ᑯᕉᓂᑲ ᐂᑉᐸᖏᑦ 18:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᑲᑎᑎᑉᐰᑦ, ᐊᖑᑏᑦ 400, ᐅᖃᐅᑎᓪᓗᒋᓪᓗ, “ᐅᓇᑕᕆᐊᕐᑐᒃᓴᐅᕕᑖ ᕌᒪᑦ-ᒋᓖᑎᒧᑦ, ᐅᕝᕙᓗ ᐅᓇᑕᕆᐊᕐᑐᒃᓴᐅᓐᖏᓚᒎᑦ?” ᑖᒃᑯᐊ ᐅᖃᐅᑎᕚᑦ, “ᑕᑉᐸᐅᖓ ᐂᓕᕆᑦ, ᒎᑎᐅᑉ ᐊᖓᔪᖅᑳᕐᔪᐊᑉ ᐊᒡᒐᖏᓐᓄᑦ ᑐᓂᓂᐊᕐᐰᑦ.”

ᑯᕉᓂᑲ ᐂᑉᐸᖏᑦ 18:5 ပူးပေါင်းရင်းမြစ်များ

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.

ᑎᒧᑎᒧᑦ ᐂᑉᐸᖏᑦ 4:3

ᓇᓪᓕᐅᑎᔪᒫᕐᒪᑦ ᓇᓛᒎᕐᑑᑉ ᐊᔪᕆᕐᑑᑕᐅᓂᖏᓐᓂᒃ ᓈᓚᒍᒪᖏᑦᑐᓂᒃ, ᑖᒃᑯᐊᓗ ᐊᔪᕆᕐᑐᐃᔪᒃᓴᕐᓯᐅᓕᕈᒫᕐᐳᑦ ᑐᓴᕐᓂᕆᔭᒥᖕᓂᒃ ᐊᔪᕆᕐᑐᐃᔪᓐᓇᕐᑐᓂᒃ ᖁᕕᐊᒋᔭᖏᓐᓂᒡᓗ ᐊᔪᕆᕐᑐᐃᔪᓐᓇᕐᑐᓂᒃ,

ᒤᑲᐅᑉ ᐊᒡᓚᖏᑦ 3:11

ᓯᕗᓕᕐᑎᐅᔪᑦ ᐃᖅᑲᕐᑐᐃᖕᒪᑕ ᐊᑭᓕᕐᑕᐅᔪᒪᓂᒃᑯᑦ ᑭᓯᐊᓂ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐃᓕᓮᕙᖕᒪᑕ ᐊᑭᓕᕐᑕᐅᓪᓗᑎᒃ ᑭᓯᐊᓂ, ᓇᓚᐅᑦᑍᔩᓪᓗ ᓇᓚᐅᑦᑍᖕᒪᑕ ᑮᓇᐅᔭᒧᑦ ᑭᓯᐊᓂ, ᐃᓘᓐᓇᑎᒃ ᐊᑕᓂᕐᒧᑦ ᐃᓚᒋᔭᐅᓂᕋᕐᒪᑕ ᐅᖃᕐᐸᖕᒪᑕᓗ, ‘ᐊᑕᓂᐅᑉ ᐃᓚᒋᕚᑎᒍᑦ, ᑲᑉᐱᐊᓇᕐᑐᒧᑦ ᑎᑭᑕᐅᓂᐊᓐᖏᓚᒍᑦ.’

ᒤᑲᐅᑉ ᐊᒡᓚᖏᑦ 2:11

ᐃᓄᒃ ᓴᒡᓗᑐᔪᖅ ᓴᒡᓗᓗᓂ ᐅᖃᕐᐸᑦ ᐃᒫᒃ, “ᓇᓚᐅᑦᑍᓂᐊᕐᐳᖓ ᐃᓕᑦᓯᓐᓄᑦ ᕔᓂᖃᑦᓯᐊᕐᓂᐊᕐᐳᓯ ᐃᒥᐊᓗᖃᕐᓗᓯᓗ ᓴᓐᖏᔪᒥᒃ,” ᑍᒤᑦᑐᒥᒃ ᐊᔪᕆᕐᑐᐃᔨᖃᕈᒪᕗᓯ ᐃᓄᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 13:22

“ᓴᐱᓕᕐᑎᑦᓯᖃᑦᑕᕋᑦᓯ ᐃᓄᖕᓂᒃ ᐃᓱᐊᕐᑐᓕᔪᓂᒃ ᓱᓕᖏᑦᑐᓄᑦ, ᓴᐱᓕᕐᑎᓯᒪᓐᖏᑕᓐᓂᒃ, ᐱᐅᖏᑦᑐᓕᔪᓪᓗ ᐱᐅᖏᑦᑐᓕᓂᕐᒧᑦ ᑲᔪᖏᕐᓴᖃᑦᑕᕋᑦᓯᒋᒃ, ᕿᒤᖁᔨᖃᑦᑕᖏᓐᓇᑦᓯ ᐱᐅᖏᑦᑐᓕᓂᕐᒥᖕᓂᒃ ᐃᓅᓯᕐᒥᖕᓂᒃ ᐱᐅᓕᓯᖁᓇᒋᑦ;

