30:7

ᐅᓪᓛᑕᒫᑦ ᐂᕉᓂ ᓇᓂᕈᐊᓂᒃ ᐊᑐᐃᓐᓇᕈᕐᑎᑦᓯᒋᐊᕐᑐᓕᕈᓂ, ᐃᓯᕐᓗᐊᕐᓂᑎᑕᒃᓴᒥᒃ ᑎᐱᑦᓯᐊᕆᒃᑐᒥᒃ ᐃᑯᐊᓪᓔᔪᒃᓴᐅᕗᖅ ᑐᓂᕐᕈᓯᕐᕕᐅᑉ ᖄᖓᓂ.

ᒨᓯᓯ ᐱᖓᔪᖏᑦ 9:17

ᓂᐊᖂᔭᕐᓗ ᑐᓂᕐᕈᑎᒃᓴᖅ ᑕᒪᐅᓐᖓᕆᕚ ᐊᒡᒐᖕᒥᓄᑦ ᑎᒍᓯᓪᓗᓂ ᑖᓐᓇ ᐃᑯᐊᓪᓚᒃᐹ ᑐᓂᕐᕈᓯᕐᕕᖕᒥ, ᐅᓪᓛᒥ ᑐᓂᕐᕈᑎᒋᔭᐅᔪᒧᑦ ᐃᓚᓕᐅᑎᓪᓗᒍ.

ᒨᓯᓯ ᐱᖓᔪᖏᑦ 23:2

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ; ᒪᓕᒊᑦ ᐅᑯᐊ ᐊᑐᕐᑕᐅᔭᕆᐊᖃᕐᐳᑦ ᐅᒃᐱᕐᓂᕐᒥ ᓇᓪᓕᐅᓐᓂᕐᓯᐅᕐᓃᑦ ᐱᓪᓗᒋᑦ, ᐃᓴᕆᐊᓕᒥᐅᑦ ᑲᑎᕝᕕᒋᕙᒃᑕᖏᓐᓂ ᑐᒃᓯᐊᖃᑎᒌᖕᓂᕐᒧᑦ.

ᒨᓯᓯ ᓯᑕᒪᖏᑦ 28:9

“ᓴᐸᑎᐅᑉ ᐅᓪᓗᖓᓂ ᓰᐱᐅᑉ ᓄᕐᕋᖏᖕᓂᒃ ᒪᕐᕉᖕᓂᒃ ᑐᓂᕐᕈᓯᕆᐊᖃᕐᐳᓯ ᐊᑕᐅᓯᕐᒥᒃ ᐊᕐᕌᒍᖃᕐᑑᖕᓂᒃ, ᓴᓗᒤᑦᑑᖏᓪᓗᑎᒃ, ᓂᐊᖂᔭᓴᒥᒃ ᓯᖃᓪᓕᓯᒪᑦᓯᐊᕐᑐᒥᒃ ᐆᒃᑑᑦ 2/10 ᕼᐃᓐᒥᒃ ᐊᖏᓂᓕᖕᒥᒃ ᐅᕐᓱᒥᒃ ᐃᓚᓗᒍ, ᕔᓂᒥᒡᓗ:

ᒨᓯᓯ ᓯᑕᒪᖏᑦ 28:11

“ᑕᖅᑭᐅᑉ ᐱᒋᐊᕐᓂᖓᓂ ᐃᑯᐊᓚᑎᑕᒃᓴᒥᒃ ᐊᑕᓂᕐᒧᑦ ᑐᓂᕐᕈᓯᖃᑦᑕᕐᓂᐊᕐᐳᓯ: ᐊᖑᓴᓪᓘᖕᓂᒃ ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ, ᓰᐱᒥᒃ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒡᓗ ᓰᐱᓂᒃ ᓄᕐᕋᕐᓂᒃ ᐊᕐᕌᒍᖃᕐᑐᓂᒃ ᐊᑕᐅᓯᕐᒥᒃ, ᓴᓗᒤᓐᓂᖃᖏᓪᓗᑎᒃ;

ᑯᕉᓂᑲ ᐂᑉᐸᖏᑦ 4:19

ᓲᓗᒨᓂᐅᑉ ᑕᒪᒃᑯᐊᓕᒫᑦ ᓴᓇᔭᐅᑎᑉᐰᑉ ᒎᑎᐅᑉ ᐃᒡᓗᖓᓃᑦᑐᑦ; ᑐᓂᕐᕈᓯᕐᕕᒃ ᒎᓗ, ᓵᓪᓗ ᓂᐊᖂᔭᒃᑯᕖᑦ ᑐᓂᕐᕈᑕᐅᓯᒪᔪᑦ ᐃᓂᒃᓴᖏᑦ.

ᑯᕉᓂᑲ ᐂᑉᐸᖏᑦ 8:13

ᖃᐅᑕᒫᕐᓯᐅᑎᑦ ᒪᓕᒡᓗᒋᑦ, ᑐᓂᕐᕈᓯᕐᐳᖅ ᒨᓯᓯᐅᑉ ᐱᖁᔭᖏᑦ ᒪᓕᒡᓗᒋᑦ ᓴᐸᑎᓯᐅᑎᓂᒃ, ᑕᖅᑭᓂᕋᑖᕐᑐᕐᓯᐅᑎᓂᒃ, ᐊᕐᕌᒍᑕᒫᓪᓗ ᐱᖓᓱᓄᑦ ᓇᓪᓕᐅᓐᓂᕐᓯᐅᕕᖕᓄᑦ ᓂᐊᖂᔭᓄᑦ ᐳᕙᓪᓚᕐᓴᐅᑎᖃᖏᑦᑐᓂᒃ ᓇᓪᓕᐅᓐᓂᕐᓯᐅᕐᕕᖕᓄᑦ, ᐱᕈᕐᑐᓪᓗ ᑲᑎᕐᓱᕐᑕᐅᓂᖏᓐᓄᑦ ᓇᓪᓕᐅᓐᓂᕐᓯᐅᕐᕕᖕᓄᑦ, ᑐᐱᕐᒦᖃᑦᑕᓚᐅᕐᓂᕐᒧᓪᓗ ᓇᓪᓕᐅᓐᓂᕐᓯᐅᕐᕕᖕᓄᑦ.

