ᑯᕉᓂᑲ ᐂᑉᐸᖏᑦ 19:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᔨᕼᐆ ᕼᐊᓇᓁᑉ ᐃᕐᓂᖓ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᑖᑦᓱᒧᓐᖓᕐᐳᖅ ᐸᕐᕆᐊᕐᓗᓂᐅᒃ, ᐅᖃᐅᑎᕚᓗ ᐊᖓᔪᖅᑳᕐᔪᐊᖅ ᔨᕼᐆᓴᐸᑦ, “ᐃᑲᔪᕐᑐᒃᓴᐅᕖᑦ ᐱᐅᖏᑦᑐᓕᔪᓂᒃ ᓇᒡᓕᒋᔭᒃᓴᕆᕕᒋᓪᓗ ᐊᑕᓂᕐᒥᒃ ᐆᒥᓱᒃᑐᑦ? ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓᑕ ᖁᓚᖏᐊᓕᕐᐹᑎᑦ.

ᑯᕉᓂᑲ ᐂᑉᐸᖏᑦ 19:2 ပူးပေါင်းရင်းမြစ်များ

ᔧᒥᓯᐅᑉ ᐊᒡᓚᖏᑦ 4:4

ᐊᓯᓐᓂᐊᕐᑎᐅᔪᓯ! ᖃᐅᔨᒪᓐᖏᓚᓰ ᓯᓚᕐᔪᐊᕐᒥᒃ ᐃᓚᓐᓈᖃᕐᓂᖅ ᒎᑎᒥᒃ ᐊᑭᕋᕐᑐᕐᓂᐅᖕᒪᑦ? ᑍᒤᒻᒪᑦ ᓇᓪᓕᐊᑦ ᓯᓚᕐᔪᐊᕐᒥᒃ ᐃᓚᓐᓈᖃᕈᒪᔪᖅ ᑖᓐᓇ ᒎᑎᒥᒃ ᐊᑭᕋᕐᑐᓕᕐᐳᖅ?

ᐃᐱᓯᒥᐅᓄᑦ 5:11

ᑖᕐᑑᑉ ᐱᓂᐊᕐᓂᖏᑦ ᐊᑐᖏᑦᑐᑦ ᐃᓚᐅᖃᑕᐅᕕᒋᓂᐊᕋᓯᒋᒃ, ᖃᐅᒪᔪᒧᓪᓕ ᓴᖅᑭᑎᖔᕐᓯᒋᒃ.

ᑯᕉᓂᑲ ᐂᑉᐸᖏᑦ 18:3

ᐂᕼᐊᑉᓗ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᔫᑕᐅᑉ ᐊᖓᔪᖅᑳᕐᔪᐊᖓᓄᑦ ᔨᕼᐆᓴᐸᑦᒧᑦ ᐅᖃᕐᐳᖅ, “ᐅᓇᑕᕆᐊᖃᑎᒋᔪᓐᓇᕐᐱᖔ ᕌᒪᑦ-ᒋᓖᑎᒨᑦ?” ᑭᐅᕚ, “ᐃᓕᒃᑐᑦ ᑍᒤᑉᐳᖓ, ᐃᓄᖁᑎᒃᑲ ᐃᓄᖁᑎᒋᕙᑎᑦ, ᐃᓚᒋᓂᐊᕐᐸᑦᑎᒋᑦ ᐅᓇᑕᕐᓂᕐᒥ.”

ᑯᕉᓂᑲ ᐂᑉᐸᖏᑦ 32:25

ᕼᐃᓯᑬᐊᓕ ᖃᕿᐊᓕᓚᐅᓐᖏᓚᖅ ᑍᒫᑎᒋ ᐱᑦᓯᐊᕐᕕᐅᒐᓗᐊᕋᒥ, ᐆᒻᒪᑎᖓ ᐱᐅᔪᕆᓕᓚᐅᕐᒪᑦ. ᑍᒤᒻᒪᑦ ᓂᓐᖓᐅᓯᕐᒧᑦ ᑎᑭᑕᐅᓚᐅᕐᐳᖅ ᔫᑕᓗ ᔨᕉᓴᓕᓗ ᐱᖃᓯᐅᑎᓪᓗᒋᒃ.

