ᑯᕉᓂᑲ ᐂᑉᐸᖏᑦ 17:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑍᒤᒻᒪᑦ ᐊᑕᓂᐅᑉ ᐊᐅᓚᑦᓯᑦᓯᐊᕐᑎᓚᐅᕐᐹ ᐊᖓᔪᖅᑲᐅᕕᖕᒥᒃ; ᔫᑕᒥᐅᓕᒫᓪᓗ ᑐᓂᓯᖃᑦᑕᓚᐅᕐᐳᑦ ᐂᑦᑑᑎᒋᔭᕆᐊᓕᖕᒥᖕᓂᒃ ᔨᕼᐆᓴᐸᑦᒧᑦ; ᐊᒃᓗᐃᓕᑎᓚᐅᕐᐹᑦ ᐅᐱᓐᓇᕐᓯᑎᓪᓗᒍᓗ.

ᑯᕉᓂᑲ ᐂᑉᐸᖏᑦ 17:5 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 13:2

ᐂᑉᕋᒻᓗ ᐊᔪᕐᓴᖏᑦᑐᐊᓘᓚᐅᕐᐳᖅ ᐆᒪᔪᖁᑎᖃᕐᓗᓂ, ᓯᐅᓪᕕᕆᓂᒡᓗ, ᒎᓗᓂᒡᓗ.

ᐊᑕᓃᑦ ᓯᕗᓪᓖᑦ 10:25

ᑎᑭᑎᒋᔭᓕᒫᖏᑦ ᓇᒃᓴᕐᐸᓚᐅᕐᐳᑦ ᑐᓂᕐᕈᑎᒥᖕᓂᒃ ᑖᑦᓱᒧᖓ ᓯᐅᓪᕕᕆᓂᒃ ᒎᓗᓂᒃ ᐊᓐᓄᕌᓂᒃ, ᐅᓇᑕᐅᑎᓂᒃ, ᑎᐱᑎᕈᑎᓂᒡᓗ ᕿᒻᒥᕐᔪᐊᓂᒃ ᓯᐅᑎᖅᑯᕐᑐᔪᓂᒡᓗ, ᑕᒪᓐᓇᓗ ᑍᒤᖏᓐᓇᖃᑦᑕᓚᐅᕐᐳᖅ ᐊᕐᕌᒍᑕᒫᑦ.

ᐊᑕᓃᑦ ᓯᕗᓪᓖᑦ 10:27

ᐊᖓᔪᖅᑳᕐᔪᐊᖑᑎᓪᓗᒍ ᓯᐅᓪᕕᕆᑦ ᐅᔭᕋᑐᐃᓐᓇᑎᑐᑦ ᐱᓚᐅᕐᐰᑦ ᔨᕉᓴᓕᒥ, ᕿᔪᐃᓪᓗ ᓰᑕᕇᑦ ᓯᑕᒃᑍᑦ ᓇᐹᕐᑐᑐᐃᓐᓇᕐᑎᑐᑦ ᓯᑲᒧᐊᑎᑐᑦ ᑍᒤᑦᑑᓪᓗᑎᒃ ᔫᑕᐅᑉ ᓇᑎᕐᓇᖓᓃᑦᑐᑎᑐᑦ.

ᐊᑕᓃᑦ ᓯᕗᓪᓖᑦ 4:21

ᓲᓗᒨᓂᐅᑉ ᐊᐅᓚᑦᓯᓂᖓ ᑎᑭᐅᒪᓚᐅᕐᐳᖅ ᑰᖕᒧᑦ ᐃᕗᕅᑎᒧᑦ ᐱᓕᔅᑍᓂᒥᐅᑦ ᓄᓇᖓ ᑎᑭᓪᓗᒍ ᐄᑦᔨᑉᑎᓂᐅᓪᓗ ᓄᓇᖓᑕ ᑭᒡᓕᖓᓄᑦ ᐃᓱᖃᕐᓗᓂ; ᐊᖓᔪᖅᑳᐅᕕᒋᔭᓕᒪᖓᓂ ᓄᓇᓖᑦ ᑕᒪᕐᒥᒃ ᑖᒃᓯᔭᕐᐸᓚᐅᕐᐳᑦ, ᑖᑦᓱᒪ ᐃᓅᓂᓕᒫᖓᓂ.

