ᑯᕉᓂᑲ ᐂᑉᐸᖏᑦ 19:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐋᖅᑭᒃᓱᐃᔭᕆᐊᖃᓕᕈᑦᓯ ᖃᑕᓐᖑᑎᑦᓯᓐᓂᒃ ᐃᒡᓗᒐᓴᖕᓃᑦᑐᓂᒃ, ᑐᖁᑦᓯᔪᖃᕐᓯᒪᓂᕐᒧᑦ, ᐱᖁᔭᓂᒃ, ᒪᓕᒐᕐᓂᒡᓗ, ᐊᑐᕐᑕᐅᔭᕆᐊᓕᖕᓂᒃ ᐱᓇᓱᐊᕐᑕᐅᔭᕆᐊᓕᖕᓂᒡᓗ, ᖃᓄᐃᓕᐅᕆᐊᖃᕐᓂᖏᓐᓂᒃ ᐅᖃᐅᑦᔪᕐᑕᒃᓴᕆᕙᓯ, ᐊᑕᓂᐅᑉ ᓂᓐᖓᐅᓯᖓᓄᑦ ᑎᑭᑕᐅᖁᓇᓯ ᖃᑕᓐᖑᑎᓯᓗ. ᑕᕝᕙ ᑍᒫᒃ ᐱᓇᓱᐊᕐᑐᒃᓴᐅᕗᓯ, ᐸᓯᔭᒃᓴᐅᓕᖁᓇᓯ.

ᑯᕉᓂᑲ ᐂᑉᐸᖏᑦ 19:10 ပူးပေါင်းရင်းမြစ်များ

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:14

᙭ᔅᑑᓯᒥᐅᑕᐅᖃᑎᕗᑦ, ᐃᓇᑉᐸᑦᓯ, ᐱᓇᓱᐊᒐᖃᕋᓱᐊᓐᖏᑦᑐᑦ ᐱᓇᓱᐊᖁᓗᒋᑦ ᐊᔪᕆᕐᑐᕐᓯᒋᒃ, ᓴᓐᖐᓕᓯᒪᔪᑦ ᐱᕙᓪᓕᕐᓇᕐᑐᓂᒃ ᐅᖃᐅᑎᓯᒋᒃ, ᓴᓐᖐᑦᑐᑦ ᐃᑲᔪᕐᓯᒋᒃ, ᑕᒤᓐᓄᑦ ᕿᓄᐃᓵᕐᓂᖃᕆᑦᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 20:31

ᑍᒤᒻᒪᑦ ᖃᐅᔨᓴᑦᓯᐊᓕᕆᑦᓯ, ᐃᖅᑲᐅᒪᓗᓯᓗ ᖁᕝᕕᐅᖃᑦᑕᕐᓗᖓ ᐅᓪᓗᒃᑯᑦ ᐅᓐᓄᐊᒃᑯᓪᓗ ᓄᖅᑲᓚᐅᕐᓯᒪᓇᖓ ᐊᔪᕆᕐᑐᖃᑦᑕᓚᐅᕋᑦᓯ ᐊᕐᕌᒍᓂᒃ ᐱᖓᓱᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 33:6

ᖃᐅᔨᓴᕐᑎᓕ ᑕᑯᒐᓗᐊᕐᓗᓂ ᐊᑭᕋᕐᒥᖕᓂᒃ ᕾᔪᓂᒃ ᑎᑦᑐᓚᐅᒻᒥᒃ ᓂᓪᓕᕐᑎᑦᓯᖏᑉᐸᑦ, ᐃᓅᖃᑎᖏᑦ ᖃᐅᔨᑎᑕᐅᖏᑉᐸᑕ, ᐊᑭᕋᒥᖕᓄᑦ ᑎᑭᑕᐅᓗᑎᒃ, ᑐᖁᑕᐅᔪᖃᕐᐸᑦ; ᑐᖁᑕᐅᔪᖅ ᐊᔪᕐᑐᓕᓂᕐᒥᓃᑎᓪᓗᒍ, ᑖᑦᓱᒪ ᑐᖁᑕᐅᓂᖓᓄᑦ ᖃᐅᔨᓴᕐᑎ ᓵᑕᒃᓴᐅᖔᕋᔭᕐᐳᖅ.

ᑯᕉᓂᑲ ᐂᑉᐸᖏᑦ 19:2

ᔨᕼᐆ ᕼᐊᓇᓁᑉ ᐃᕐᓂᖓ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᑖᑦᓱᒧᓐᖓᕐᐳᖅ ᐸᕐᕆᐊᕐᓗᓂᐅᒃ, ᐅᖃᐅᑎᕚᓗ ᐊᖓᔪᖅᑳᕐᔪᐊᖅ ᔨᕼᐆᓴᐸᑦ, “ᐃᑲᔪᕐᑐᒃᓴᐅᕖᑦ ᐱᐅᖏᑦᑐᓕᔪᓂᒃ ᓇᒡᓕᒋᔭᒃᓴᕆᕕᒋᓪᓗ ᐊᑕᓂᕐᒥᒃ ᐆᒥᓱᒃᑐᑦ? ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓᑕ ᖁᓚᖏᐊᓕᕐᐹᑎᑦ.

