ᑯᕉᓂᑲ ᐂᑉᐸᖏᑦ 16:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐃᓗᕕᕐᑕᐅᕗᕐᓗ ᓇᖕᒥᓂᖅ ᐃᓗᕕᕐᕕᒃᓴᓕᐊᕕᓂᕐᒥᓄᑦ ᑍᕕᑎᐅᑉ ᐃᒡᓗᒐᓴᖏᓐᓂ. ᐃᓕᕚᓪᓗ ᐃᓗᕕᖃᕐᕕᖕᒧᑦ ᑎᐱᑦᓯᐊᕆᒃᓴᐅᑎᓄᑦ ᐊᑦᔨᒌᖏᑦᑐᓄᑦ ᑕᑕᑦᑐᒧᑦ ᐃᓚᓯᒪᔪᓂᒃ ᐅᕐᓱᕐᑎᕈᑎᓂᒃ; ᐃᑯᐊᓚᕕᒡᔪᐊᕐᑎᑦᓯᓪᓗᑎᒡᓗ ᑖᓐᓇ ᐅᐱᒋᓪᓗᒍ.

ᑯᕉᓂᑲ ᐂᑉᐸᖏᑦ 16:14 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 21:19

ᐊᑯᓂᐅᓕᕐᑎᓪᓗᒍ, ᐊᕐᕌᒎᒃ ᒪᕐᕉᒃ ᐊᓂᒍᕐᑎᓪᓗᒋᒃ, ᐃᕐᕋᕕᖏᑦ ᐊᓂᕗᑦ ᐋᓐᓂᐊᖃᕐᓂᕐᒥᓄᑦ, ᑐᖁᕗᕐᓗ ᐋᓐᓂᐊᔪᐊᓘᓪᓗᓂ. ᐃᓄᖁᑎᖏᓪᓗ ᑎᐱᑦᓯᐊᕆᒃᑐᓂᒃ ᐅᐱᒍᓲᑎᓂᒃ ᐃᑯᐊᓪᓔᓚᐅᓐᖏᓚᑦ ᑖᑦᓱᒧᖓ, ᓯᕗᓕᖏᓐᓄᑦ ᑍᒤᖃᑦᑕᓚᐅᕐᓂᕐᒥᑐᑦ.

ᒨᓯᓯ ᓯᕗᓪᓖᑦ 50:2

ᔫᓯᐱᓗ ᐱᔨᒥᓂᒃ ᐋᓐᓂᐊᓯᐅᑎᓂᒃ ᑎᓕᓯᕗᖅ ᑐᖁᖓᔪᕐᓯᐅᑎᒥᒃ ᐊᑖᑕᓂ ᒥᖑᐊᕐᑕᐅᖁᓪᓗᓂᐅᒃ. ᑕᕝᕙ ᐋᓐᓂᐊᓯᐅᑏᑦ ᐃᓴᕆᐊᓕ ᑐᖁᖓᔪᕐᓯᐅᑎᒥᒃ ᒥᖑᐊᕐᐹᑦ;

ᔨᕆᒤᐊᐅᑉ ᐊᒡᓚᖏᑦ 34:5

ᖃᓄᐃᖏᑦᓯᐊᕐᓗᑎᑦ ᑐᖁᔪᒫᕐᐳᑎᑦ. ᓯᕗᓕᓯ ᐃᑯᐊᓚᑦᓯᕙᓚᐅᕐᒪᑕ ᐃᓯᕐᓗᐊᕐᓂᑎᑦᓯᓪᓗᑎᒃ ᐃᓅᔪᓐᓃᕐᑐᖃᕌᖓᑦ ᐊᖓᔪᖅᑳᕐᔪᐊᖏᓐᓂᒃ, ᐅᐱᒍᓲᑎᖃᕐᓂᕐᒥᖕᓂᒃ ᓇᓗᓁᕐᓯᑦᔪᑎᒋᓗᒍ, ᑍᒪᒃᑕᐅᖅ ᐃᓕᖕᓂᒃ ᐅᐱᒍᓲᑎᖃᕐᓂᕐᒧᑦ ᐅᒡᒍᐊᕈᑎᖃᕐᓂᕐᒧᓪᓗ ᐃᑯᐊᓚᑦᓯᑦᔪᑕᐅᔪᒫᕆᕗᑎᑦ ᑎᐱᑦᓯᐊᕆᒃᑐᓂᒃ; ᐅᖃᕐᓗᑎᒃ, “ᐊᖓᔪᖅᑳᕆᔭᕗᑦ ᑐᖁᕗᖅ!”’ ᐅᕙᖓ ᑕᒪᑐᒥᖓ ᐅᖃᕐᐳᖓ, ᐊᑕᓂᖅ ᐅᖃᕐᐳᖅ.”