ᑯᕉᓂᑲ ᐂᑉᐸᖏᑦ 1:15

ᐊᖓᔪᖅᑳᕐᔪᐊᕐᓗ ᓴᓇᔭᐅᑎᑦᓯᕗᖅ ᓯᐅᓪᕕᕆᓂᒃ ᒎᓗᓂᒡᓗ ᑕᑯᒃᓴᐅᖏᓐᓇᓕᕐᓗᑎᒃ ᔨᕉᓴᓕᐅᑉ ᐅᔭᕋᖏᑎᑐᑦ, ᕿᔪᐃᓪᓗ ᓰᑕᕇᑦ ᐅᓄᕐᑐᕐᔪᐊᑦ ᐊᑐᐃᓐᓇᐅᑎᑉᐰᑦ ᓇᐹᕐᑐᑎᑐᑦ ᓯᑲᒧᐊᑎᑐᑦ ᓇᑎᕐᓇᒦᑦᑐᑎᑐᑦ.

ᑯᕉᓂᑲ ᐂᑉᐸᖏᑦ 18:1

ᔨᕼᐆᓴᐸᑦ ᐊᒃᓗᐃᑦᑐᒻᒪᕆᐅᓚᐅᕐᐳᖅ ᐅᐱᓐᓇᕐᓗᓂᓗ, ᓄᓕᐊᕐᑖᕐᓂᕐᒥᒍᓪᓗ ᐃᓚᓕᐅᑎᓚᐅᕐᐳᖅ ᐂᕼᐊᐱᒧᑦ.

ᑯᕉᓂᑲ ᐂᑉᐸᖏᑦ 32:23

ᐅᓄᕐᑐᕐᔪᐊᓪᓗ ᑐᓂᓯᕗᑦ ᐊᑕᓂᕐᒧᑦ ᔨᕉᓴᓕᒥ ᐱᐅᔪᒻᒪᕆᖕᓂᒡᓗ ᑐᓂᓯᕗᑦ ᕼᐃᓯᑬᐊᒧᑦ ᔫᑕᐅᑉ ᐊᖓᔪᖅᑳᕐᔪᐊᖓᓄᑦ, ᑕᒪᑐᒪᖓᑦ ᐱᒋᐊᕐᓗᓂ ᑭᖑᕐᖓᒍᑦ ᐃᓅᖃᑎᒌᒡᔪᐊᓕᒫᑦ ᐅᐱᒋᓪᓗᒍ ᐊᖏᒡᓕᑎᓕᓚᐅᕐᐹᑦ.

ᑯᕉᓂᑲ ᐂᑉᐸᖏᑦ 9:27

ᐊᖓᔪᖅᑳᕐᔪᐊᑉ ᓯᐅᓪᕕᕇᑦ ᐅᔭᕋᑐᐃᓐᓇᕐᑎᑐᑦ ᔨᕉᓴᓕᒦᑦᑐᑎᑐᑦ ᐃᓱᒪᒋᓚᐅᕐᐰᑦ, ᓇᐹᕐᑐᐃᓪᓗ ᓰᑕᕇᑦ ᐅᓄᕐᑐᐊᓘᓚᐅᕐᐳᑦ ᓇᐹᕐᑐᑎᑐᑦ ᓯᑲᒧᐊᑎᑐᑦ ᓇᕐᓴᒦᑦᑐᑎᑐᑦ.