ᒨᓯᓯ ᓯᑕᒪᖏᑦ 16:46

ᒨᓯᓯᓗ ᐂᕉᓂᒧᑦ ᐅᖃᕐᐳᖅ, “ᐃᓯᕐᓗᐊᕐᓂᑎᑦᓯᑦᔪᑎᒥᒃ ᑎᒍᓯᒋᑦ, ᐃᑯᒪᔪᒥᒡᓗ ᑐᓂᕐᕈᓯᕐᕕᖕᒥᑦ ᐃᓕᓯᕕᒋᓗᒍ, ᑎᐱᑦᓯᐊᕆᒃᑐᒥᒃ ᐃᓗᓪᓕᕐᓗᒍ, ᑐᐊᕕᕐᓗᑎᑦ ᐃᓄᒋᐊᒃᑐᕐᔪᐊᓄᑦ ᐂᑦᔪᑎᒍᒃ ᐃᓱᒪᒋᔪᓐᓁᕐᕕᐅᖁᓪᓗᒋᑦ; ᐊᑕᓂᐅᑉ ᓂᓐᖓᐅᓯᖓ ᐃᖏᕐᕋᓕᕐᒪᑦ ᑖᑦᓱᒪᓐᖓᑦ. ᑐᖁᑦᓯᔪᖅ ᐋᓐᓂᐊᓇᕐᑐᖅ ᐱᒋᐊᕐᒪᑦ.”

ᑯᕉᓂᑲ ᐂᑉᐸᖏᑦ 19:9

ᐃᒤᓕᐅᖁᕔᓪᓗ: “ᐱᓇᓱᐊᕐᑐᒃᓴᐅᕗᓯ ᐊᑕᓂᖅ ᓯᕘᕋᒋᓗᒍ, ᐅᒃᐱᕐᓇᑦᓯᐊᕐᓗᓯ, ᐆᒻᒪᑎᑦᓯᒍᓪᓗ ᓇᓛᒎᕐᓗᓯ;

ᐃᓯᑭᐊᓕᐅᑉ ᐊᒡᓚᖏᑦ 3:17

“ᐃᓅᑉ ᐃᕐᓂᖓ, ᖃᐅᔨᓴᕐᑎᓐᖑᕐᑎᑉᐸᒋᑦ ᐃᓴᕆᐊᓕᐅᑉ ᑭᖑᕚᖏᓐᓄᑦ; ᑍᒤᒻᒪᑦ ᐅᖃᐅᓯᒃᑲ ᑐᓴᕈᕕᒋᑦ ᖃᓂᓐᓂᑦ ᐊᓂᔪᑦ, ᐃᓂᕐᑎᒃᑭᑦ ᐅᕙᓐᓂᑦ ᐱᔪᓂᒃ.

ᒨᓯᓯ ᐂᑉᐸᖏᑦ 18:16

ᐊᑲᐅᖏᑦᔪᑎᒃᓴᖃᕐᑑᖕᓄᓪᓗ ᐃᓅᖕᓄᑦ ᒪᕐᕉᖕᓄᑦ ᐅᐸᒃᑕᐅᔭᕌᖓᒪ ᑐᑭᑖᕆᐊᖃᖃᑦᑕᕐᐳᖓ ᖃᓄᐃᓕᐅᕆᐊᖃᕐᒪᖔᑎᒃ, ᑐᑭᓯᑎᓪᓗᒋᓪᓗ ᖃᓄᖅ ᒎᑎᐅᑉ ᐱᖁᔭᖏᓐᓂᒃ ᒪᓕᒃᑕᐅᖁᔭᖏᓐᓂᒡᓗ.”

ᒨᓯᓯ ᓯᑕᒪᖏᑦ 17:11

ᒨᓯᓯ ᑍᒤᓕᐅᓚᐅᕐᐳᖅ; ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ.

ᒨᓯᓯ ᑕᓪᓕᒪᖏᑦ 21:5

ᑕᕝᕙ ᓕᕔᑉ ᑭᖑᕚᖏᑦ ᑐᓂᕐᕈᓯᕐᑎᑦᓯᔩᑦ ᓯᕗᒧᐊᒃᑐᒃᓴᐅᕗᑦ, ᑖᒃᑯᐊ ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᖕᒪᒋᑦ ᐱᔨᑦᓯᖁᓪᓗᒋᑦ ᐃᒻᒥᓄᑦ ᓮᒻᒪᕐᑎᑦᓯᔨᐅᖁᓪᓗᒋᓪᓗ ᐊᑕᓂᐅᑉ ᐊᑎᖓᓂ, ᑖᒃᑯᐊ ᐅᖃᐅᓯᖏᑎᒍᑦ ᐊᑭᕋᕐᑑᑎᑦᔪᑎᓕᒫᑦ ᐋᓐᓂᕐᓯᓇᓱᐊᕐᓂᓕᒫᓪᓗ ᑖᒃᑯᓇᓐᖓᑦ ᐃᓱᐊᕐᓯᑎᑕᐅᔪᓐᓇᕐᒪᑕ.