ᑯᕉᓂᑲ ᐂᑉᐸᖏᑦ 16:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐂᓴ ᐊᕐᕌᒍᓂᒃ 39ᓂᒃ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐋᓐᓂᐊᕐᑖᓚᐅᕐᐳᖅ ᐃᑎᒐᖕᒥᒍᑦ, ᐋᓐᓂᐊᓂᖓᓗ ᐱᐅᖏᒻᒪᕆᓕᕋᓗᐊᕐᒪᑦ; ᐋᓐᓂᐊᓂᕐᒥᓄᑦ ᐊᑕᓂᕐᒥᒃ ᐃᑲᔪᕐᑎᒃᓴᕐᓯᐅᓚᐅᓐᖏᓚᖅ, ᐋᓐᓂᐊᓯᐅᕐᑎᓄᓪᓕ ᑭᓯᐊᓂ ᐃᑲᔪᕐᑕᐅᑎᓐᓇᓱᓚᐅᕐᐳᖅ.

ᑯᕉᓂᑲ ᐂᑉᐸᖏᑦ 16:12 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 17:5

ᐃᒫᒃ ᐊᑕᓂᖅ ᐅᖃᕐᐳᖅ: “ᓇᕐᕈᓇᕐᐳᖅ ᐃᓄᖕᒥᒃ ᑕᑎᖃᕐᑐᖅ ᑎᒥᐅᓪᓗ ᓴᓐᖏᓂᖓᓂᒃ ᓲᖑᓂᖃᕋᓱᒃᑐᖅ, ᐆᒻᒪᑎᒥᒍᑦ ᕿᒤᓯᒪᔪᖅ ᐊᑕᓂᕐᒥᒃ.

ᑯᕉᓂᑲ ᐂᑉᐸᖏᑦ 28:22

ᐅᖁᒤᑦᑐᒃᑰᕐᑎᓪᓗᒍ ᐊᖓᔪᖅᑳᕐᔪᐊᖅ ᐂᕼᐊᔅ ᐅᒃᐱᓕᓚᓐᖏᓚᖅ ᐊᑕᓂᕐᒧᑦ; ᓱᕐᕋᓚᐅᓐᖏᓚᖅ ᐊᖓᔪᖅᑳᕐᔪᐊᖅ ᐂᕼᐊᔅ ᐱᐅᓯᕐᒥᓂᒃ.

ᑯᕉᓂᑲ ᐂᑉᐸᖏᑦ 16:9

ᐊᑕᓂᖅ ᒫᓐᖓᑦ ᑕᐅᕗᖓ ᓄᓇᕐᔪᐊᓕᒫᒥᒃ ᑕᑯᓐᓇᕐᒪᑦ, ᓲᖑᓂᕐᒥᓂᒃ ᑕᑯᑎᑦᓯᔪᒪᓪᓗᓂ ᐆᒻᒪᑎᒥᒍᑦ ᐃᒃᐱᒍᓱᑦᓯᐊᕐᑐᓄᑦ ᑖᑦᓱᒥᖓ. ᐱᓂᐊᕐᓃᑦ ᑕᒪᑐᒧᖓ ᓯᓔᑦᑑᓚᐅᕐᒪᑦ; ᑍᒤᒻᒪᑦ ᒫᓐᓇᒥᑦ ᐱᒋᐊᕐᓗᒍ ᐅᓇᑍᓐᓇᕐᓂᐊᓕᕐᐳᑎᑦ.”

ᑯᕉᓂᑲ ᓯᕗᓪᓖᑦ 10:14

ᐊᑕᓂᕐᒥᒡᓗ ᖃᓄᐃᓕᐅᕆᐊᖃᕐᒪᖔᕐᒥ ᐊᐱᕐᓱᓚᐅᖏᒻᒪᑦ. ᑍᒤᒻᒪᑦ ᐊᑕᓂᐅᑉ ᑐᖁᑎᑉᐹ, ᐊᖓᔪᖅᑲᐅᕕᖓᓗ ᑐᓂᕚ ᑍᕕᑎᒧᑦ ᔨᓯᐅᑉ ᐃᕐᓂᖓᓄᑦ.

ᒫᑯᓯᐅᑉ ᐊᒡᓚᖏᑦ 5:26

ᐊᑯᓂ ᐊᒃᓱᕈᕈᑎᒋᓯᒪᕚ ᐋᖅᑭᒃᑕᐅᓇᓱᐊᕋᓗᐊᕐᓗᓂ ᐋᓐᓂᐊᓯᐅᕐᑎᒻᒪᕆᖕᓄᑦ, ᐊᕐᓇᐅᑉ ᐱᖁᑎᓕᒫᓂ ᓄᖑᓚᐅᕐᐰᑦ, ᐋᖅᑭᒃᑕᐅᕙᓪᓕᐊᓇᓂᓕ ᐱᐅᔪᓐᓃᕐᐸᓪᓕᐊᑐᐃᓐᓇᕐᐳᖅ.