ᑯᕉᓂᑲ ᐂᑉᐸᖏᑦ 24:18

ᐊᑕᓂᐅᓪᓗ ᐃᒡᓗᖓ ᓯᕗᓕᖏᑦᑕ ᒎᑎᖓᑦ ᑲᒪᒋᔪᓐᓃᕐᐹᑦ, ᐱᔨᑦᓯᖔᓕᕐᓗᑎᒡᓗ ᕿᔪᖕᓄᑦ ᓴᓇᓯᒪᔪᓄᑦ ᒎᑎᓐᖑᐊᓄᓪᓗ ᐊᓯᕋᒧᑦ. ᓂᓐᖓᒡᕕᐅᓂᕐᒧᓪᓗ ᑎᑭᑕᐅᕗᑦ ᔫᑕ ᔨᕉᓴᓕᓗ ᐊᔪᕐᑐᓕᓂᕐᒧᑦ ᐸᓯᔭᒃᓴᐅᓂᖏᑦ ᐱᓪᓗᒋᑦ.

ᑯᕉᓂᑲ ᐂᑉᐸᖏᑦ 20:34

ᔨᕼᐆᓴᐸᐅᓪᓕ ᐱᓂᐊᕐᓂᕕᓂᖏᑕ ᐃᓚᖏᑦ, ᐱᒋᐊᕐᓂᖓᓂᑦ ᑭᖑᓪᓕᕐᐹᒧᑦ, ᑎᑎᕋᕐᓯᒪᕗᑦ ᔨᕼᐆᑉ ᕼᐊᓇᓁᑉ ᐃᕐᓂᖓᑕ ᑎᑎᕋᕐᐸᓪᓕᐊᓯᒪᔭᖏᓐᓂ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᑕ ᑎᑎᕋᕐᑕᐅᕙᓪᓕᐊᓯᒪᕕᖏᓐᓂ.

ᑯᕉᓂᑲ ᐂᑉᐸᖏᑦ 16:7

ᑍᑦᓱᒪᓂᐅᑎᓪᓗᒍ ᕼᐊᓇᓁ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐂᕗᖅ ᐂᓴᒧᑦ ᔫᑕᐅᑉ ᐊᖓᔪᖅᑳᕐᔪᐊᖓᓄᑦ, ᐅᖃᐅᑎᓪᓗᒍᓗ, “ᑕᑎᖃᓚᐅᕋᕕᑦ ᓯᕆᐊᑉ ᐊᖓᔪᖅᑳᕐᔪᐊᖓᓂᒃ, ᐊᑕᓂᕐᒥᒃ ᒎᑎᖕᓂᒃ ᑕᑎᖃᓚᐅᕐᓇᒃ, ᑍᒤᒻᒪᑦ ᓯᕆᐊᑉ ᐊᖓᔪᖅᑳᕐᔪᐊᖓᑕ ᐅᓇᑕᕐᑐᒃᓴᖁᑎᖏᑦ ᐃᓕᖕᓂᒃ ᕿᒤᕗᑦ.

ᐊᑕᓃᑦ ᓯᕗᓪᓖᑦ 16:1

ᐊᑕᓂᐅᑉ ᐅᖃᐅᓯᖓ ᔨᕼᐆᒧᑦ ᑎᑭᑉᐳᖅ ᕼᐊᓇᓁᑉ ᐃᕐᓂᖓᓄᑦ, ᐹᓴᒥᒃ ᐊᑭᕋᕐᑐᕐᓗᓂ ᐃᒫᒃ ᐅᖃᕐᐳᖅ,

ᕉᒪᒥᐅᓄᑦ 8:7

ᐃᓱᒪ ᑎᒥᐅᑉ ᐱᔪᒪᔭᖓᓂᒃ ᓈᓚᒃᑐᖅ ᒎᑎᒥᒃ ᐊᑭᕋᕐᑐᕐᒪᑦ; ᐃᒻᒥᓂᒃ ᑐᓂᔪᒪᓐᖏᓚᖅ ᒎᑎᐅᑉ ᐱᖁᔭᖏᓐᓄᑦ; ᐊᓱᐃᓛᒃ ᐊᔪᓪᓚᕆᒃᐳᖅ.

ᕉᒪᒥᐅᓄᑦ 1:32

ᒎᑎᐅᑉ ᐊᑐᕐᑕᐅᖁᔭᖓ ᓈᒻᒪᓈᕐᓯᒪᔪᖅ ᖃᐅᔨᒪᒐᓗᐊᕐᐹᑦ ᑍᒤᓕᐅᕐᑐᑦ ᑐᖁᑕᒃᓴᐅᓂᖏᓐᓂᒃ, ᑕᒪᒃᑯᓂᖓᓕ ᐊᑐᑐᐃᓐᓇᓐᖏᓚᑦ ᐊᓯᒥᖕᓂᒡᓕ ᐊᒡᓛᑦ ᓈᒻᒪᒃᓴᕐᐳᑦ ᑕᒪᒃᑯᓂᖓ ᐊᑐᕐᑐᓂᒃ.