ᒫᑯᓯᐅᑉ ᐊᒡᓚᖏᑦ 16:1

ᓴᐸᑎ ᐊᓂᒍᕐᒪᑦ, ᒥᐊᕆ ᒫᒃᑕᓖᓂ, ᒥᐊᕆᓗ ᔧᒥᓯᐅᑉ ᐊᓈᓇᖓ, ᓴᓗᒥᓗ ᓂᐅᕕᕐᐳᑦ ᑎᐱᑦᓯᐊᕆᒃᓴᐅᑎᓂᒃ, ᔩᓱᓯᐅᑉ ᑎᒥᖓᓄᑦ ᒥᖑᐊᕈᑎᒋᔪᒪᔭᒥᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 22:16

‘ᖃᓄᖅ ᐃᓕᖕᓂᒃ ᐃᓱᒪᒋᕖᑦ? ᑭᓇᒧᑦ ᐱᔪᓐᓇᕐᑎᑕᐅᓪᓗᑎᑦ ᖃᖅᑲᐅᑉ ᐊᑭᓐᓇᖓᒍᑦ ᕾᕈᓱᓕᐅᓚᐅᕐᐱᑦ ᐃᓗᕕᕐᑕᐅᕕᒃᓴᕐᓂᒃ?

ᐃᓕᓯᒪᓃᑦ ᐃᒃᓖᓯᐊᓯᑏᔅ 10:1

ᐊᓇᓐᖐᑦ ᑐᖁᖓᔪᑦ ᑎᐱᑦᓯᐊᕆᒃᓴᐅᑎ ᐅᕐᓱᕐᑎᕈᑎ ᒪᒤᓕᑎᑉᐹᑦ, ᑍᒫᒃ ᓯᓔᓐᓂᐅᑉ ᒥᑭᔫᑉ ᓯᓚᑐᓂᖅ ᐅᐱᒋᔭᐅᓂᕐᓗ ᓵᓚᒋᕚᒃ.

ᑯᕉᓂᑲ ᐂᑉᐸᖏᑦ 35:24

ᐱᔨᖏᑕᓗ ᐊᖅᑲᕐᑎᑉᐹ ᐃᑭᒪᕕᖕᒥᑦ ᐊᒃᓴᓗᐊᓕᖕᒥᑦ ᐂᑉᐸᖓᓄᐊᕐᓗᒍᓗ ᐱᖁᑎᖓᑕ ᐂᑉᐸᖓᓄᑦ ᔨᕉᓴᓕᒧᐊᕈᑎᓪᓗᒍᓗ. ᑐᖁᕗᕐᓗ, ᐃᓗᕕᕐᐹᓪᓗ ᓯᕗᓕᖏᑕ ᐃᓗᕕᖃᕐᕕᖓᓄᑦ. ᔫᑕᒥᐅᓕᒫᓪᓗ ᔨᕉᓴᓕᒥᐅᓪᓗ ᐅᒡᒍᐊᕈᑎᒋᕚᑦ ᕿᒃᓵᒡᓗᑎᒃ ᔫᓮᐊ ᐱᓪᓗᒍ.

