ᑯᕉᓂᑲ ᐂᑉᐸᖏᑦ 19:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑍᒤᒃᑲᓗᐊᕐᒪᑦ, ᐱᐅᔪᓂᒃ ᓇᓂᓯᕕᐅᕗᑎᑦ, ᕿᔪᐃᑦ ᐊᓯᕅᑦ ᒎᑎᓐᖑᐊᑦ ᐃᒋᓚᐅᕋᕕᒋᑦ ᓄᓇᒥᑦ, ᐆᒻᒪᑏᓪᓗ ᐋᖅᑭᒃᓯᒪᒐᕕᐅᒃ ᒎᑎᒥᒃ ᕿᓂᕈᒪᓪᓗᑎᑦ.”

ᑯᕉᓂᑲ ᐂᑉᐸᖏᑦ 19:3 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 14:13

ᐃᓴᕆᐊᓕᒥᐅᓕᒫᑦ ᕿᒃᓵᒍᑎᒋᔪᒫᕐᐹᑦ ᐃᓗᕕᕐᓗᒍᓗ; ᑖᓐᓇ ᔨᕈᐳᐊᒻ ᐃᓚᖏᓐᓂ ᐃᓗᕕᕐᑕᐅᔪᑑᔪᒫᕐᐳᖅ, ᑖᓐᓇ ᐊᑕᓂᕐᒧᑦ ᖁᕕᐊᓇᕐᑐᒥᒃ ᐱᑕᓕᑐᐊᖑᖕᒪᑦ ᐃᓴᕆᐊᓕᒥᐅᑦ ᒎᑎᖓᓄᑦ, ᔨᕈᐳᐊᒻ ᐃᓚᓕᒫᖏᓐᓂᑦ.

ᑯᕉᓂᑲ ᐂᑉᐸᖏᑦ 11:16

ᐃᓴᕆᐊᓕᒥᐅᓪᓕ ᑭᖑᕚᖏᓐᓂᑦ ᐱᔪᑦ ᐱᔪᒪᓪᓚᕆᒃᓗᑎᒃ ᕿᓂᕐᑐᑦ ᐊᑕᓂᕐᒥᒃ, ᐃᓴᕆᐊᓕᒥᐅᑦ ᒎᑎᖓᓂᒃ, ᓕᕔᑎᓂᒃ ᒪᓕᒃᐳᑦ ᔨᕉᓴᓕᒧᑦ ᑐᓂᕐᕈᓯᕆᐊᕐᓗᑎᒃ ᐊᑕᓂᕐᒧᑦ ᓯᕗᓕᖏᑕ ᒎᑎᖓᓄᑦ.

ᑯᕉᓂᑲ ᐂᑉᐸᖏᑦ 12:12

ᐃᒻᒥᓂᒃ ᒥᑭᒡᓕᑎᕐᒪᑦ ᐊᑕᓂᐅᑉ ᓂᓐᖓᐅᓯᖓᑕ ᕿᒪᒃᐹ, ᐊᓯᕈᕐᑕᐅᓪᓚᕆᒍᓐᓁᕐᓗᓂᓗ; ᔫᑕᓗ ᖃᓄᐃᓐᓇᖏᑦᓯᐊᕐᑐᒦᓕᕐᓗᓂ.

ᑯᕉᓂᑲ ᐂᑉᐸᖏᑦ 12:14

ᐱᐅᖏᑦᑐᓕᓚᐅᕐᐳᕐᓗ, ᐊᑕᓂᐅᑉ ᐱᔪᒪᔭᖓᓂᒃ ᐆᒻᒪᑎᒥᒍᑦ ᕿᓂᓚᐅᖏᒻᒪᑦ.

ᑯᕉᓂᑲ ᐂᑉᐸᖏᑦ 15:12

ᐊᖏᖃᑎᒌᒃᐳᓪᓗ ᐊᑕᓂᕐᒥᒃ ᓯᕗᓕᖏᑕ ᒎᑎᖓᓂᒃ ᖃᐅᔨᓇᓱᖃᑦᑕᕈᒪᓪᓗᑎᒃ, ᐆᒻᒪᑎᒥᖕᓄᑦ ᑕᕐᓂᕐᒥᖕᓄᓪᓗ ᐃᓘᓐᓈᓄᑦ.