ᓴᒧᐃᓕ ᓯᕗᓪᓖᑦ 9:9

(ᑍᑦᓱᒪᓂ ᐃᓴᕆᐊᓕᒥ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᑍᔭᐅᕙᓚᐅᕐᐳᑦ ᓇᓚᐅᑦᑍᔨᒥᒃ, ᓇᓪᓕᐊᑐᐃᓐᓇᖅ ᒎᑎᒧᑦ ᐊᐱᖅᑯᑎᒃᓴᖃᕈᓂ, ᐅᖃᕐᐸᓚᐅᕐᐳᑦ, “ᓇᓚᐅᑦᑍᔨᒧᑦ ᐂᓚᐅᕐᑕ.”)

ᕉᒪᒥᐅᓄᑦ 1:30

ᐅᖃᕐᓂᕐᓗᖃᑦᑕᐅᑎᕗᑦ, ᒎᑎᒥᒃ ᐆᒥᓱᒃᐳᑦ, ᓂᓐᖓᐅᒪᓪᓗᑎᒃ ᐅᖃᐅᓯᕾᓐᓇᕐᐳᑦ, ᐱᐅᔪᕆᕗᑦ, ᐅᓇᖕᒥᓁᔭᕐᐳᑦ, ᐱᐅᖏᑦᑐᓕᐅᕈᑎᒃᓴᓂᒃ ᐋᖅᑭᒃᓱᐃᕗᑦ, ᐊᖓᔪᖅᑳᒥᖕᓂᒃ ᓈᓚᒍᓐᓇᓐᖏᓚᑦ.

ᕉᒪᒥᐅᓄᑦ 1:18

ᒎᑎᐅᑉ ᓂᓐᖓᐅᓯᖓ ᕿᓚᖕᒥᑦ ᓴᖅᑭᑎᑕᐅᖕᒪᑦ ᒎᑎᖃᖏᑦᑐᓕᒫᓄᑦ ᐃᓄᐃᓪᓗ ᐱᐅᖏᑐᓕᐅᕐᓂᖏᓐᓄᑦ ᓱᓕᓂᕐᒥᒃ ᐊᒡᕕᐊᕐᓯᔪᓄᑦ ᐱᐅᖏᑦᑐᓕᐅᕐᓂᕐᒥᖕᓄᑦ.

ᔪᐊᓇᓯᐅᑉ ᐊᒡᓚᖏᑦ 15:23

ᐅᕙᓐᓂᒃ ᐆᒥᓱᒃᑑᑉ ᐊᑖᑕᒐᑦᑕᐅᖅ ᐆᒥᒋᒋᕚ.

ᔪᐊᓇᓯᐅᑉ ᐊᒡᓚᖏᑦ 15:18

“ᓯᓚᕐᔪᐊᕐᒥᐅᑦ ᐆᒥᒋᒃᐸᓯ, ᖃᐅᔨᒪᒋᑦᓯ ᐆᒥᒋᖅᑳᕐᒪᖓ ᐃᓕᑦᓯᓐᓂᑦ.

ᐃᓐᖏᕈᑎᑦ 68:1

ᒎᑎ ᒪᑭᓕᕐᓕ, ᐊᑭᕋᖏᓪᓗ ᓯᐊᒻᒪᕐᓗᑎᒃ; ᐊᑭᕋᖏᑦ ᕿᒫᓕᑦ ᑖᑦᓱᒪ ᓵᖓᓂᑦ.

ᐃᓐᖏᕈᑎᑦ 21:8

ᐊᒡᒐᒃᐱᑦ ᐊᑭᕋᕐᑐᕐᑎᑎᑦ ᑕᒪᕐᒥᒃ ᓇᓂᔪᒫᕐᐰᑦ, ᐊᒡᒐᒃᐱᓪᓗ ᑕᓕᕐᐱᒃᐱᑦ ᓇᓂᔪᒫᕐᐰᑦ ᐃᓕᖕᓂᒃ ᐆᒥᓱᒃᑐᑦ.

