ᑯᕉᓂᑲ ᐂᑉᐸᖏᑦ 17:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐱᓕᔅᑍᓂᒥᐅᓪᓗ ᐂᑦᑐᐃᔭᕐᑐᕐᐳᑦ ᔨᕼᐆᓴᐸᑦᒧᑦ ᐊᑭᓕᐅᑎᒥᖕᓂᒃ ᓯᐅᓪᕕᕆᓂᒃ, ᐋᕋᑉᒥᐅᓪᓗ ᑐᓂᓯᒋᕗᑦ ᓰᐱᐅᑉ ᐊᖑᓴᓪᓗᖏᓐᓂᒃ 7,700ᓂᒃ, ᒎᑦᓰᓪᓗ ᐊᖑᓴᓪᓗᖏᓐᓂᒃ 7,700ᓂᒃ.

ᑯᕉᓂᑲ ᐂᑉᐸᖏᑦ 17:11 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 8:2

ᒧᐊᐱᒥᐅᓪᓗ ᓵᓚᒋᒋᕔᑦ, ᑎᒍᔭᓂᓗ ᒪᓂᖅᑲᒧᑦ ᓇᓪᓚᕐᑎᑉᐰᑦ; ᐊᒃᓱᓈᒧᑦ ᐆᒃᑐᕋᐅᑎᖃᕐᓗᓂ ᐊᒃᓱᓈᑉ ᐃᓗᐊᓃᑦᑐᑦ ᒪᕐᕈᐃᕐᑕᕐᓗᒋᑦ ᑖᒃᑯᐊ ᑐᖁᑕᐅᑎᑉᐰᑦ, ᐆᒃᑐᕋᕐᑕᖏᑕ ᐱᖓᔪᖏᓐᓃᑦᑐᑦ ᑐᖁᑕᐅᕙᒐᑎᒃ. ᑍᒤᒻᒪᑦ ᒧᐊᐱᒥᐅᑦ ᑍᕕᑎᐅᑉ ᐱᔨᑖᕆᓚᐅᕐᐰᑦ ᑮᓇᐅᔧᔭᓕᕐᓗᑎᒡᓗ ᑖᒃᓰᕈᑎᒥᖕᓂᒃ ᑖᑦᓱᒧᖓ.

ᐊᑕᓃᑦ ᓯᕗᓪᓖᑦ 5:1

ᕼᐂᕋᒻ ᑍᕆᐅᑉ ᐊᖓᔪᖅᑳᕐᔪᐊᖓ ᐱᔨᒥᓂᒃ ᑎᓕᓯᓚᐅᕐᐳᖅ ᓲᓗᒨᓂᒧᑦ, ᑐᓴᕋᒥ ᓲᓗᒨᓂ ᐊᖓᔪᖅᑳᕐᔪᐊᓐᖑᕐᑎᑕᐅᖕᒪᑦ ᐊᑖᑕᒥᓂᒃ ᐃᓇᖐᓪᓗᓂ, ᕼᐂᕋᒥᐅᑉ ᑍᕕᑎ ᐃᓚᓐᓈᕆᓚᐅᕋᒥᐅᒃ.

ᐊᑕᓃᑦ ᐂᑉᐸᖏᑦ 3:4

ᒧᐊᐱᒥᐅᑦ ᐊᖓᔪᖅᑳᕐᔪᐊᖓᑦ ᒦᓴ ᓰᐱᓂᒃ ᕿᑐᕐᖏᐅᕐᑎᑦᓯᔨᐅᒐᒥ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑐᓂᓯᔭᕆᐊᖃᖃᑦᑕᓚᐅᕐᐳᖅ ᓰᐱᐅᑉ ᓄᕐᕋᖏᓐᓂᒃ 100,000ᓂᒃ ᐊᒻᒪᓗ ᓰᐲᑦ ᐊᖑᓴᓪᓗᖏᑕ 100,000ᐃᑦ ᒥᖅᑯᖏᓐᓂᒃ.

ᑯᕉᓂᑲ ᐂᑉᐸᖏᑦ 17:12

ᔨᕼᐆᓴᐸᑦᓗ ᐱᔪᓐᓇᕐᓯᕙᓪᓕᐊᓚᐅᕐᐳᖅ ᑲᔪᓯᔪᒥᒃ. ᓴᐴᓗᑕᓕᐅᓚᐅᕐᐳᕐᓗ ᔫᑕᒥ ᐃᒡᓗᒐᓴᖕᓂᒃ ᓱᓇᑐᐃᓐᓇᒃᑯᕕᖕᓂᒡᓗ.

ᑯᕉᓂᑲ ᐂᑉᐸᖏᑦ 17:5

ᑍᒤᒻᒪᑦ ᐊᑕᓂᐅᑉ ᐊᐅᓚᑦᓯᑦᓯᐊᕐᑎᓚᐅᕐᐹ ᐊᖓᔪᖅᑲᐅᕕᖕᒥᒃ; ᔫᑕᒥᐅᓕᒫᓪᓗ ᑐᓂᓯᖃᑦᑕᓚᐅᕐᐳᑦ ᐂᑦᑑᑎᒋᔭᕆᐊᓕᖕᒥᖕᓂᒃ ᔨᕼᐆᓴᐸᑦᒧᑦ; ᐊᒃᓗᐃᓕᑎᓚᐅᕐᐹᑦ ᐅᐱᓐᓇᕐᓯᑎᓪᓗᒍᓗ.