ᔫᐱᐅᑉ ᐊᒡᓚᖏᑦ 42:12

ᐊᑕᓂᐅᓪᓗ ᔫᐱᐅᑉ ᐃᓅᓯᖓ ᐃᓱᐊᓄᑦ ᑎᑭᓪᓗᒍ ᓮᒻᒪᕐᑎᓚᐅᕐᐹ ᓯᕗᓂᖓᓂ ᐱᒋᓚᐅᕐᑕᖏᓐᓂᑦ ᐊᖏᓂᕐᓴᒻᒪᕆᐊᓗᖕᓂᒃ; ᓰᐱᖁᑎᖃᓕᓚᐅᕐᐳᖅ 14,000ᓂᒃ, ᑳᒥᓕᖁᑎᖃᓕᕐᓗᓂᓗ 6,000ᓂᒃ, ᐃᒻᒧᓕᐅᕐᑏᓪᓗ ᐊᖑᓴᓪᓗᖏᓐᓂᒃ ᕿᒧᒃᓯᐅᑎᓴᓂᒃ 2,000ᓂᒃ, ᓯᐅᑎᖅᑯᑐᔪᖁᑎᖃᓕᕐᓗᓂᓗ ᐊᕐᓇᓪᓗᖕᓂᒃ 1,000ᓂᒃ.

ᐃᓐᖏᕈᑎᑦ 127:1

ᐊᑕᓂᐅᑉ ᐃᒡᓗ ᓴᓇᖏᑉᐸᒍ, ᑕᕝᕙ ᐃᒡᓗᓕᐅᕐᑐᑦ ᑕᒪᐅᖎᓐᓇᖅ ᐱᓇᓱᐊᕐᐳᑦ; ᐊᑕᓂᐅᑉ ᐃᒡᓗᒐᓮᑦ ᑲᒪᒋᖏᑉᐸᒋᑦ, ᑕᕝᕙ ᑲᒪᔨᐅᑉ ᐃᖅᑯᒪᓂᖓ ᑕᒪᐅᖎᓐᓈᕐᐳᖅ.

ᐃᓐᖏᕈᑎᑦ 132:12

ᕿᑐᕐᖓᕕᑦ ᐊᖏᖃᑎᒌᒍᑎᒋᓯᒪᔭᕋ ᓈᓚᖕᓂᐊᕐᐸᑦᔪᒃ ᐅᓐᓂᕐᓯᐅᕈᑎᒋᓯᒪᔭᒃᑲᓗ ᑖᒃᑯᓄᖓ ᐊᔪᕆᕐᑐᐃᑦᔪᑎᒋᓛᕐᑕᒃᑲ, ᕿᑐᕐᖓᖏᑦᑕᐅᖅ ᐃᒃᓯᕙᐅᑕᕐᔪᐊᕐᓂ ᐃᒃᓯᕙᔪᒫᕐᐳᑦ ᐃᓱᖃᖏᑦᑐᒧᑦ.”

ᐃᓐᖏᕈᑎᑦ 68:29

ᔨᕉᓴᓕᒦᑦᑐᖅ ᑐᒃᓯᐊᕐᕕᒃᔪᐊᖁᑏᑦ ᐱᓪᓗᒍ, ᐊᖓᔪᖅᑳᕐᔪᐊᑦ ᐂᑦᑑᑎᓂᒃ ᕾᑦᓯᕕᒋᓂᐊᕐᐹᑎᑦ.

ᐃᓐᖏᕈᑎᑦ 72:10

ᐊᖓᔪᖅᑳᕐᔪᐊᑦ ᑖᕐᓯᓯᒥᐅᑦ ᐅᖓᓯᒃᑐᒥᐅᓪᓗ ᑐᓂᕐᕈᑎᓂᒃ ᕾᑦᓯᔪᒫᕐᐳᑦ; ᐊᖓᔪᖅᑳᕐᔪᐊᓪᓗ ᓰᐸᒥᐅᑦ ᓰᕙᒥᐅᓪᓗ ᑐᓂᕐᕈᑎᒥᖕᓂᒃ ᐋᑦᓯᔪᒫᕐᐳᑦ.

ᐃᓐᖏᕈᑎᑦ 76:11

ᐊᖏᒻᒪᕆᒋᑦᓯ ᐊᑕᓂᕐᒧᑦ ᒎᑎᑦᓯᓐᓄᑦ, ᑲᔪᓯᑎᑦᓯᐊᕐᓗᒋᓪᓗ; ᑲᓂᒋᔭᖓᓃᑦᑐᓕᒫᑦ ᑐᓂᕐᕈᓯᓕᕐᓕᑦ ᑖᑦᓱᒧᖓ ᓯᕘᕋᒋᔭᐅᔭᕆᐊᖃᕐᑐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:12

ᓇᕐᕈᓇᕐᑐᕐᔪᐊᖑᕗᖅ ᐊᖓᔪᖅᑳᕐᔪᐊᖅ ᐱᐅᖏᑦᑐᓕᒃᐸᑦ, ᐃᒃᓯᕙᐅᑕᕐᔪᐊᖓ ᐋᖅᑭᒃᑕᐅᓯᒪᖕᒪᑦ ᐃᓱᐊᕐᑐᓕᓂᕐᒧᑦ.