ᑯᕉᓂᑲ ᐂᑉᐸᖏᑦ 13:11

ᐃᑯᐊᓪᓔᖃᑦᑕᕐᐳᑦ ᐊᑕᓂᕐᒧᑦ ᐅᓪᓛᑕᒫᑦ ᐅᓐᓄᑕᒫᓪᓗ ᐃᑯᐊᓚᑎᑕᒃᓴᓂᒃ ᑐᓂᕐᕈᓯᖃᑦᑕᕐᐳᑦ ᑎᐱᑦᓯᐊᕆᒃᓴᐅᑎᓂᒡᓗ ᐳᔫᕐᑎᑦᓯᓪᓗᑎᒃ. ᓂᐊᖂᔧᓪᓗ ᐃᓕᖃᑦᑕᕐᐰᑦ ᓵᒧᑦ ᒎᓗᓪᓚᕆᖕᒧᑦ, ᓇᓂᕈᐊᓪᓗ ᐃᓂᖏᑦ ᒎᓗᐃᑦ ᓴᓇᓯᒪᔪᑦ ᓇᓂᕈᐊᖏᓪᓗ ᐃᑯᐊᓚᖃᑦᑕᕐᐳᑦ ᐅᓐᓄᑕᒫᑦ; ᐊᑕᓂᐅᑉ ᒎᑎᑦᑕ ᐱᖁᔭᖏᑦ ᒪᓕᒃᐸᕗᑦ, ᐃᓕᑦᓯᓕ ᕿᒪᓚᐅᕐᐸᓯ.

ᐄᓱᕋᐅᑉ ᐊᒡᓚᖏᑦ 6:3

“ᐊᖓᔪᖅᑳᕐᔪᐊᖅ ᓮᕋᓯ ᐊᐅᓚᑦᓯᔨᐅᑎᓪᓗᒍ ᐊᕐᕌᒍᒥ ᓯᕗᓪᓕᕐᐹᒥ ᑎᓕᓯᓚᐅᕐᓯᒪᕗᖅ ᑐᒃᓯᐊᕐᕕᒡᔪᐊᖅ ᔨᕉᓴᓕᒦᑦᑐᖅ ᓴᓇᒋᐊᕐᑕᐅᖁᓪᓗᒍ, ᑐᓂᕐᕈᓯᕐᕕᐅᖃᑦᑕᕐᑐᕐᓗ ᐃᓂᒋᕙᒃᑕᖓᑕ ᑐᓐᖓᕕᖓ ᐋᖅᑭᒃᑕᐅᓗᓂ, ᑐᒃᓯᐊᕐᕕᒡᔪᐊᖅ ᐳᕐᑐᓂᖃᕆᐊᖃᕐᐳᖅ 90ᓂᒃ ᐃᑎᒐᖕᓂᒃ ᓴᓂᒧᓪᓗ ᐃᑎᒐᖕᓂᒃ 90ᓂᒃ,

ᓂᕼᐃᒤᐊᐅᑉ ᐊᒡᓚᖏᑦ 10:34

ᐅᕙᒍᓪᓗ ᐃᓅᔪᒍᑦ, ᑐᓂᕐᕈᓯᕐᑎᑦᓯᔩᓪᓗ, ᓕᕔᑏᓪᓗ, ᓇᓚᐅᑦᑖᕈᑎᓂᒃ ᐊᑐᕐᓗᑕ ᐊᕐᕌᒍᑕᒫᑦ ᓇᓚᐅᑦᑖᖃᑦᑕᕐᓂᐊᕐᐳᒍᑦ ᓇᓪᓕᐊᑦ ᑭᖑᕚᕇᑦ ᐊᕐᕌᒍᒥ ᑐᓂᕐᕈᓯᕈᑎᒃᓴᓂᒃ ᒎᑎᐅᑉ ᐃᒡᓗᖁᑎᖓᓂ ᕿᔪᒃᓴᓂᒃ ᑐᓂᓯᖃᑦᑕᕐᓂᐊᕐᒪᖔᑕ ᓇᓗᓁᕐᓯᒪᔪᖃᖃᑦᑕᖁᓪᓗᒍ, ᓯᕗᓕᕕᓂᑦᑕ ᑭᖑᕚᕇᖑᓂᖏᑕ ᐋᖅᑭᒃᓯᒪᓂᖏᑦ ᒪᓕᒡᓗᒋᑦ, ᐊᕐᕌᒍᑕᒫᑦ ᓇᓪᓕᐅᑎᕙᒃᑐᑦ ᓇᓗᓁᕐᓯᒪᓂᖏᑦ ᒪᓕᒡᓗᒋᑦ, ᑐᓂᕐᕈᓯᕐᕕᖕᒥ ᑐᓂᕐᕈᓯᖃᑦᑕᖁᓪᓗᒋᑦ ᐊᑕᓂᑦᑎᓐᓄᑦ ᒎᑎᑦᑎᓐᓄᑦ ᐱᖁᔭᓂ ᒪᓕᒐᒃᓴᐅᖁᔭᐅᔪᑦ ᑎᑎᕋᕐᓯᒪᓂᖏᑦ ᒪᓕᒡᓗᒋᑦ.