ᐃᓐᖏᕈᑎᑦ 15:4

ᐱᐅᖏᑦᑐᓕᐅᕐᑎᒥᒡᓗ ᖁᕕᐊᒋᔭᖃᖏᑦᑐᖅ, ᐅᐱᒍᓱᒃᑐᖅ ᒎᑎᒥᒃ ᓯᕘᕋᔪᓂᒃ, ᐊᖏᕈᑎᒥᓂᒃ ᑲᔪᓯᑎᑦᓯᕙᒃᑐᖅ, ᐊᓯᑦᔩᕙᒐᓂᓗ ᐃᒻᒥᓄᑦ ᐋᓐᓂᕐᓇᕋᓗᐊᕐᐸᑦ,

ᑯᕉᓂᑲ ᐂᑉᐸᖏᑦ 18:28

ᑕᕝᕙ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓ ᔨᕼᐆᓴᐸᑦᓗ ᔫᑕᒥᐅᑦ ᐊᖓᔪᖅᑳᕐᔪᐊᖓ ᐂᓚᐅᕐᐴᒃ ᕌᒪᑦ-ᒋᓖᑎᒧᑦ.

ᑯᕉᓂᑲ ᐂᑉᐸᖏᑦ 18:7

ᐃᓴᕆᐊᓕᒥᐅᓪᓕ ᐊᖓᔪᖅᑳᕐᔪᐊᖓ ᑭᐅᕗᖅ ᔨᕼᐆᓴᐸᑦᒧᑦ, “ᐊᖑᑎᑕᖃᕐᐳᖅ ᐊᐱᕆᔪᓐᓇᕐᑕᑦᑎᓐᓂᒃ ᐊᑕᓂᐅᑉ ᐅᖃᐅᓯᖓᓂᒃ, ᒤᑬᐊ ᐃᒻᓚᐅᑉ ᐃᕐᓂᖓ; ᑭᓯᐊᓂᓕ ᐆᒥᒋᕙᕋ, ᐱᐅᔪᓂᒃ ᐅᖃᕈᓐᓇᖏᒻᒪᑦ ᐅᕙᓐᓄᑦ, ᐱᐅᖏᑦᑐᒥᒃ ᑭᓯᐊᓂ.” ᔨᕼᐆᓴᐸᑦᓗ ᐅᖃᕐᐳᖅ, “ᐊᖓᔪᖅᑳᕐᔪᐊᖅ ᑍᒫᒃ ᐅᖃᕐᑐᒃᓴᐅᓐᖏᓚᖅ.”

ᐊᑕᓃᑦ ᓯᕗᓪᓖᑦ 21:25

(ᐂᕼᐊᑉᑐᑦ ᐱᔪᖃᓚᐅᓐᖏᓚᖅ ᐃᒻᒥᓂᒃ ᑐᓂᕐᕈᑎᒋᔪᑎᑐᑦ ᐊᔪᕐᑐᓕᓂᕐᒧᑦ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓄᓕᐊᒥᓄᑦ ᔨᔨᐱᐅᓪᒧᑦ ᑎᓕᐅᕐᑕᐅᓚᐅᕐᒪᑦ.

ᐊᑕᓃᑦ ᓯᕗᓪᓖᑦ 16:12

ᑍᒫᒃ ᑕᕝᕙ ᔨᒻᕆ ᐊᓯᕈᐃᓚᐅᕐᐳᖅ ᐹᓴᐅᑉ ᐃᓚᓕᒫᖏᓐᓂᒃ, ᐊᑕᓂᐅᑉ ᐅᖃᐅᓯᖏᑦ ᒪᓕᒡᓗᒋᑦ, ᐅᖃᐅᓯᖃᓚᐅᕐᒪᑦ ᐹᓴ ᐊᑭᕋᕐᑐᕐᓗᒍ ᔨᕼᐆᒃᑯᑦ ᐅᖃᕐᑎᒥᒍᑦ.