ᑯᕉᓂᑲ ᐂᑉᐸᖏᑦ 21:16

ᐊᑕᓂᐅᓪᓗ ᐱᓕᔅᑍᓂᒥᐅᑦ ᐋᕋᑉᒥᐅᓪᓗ ᐃᑎᐅᐱᐊᑉ ᖃᓂᒋᔮᓂ ᓄᓇᖃᕐᑐᑦ ᐊᐅᓚᑦᔭᒃᑎᑉᐰᑦ ᓂᓐᖓᐅᑦᔨᓗᑎᒃ ᐊᑭᕋᕐᑐᓕᖁᓪᓗᒋᑦ ᔨᕼᐅᕌᒻᒥᒃ;

ᑯᕉᓂᑲ ᐂᑉᐸᖏᑦ 26:8

ᐊᒧᓁᑎᒥᐅᓪᓗ ᐃᓚᓕᐅᕆᕗᑦ ᐅᓮᐊᒥᒃ, ᐊᔪᖏᓐᓂᖓᓗ ᖃᐅᔨᒪᔭᐅᑦᓯᐊᓕᓚᐅᕐᐳᖅ ᐄᑦᔨᑉᑎᒥᐅᑦ ᓄᓇᖓᑕ ᑭᒡᓕᖓᓄᑦ ᑎᑭᓪᓗᒍ, ᑖᓐᓇᓗ ᓲᖑᔪᕐᔪᐊᓐᖑᓕᓚᐅᕐᐳᖅ.

ᑯᕉᓂᑲ ᐂᑉᐸᖏᑦ 9:14

ᐊᓯᐊᒍᑦ ᓱᓕ ᑐᓂᓯᕕᐅᖃᑦᑕᓚᐅᕆᕗᖅ ᓂᐅᕐᕈᓯᕐᑎᑦᓯᔨᓄᑦ ᓂᐅᕕᕐᑎᓄᓪᓗ; ᐊᖓᔪᖅᑳᕐᔪᐊᓕᒫᓪᓗ ᐊᕋᐱᐊᒥᐅᑦ ᐊᐅᓚᑦᓯᔨᐅᔪᓪᓗ ᓄᓇᓂ ᒎᓗᓂᒃ ᓯᐅᓪᕕᕆᓂᒡᓗ ᑐᓂᓯᖃᑦᑕᓚᐅᕆᕗᑦ ᓲᓗᒨᓂᒧᑦ.

ᑯᕉᓂᑲ ᐂᑉᐸᖏᑦ 9:24

ᑲᑎᓯᔭᕐᑐᕐᑐᓕᒫᑦ ᑐᓂᓯᖃᑦᑕᓚᐅᕐᐳᑦ ᑖᑦᓱᒧᖓ: ᓯᐅᓪᕕᕆᓂᒃ ᒎᓗᓂᒡᓗ, ᐊᓐᓄᕌᓂᒃ, ᑎᐱᑦᓯᐊᕆᒃᓴᐅᑎᓂᒃ ᒨᕋᓂᒃ, ᓂᕿᓄᑦ ᐃᓚᐅᕈᑎᒃᓴᓂᒃ ᒪᒪᕐᑐᓂᒃ, ᕿᒻᒥᕐᔪᐊᓂᒃ, ᓯᐅᑎᖅᑯᕐᑐᔪᓂᒃ, ᐊᕐᕌᒍᑕᒫᑦᓯᐊᖅ ᑲᔪᓯᕙᒃᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 13:20

ᐃᓄᖃᓚᐅᕐᓯᒪᔪᓐᓃᕈᒫᕐᐳᖅ ᓄᓇᒋᔭᐅᕙᒍᓐᓃᕐᓗᓂᓗ ᑭᖑᕚᕇᓕᒫᓄᑦ, ᐋᕋᑉᒥᐅᓄᑦ ᑐᐱᖃᕐᕕᐅᔪᓐᓇᕈᒫᓐᖏᓚᖅ, ᓰᐱᓕᕆᔩᓪᓗ ᓰᐱᖁᑎᑎᒃ ᑕᒫᓃᑎᑦᓱᓐᓇᕈᒫᓐᖏᓔᑦ.

ᐃᓯᑭᐊᓕᐅᑉ ᐊᒡᓚᖏᑦ 27:21

ᐊᕋᐱᐊᒥᐅᑦ ᑭᑕᕆᒥᐅᓪᓗ ᐊᖓᔪᖅᑳᖏᑦ ᐱᖁᑎᑦᓯᓐᓂᒃ ᑕᐅᕐᓰᕕᒋᕙᒃᐸᓯ ᓄᕐᕋᐅᔭᓂᒃ, ᓰᐲᓪᓗ ᐊᖑᓴᓪᓗᖏᓐᓂᒃ, ᒎᑦᓯᓂᒡᓗ ᐱᑖᕐᕕᒋᖔᕐᓗᒋᑦ.