ᒫᑎᐅᓯᐅᑉ ᐊᒡᓚᖏᑦ 2:11

ᐃᒡᓗᒧᑦ ᐃᑎᕋᒥᒃ, ᓄᑕᕋᑯᓗᒃ ᐊᓈᓇᖓᓗ ᒥᐊᕆ ᑕᑯᒐᒥᑦᔪᒃ, ᓵᖓᓄᑦ ᓰᖅᑯᕐᓗᑎᒃ ᑐᒃᓯᐊᕐᕕᒋᕚᑦ. ᑐᓂᕐᕈᑎᒥᖕᓂᒃ ᓴᖅᑭᑎᑦᓯᓪᓗᑎᒃ ᑐᓂᓯᕕᒋᕚᑦ, ᒎᓗᒥᒃ, ᑎᐱᑦᓯᐊᕆᒃᓴᐅᒥᒡᓗ ᕗᕋᖕᑭᓐᓯᓐᓯᒥᒃ, ᑎᐱᑦᓯᐊᕆᒃᓴᐅᒻᒥᒡᓗ ᒧᕐᒥᒃ.

ᒫᑎᐅᓯᐅᑉ ᐊᒡᓚᖏᑦ 6:33

ᒎᑎᐅᑉ ᐊᑕᓂᐅᕕᖓ ᐱᓇᓱᐊᖅᑳᕐᓯᐅᒃ, ᐱᓂᐊᕐᑕᐅᖁᔭᖓ ᓯᕗᓪᓕᐅᑎᓗᒍ, ᑕᕝᕙ ᑕᒪᒃᑯᓂᖓ ᑕᒤᓐᓂᒃ ᐱᔭᕆᐊᖃᕐᑕᑦᓯᓐᓂᒃ ᑐᓂᓯᕕᒋᓂᐊᕐᐹᓯ.

ᐲᑦᑐᕉᓯ ᓯᕗᓪᓖᑦ 5:10

ᐊᑯᓂᐅᖏᑦᑐᖅ ᐊᒃᓱᕈᖕᓇᕐᑐᔪᐊᒦᑎᑕᐅᓚᐅᕐᓗᓯ, ᒎᑎ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖃᕐᑐᑉ, ᐃᓕᑦᓯᓐᓂᒃ ᕾᖁᔨᓚᐅᕐᑑᑉ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᒧᑦ ᙭ᔅᑑᓯᒥ, ᑖᑦᓱᒪ ᓇᖕᒥᓂᖅ ᐋᖅᑭᒃᓱᕐᓂᐊᕐᐹᓯ, ᐅᒃᐱᕐᓂᒃᑯᑦ ᑐᓐᖓᕕᓕᑦᓯᐊᕐᓗᓯ, ᓴᓐᖏᔫᓕᕐᑎᓪᓗᓯᓗ.

ᓴᒧᐃᓕ ᓯᕗᓪᓖᑦ 10:27

ᐃᓚᖏᓪᓕ ᐊᑭᕋᕐᑐᕐᑐᑦ ᐅᖃᕐᐳᑦ, “ᖃᓅᖅ ᑖᑦᓱᒧᖓ ᐱᐅᓕᔭᐅᔪᓐᓇᕋᑦᑕ?” ᑕᕝᕙ ᑖᑦᓱᒥᖓ ᓇᕐᕈᓕᕐᐳᑦ, ᐂᑦᑐᕐᓇᒍᓗ ᐱᑖᒃᓴᖏᓐᓂᒃ. ᓴᐅᓕᓕ ᓮᒪᓂᖃᑦᓯᐊᓚᕐᐳᖅ.