ᐊᑕᓃᑦ ᓯᕗᓪᓖᑦ 16:7

ᓱᓕ ᑕᕝᕙ ᐊᑕᓂᐅᑉ ᐅᖃᐅᓯᖏᑦ ᑎᑭᑉᐳᑦ ᐅᖃᕐᑎᒥᒍᑦ ᔨᕼᐆᒃᑯᑦ ᕼᐊᓇᓁᐊᐅᑉ ᐃᕐᓂᖓᒍᑦ ᐹᓴᒧᑦ ᐃᒡᓗᒥᐅᖃᑎᖏᓐᓄᓪᓗ, ᐊᔪᕐᑐᓕᓂᖓ ᐱᓪᓗᒍ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓂᓐᖎᓚᐅᕐᒪᑦ ᐱᓂᐊᕐᓂᖏᑕ ᓴᖅᑭᑎᑕᖏᓐᓄᑦ, ᔨᕈᐳᐊᒻ ᐊᔪᕐᑐᓕᓂᕆᓚᐅᕐᑕᖓᑐᑦ ᐃᓚᖏᓐᓂᒡᓗ ᑐᖁᕅᓚᐅᕐᓂᖓᓄᑦ.

ᒨᓯᓯ ᑕᓪᓕᒪᖏᑦ 33:11

ᐊᑕᓃᖅ, ᑭᖑᕚᖑᖃᑎᒌᑦ ᑖᒃᑯᐊ ᐱᒋᔭᖏᑦ ᓮᒻᒪᕐᑎᒃᑭᑦ, ᐱᓂᐊᕐᓂᖏᓪᓗ ᐃᓚᓕᐅᒃᑭᑦ; ᐊᑭᕋᕐᑐᕐᑎᓕᒫᖏᑦ ᓵᓚᒋᓗᒋᑦ; ᐆᒥᓱᒃᑐᓪᓗ ᑖᒃᑯᓂᖓ ᒪᑭᒃᑲᓐᓂᕈᓐᓁᖁᓪᓗᒋᑦ.”

ᒨᓯᓯ ᑕᓪᓕᒪᖏᑦ 32:41

ᓴᕕᒡᔪᐊᕋ ᕿᓪᓚᕆᒃᑐᖅ ᐃᐱᒃᓴᕈᒃᑯ, ᑎᒍᒥᐊᓕᕐᓗᖓᓗ ᐃᖅᑲᕐᑐᐃᓂᕐᒧᑦ, ᐊᑭᕋᕐᑐᕐᑎᒃᑲ ᐊᑭᓂᐊᕐᕕᒋᓂᐊᕐᐸᒃᑲ ᓱᒋᐊᕐᓂᐊᕐᓗᒋᓪᓗ ᐅᕙᓐᓂᒃ ᐆᒥᓱᒃᑐᑦ.

ᒨᓯᓯ ᑕᓪᓕᒪᖏᑦ 7:10

ᓱᒋᐊᕐᑍᓕᓂᐊᓐᖏᓔᓪᓕ ᑖᑦᓱᒥᖓ ᐆᒥᓱᒃᑐᑦ, ᓄᖑᓪᓗᒋᑦ; ᓄᖅᑲᖓᑎᑦᓯᓂᐊᓐᖏᓚᖅ ᓱᒋᐊᕐᓯᓂᒃᓴᒥᓂᒃ ᑖᑦᓱᒥᖓ ᐆᒥᓱᒃᑐᓂᒃ.

ᒨᓯᓯ ᑕᓪᓕᒪᖏᑦ 5:9

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᖀᒥᒍᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᐃᓐᖏᕈᑎᑦ 71:15

ᖃᓂᓐᓄᑦ ᐅᖃᐅᓯᕆᔪᒪᕙᕋ ᐃᓱᐊᕐᑐᓕᓃᑦ, ᐱᐅᓕᒃᓯᓃᓪᓗ ᐅᓪᓗᖅ ᓈᓗᒍ, ᖃᖓᒃᑯᑦ ᐃᓱᓕᕝᕕᒃᓴᖃᕐᒪᖔᑕ ᖃᐅᔨᒪᖏᓐᓇᒪ.

ᑯᕉᓂᑲ ᐂᑉᐸᖏᑦ 18:1

ᔨᕼᐆᓴᐸᑦ ᐊᒃᓗᐃᑦᑐᒻᒪᕆᐅᓚᐅᕐᐳᖅ ᐅᐱᓐᓇᕐᓗᓂᓗ, ᓄᓕᐊᕐᑖᕐᓂᕐᒥᒍᓪᓗ ᐃᓚᓕᐅᑎᓚᐅᕐᐳᖅ ᐂᕼᐊᐱᒧᑦ.

ᐊᑕᓃᑦ ᓯᕗᓪᓖᑦ 22:44

ᔨᕼᐆᓴᐸᑦᓗ ᐃᓚᓕᐅᕆᓚᐅᕐᐳᖅ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᓂᒃ.