ᔨᕆᒤᐊᐅᑉ ᐊᒡᓚᖏᑦ 42:20

ᑕᒻᒪᕐᐳᓯ ᐊᖏᔪᒥᒃ, ᑐᒃᓯᐅᑦᔭᐅᔪᒪᓯᒪᒐᑦᓯ ᐊᑕᓂᕐᒧᑦ ᒎᑎᑦᑎᓐᓄᑦ, ᐊᖏᕐᓯᒪᕗᓯᓗ ᐅᖃᐅᓯᕆᔭᖏᓐᓂᒃ ᓈᓚᒍᒪᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 23:17

ᒎᑎᒥᒃ ᓇᕐᕈᒋᔭᓖᑦ ᐅᖃᐅᑎᖃᑦᑕᕐᒪᒋᑦ ᐃᒫᒃ, ‘ᐊᑕᓂᖅ ᐅᖃᕐᐳᖅ, ᖃᓄᐃᑕᐅᓇᕐᑐᒧᑦ ᑎᑭᑕᐅᑦᔮᓐᖏᓚᓯ’; ᐆᒻᒪᑎᒥ ᓯᑎᔫᓂᖏᓐᓂᒃ ᒪᓕᒃᑐᑦ ᐅᖃᕐᕕᒋᕙᒃᐰᑦ, ‘ᐊᓯᕈᕐᑕᐅᓇᕐᑐᒧᑦ ᑎᑭᑕᐅᔪᒫᓐᖏᓚᓯ.’”

ᔨᕆᒤᐊᐅᑉ ᐊᒡᓚᖏᑦ 23:14

ᔨᕉᓴᓕᒥᐅᓂᓗ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᐅᔪᓂᒃ ᐱᐅᖏᓐᓂᕐᓴᓂᒃ ᑕᑯᓯᒪᕗᖓ, ᐊᓯᓐᓂᐊᖃᑦᑕᕐᒪᑕ ᐃᓅᓯᖃᓕᕐᓗᑎᒡᓗ ᓱᓕᖏᑦᑐᒥᒃ; ᐱᐅᖏᑦᑐᓕᔪᓂᒃ ᐃᑲᔪᕐᑐᐃᑐᐃᓐᓇᖃᑦᑕᓕᕐᐳᑦ, ᐱᐅᖏᑦᑐᓕᓂᕐᒥᖕᓂᑦ ᓵᒋᐊᕐᑐᖃᕈᓐᓇᕈᓐᓃᕐᐳᖅ; ᓱᑑᒪᒥᐅᓄᑦ ᐊᑦᔨᒋᔭᐅᑎᓕᕐᐸᒃᑲ, ᐃᓄᖏᓪᓗ ᒍᒨᕋᒥᐅᑎᑐᑦ ᑍᒤᓕᕐᓗᑎᒃ.”

ᑯᕉᓂᑲ ᐂᑉᐸᖏᑦ 18:14

ᐊᖓᔪᖅᑳᕐᔪᐊᕐᒧᑦ ᑎᑭᒻᒪᑦ ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᒥᑬᐊ, ᐅᓇᑕᕆᐊᕐᑐᒃᓴᐅᕕᑖ ᕌᒪᑦ-ᒋᓖᑎᒧᑦ, ᐅᕝᕙᓘᓐᓃᑦ ᐅᓇᑕᕆᐊᕐᑐᒃᓴᐅᓐᖏᓚᖓ?” ᑖᑦᓱᒪ ᑭᐅᕚ, “ᐅᓇᑕᕆᐊᓕᕆᑦ ᓵᓚᖃᕆᐊᕐᑐᕐᓗᑎᑦ; ᑍᒃᑯᐊ ᐊᒡᒐᖕᓄᑦ ᑐᓂᔭᐅᓂᐊᕐᐳᑦ.”

ᐊᑕᓃᑦ ᐂᑉᐸᖏᑦ 3:13

ᐃᓔᓴᐅᑉ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ ᐅᖃᐅᑎᕚ, “ᖃᓄᖅ ᐱᓇᓱᐊᖃᑎᒌᒍᓐᓇᓕᕋᓐᓅᒃ? ᐊᑖᑕᒋᓚᐅᕐᑕᕕᑦ ᐅᖃᕐᑎᖏᓐᓄᑦ ᐊᓈᓇᒋᓚᐅᕐᑕᕕᓪᓗ ᐂᖓᓕᕆᑦ.” ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑕ ᑭᐅᕚ, “ᐋᒃᑲᓕ; ᑭᓯᐊᓂ ᐱᖓᓲᓪᓗᑕ ᐊᖓᔪᖅᑳᕐᔪᐊᖑᔪᒍᑦ ᐊᑕᓂᕐᒧᑦ ᑲᑎᖁᔭᐅᓯᒪᔫᔮᓕᕋᑦᑕ ᒧᐊᐱᒥᐅᓄᑦ ᐱᔭᐅᑐᐃᓐᓇᕐᓂᐊᕐᓗᑕ.”

