ᑯᕉᓂᑲ ᐂᑉᐸᖏᑦ 18:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᓯᕆᐊᒥᐅᓪᓕ ᐊᖓᔪᖅᑳᕐᔪᐊᖓᑦ ᑎᓕᓯᓚᐅᕐᐳᖅ ᐊᖓᔪᖅᑳᖁᑎᒥᓄᑦ ᐊᒃᓴᓗᐊᓕᖕᒦᑦᑐᓄᑦ ᐅᖃᐅᑎᓪᓗᒋᑦ, “ᐅᓇᑕᕐᑍᓕᒋᑦᓯ ᒥᑭᔪᓂᒃ ᐊᖏᔪᓂᒡᓗ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓂᒃ ᑖᑦᓱᒥᖓᑐᐊᖅ ᐱᓇᓱᐊᕐᓂᐊᕐᐳᓯ.”

ᑯᕉᓂᑲ ᐂᑉᐸᖏᑦ 18:30 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 19:11

ᐊᖑᑎᓪᓗ ᑕᐅᑐᒍᓐᓃᕐᑎᑉᐰᑦ, ᐹᖓᑕ ᓯᓚᑖᓃᑦᑐᑦ, ᐃᓅᓱᒃᑐᑦ ᐃᓄᑐᕾᓪᓗ, ᐃᒡᓘᑉ ᒪᑐᐊᓂᒃ ᓇᓂᓯᓇᓱᒡᓗᑎᒃ ᓴᐱᓕᖁᓪᓗᒋᑦ.

ᐊᑕᓃᑦ ᓯᕗᓪᓖᑦ 20:42

ᐅᖃᐅᑎᓕᕐᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᐊᖑᒻᒥᒃ ᑐᖁᑕᐅᖁᓚᐅᕐᑕᓐᓂᒃ ᑐᖁᑦᓯᖏᓪᓗᑎᑦ ᐊᐅᓪᓚᕐᑎᑦᓯᓚᐅᕋᕕᑦ, ᑍᒤᒻᒪ ᐃᓅᓯᑦ ᐃᓅᓯᖓᓄᑦ ᐃᓇᖏᐅᑎᔪᒃᓴᐅᕗᖅ, ᐃᓄᖁᑎᖏᓪᓗ ᐃᓄᖁᑎᖕᓄᑦ.’”

ᐊᑕᓃᑦ ᓯᕗᓪᓖᑦ 22:31

ᓯᕆᐊᒥᐅᓪᓕ ᐊᖓᔪᖅᑳᕐᔪᐊᖓ ᐱᖁᔨᓚᐅᕐᐳᖅ ᐊᖓᔪᖅᑲᐅᔪᓂᒃ 32ᓂᒃ ᐅᓇᑕᐅᑎᓕᖕᓂᒃ ᐊᒃᓴᓗᐊᓕᖕᓂᒃ, ᐅᖃᐅᑎᓪᓗᒋᑦ, “ᑐᖁᑦᓯᓇᓱᒃᑍᓕᒋᑦᓯ ᒥᑭᔪᓂᒃ ᐊᖏᔪᓂᒡᓗ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓂᒃ ᑭᓯᐊᓂ ᐱᓇᓱᖕᓂᐊᕐᐳᓯ.”

ᑯᕉᓂᑲ ᐂᑉᐸᖏᑦ 15:13

ᓇᓪᓕᐊᓪᓗ ᐊᑕᓂᕐᒥᒃ ᖃᐅᔨᓇᓱᐊᖃᑦᑕᕈᒪᖏᑦᑐᖅ ᐃᓴᕆᐊᓕᐅᑉ ᒎᑎᖓᓂᒃ, ᑐᖁᑕᐅᔪᒃᓴᐅᕗᖅ, ᐃᓅᓱᒃᑑᒐᓗᐊᕐᐸᑦ ᐃᓄᑐᖃᐅᒃᐸᓪᓘᓐᓃᑦ, ᐊᖑᑕᐅᒃᐸᑦ ᐊᕐᓇᐅᒃᐸᓪᓘᓐᓃᑦ.

ᑯᕉᓂᑲ ᐂᑉᐸᖏᑦ 18:29

ᐃᓴᕆᐊᓕᒥᐅᑦ ᐊᖓᔪᖅᑳᖓ ᐅᖃᕐᐳᑦ ᔨᕼᐆᓴᐸᑦᒧᑦ, “ᐅᕙᓐᓂᒃ ᐃᓕᑕᕐᓇᕈᓐᓃᕐᑎᓪᓗᖓ ᐅᓇᑕᕆᐊᕈᒪᕗᖓ, ᐃᕝᕕᓪᓕ ᐅᓕᒡᔪᐊᑦ ᐊᑐᓕᕈᒃ.” ᑕᕝᕙ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓ ᐃᒻᒥᓂᒃ ᐃᓕᑕᕐᓇᕈᓐᓃᕐᑎᑉᐳᖅ; ᐅᓇᑕᕆᐊᓕᕐᓗᑎᒡᓗ.

ᑯᕉᓂᑲ ᐂᑉᐸᖏᑦ 18:31

ᐊᒃᓴᓗᐊᓕᖕᓃᑦᑐᑦ ᐊᖓᔪᖅᑲᐅᔪᑦ ᑕᑯᒐᒥᒃ ᔨᕼᐆᓴᐸᑦᒥᒃ ᐅᖃᕐᐳᖅ, “ᑍᑲ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓ!” ᑖᑦᓱᒥᖓᓗ ᐅᓇᑕᕆᐊᓕᕐᐳᑦ; ᔨᕼᐆᓴᐸᑦᓕ ᐊᑕᓂᕐᒧᑦ ᕾᒐᓛᕐᐳᖅ ᐃᑲᔪᕐᑕᐅᔪᒪᓪᓗᓂ, ᐊᑕᓂᐅᓪᓗ ᐃᑲᔪᓕᕐᐹ. ᒎᑎᐅᓪᓗ ᓴᖑᑎᑉᐰᑦ ᑖᑦᓱᒪᓐᖓᑦ.

ᒨᓯᓯ ᑕᓪᓕᒪᖏᑦ 1:17

ᐃᓔᓐᓇᖏᓐᓂᒃ ᑕᑉᐱᕐᓱᐃᓗᓯ ᐱᓇᓱᐊᕐᑐᒃᓴᐅᓐᖏᓚᓯ ᐋᖅᑭᒃᓱᐃᓕᕐᑎᓪᓗᓯ; ᐋᖅᑭᒃᓱᐃᔪᒃᓴᐅᕗᓯᓕ ᐊᑦᔨᒌᒃᑎᑦᓯᓗᓯ, ᑭᓇᑐᐃᓐᓇᐅᒐᓗᐊᕐᐸᑦ. ᓇᓪᓕᐊᓐᓂᒡᓘᓐᓃᑦ ᓯᕘᕋᒋᔭᖃᕐᑐᒃᓴᐅᓐᖏᓚᓯ, ᑐᑭᑖᕆᔭᓯ ᒎᑎᒥᑦ ᐱᖕᒪᑕ. ᐃᓕᑦᓯᓐᓄᓪᓕ ᓱᓇᑐᐃᓐᓇᖅ ᐅᖁᒤᓗᐊᕐᐸᑦ, ᑕᕝᕙ ᐅᕙᓐᓄᑦ ᑐᓂᔭᒃᓴᕆᕙᓯ, ᑕᕝᕙ ᐅᕙᖓ ᑐᑭᑖᕐᕕᒋᓂᐊᕐᐸᒃᑲ.’