ᑯᕉᓂᑲ ᐂᑉᐸᖏᑦ 15:15

ᔫᑕᒥᐅᓕᒫᓪᓗ ᖁᕕᐊᓱᒃᐳᑦ ᐅᖃᕕᒃᓗᑎᒃ ᐊᖏᕈᑎᒋᔭᒥᖕᓂᒃ; ᐊᖏᒻᒪᕆᓚᐅᕋᒥᒃ ᐆᒻᒪᑎᒥᖕᓄᑦ ᐃᓘᓐᓈᓄᑦ, ᖃᐅᔨᓇᓱᓚᐅᕋᒥᑦᔪᒡᓗ ᐱᔪᓐᓇᕐᓂᓕᒫᒥᖕᓄᑦ, ᓇᓂᓚᐅᕋᒥᑦᔪᒡᓗ, ᐊᑕᓂᐅᓪᓗ ᐸᒡᕕᓴᒃᑕᐅᑎᓚᐅᓐᖏᓔᑦ ᐊᕙᑎᒥᐅᑕᓕᒫᖏᓐᓂᑦ.

ᑯᕉᓂᑲ ᐂᑉᐸᖏᑦ 20:3

ᑕᕝᕙ ᔨᕼᐆᓴᐸᑦ ᑲᑉᐱᐊᓱᓕᕐᐳᖅ, ᐊᑕᓂᕐᒥᒡᓗ ᖃᐅᔨᓴᕈᒪᓕᕐᓗᓂ, ᓂᕆᑦᑍᓕᖁᔨᓕᕐᐳᕐᓗ ᔫᑕᒥᐅᓕᒫᓂᒃ.

ᑯᕉᓂᑲ ᐂᑉᐸᖏᑦ 20:33

ᑭᓯᐊᓂᓕ ᒎᑎᓐᖑᐊᓄᑦ ᑐᒃᓯᐊᕐᕖᑦ ᐲᕐᑕᐅᓚᐅᓐᖏᓚᑦ; ᐃᓄᐃᑦ ᓱᓕ ᐆᒻᒪᑎᒥᒍᑦ ᑐᓂᓪᓚᕆᒃᓯᒪᓚᐅᖏᒻᒪᑕ ᓯᕗᓕᖏᑕ ᒎᑎᖓᓄᑦ.

ᑯᕉᓂᑲ ᐂᑉᐸᖏᑦ 22:9

ᐊᕼᐊᔧᐊᒥᒡᓗ ᕿᓂᕐᑎᑦᓯᓕᕋᒥ, ᐃᔨᕐᓯᒪᑎᓪᓗᒍ ᓴᒥᐊᕆᐊᒥ ᓇᓂᔭᐅᕗᖅ, ᐂᑎᑉᐹᓗ ᔨᕼᐆᒧᑦ ᑕᕝᕙᓂᓗ ᑐᖁᑉᐹ. ᐃᓗᕕᕐᐹᓪᓗ, ᐅᖃᕐᓗᑎᒃ, “ᔨᕼᐆᓴᐸᐅᑉ ᐃᕐᖑᑕᕆᖕᒪᒍ, ᐊᑕᓂᕐᒥᒃ ᕿᓂᓚᐅᕐᑑᑉ ᐆᒻᒪᑎᒥᓄᑦ ᐊᑕᖏᕐᑐᒧᑦ.” ᐊᕼᐊᔧᐊᐅᓪᓗ ᐃᓚᖏᑦ ᐊᒥᐊᒃᑯᖃᕈᓐᓃᓚᐅᕐᐳᖅ ᐃᓇᖐᔪᓐᓇᕐᑐᒥᒃ ᐊᖓᔪᖅᑳᖑᓂᕐᒥᒃ ᐊᑕᓂᐅᕕᖓᓄᑦ.

ᑯᕉᓂᑲ ᐂᑉᐸᖏᑦ 27:6

ᔫᑕᒻᓗ ᐊᔪᖏᑦᑐᕐᔪᐊᕈᓚᐅᕐᐳᖅ, ᐱᓇᓱᐊᑦᓯᐊᕈᒪᓪᓗᓂ ᑐᒃᓯᐊᓚᐅᕐᒪᑦ ᐊᑕᓂᐅᑉ ᒎᑎᖓᑕ ᓵᖓᓂ.