ᐊᑕᓃᑦ ᓯᕗᓪᓖᑦ 18:19

ᒫᓐᓇᓕ ᑍᒤᒻᒪᑦ ᐃᓴᕆᐊᓕᒥᐅᓕᒫᑦ ᑲᑎᓯᖁᓗᒋᑦ ᐅᕙᓐᓂᒃ ᑎᓕᓯᓕᕆᑦ ᖃᖅᑲᒧᑦ ᑳᕐᒥᐅᑉ ᖄᖓᓄᑦ, ᐰᓕᐅᓪᓗ ᐅᖃᕐᑎᖏᑦ 450, ᐊᓯᕋᐅᓪᓗ ᐅᖃᕐᑎᖏᑦ 400, ᓂᕆᕙᒃᑐᑦ ᔨᔨᐱᐊᓕᐅᑉ ᓂᕆᕕᖓᓂ ᕾᖃᑕᐅᓗᑎᒃ.”

ᐊᑕᓃᑦ ᓯᕗᓪᓖᑦ 4:13

ᐱᓐ-ᒋᐳᕐ, ᐊᖓᔪᖅᑳᖑᑎᓪᓗᒍ ᕌᒪᑦ-ᒋᓖᑦᒧᑦ ᐃᒡᓗᒐᓴᒡᔪᐊᓄᑦ ᐊᖏᔪᓄᑦ ᒥᑭᑦᑐᓄᓪᓗ ᓄᓇᓕᖕᓄᑦ ᒋᓖᑦᒦᑦᑑᓄᑦ ᔧᕆᐅᑉ ᑭᖑᕚᖑᖃᑎᖏᓐᓄᑦ, ᒫᓇᓯᒥᒃ ᓯᕗᓕᖃᕐᑐᓄᑦ, ᐊᕐᒎᑉᒧᑦ ᐹᓴᓂᒦᑦᑐᒧᑦ, 60ᓄᓪᓗ ᓄᓇᓕᖕᓄᑦ ᐊᖏᓂᕐᓴᐅᔪᓄᑦ, ᐊᕙᓗᕐᔪᐊᖃᕐᑐᓄᑦ ᓴᕕᕋᔮᓗᖕᓂᒃ ᑲᓐᓄᔭᓂᒃ ᐅᒃᑯᐊᕐᔪᐊᖃᕐᑐᓄᑦ.

ᑯᕉᓂᑲ ᐂᑉᐸᖏᑦ 18:4

ᔨᕼᐆᓴᐸᑦᓗ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᑦ ᐅᖃᒃᑲᓐᓂᕐᐳᖅ, “ᐊᑕᓂᐅᑉ ᐅᖃᐅᓯᖓᓂᒃ ᖃᐅᔨᒋᐊᖅᑳᕐᑐᒃᓴᐅᕗᒍᒃ.”

ᑯᕉᓂᑲ ᐂᑉᐸᖏᑦ 18:6

ᔨᕼᐆᓴᐸᑦᓕ ᐅᖃᕐᐳᖅ, “ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓂᒃ ᐱᑕᖃᕆᐊᓪᓚᓐᖏᓛᖅ ᐊᐱᕆᔪᓐᓇᕐᑕᑦᑎᓐᓂᒃ?”

ᐊᑕᓃᑦ ᓯᕗᓪᓖᑦ 12:9

ᑖᒃᑯᓄᖓ ᐊᐱᕆᒋᕔᑦ, “ᖃᓄᕐᓕ ᐃᓱᒪᕕᓯ? ᐃᓄᐃᑦ ᐅᖃᐅᑎᒐᔭᕈᒃᑭᑦ ᐅᕙᓐᓄᑦ ᐅᖃᓚᐅᕐᑐᑦ, ‘ᐊᑖᑕᕕᑦ ᐅᖁᒤᒃᓴᕐᑎᑦᓯᑦᔪᑎᒋᓚᐅᕐᑕᖏᑦ ᐅᕿᒡᓕᒋᐊᕐᑎᓚᐅᒃᑭᑦ’?”

ᔨᕆᒤᐊᐅᑉ ᐊᒡᓚᖏᑦ 23:16

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: “ᓇᓚᐅᑦᑍᓂᕐᓗᒃᑐᑦ ᐅᖃᐅᓯᕆᔭᖏᑦ ᓈᓚᒃᑍᓕᓯᒋᒃ; ᓱᓕᖏᑦᑐᓂᒃ ᓂᕆᐅᒋᔭᒃᓴᕐᑖᕐᑎᖃᑦᑕᕐᒪᓯ ᐃᓱᒪᒋᔭᑐᐃᓐᓇᕐᒥᖕᓂᒡᓗ ᑕᑯᑎᑕᐅᓂᕋᕐᐸᒃᓗᑎᒃ ᐊᑕᓂᕐᒥᑦ ᐱᖏᑦᑐᓂᒃ.