ᒨᓯᓯ ᓯᕗᓪᓖᑦ 50:5

ᐊᑖᑕᒪ ᐊᖏᒻᒪᕆᒃᑎᓚᐅᕐᒪᖓ, ᐅᖃᐅᑎᓪᓗᓂᖓ, ‘ᑐᖁᔭᕆᐊᒃᓯᒐᒪ: ᐃᓗᕕᕐᑕᐅᔪᒪᔪᖓ ᐃᓗᕕᖃᕐᕕᓕᐊᕆᓯᒪᔭᓐᓂ ᓄᓇᒥ ᑬᓇᓂᒥ, ᑍᑲᓂ ᐃᓗᕕᕐᑕᒃᓴᕆᕙᕐᒪ.’ ᒫᓐᓇ ᑍᒤᒻᒪᑦ ᐱᔪᓐᓇᕐᑎᓚᐅᓐᖓ, ᑕᑉᐸᐅᖓ ᐊᑖᑕᒐ ᐃᓗᕕᕆᐊᕐᑐᕐᓂᐊᕋᒃᑯ; ᑕᒪᐅᖓᓗ ᐅᑎᓛᕆᕗᖓ.”

ᓴᒧᐃᓕ ᓯᕗᓪᓖᑦ 31:12

ᓯᕘᕋᖏᓐᓂᕐᐹᑦ ᐊᖑᑏᑦ ᐅᓐᓄᐊᓕᒫᖅ ᐱᓱᓚᐅᕐᐳᑦ ᐱᑦ-ᓵᓂᒧᑦ, ᓴᐅᓕᐅᓪᓗ ᐃᕐᓂᖏᑕᓗ ᑎᒥᖏᑦ ᑎᒍᓚᐅᕐᐰᑦ, ᐅᑎᕐᑎᓪᓗᒋᓪᓗ ᔭᐲᓯᒧᑦ, ᑕᕝᕙᓂᓗ ᑎᒥᖏᑦ ᐃᑯᐊᓪᓚᓚᐅᕐᐰᑦ.

ᑯᕉᓂᑲ ᐂᑉᐸᖏᑦ 16:13

ᐂᓴᓗ ᑐᖁᕗᖅ ᓯᕗᓕᒥᓄᓪᓗ ᐂᓪᓗᓂ, ᐊᕐᕌᒍᓂᒃ 41ᓂᒃ ᐊᖓᔪᖅᑳᕐᔪᐊᖑᓕᕐᓗᓂ ᑐᖁᓚᐅᕐᐳᖅ.

ᓴᒧᐃᓕ ᐂᑉᐸᖏᑦ 2:32

ᔪᐊᐱᐅᓪᓗ ᐃᓄᖁᑎᖏᑕ ᐊᓴᕼᐃᐅᓕᐅᑉ ᑎᒥᖓ ᑎᒍᓪᓗᒍ ᐃᓗᕕᕐᐹᑦ ᐃᓚᒌᑦ ᐃᓗᕕᖓᓄᑦ ᐱᑦᓕᐊᒥ. ᔪᐊᐱᒃᑯᓪᓗ ᐅᓐᓄᐊᓕᒫᖅ ᐱᓱᓚᐅᕐᐳᑦ, ᖃᐅᒻᒪᓕᕐᑎᓪᓗᒍᓗ ᕼᐃᐸᕋᓐᒧᑦ ᑎᑭᑉᐳᑦ.

ᑯᕉᓂᑲ ᐂᑉᐸᖏᑦ 32:33

ᕼᐃᓯᑬᐊᓗ ᑕᕾᕐᓯᓕᕐᐳᖅ ᓯᕗᓕᖏᑕ ᐃᓂᖏᓐᓂ, ᐃᓗᕕᕐᐹᓪᓗ ᐃᓗᕕᕐᓂ ᖁᑦᑎᖕᓂᕐᓴᓂ ᑍᕕᑎᐅᑉ ᐃᕐᓂᖏᑕ ᐃᓂᖏᓐᓂ; ᔫᑕᒥ ᔨᕉᓴᓕᒥᓗ ᓄᓇᖃᕐᑐᓕᒫᑦ ᐅᐱᓐᓇᕐᑎᓚᐅᕐᐹᑦ ᑐᖁᑎᓪᓗᒍ. ᐃᕐᓂᖓᓗ ᒫᓇᓯ ᐊᖓᔪᖅᑳᓐᖑᓚᐅᕐᐳᖅ ᑖᑦᓱᒥᖓ ᐃᓇᖐᓪᓗᓂ.