ᑯᕉᓂᑲ ᐂᑉᐸᖏᑦ 19:1

ᔫᑕᒥᐅᑦ ᐊᖓᔪᖅᑳᕐᔪᐊᖓ ᔨᕼᐆᓴᐸᑦ ᔨᕉᓴᓕᒧᑦ ᐅᑎᕐᐳᖅ ᐊᖏᕐᕋᒥᓄᑦ ᖃᓄᐃᓐᓇᓂ.

ᑯᕉᓂᑲ ᐂᑉᐸᖏᑦ 19:10

ᐋᖅᑭᒃᓱᐃᔭᕆᐊᖃᓕᕈᑦᓯ ᖃᑕᓐᖑᑎᑦᓯᓐᓂᒃ ᐃᒡᓗᒐᓴᖕᓃᑦᑐᓂᒃ, ᑐᖁᑦᓯᔪᖃᕐᓯᒪᓂᕐᒧᑦ, ᐱᖁᔭᓂᒃ, ᒪᓕᒐᕐᓂᒡᓗ, ᐊᑐᕐᑕᐅᔭᕆᐊᓕᖕᓂᒃ ᐱᓇᓱᐊᕐᑕᐅᔭᕆᐊᓕᖕᓂᒡᓗ, ᖃᓄᐃᓕᐅᕆᐊᖃᕐᓂᖏᓐᓂᒃ ᐅᖃᐅᑦᔪᕐᑕᒃᓴᕆᕙᓯ, ᐊᑕᓂᐅᑉ ᓂᓐᖓᐅᓯᖓᓄᑦ ᑎᑭᑕᐅᖁᓇᓯ ᖃᑕᓐᖑᑎᓯᓗ. ᑕᕝᕙ ᑍᒫᒃ ᐱᓇᓱᐊᕐᑐᒃᓴᐅᕗᓯ, ᐸᓯᔭᒃᓴᐅᓕᖁᓇᓯ.

ᑯᕉᓂᑲ ᐂᑉᐸᖏᑦ 26:18

ᑖᒃᑯᐊᓗ ᐅᓮᐊ ᐊᖓᔪᖅᑳᕐᔪᐊᖅ ᓵᓐᖓᓕᕐᐹᑦ, ᐅᖃᐅᑎᓪᓗᒍᓗ, “ᑍᒤᓕᐅᕐᑐᒃᓴᐅᓐᖏᓚᑎᑦ ᐅᓮᐊ, ᐃᑯᐊᓪᓔᓗᑎᑦ ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ, ᑐᓂᕐᕈᓯᕐᑎᑦᓯᔩᑦ ᐂᕉᓂᐅᑉ ᑭᖑᕚᖏᑦ ᑖᒃᑯᐊᑐᐊᖅ ᑍᒤᓕᐅᕐᑐᒃᓴᐅᕗᑦ, ᑖᒃᑯᐊ ᐃᑦᔪᕐᓁᑎᑕᐅᓯᒪᕗᑦ ᐃᑯᐊᓪᓔᖁᓪᓗᒋᑦ ᑎᐱᑦᓯᐊᕆᒃᑐᒥᒃ. ᑕᕝᕙᓐᖓᑦ ᐊᓂᓕᕆᑦ ᐃᑦᔪᕐᓁᑦᑐᒃᑯᕕᖕᒥᑦ; ᑕᒻᒪᓚᐅᕋᕕᑦ, ᐃᓕᖕᓂᒃ ᐅᐱᓐᓇᕈᓐᓃᕐᑎᑉᐳᑎ ᐊᑕᓂᕐᒧᑦ ᒎᑎᒧᑦ.”

ᐂᒨᓯᐅᑉ ᐊᒡᓚᖏᑦ 7:14

ᑕᕝᕙ ᐂᒨᓯᐅᑉ ᐊᒪᔧᐊ ᑭᐅᕚ ᐅᖃᐅᑎᓪᓗᒍ: “ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᒋᓐᖏᓛᖓ, ᐃᕐᓂᕆᔭᐅᓇᖓᓘᓐᓃᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ, ᓰᐱᓕᕆᔨᑐᐃᓐᓇᐅᕗᖓᓕ, ᓇᐹᕐᑐᒥᒃ ᓯᑲᒧᐊᕆᒥᒃ ᐸᐅᕐᖓᖏᓐᓂᒡᓗ ᑲᒪᔨᑐᐃᓐᓇᐅᕗᖓ.