ᑯᕉᓂᑲ ᐂᑉᐸᖏᑦ 30:19

ᐆᒻᒪᑎᒥᒍᑦ ᕿᓂᕐᑐᑦ ᒎᑎᒥᒃ, ᐊᑕᓂᕐᒥᒃ ᓯᕗᓕᖏᑕ ᒎᑎᖓᓂᒃ, ᐃᑦᔪᕐᓁᓕᑎᑕᐅᑦᔪᑏᑦ ᒪᓕᒡᓗᒋᑦ ᓴᓗᒻᒪᕐᑎᑕᐅᓯᒪᖏᒃᑲᓗᐊᕐᑎᓪᓗᒋᑦ.”

ᐄᓱᕋᐅᑉ ᐊᒡᓚᖏᑦ 7:10

ᐄᓱᕋᐅᑉ ᐃᓅᓯᓂ ᑐᓂᓯᒪᓚᐅᕐᐹ ᐃᓕᓴᕐᓗᓂ ᐊᑕᓂᐅᑉ ᐱᖁᔭᖏᓐᓂᒃ, ᐊᑐᖃᑦᑕᓪᓗᒋᑦ, ᐃᓕᓮᑦᔪᑎᒋᓪᓗᒋᓪᓗ ᐱᖁᔧᑦ ᐊᑐᕐᑕᐅᔭᕆᐊᓖᓪᓗ ᐃᓴᕆᐊᓕᒥᐅᑦ ᐃᓄᖁᑎᖏᓐᓄᑦ.

ᐃᓐᖏᕈᑎᑦ 57:7

ᐆᒻᒪᑎᒐ ᑲᔪᓰᓐᓇᕐᐳᖅ, ᒎᑏ, ᐆᒻᒪᑎᒐ ᑲᔪᓰᓐᓇᕐᐳᖅ! ᐃᓐᖏᕐᓂᐊᕐᐳᖓ ᓂᑦᔭᐅᓯᔭᕐᓗᖓᓗ.

ᕉᒪᒥᐅᓄᑦ 7:18

ᖃᐅᔨᒪᕗᖓ ᐱᐅᔪᒥᒃ ᐃᓗᓐᓃᑦᑐᖃᖏᒻᒪᑦ, ᑕᕝᕙ ᑎᒥᓐᓂ. ᓈᒻᒪᒃᑐᒥᒃ ᐱᔪᒪᓂᖃᕋᓗᐊᕐᐳᖓ, ᑭᓯᐊᓂᓕ ᐱᔪᓐᓇᓐᖏᓚᕋ.

ᓴᒧᐃᓕ ᓯᕗᓪᓖᑦ 7:3

ᓴᒧᐃᓕᓕ ᐅᖃᕐᐳᖅ ᐃᓴᕆᐊᓕᒥᐅᑦ ᐃᓄᓕᒫᖏᓐᓄᑦ, “ᐊᑕᓂᕐᒧᑦ ᐅᑎᕐᓂᐊᕈᑦᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ, ᑕᕝᕙ ᒎᑎᓐᖑᐊᑦ ᐱᒃᓴᔭᕆᓐᖏᑕᓯ ᐃᒋᑕᒃᓴᕆᕙᓯ ᒎᑎᓐᖑᐊᓪᓗ ᐊᕐᓇᐅᑉ ᐋᔅᑕᕉᑎᐅᑉ ᐊᑦᔨᓐᖑᐊᖏᑦ, ᐆᒻᒪᑎᑦᓯᒍᑦ ᑐᓂᒃᑲᓐᓂᓕᕆᑦᓯ ᐊᑕᖏᕐᑐᒧᑦ ᐊᑕᓂᖅ ᐱᔨᑦᓯᕐᑕᑐᐊᕆᓕᕐᓗᒍ, ᑕᕝᕙ ᐱᐅᓕᓂᐊᕐᐹᓯ ᐱᓕᔅᑍᓂᒥᐅᑦ ᐱᔪᓐᓇᕐᓂᖏᓐᓂᑦ.”