ᑯᕉᓂᑲ ᐂᑉᐸᖏᑦ 2:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᒫᓐᓇ ᑍᒤᒻᒪᑦ ᓂᐊᖂᔭᒃᓮᑦ ᐹᕐᓖᓪᓗ, ᐅᕐᓱᐃᑦ ᕔᓃᓪᓗ, ᐊᖓᔪᖅᑳᒪ ᐅᖃᐅᓯᕆᓚᐅᕐᑕᖏᑦ, ᓇᒃᓯᐅᑎᓕᒃᑭᑦ ᐱᔨᖕᓄᑦ;

ᑯᕉᓂᑲ ᐂᑉᐸᖏᑦ 2:15 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 2:10

ᐱᔨᑎᓪᓗ ᕿᔪᖕᓂᒃ ᓇᑲᑎᕆᔩᑦ, ᑐᓂᔪᒫᕐᐸᒃᑲ 20,000ᓂᒃ ᐅᖁᒤᓐᓂᓕᖕᓂᒃ ᓂᐊᖂᔭᒃᓴᓂᒃ ᓇᕿᑎᕐᓯᒪᔪᓂᒃ, 20,000ᓂᒡᓗ ᐅᖁᒤᓐᓂᓕᖕᓂᒃ ᐹᕐᓕᓂᒃ, 20,000ᓂᒡᓗ ᖃᓪᓗᑎᓂᒃ ᕔᓂᓂᒃ, 20,000ᓂᒡᓗ ᖃᓪᓗᑎᓂᒃ ᐅᕐᓱᒥᒃ.”

ᐊᑕᓃᑦ ᓯᕗᓪᓖᑦ 5:11

ᓲᓗᒨᓂ ᑐᓂᓯᖕᒥᑎᓪᓗᒍ ᕼᐂᕋᒻᒧᑦ 20,000ᓂᒃ ᐅᖁᒤᓐᓂᖃᕐᑐᓂᒃ ᐊᖓᔪᖅᑳᕐᔪᐊᖃᕐᕕᐅᑉ ᓂᕿᒃᓴᖏᓐᓂᒃ 20,000ᓂᒃ ᐅᖁᒤᓐᓂᖃᕐᑐᓂᒃ, ᐸᐅᕐᖎᑦ ᐅᕐᓱᖏᓐᓂᒃ ᓯᖃᓪᓕᓪᓗᒋᑦ ᐅᕐᓱᓕᐊᕆᓯᒪᔪᓂᒃ ᑐᓂᓯᖃᑦᑕᓚᐅᕐᐳᖅ ᐊᕐᕌᒍᑕᒫᑦ.

ᑯᕉᓂᑲ ᐂᑉᐸᖏᑦ 2:16

ᕿᔪᖕᓂᒡᓗ ᓇᑲᑎᕆᔪᓐᓇᕐᐳᒍᑦ ᓕᐸᓇᓂᒥᑦ ᐱᔭᕆᐊᖃᕐᑕᓕᒫᕐᓂᒃ, ᓇᒃᓯᐅᑎᔪᓐᓇᕐᐸᕗᑦ ᐃᒪᒃᑯᑦ ᐅᓯᑲᕐᑕᐅᑎᒃᑰᕐᑎᓪᓗᒋᑦ ᔮᐸᒧᑦ, ᑍᑲᓐᖓᓪᓕ ᔨᕉᓴᓕᒧᐊᕈᑎᔪᒫᕋᕕᒋᑦ.”

ᔮᓱᐊᑉ ᐊᒡᓚᖏᑦ 19:46

ᒥᔮᑲᓐ, ᕌᑲᓐᓗ, ᓄᓇᓖᓪᓗ ᔮᐸᐅᑉ ᖃᓂᒋᔭᖓᓃᑦᑐᑦ.

