ᑯᕉᓂᑲ ᐂᑉᐸᖏᑦ 17:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᔨᕼᐆᓴᐸᑦᓗ ᐋᓴᐅᑉ ᐃᕐᓂᖓ ᐃᓇᖐᓪᓗᓂ ᐊᖓᔪᖅᑳᕐᔪᐊᕈᕐᐳᖅ, ᐃᒻᒥᓂᒡᓗ ᓲᖑᓯᑎᓐᓇᓱᐊᕐᓗᓂ ᐊᑭᕋᕐᑐᕐᓕᕐᐳᖅ ᐃᓴᕆᐊᓕᒥᐅᓂᒃ.

ᑯᕉᓂᑲ ᐂᑉᐸᖏᑦ 17:1 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 15:24

ᐋᓴᓗ ᑐᖁᖕᒪᑦ ᐃᓗᕕᕐᑕᐅᕗᖅ ᐊᖓᔪᖅᑳᕐᔪᐊᑦ ᐃᓗᕕᕐᑕᐅᕕᖓᓐᓄᑦ ᓯᕗᓕᖓᑕ ᑍᕕᑎᐅᑉ ᐃᒡᓗᒐᓴᖏᓐᓂ; ᐃᕐᓂᖓᓗ ᔨᕼᐆᓴᐸᑦ ᐊᖓᔪᖅᑳᕐᔪᐊᓐᖑᕐᐳᖅ ᑖᑦᓱᒧᖓ ᑭᖑᕝᕕᐅᑎᓪᓗᓂ.

ᐊᑕᓃᑦ ᓯᕗᓪᓖᑦ 22:41

ᔨᕼᐆᓴᐸᑦ ᐂᓴᐅᑉ ᐃᕐᓂᖓ ᐊᖓᔪᖅᑳᕐᔪᐊᕈᓚᐅᕐᐳᑦ ᔫᑕᒥ ᐂᕼᐊᑉ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐃᓴᕆᐊᓕᒥᐅᓂ ᐊᕐᕌᒍᓂᒃ ᓯᑕᒪᓂᒃ.

ᐊᑕᓃᑦ ᐂᑉᐸᖏᑦ 1:17

ᐊᑕᓂᐅᓪᓗ ᐅᖃᕐᑕᖓ ᐃᓔᑦᔭᒃᑯᑦ ᒪᓕᒡᓗᒍ ᑐᖁᕗᖅ. ᐊᕼᐊᔧᐊ ᐃᕐᓂᖃᓚᐅᖏᒻᒪᑦ, ᓄᑲᖓ ᔪᕌᒻ ᐊᖓᔪᖅᑳᕐᔪᐊᓐᖑᕐᐳᖅ ᑖᑦᓱᒪ ᐃᓂᖓᓂ, ᐊᕐᕌᒎᑉ ᐂᑉᐸᕆᓕᕐᑕᖓᓂ ᔨᕼᐅᕌᒻ ᔨᕼᐆᓴᐸᐅᑉ ᐃᕐᓂᖓ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥᐅᓄᑦ.

ᑯᕉᓂᑲ ᓯᕗᓪᓖᑦ 11:10

ᐅᑯᐊ ᑕᕝᕙ ᑍᕕᑎᐅᑉ ᐅᓇᑕᕐᑐᒃᓴᖁᑎᖏᑦ ᐊᖓᔪᖅᑳᑦ ᐊᔪᖏᑦᑐᕐᔪᐊᖑᓚᐅᕐᑐᑦ, ᐱᔪᓐᓇᕐᓯᑎᑦᓯᓚᐅᕐᑐᑦ ᑖᑦᓱᒪ ᐊᖓᔪᖅᑲᐅᕕᖓᓂᒃ, ᐊᑕᐅᑦᓯᒃᑯᑦ ᐃᓴᕆᐊᓕᒥᐅᓕᒫᑦ ᑲᑐᑦᔨᓪᓗᑎᒃ, ᐊᖓᔪᖅᑳᕐᔪᐊᓐᖑᕐᑎᑦᓯᓚᐅᕐᑐᑦ, ᐊᑕᓂᐅᑉ ᐅᖃᐅᓯᖏᑦ ᐃᓴᕆᐊᓕᓄᑦ ᒪᓕᒡᓗᒋᑦ.

ᑯᕉᓂᑲ ᐂᑉᐸᖏᑦ 12:1

ᑕᒪᑐᒪ ᑭᖑᕐᖓᒍᑦ ᕆᕼᐅᐳᐊᒻ ᐊᐅᓚᑦᓯᑦᓯᐊᓕᕐᑎᓪᓗᒍ ᐊᖓᔪᖅᑳᕐᔪᐊᖃᕐᕕᖕᒥᓂᓗ ᓲᖑᓂᖃᑦᓯᐊᓕᕋᒥ, ᐊᑕᓂᐅᑉ ᐱᖁᔭᖏᓐᓂᒃ ᕿᒤᕗᖅ, ᐃᓴᕆᐊᓕᒥᐅᓕᒫᓪᓗ ᒪᓕᒃᑎᒋᓪᓗᒋᑦ.