ᒫᑯᓯᐅᑉ ᐊᒡᓚᖏᑦ 2:17

ᔩᓱᓯᐅᑉ ᑐᓴᕋᒥᒋᑦ, ᐅᖃᐅᑎᕔᑦ, “ᖃᓄᐃᖏᑦᑐᑦ ᐋᓐᓂᐊᓯᐅᕐᑎᖃᕆᐊᖃᓐᖏᓚᑦ, ᖃᓂᒪᔪᓪᓕ ᑭᓯᒥ; ᐃᓗᐊᕐᑐᓂᒃ ᕾᖁᔨᔭᕐᑐᕐᓯᒪᓐᖏᓚᖓ, ᐊᔪᕐᑐᓕᔪᓂᒡᓕ.”

ᒫᑎᐅᓯᐅᑉ ᐊᒡᓚᖏᑦ 9:12

ᔩᓱᓯᐅᑉ ᑐᓴᕋᒥᒋᑦ ᐅᖃᐅᑎᕔᑦ, “ᖃᓂᒪᖏᑦᑐᑦ ᐋᓐᓂᐊᓯᐅᑎᖃᕆᐊᖃᓐᖏᓚᑦ, ᖃᓂᒪᔪᓪᓕ ᑭᓯᒥ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:19

ᓇᒡᓕᒋᔭᒃᑲ ᐃᓂᕐᑎᕐᓗᒋᑦ ᓱᒋᐊᖃᑦᑕᕐᐸᒃᑲ; ᑍᒤᒻᒪᑦ ᑲᑦᓱᖕᒊᓪᓗᑎᑦ ᖃᕿᐊᓕᕆᑦ.

ᑯᓘᓯᐊᒥᐅᓄᑦ 4:14

ᐃᓚᓐᓇᕆᔭᑦᑕ ᓘᑲᓯᐅᑉ ᐋᓐᓂᐊᓯᐅᕐᑎᒻᒪᕆᐅᔫᑉ ᑏᒪᓯᐅᓪᓗ ᑕᕝᕙᐅᕗᑏᕐᐹᓯ.

ᒫᑎᐅᓯᐅᑉ ᐊᒡᓚᖏᑦ 7:2

ᐃᖅᑲᕐᑐᐃᓂᓯ ᒪᓕᒡᓗᒍ ᑍᒫᓪᓗᐊᖅ ᐃᖅᑲᕐᑐᕐᑕᐅᔪᒫᕆᕗᓯ, ᐱᓇᓱᐊᕐᓂᓯ ᒪᓕᒡᓗᒍ ᑍᒫᓪᓗᐊᖅ ᐱᓇᓱᐊᕐᕕᐅᔪᒫᕆᕗᓯ.

ᔨᕆᒤᐊᐅᑉ ᐊᒡᓚᖏᑦ 8:22

ᓄᓇᒥ ᒋᓕᐊᑎᒥᐅᓂ ᐊᓪᓚᕈᑦᔭᒐᕐᑕᖃᓐᖏᓛᖅ? ᐃᓅᓕᓴᐅᑎᒃᓴᒥᒃ? ᐋᓐᓂᐊᓯᐅᑎᑕᖃᕈᓐᓃᕐᒫᑦ ᑍᑲᓂ? ᐃᓄᖁᑎᒪ ᑭᓪᓕᖏᓐᓄᑦ ᐋᖅᑭᒃᑕᐅᓇᕐᑐᕐᑕᖃᕈᓐᓃᕐᐹ?

ᔫᐱᐅᑉ ᐊᒡᓚᖏᑦ 13:4

ᓇᓗᓂᕆᔧᑦ ᑕᓕᑎᓯᒪᓇᓱᐊᑐᐃᓐᓇᕋᕕᐅᒃ ᓴᒡᓗᓂᒃᑯᑦ; ᐋᓐᓂᐊᓯᐅᑎᒻᒪᕆᒃᑎᑐᑦ ᑭᓇᒥᒡᓘᓐᓃᑦ ᐋᖅᑭᒃᓯᔪᓐᓇᖏᑦᑐᑎᑐᑦ.

ᒨᓯᓯ ᓯᕗᓪᓖᑦ 50:2

ᔫᓯᐱᓗ ᐱᔨᒥᓂᒃ ᐋᓐᓂᐊᓯᐅᑎᓂᒃ ᑎᓕᓯᕗᖅ ᑐᖁᖓᔪᕐᓯᐅᑎᒥᒃ ᐊᑖᑕᓂ ᒥᖑᐊᕐᑕᐅᖁᓪᓗᓂᐅᒃ. ᑕᕝᕙ ᐋᓐᓂᐊᓯᐅᑏᑦ ᐃᓴᕆᐊᓕ ᑐᖁᖓᔪᕐᓯᐅᑎᒥᒃ ᒥᖑᐊᕐᐹᑦ;

ᑯᕉᓂᑲ ᐂᑉᐸᖏᑦ 16:13

ᐂᓴᓗ ᑐᖁᕗᖅ ᓯᕗᓕᒥᓄᓪᓗ ᐂᓪᓗᓂ, ᐊᕐᕌᒍᓂᒃ 41ᓂᒃ ᐊᖓᔪᖅᑳᕐᔪᐊᖑᓕᕐᓗᓂ ᑐᖁᓚᐅᕐᐳᖅ.