ᐄᓱᕋᐅᑉ ᐊᒡᓚᖏᑦ 3:7

ᐃᓄᐃᑦ ᑮᓇᐅᔭᓂᒃ ᑐᓂᓯᓚᐅᕐᐳᑦ ᐊᑭᓕᐅᑎᒃᓴᓂᒃ ᐅᔭᕋᓕᕆᔨᓄᑦ ᕿᔪᓕᕆᔨᓄᓪᓗ ᑐᓂᓯᓚᐅᕆᕗᑦ ᓂᕿᒃᓴᓂᒃ, ᐃᒥᒐᒃᓴᓂᒡᓗ, ᓇᐹᕐᑑᓪᓗ ᐅᕐᓱᖏᓐᓂᒃ ᑐᔫᑎᒃᓴᓂᒃ ᐃᒡᓗᒐᓴᖕᓄᑦ ᑍᕆᒧᑦ ᓮᑐᓂᒧᓪᓗ ᑕᐅᕐᓰᒍᑎᒃᓴᓂᒃ ᓰᑕᕆᓄᑦ ᓯᑎᔪᓄᑦ ᓕᐸᓇᓂᒥᑦ ᐱᓯᒪᔪᓄᑦ, ᑎᑭᐅᑦᔭᐅᒐᔭᕐᑐᓄᑦ ᑕᕆᐅᒃᑯᑦ ᔮᐸᒃᑯᑦ, ᑕᒪᓐᓇ ᐱᓇᓱᐊᕐᑕᐅᓚᐅᕐᐳᖅ ᐊᖏᕈᑎᒋᔭᐅᓯᒪᖕᒪᑦ ᐊᖓᔪᖅᑳᕐᔪᐊᕐᒧᑦ ᓮᕋᓯᒧᑦ ᐴᕐᓯᐊᒥᐅᒧᑦ.

ᐂᓮᐊᓯᐅᑉ ᐊᒡᓚᖏᑦ 60:13

ᓕᐸᓇᓂᐅᑉ ᑕᑯᒥᓇᕐᓂᖏᓐᓄᑦ ᑎᑭᑕᐅᔪᒫᕐᐳᓯ, ᓇᐹᕐᑐᖏᑕ ᓮᐳᕋᓯᒥᒃ ᑍᔭᐅᔪᑦ, ᓇᐹᕐᑐᑐᐃᓐᓁᓪᓗ, ᓇᐹᕐᑐᓪᓗ ᐰᓂᓂᒃ ᑍᔭᐅᔪᑦ, ᐃᑦᔪᕐᓁᑦᑐᕕᖁᑎᒪ ᐃᓂᖓ ᑕᑯᒥᓇᕐᓯᖁᓪᓗᒍ; ᐃᑎᒐᖕᒪ ᐃᓂᖓ ᐱᓐᓇᕐᓇᕐᓯᑎᑦᓱᒪᒐᒃᑯ.

ᔫᓇᐅᑉ ᐊᒡᓚᖏᑦ 1:3

ᓂᑯᕕᑉᐳᕐᓗ ᔫᓇ ᑖᕐᓯᓯᒧᑦ ᕿᒫᔪᒪᓪᓗᓂ ᐊᑕᓂᕐᒥᑦ; ᐊᑎᕐᓗᓂᓗ ᔮᐸᒧᑦ ᐅᒥᐊᕐᔪᐊᕐᓯᐅᕐᐳᖅ ᑖᕐᓯᓯᓕᐊᕐᑐᒥᒃ, ᐊᑭᓖᕗᕐᓗ ᐃᖏᕐᕋᑦᔪᑎᒋᓂᐊᕐᑕᒥᓂᒃ, ᐃᑭᕗᕐᓗ ᐅᒥᐊᕐᔪᐊᒧᑦ ᐃᖏᕐᕋᖃᑎᒋᔪᒪᓪᓗᒋᑦ ᑖᕐᓯᓯᒧᑦ, ᕿᒫᔪᒪᓪᓗᓂ ᐊᑕᓂᐅᑉ ᓵᖓᓂᑦ.