ᑯᕉᓂᑲ ᐂᑉᐸᖏᑦ 17:2

ᐅᓇᑕᕐᑐᒃᓴᓂᒃ ᐃᓂᑖᕐᑎᑦᓯᕗᖅ ᔫᑕᐅᑉ ᐃᒡᓗᒐᓴᓕᒫᖏᓐᓂ ᓴᐴᓗᑕᓕᖕᓂ, ᐅᓇᑕᕐᑐᒃᓴᒃᑯᕕᓕᐅᕐᐳᕐᓗ ᔫᑕᐅᑉ ᓄᓇᖓᓂ, ᐃᕗᕅᑎᐅᓪᓗ ᐃᒡᓗᒐᓴᖏᓐᓂ ᐊᑖᑕᖓᑕ ᐂᓴᐅᑉ ᓵᓚᒋᓚᐅᕐᑕᖏᓐᓂ.

ᑯᕉᓂᑲ ᐂᑉᐸᖏᑦ 26:8

ᐊᒧᓁᑎᒥᐅᓪᓗ ᐃᓚᓕᐅᕆᕗᑦ ᐅᓮᐊᒥᒃ, ᐊᔪᖏᓐᓂᖓᓗ ᖃᐅᔨᒪᔭᐅᑦᓯᐊᓕᓚᐅᕐᐳᖅ ᐄᑦᔨᑉᑎᒥᐅᑦ ᓄᓇᖓᑕ ᑭᒡᓕᖓᓄᑦ ᑎᑭᓪᓗᒍ, ᑖᓐᓇᓗ ᓲᖑᔪᕐᔪᐊᓐᖑᓕᓚᐅᕐᐳᖅ.

ᑯᕉᓂᑲ ᐂᑉᐸᖏᑦ 32:5

ᐊᖓᔪᖅᑳᕐᔪᐊᑉ ᑕᕝᕙ ᓲᓐᖑᓯᑎᑦᓯᒋᐊᕐᓗᓂ ᐊᕙᓗᕐᔪᐊᒥ ᓯᖁᒥᓯᒪᔪᑦ ᓴᓇᒋᐊᕐᑕᐅᑎᑉᐰᑦ, ᓇᐸᔪᕐᔪᐊᒥᒡᓗ ᓇᑉᐰᕕᒋᓪᓗᒋᑦ, ᓯᓚᑖᒍᓪᓗ ᐊᕙᓗᕐᔪᐊᓕᐅᒃᑲᓐᓂᕐᐳᖅ; ᓲᖑᓯᑎᒋᐊᕐᐹᓗ ᒥᓗᒥᒃ ᐊᑎᓕᒃ ᓴᐴᓗᑕᖅ ᑍᕕᑎᐅᑉ ᐃᒡᓗᒐᓴᖏᓐᓃᑦᑐᖅ, ᓴᓇᑎᑦᓯᕗᕐᓗ ᐅᓇᑕᐅᑎᓂᒃ ᖃᓗᒋᐊᓂᒃ ᓴᐴᓗᑕᕐᓂᒡᓗ ᐅᓄᕐᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 7:27

ᐊᖓᔪᖅᑳᕐᔪᐊᑦ ᕿᒃᓵᒃᑎᑕᐅᔪᒫᕐᐳᑦ, ᐃᕐᓂᖏᓪᓗ ᓴᐱᓕᕈᒫᕐᐳᑦ, ᐃᓄᐃᓪᓗ ᓄᓇᒦᑦᑐᑦ ᐃᕐᓯᓂᕐᒧᑦ ᓴᔪᒃᓱᓕᕈᒫᕐᐳᑦ. ᐱᓂᐊᕐᓂᖏᑦ ᒪᓕᒡᓗᒋᑦ ᐱᓂᐊᕐᕕᒋᔪᒫᕐᐸᒃᑲ, ᐃᖅᑲᕐᑐᐃᓂᖏᑦ ᒪᓕᒡᓗᒋᑦ ᐃᖅᑲᕐᑐᕈᒫᕐᐸᒃᑲ; ᖃᐅᔨᖁᓪᓗᒋᑦ ᐅᕙᖓ ᐊᑕᓂᐅᒐᒪ.”

ᒫᑎᐅᓯᐅᑉ ᐊᒡᓚᖏᑦ 1:8

ᐂᓴᐅᑉ ᐃᕐᓂᕐᑖᕆᕚ ᔨᕼᐆᓴᐸᑦ, ᔨᕼᐆᓴᐸᑦ ᐃᕐᓂᕐᑖᕆᕚ ᔪᕌᒻ, ᔪᕌᒥᐅᑉ ᐃᕐᓂᕐᑖᕆᕚ ᐅᓮᐊ,

ᐃᐱᓯᒥᐅᓄᑦ 6:10

ᑭᖑᓪᓕᕐᐹᒥᒡᓕ, ᓴᓐᖏᔫᒋᑦᓯ ᐊᑕᓂᕐᒥ ᐊᔪᒐᖃᖏᓐᓂᖓᑕ ᐱᔪᓐᓇᕐᑎᑦᓯᓂᖓᓄᑦ.

ᓴᒧᐃᓕ ᓯᕗᓪᓖᑦ 23:16

ᔫᓇᑕᓂᓗ ᓴᐅᓕᐅᑉ ᐃᕐᓂᖓ, ᒪᑭᑉᐳᖅ ᑍᕕᑎᒧᓪᓗ ᐂᕗᖅ ᕼᐅᕆᔅᒧᑦ, ᓲᖑᓯᑎᒋᐊᓪᓚᒃᐹᓗ ᒎᑎᒥ.